اعمال19
1ییٚلہ اپولُس کورنتھسؔ منٛز اوس، پولُسؔ دراو فرُوگیہؔ تہٕ گلتیہؔ ترٲوِتھ آسیہؔ کِنؠ افسسؔ کُن واپس۔ تمِس گو کینٛژن نفرن سٟتؠ ملاقات یمو تس ووٚن زِ اسہِ چُھ ایمان اوٚنمُت۔2تٔمؠ پرُوژھ تِمن، "ییٚلہ توٚہہ خدایہ سنٛدِس پٲغامس پیٚٹھ ایمان اوٚنُو توٚہہ میولا پاک روح؟ تِمو ووٚنُس تورٕ "نہ اسہِ میول نہٕ۔ اسہِ بوز نہٕ یتہِ زِ پاک روح چُھ نٲزل سپدان۔3تہٕ پولُسنؔ پرژھُکھ، "ییٚلہ توٚہہ بپتسمہ روٚٹُو تہٕ توٚہہ کیاہ اوس پےَ؟" تِمو ووٚنُس جواب، "اسہِ کوٚر بپتسمہ دنہٕ وٲلِس یوحناؔ سنٛزِ تعلیمہِ پیٚٹھ یقین"4پولُسنؔ ووٚن، "یوحناؔ سُنٛد بپتسمہ چُھ یمہ کتھِ ہنٛز نشٲنی زِ لوٗکھ ٲسؠ خدایس کُن رجوع کران تہٕ پننیٚو بُرٕ خیالو تہٕ کامیٚو نِشہٕ دور ہیٚوان۔ تٔمؠ ووٚن تِمن یتہِ زِ توٚہؠ أنیٚو بیٚیہِ کانٛسہِ پیٚٹھ ایمان، یُس تمِس پتہٕ ینہٕ وول چُھ، تہٕ سُہ شخص چُھ یسوع۔5ییٚلہ تِمو لوٗکو یہ بوز تہٕ تِمو نیٚو خداوند یسوعؔ سنٛدِ ناو بپتسمہ۔6امہِ پتہٕ تھوو پولُسنؔ اکہ اکہ تِمن سارنی کلس پیٚٹھ اتھٕ تہٕ تِمو منٛزٕ سپُد پرٛتھ اکِس پیٚٹھ پاک روح سُنٛد طاقت نٲزِل۔ پاک روحن کوٚر یمن تِمو، من زبانن منٛز بولنُک طاقت عطا یمہ نہٕ تِمو ہیٚچھمژٕ آسہ، تہٕ تِمو لٲگؠ تِم پٲغامات تہِ بوزٕ ناونؠ یمہ پاک روحن تِمن ونمٕتؠ ٲسؠ۔7تقریباً ٲسؠ باہ نفر یِمن پولُسنؔ بپتسمہ دیُت تہٕ یِمن پیٚٹھ پاک روح نٲزِل سپُد۔8امہ پتہٕ تریٚن ریتن تام رود پولُسؔ پرٛتھ سبت کہ دوٚہہ افسسؔ منٛز یہُودین ہنٛدِس جلسہٕ گاہس منٛز گژھان تہٕ لوٗکن یسوعسؔ متعلق ہیٚچھٕ ناوان تہٕ تِمن آمادٕ کران زِ خدا کتھٕ کٔنؠ کرِ پنُن پان بادشاہ سنٛدؠ رنٛگؠ ظٲہِر۔9مگر کینٛژو یہُودیٚو کوٚر نہٕ امسنٛدِس پٲغامس پیٚٹھ یقین تہٕ تِم ٲسؠ نہٕ تمسُنٛد مذید کینٛہہ بوزُن یژھان۔ تِمو کرِ پولُسؔ سنٛزِ تعلیمہ متعلق واریاہ بُرٕ کتھٕ۔ مگر پولُسنؔ ترٲوؠ تِم أتی تہٕ گو ایمان والین ہنٛز جماتھ ہیٚتھ تُرنسؔ کِس جلسہٕ گاہس منٛز تِمن سمکھنہِ۔10تتہِ دِژ دوٚن ورؠ ین پولُسنؔ لوٗکن تعلیم۔ یتھٕ پٲٹھؠ بوز آسیہ کیٚن علاقن منٛز روزن والیٚو یہُودیٚو تہٕ غٲر یہُودیٚو خداوند یسوعسؔ متعلق پٲغام۔11خداین دیُت پولُسسؔ معجزٕ کرنُک طاقت تہِ۔12اگر بٮ۪مار لوٗکھ پولُسسؔ نِش یتھ ہیٚکہ ہَن نہٕ تہٕ سُہ پلو یتھ پولُسنؔ اتھٕ لوگمُت آسہ ہےتہٕ سُہ بٮ۪مارس پیٚٹھ تراوٕہن۔ نتیجہ نیرِہے یہ زِ بٮ۪مار انسان سپدِہے ٹھیک، تہٕ بدروح تراوٕہن تِمن یلہٕ۔13تتہِ ٲسؠ کینٛہہ یہُودؠ تہِ یمہٕ شہرٕ پتہٕ شہرٕ پھیران ٲسؠ تہٕ تِمو دیُت تِمن جاین بدروحن حکم زِ تِم روزن لوٗکو نِش دوٗر۔ یمو یہُودیٚو منٛزٕ دیُت کینٛژو بد روحن یہ ونِتھ نیرنُک حکم زِ "بہٕ چُھسو توٚہہ خداوند یسوع سنٛدِ طاقتہٕ نیرنُک حکم دِوان، یمِس متعلق پولُسؔ تعلیم دِوان چُھ"14تتہِ ٲسؠ ستھ نفر یمہ یہ کران ٲسؠ۔ تِم ٲسؠ سکواؔ ناوٕ کِس اکِس یہُودؠ سنٛدؠ اولاد، یُس پننِس پانس سردار کاہن ونان اوس۔15مگر اکہ دوٚہہ ییٚلہ تِم یہ کران ٲسؠ تہٕ تمِس نفرس نِش دراو نہٕ بدروح۔ امہِ بجایہ ووٚن بدروحن تِمن، "بہٕ چُھسن یسوعؔ زانان، بہٕ چُھسن پولُسؔ تہِ زانان، مگر توٚہہ دیُت نہٕ کانٛسہ مےٚ سٟتؠ کینٛہہ کرنُک اختیار"16یہ وننہٕ پتہٕ گو اچانک سُہ نفر سکواؔ سنٛدین نیٚچوٮ۪ن اگادِ یس منٛز بدروح اوس۔ تٔمؠ دِتؠ تِم سٲری پتھر دٲرِتھ تہٕ دتِن سارنی چوٹ۔ تٔمؠ ژٔٹؠ تِمن پلو تہٕ کٔرِن زخمی۔ تِمن ژاو ہٲبتھ تہٕ ژٔلؠ اتہِ نیٚبر۔17یہ بوز افسس منٛز روزن والیٚو ساروےٕ یہُودیٚو تہٕ غٲر یہُودیٚو زِ کیاہ سپُد۔ تِم کھوژؠ تکیازِ تِمو وُچھ زِ بد روح وول نفر اوس سیٚٹھاہ طاقتور۔ تہٕ سٟتی کوٚر تِمو خداوند یسوع سنٛدِس ناوس تعظیم تہِ۔18تمہِ وزِ ییٚلہ باقی ایمان وٲلؠ بوزان ٲسؠ ووٚن واریہو ایمان والیٚو تِمن بُرٕ کامٮ۪ن متعلق یمہٕ تِم کران ٲسؠ۔19یمہ لوٗکھ جٲدؠ گر ٲسؠ تِمو منٛزٕ نی کینٛژو پنٕنؠ طُمار یِمن منٛز جٲدؠ کرنٕکؠ طریقہٕ وننہٕ ٲسؠ آمٕتؠ تہٕ زٲلِکھ تتھ جایہ یتِتھ پرٛتھ کانٛہہ تِمن وُچِھتھ ہیٚکہِ ہے۔ ییٚلہ لوٗکو یِمن طُمارن ہُنٛدِ قٟمتُک اندازٕ کوٚر، تہٕ یہ ووت پنٛژہَن ساسن چانٛد، ہنٛدین سِکن برابر۔20امہِ طاقتہٕ سان بوز واریہو لوٗکو خداوند یسوعؔ سُنٛد پٲغام تہٕ اونُکھ تتھ پیٚٹھ ایمان۔21افسس منٛز پنٕنؠ کٲم انٛد واتنٲوِتھ کوٚر پولُسؔ پاک روحن یروشلم گژھنُک فٲصلہٕ کرنس پیٚٹھ آمادٕ، مگر تٔمؠ بنوو گۅڈٕ مکدُنیہؔ تہٕ اخیہ کیٚن علاقن منٛز روزن والیٚن ایمان والیٚن سمکھنُک منصوبہ۔ پولُسنؔ ووٚن، "یروشلم گژھنہٕ پتہٕ گژھٕ بہٕ رومؔ تہِ"22تٔمؠ سوزؠ پنٕنؠ زٕ مددگار تیمُتھیس تہٕ اراستُسؔ مکدُنیہؔ۔ مگر پولُسؔ رود آسیہؔ صوبہٕ کِس افسسؔ شہرس منٛز۔23امہِ پتَے ہیٚتؠ افسس منٛز لوٗکو یسوع تہٕ تمؠ سنٛزِ تعلیمہ ہنٛدِ سببہٕ بٔڈؠ ہنگامہٕ شُروع کرٕنؠ۔24تتہِ اوس اکھ نفر یمِس دیمیترِیُسؔ ناو اوس۔ تمؠ بناوِ اَرتمِسؔ دیوی ہنٛزٕ چانٛدِ ہنٛز مورژٕ یمِس ڈیانا تہِ ونان ٲسؠ۔ دیمیترِیُسنؔ زیننٲوؠ تِم نفر واریاہ پونٛسہٕ یمو یمہٕ مورژٕ بناوِ تہٕ پتہٕ کٕنیٚکھ۔25دیمیترِیُسنؔ کٔرؠ تِم سٲری کٲرؠ گر جمع یمہ مورژٕ بناوان ٲسؠ۔ تٔمؠ ووٚن تِمن، "مورژٕ گریٚو، توٚہؠ چُھو زانان زِ أسؠ چھِ پنٕنؠ کٲم کرِتھ واریاہ پونٛسہٕ زینان۔26توٚہؠ چُھو زانان زِ پولُسنؔ ہیٚچھنٲوؠ افسسؔ منٛز واریاہ لوٗکھ زِ تِم مہٕ ہیٚن تِمہٕ مورژٕ موٚلؠ یمہ أسؠ بناوان چھِ۔ ووٚنؠ چھنہٕ سانہِ صوبٕکؠ تہِ واریاہ دویِم لوٗکھ سٲنؠ بنٲومٕتؠ چیز مٔلؠ ہیٚنؠ یژھان۔ پولُسؔ چُھ لوٗکن ونان زِ یِمن دیوتاہن ہنٛز أسؠ عبادت کران چھِ تِم چھنہٕ دیوتا تہٕ اسہِ پزِنہٕ تِہنٛز عبادت کرٕنؠ۔27اگر لوٗکھ تمؠ سنٛزٕ کتھٕ مانن تہٕ سون کارٕبار سپدِ ختم۔ لوٗکھ سونٛچن نہٕ یہ زِ اَرتمِسؔ یمِس ڈیانا تہِ ونان چھِ سنٛز عبادت کرنہٕ باپتھ کیاہ پزِ مندرس منٛز بیٚیہِ اژُن۔ لوٗکھ سونٛچن نہٕ ووٚنؠ یہ زِ اَرتمِسؔ چُھ عظیم۔ امہِ باوجود زِ آسیہؔ ۂکؠ تمام صوبہٕ اگر ونو تہٕ پوٗرٕ دنیا چُھ أمسنٛز عبادت کران۔28تتہِ موجود تمام لوٗکن کھۅت پولُسسؔ پیٚٹھ شرارتھ ییٚلہ تِمو دمیتریس سنٛز کتھ بوز۔ تِمو تُل شور، "اِفسین ہنٛز دیوی اَرتمِسؔ چھےٚ عظیم!"29شہرٕکؠ واریاہ لوٗکھ گےَ پولُسسؔ ناراض تہٕ لگؠ نالہٕ دِنہ۔ کینٛژو لوٗکو رۅٹ گیُسؔ تہٕ ارسترسخُسؔ مکدُنیہ، زٕ نفر ٲسؠ مکدُنیہ ہٕکؠ یمہ پولُسسؔ سٟتؠ سفر کران ٲسؠ۔ پتہٕ آو لوٗکن ہُنٛد بوٚڈ ہجوم دوران دوران تِمن نفرن نِش تہٕ نیٖکھ کھکھرِ شہرکِس تماشہٕ گاہس نِش۔30پولُسؔ اوس لوٗکن سٟتؠ کتھ کرنہ باپتھ تماشہٕ گاہس نِش گژھُن یژھان مگر باقی ایمان والیٚو دیُت نہٕ تس تور کُن گژھنہٕ۔31شہرٕ کیٚو کینٛژو حٲکمو یمہٕ پولُسؔ سنٛدؠ دوس ٲسؠ بوز زِ سپدان کیاہ چُھ۔ تِمو سوز پولُسسؔ یہ وننہٕ باپتھ کُستام نفر زِ تماشہٕ گاہس نِش گٔژھؠ زینہٕ۔32تماشہٕ گاہس نِش اوس لوٗکن ہُنٛد شور جٲری۔ اکھ اوس اکھ کتھ ونان تہٕ کینٛہہ ٲسؠ بیاکھےٕ کتھ کران۔ مگر یمو منٛزٕ اوس نہٕ اکثرن معلومےٕ زِ کتھ پیٚٹھ چھِ جمع گمٕتؠ!33تتہِ اوس سکندرؔ ناوُک اکھ یہُودؠ۔ کینٛژو یہُودیٚو دیُت تس ہجومس برُونٛہہ کُن دکہٕ تاکہ سُہ کر، ہے لوٗکن سٟتؠ کتھ۔ سکنٛدرن تُلؠ پنٕنؠ اتھٕ تھوٚد تہٕ کرٕن کوشش لوٗکن ہُنٛد شور بنٛد کرناونٕچ۔ سُہ اوس تِمن ونُن یژھان زِ یہُودیٚو تُل نہٕ یہ فساد۔34مگر واریاہ غٲر یہُودؠ ٲسؠ زانان زِ سکندر چُھ اکھ یہُودؠ تہٕ یتہِ ٲسؠ زانان زِ یہُودؠ چھنہٕ اَرتمِسؔ دیوی ہنٛز عبادت کران۔ لہٰذا رودؠ غٲر یہُودؠ دوٚن گٲنٛٹن شورٕشر جٲری تھٲوِتھ، "اِفسین ہنٛز دیوی اَرتمِسؔ چھےٚ عظیم!"35پتہٕ کرنوو شہرٕ کیٚو حٲکمو منٛزٕ أکؠ یہ ہجوم شور کرُن بنٛد۔ تٔمؠ ووٚن تِمن، "میانیٚو وطن دارو، دنیاہس منٛز چُھ پرٛتھ اکھ زانان زِ سانہ دیوی اَرتمِسؔ ہنٛز مقدس تصویر چھےٚ آسمانہٕ پیٚٹھٕ وژھمٕژ۔36یِم سٲری چھِ زانان تہٕ کانٛہہ تہِ ہیٚکہ نہٕ ونِتھ زِ یِم کتھٕ چھنہٕ صحی۔ لہٰذا پزِ توٚہہ خاموشی کرٕنؠ کانٛہہ تہِ بےوقوفی مہٕ کٔریٚو۔37توٚہہِ پزٕ ہنو نہٕ یِم زٕ نفر یتُتھ انٕنؠ تکیازِ یمو چُھنہٕ کانٛہہ خطا کوٚرمُت۔ یم گےَ نہٕ سانٮ۪ن عبادت گاہن منٛز تہٕ تتہِ نیٖکھ چیز ژورِ، تہٕ یمو ووٚن نہٕ سانہٕ دیوی بُرٕ بلہٕ۔38لہٰذا اگر دیمیترِیُسؔ تہٕ تمسُنٛد کانٛہہ سٲتھی کانٛسہِ پیٚٹھ کانٛہہ بُرٕ کٲم کرنُک الزام لاگُن یژھان چھِ تہٕ تِم کرن سُہ صحی طریقہٕ۔ تِژھٕ عدالتہٕ چھےٚ یوٚت تِم گٔژھِتھ ہیٚکن، تہٕ تِتھؠ منصف تہِ چھِ یمہٕ حکومتن ژٲرمٕتؠ چھِ۔ توٚہؠ ہیٚکو تتہِ کانٛسہِ پیٚٹھ الزام دٲیر کرِتھ۔39ووٚنؠ گو اگر توٚہؠ بیٚیہِ کُنہِ چیزس متعلق ونُن یژھان چُھو تہٕ توٚہہ پزیٚو پننٮ۪ن حکمرانن ونُن زِ تِمن پزِ امہ چیزُک خیال تھاون۔ ییٚلہ تِم حکمران یکہ وٹہٕ سمن۔40یہ سمُن چُھنہٕ جان! امہِ مصیبتُک تھایو ٹھیک پٲٹھؠ خیال تکیازِ أسؠ چھنہٕ حکومتس خلاف گژھُن یژھان۔ اگر حاکِم مےٚ پرِژھن زِ توٚہہ ساروےٕ کتھ پیٚٹھ چُھو شور تُلمُت، بہٕ ہیٚکہٕ نہٕ تِمن صحی جواب دِتھ۔41شہرٕکؠ حٲکمن ووٚن اتھ ہجومس یی۔ پتہٕ ووٚن تٔمؠ سارنی گھرٕ گژھنہٕ باپتھ، تہٕ تِم ساری گےَ پننٮ۪ن گھرن کُن روانہٕ۔
Bridge Connectivity Solutions Pvt. Ltd.