اعمال18
1امہِ پتہٕ دراو پولُسؔ ایتھنیؔ شہرٕ منٛزم تہٕ گو کورنتھسؔ شہرس منٛز۔2تتہِ گو تمسُنٛد ملاقات اکِس یہُودِس سٟتؠ یمِس اکولؔہ ناو اوس، یہ اوس پُنطسنؔ علاقُک۔ اکولؔہ تہٕ تمؠ سنٛز خاندارنؠ پرسکہِ ٲسؠ کینٛہہ کال برُونٛہہ اٹلیؔ کہ شہرٕ رومہؔ پیٚٹھٕ آمٕتؠ۔ تِمو اوس رومؔ ترومُت تکیازِ رومی شہزادٕ کلودیُسنؔ اوس حکم کۅڈمُت زِ تمام یہُودؠ گژھن رومہؔ منٛزٕ نیرٕنؠ۔ پولُسؔ گو پرسکلؔہ تہٕ اکولؔہ ہس سمکھٕنہ۔3اکولؔہ تہٕ پرسکلؔہ ٲسؠ پونٛسہٕ زیننہٕ باپتھ خٟمہ بناوان۔ پولُسؔ تہِ لٲگؠ خٟمہ بناونؠ، تمہِ کِنؠ رود سُہ تِمنےٕ سٟتؠ، تہٕ تِمو کٔر یکوٹہٕ کٲم۔4پرٛتھ سبت کہ دوٚہہ اوس پولُسؔ یہُودینؔ ہنٛدس عبادت گاہس منٛز گژھان یتہِ سُہ یہُودینؔ تہٕ غٲر یہُودینؔ دوٚنونؠ سٟتؠ کتھ اوس کران۔ تمؠ سمجھٲوؠ تِم یسوعسؔ متعلق۔5ییٚلہ سیلاسؔ تہٕ تیمُتھیسؔ مکدُنیہ علاقہٕ پیٚٹھٕ آے تہٕ پولُسؔ اوس روحٲنی جوشہٕ سٟتؠ بٔرِتھ یہُودینؔ متٲثر کران زِ یسوعؔ ہےٕ چُھ مسیحؔ۔6مگر یہُودؠ گےَ پولُسسؔ خلاف تہٕ لگؠ تمِس متعلق بُرٕ بلہٕ وننہِ۔ چناچہ تمؠ دٕنؠ پنٕنؠ پلو، کٔرِن صاف تہٕ ووٚنُن تِمن، "اگر خدا توٚہہ سزا دییہِ تہٕ یہ چھےٚ تُہنٛز ذمہ دٲری، میانؠ نہٕ! وۅنؠ کرٕ بہٕ صرف تِمن لوٗکن سٟتؠ کتھ یمہ نہٕ یہُودؠ چھِ!7یتھٕ کنؠ دراو پولُسؔ یہُودؠ جلسہٕ گاہ منٛزٕ تہٕ ژاو اکِس گرس منٛز یُس نزدیکےٕ اوس، تہٕ لوگُن تتہِ وعظ برُن۔ امہِ گھرُک مالک طِطُس یوستُسؔ اوس اکھ غٲر یہُودؠ شخص یُس خدایہ سنٛز عبادت کران اوس۔8امہِ پتہٕ اوٚن یہُودینؔ ہنٛدِ جلسہٕ گاہٕکؠ حٲکم یمِس کرسپسؔ ناو اوس تہٕ تمسنٛدیٚو ساروےٕ گھرِ کیٚو اوٚن خداوندس پیٚٹھ ایمان۔ کورنتھسؔ منٛز بوز باقی واریہو لوٗکو کرسپسؔ تہٕ تمسنٛدِس خاندانس متعلق، تِمو تہِ اوٚن یسوعسؔ پیٚٹھ ایمان تہٕ آکھ بپتسمہ دنہٕ۔9اکہ رٲژ وُچھ پولُسنؔ اکھ خواب یتھ منٛز خداوند یسوعنؔ تمِس ووٚن، "یِمن لوٗکن مہ کھۅژ یمہ ژےٚ خلاف چھی، ژٕ روز مےٚ متعلق کتھٕ کران،10تکیازِ بہٕ کرے ژےٚ ضرور مدد تہٕ ژےٚ کٔری نہٕ یتہِ بیٚیہِ کانٛہہ پریشان۔ ژٕ روز مےٚ متعلق یِمن ونان، تکیازِ یتھ شہرس منٛز چھِ واریاہ لوٗکھ یمہ مےٚ سٟتؠ چھِ۔11چناچہ پولُسؔ رود ڈۅڈس ورؠ یس کرنِتھسؔ منٛز لوٗکن یسوعسؔ متعلق خدایہ سُنٛد پٲغام فکرِ تاران۔12ییٚلہ گلیوؔ اخیہ صوبُک رومی گورنر بنیاو تہٕ یہُودؠ رہنما سپٕدؠ جمع تہٕ کوٚرکھ پولُسؔ بنٛد۔ تِمو نیٚو سُہ گورنرس برُونٛہہ کُن تہٕ دِیُتہس الزام،13تہٕ ونُکھ، "یہ نفر چُھ لوٗکن تمہ طریقہٕ خدایہ سنٛز عبادت کرٕنؠ ہیٚچھٕ ناوان یہ سانین یہُودؠ قانونن خلاف چُھ"14یُتھےٕ پولُسنؔ کتھ کرٕنؠ ہیٚژ تہٕ گلیوؔ ہن ووٚن یہُودینؔ، "اگر یمؠ نفرن سٲنؠ رومی قانون پُھٹرٲوؠ، بہٕ چُھس بوزُن یژھان زِ توٚہؠ یہُودؠ کیاہ چُھو مےٚ ونُن یژھان۔15یودوے توٚہؠ لفظ، ناو تہٕ پننٮ۪ن یہُودؠ قانونن متعلق کتھ کران چُھو، تہٕ توٚہہِ پزِہو پانے أمِس سٟتؠ یمن متعلق کتھ کرٕنؠ۔ بہٕ کرنہٕ یِمن چیزن ہنٛدؠ فٲصلہٕ!"16یہ کتھ مۅکلاوِتھ ووٚن گلیوؔ ہن کیںژن سپہَن زِ یہُودؠ سردار کٔڈؠ ووکھ عدالتہٕ منٛزٕ نیٚبر۔17پتہٕ رۅٹ لوٗکو یہُودینؔ ہُنٛد زیُٹھ سوستھِنیسؔ۔ تِمو دیُت تس تٔتی عدالتس منٛزےٕ مار۔ مگر گلیوؔ ہن کٔرنہٕ اتھ متعلق کانٛہہ کتھ۔18پولُسؔ رود ایمان والیٚن سٟتؠ کرنِتھسؔ منٛز بیٚیہِ تہ واریہن دوٚہُن۔ پتہٕ سپُد سُہ پرسکہِ تہٕ اکولؔہ ہس سٟتؠ جہازس منٛز سوار تہٕ گو صوریہؔ صوبس کُن روانہٕ۔ تٔمؠ ٲس منت منٛجمٕژ یمہِ کِنؠ تٔمؠ کنخریہؔ ہس منٛز مَس کاسنوو۔19تِم وٲتؠ افسس شہرس منٛز، پرسکلؔہ تہٕ اکولؔہ رودؠ تٔتؠ۔
پولُسؔ ژاو پانہٕ یہُودؠ عبادت خانس منٛز تہٕ ونُن یہُودینؔ یسوعسؔ متعلق۔20تِمو ووٚن تس مذید ٹھہرنہٕ باپتھ، مگر سُہ سپُد نہٕ روزنس پیٚٹھ آمادٕ۔21مگر نیران نیران ووٚن تٔمؠ تِمن زِ اگر خداین یوٚژھ تہٕ بہٕ یمہٕ بیٚیہِ واپس۔ پتہٕ سپُد سُہ جہازس منٛز سوار تہٕ دراو افسس منٛزٕ۔22ییٚلہ جہازٕ قیصریہ شہرس منٛز ووت تہٕ پولُسؔ ووٚتھ بوٚن۔ سُہ گو یروشلم تہٕ کرٕن تتہِ کٮ۪ن ایمان والیٚن سلام۔ پتہٕ گو سُہ شام علاقہ کِس انطاکیہؔ شہرس منٛز۔23پولُسنؔ گذُور تتہِ پژھ، والیٚن سٟتؠ کینٛہہ وق۔ پتہٕ دراو سُہ انطاکیہ منٛزٕ تہٕ گو گلتیہ تہٕ فرُوگیہؔ علاقہٕ کیٚن بیٚون بیٚون شہرن منٛز۔ تِمو کوٚر ایمان والیٚن بانٛد بانٛد زِ تِم بڑٲوِن یسوعسؔ متعلق خدایہ سنٛدِس پٲغامس پیٚٹھ زیادٕ کھۅتہٕ زیادٕ پژھ۔24ییٚلہ پولُسؔ گلتیہؔ تہٕ فرُوگیہؔ کِنؠ پکان اوس تہٕ اپولُس ناوُک اکھ یہُودؠ نفر ووت افسس منٛز۔ سُہ اوس سکندریہ شہرُک یُس صحیفن متعلق بہترین کتھٕ ونان اوس۔25باقی ایمان والیٚو ہیٚچھنوو اپولُس زِ خداوند یسوع کِتھ پٲٹھؠ چُھ یژھان لوٗکھ گژھن زندگی گزارٕنؠ، تہٕ تٔمؠ ہیٚچھنٲوؠ جوشہٕ خروشہٕ سان تِم چیز لوٗکھ۔ حالانکہ سُہ اوس نہٕ یسوعسؔ متعلق سورےٕ کینٛہہ ہیٚچھٕ ناوان، تکیازِ سُہ اوس صرف بپتسمہ دنہٕ وٲلِس یوحناؔ سنٛدِس بپتسمہ ہس متعلق زانان۔26اپولُسؔ گو یہُودینؔ ہنٛدِس جلسہٕ گاہس منٛز تہٕ تتہِ ونن لوٗکن تِمہ کتھٕ یمہ تٔمؠ ہیٚچھمژٕ آسہٕ۔ ییٚلہ پرسکہِ تہٕ اکولؔہ ہن بوزٕ زِ سُہ کیاہ چُھ ہیٚچھٕ ناوان، تہٕ تِمو دِژ تس پنُن گھرٕ ینٕچ دعوت یتہِ سُہ خداین یسوعسؔ متعلق بیٚیہِ تہِ ہیٚچھنوو۔27ییٚلہ اپولُسنؔ فٲصلہ نیٚو زِ سُہ چُھ اخیہ علاقس منٛز گژھُن یژھان تہٕ افسسؔ کیٚو ایمان والیٚو ووٚن تس زِ یہ کرُن روزِ تُہنٛدِ خٲطرٕ بہتر۔ لہٰذا لیٚوکھ تِمو اخیہ ہس منٛز ایمان والیٚو نامہٕ زِ تِم کرن اپولُسسؔ استقبال۔ توٚت واتنہٕ پتہٕ، کوٚر تٔمؠ تِمن لوٗکن مدد یمہ خداین یسوعسؔ پیٚٹھ ایمان اننس قٲبل بنٲوؠ۔28اپولُس اوس یہُودی سردارن سٟتؠ بڈِ بڈِ کتھٕ کران تہٕ واریاہ باقی لوٗکھ تہِ ٲسؠ بوزان۔ کتابِ مقدس پٔرِتھ اوس سُہ تِمن یہ باور کران زِ یسوعؔ ہےٕ اوس مسیحؔ۔
پولُسؔ ژاو پانہٕ یہُودؠ عبادت خانس منٛز تہٕ ونُن یہُودینؔ یسوعسؔ متعلق۔20تِمو ووٚن تس مذید ٹھہرنہٕ باپتھ، مگر سُہ سپُد نہٕ روزنس پیٚٹھ آمادٕ۔21مگر نیران نیران ووٚن تٔمؠ تِمن زِ اگر خداین یوٚژھ تہٕ بہٕ یمہٕ بیٚیہِ واپس۔ پتہٕ سپُد سُہ جہازس منٛز سوار تہٕ دراو افسس منٛزٕ۔22ییٚلہ جہازٕ قیصریہ شہرس منٛز ووت تہٕ پولُسؔ ووٚتھ بوٚن۔ سُہ گو یروشلم تہٕ کرٕن تتہِ کٮ۪ن ایمان والیٚن سلام۔ پتہٕ گو سُہ شام علاقہ کِس انطاکیہؔ شہرس منٛز۔23پولُسنؔ گذُور تتہِ پژھ، والیٚن سٟتؠ کینٛہہ وق۔ پتہٕ دراو سُہ انطاکیہ منٛزٕ تہٕ گو گلتیہ تہٕ فرُوگیہؔ علاقہٕ کیٚن بیٚون بیٚون شہرن منٛز۔ تِمو کوٚر ایمان والیٚن بانٛد بانٛد زِ تِم بڑٲوِن یسوعسؔ متعلق خدایہ سنٛدِس پٲغامس پیٚٹھ زیادٕ کھۅتہٕ زیادٕ پژھ۔24ییٚلہ پولُسؔ گلتیہؔ تہٕ فرُوگیہؔ کِنؠ پکان اوس تہٕ اپولُس ناوُک اکھ یہُودؠ نفر ووت افسس منٛز۔ سُہ اوس سکندریہ شہرُک یُس صحیفن متعلق بہترین کتھٕ ونان اوس۔25باقی ایمان والیٚو ہیٚچھنوو اپولُس زِ خداوند یسوع کِتھ پٲٹھؠ چُھ یژھان لوٗکھ گژھن زندگی گزارٕنؠ، تہٕ تٔمؠ ہیٚچھنٲوؠ جوشہٕ خروشہٕ سان تِم چیز لوٗکھ۔ حالانکہ سُہ اوس نہٕ یسوعسؔ متعلق سورےٕ کینٛہہ ہیٚچھٕ ناوان، تکیازِ سُہ اوس صرف بپتسمہ دنہٕ وٲلِس یوحناؔ سنٛدِس بپتسمہ ہس متعلق زانان۔26اپولُسؔ گو یہُودینؔ ہنٛدِس جلسہٕ گاہس منٛز تہٕ تتہِ ونن لوٗکن تِمہ کتھٕ یمہ تٔمؠ ہیٚچھمژٕ آسہٕ۔ ییٚلہ پرسکہِ تہٕ اکولؔہ ہن بوزٕ زِ سُہ کیاہ چُھ ہیٚچھٕ ناوان، تہٕ تِمو دِژ تس پنُن گھرٕ ینٕچ دعوت یتہِ سُہ خداین یسوعسؔ متعلق بیٚیہِ تہِ ہیٚچھنوو۔27ییٚلہ اپولُسنؔ فٲصلہ نیٚو زِ سُہ چُھ اخیہ علاقس منٛز گژھُن یژھان تہٕ افسسؔ کیٚو ایمان والیٚو ووٚن تس زِ یہ کرُن روزِ تُہنٛدِ خٲطرٕ بہتر۔ لہٰذا لیٚوکھ تِمو اخیہ ہس منٛز ایمان والیٚو نامہٕ زِ تِم کرن اپولُسسؔ استقبال۔ توٚت واتنہٕ پتہٕ، کوٚر تٔمؠ تِمن لوٗکن مدد یمہ خداین یسوعسؔ پیٚٹھ ایمان اننس قٲبل بنٲوؠ۔28اپولُس اوس یہُودی سردارن سٟتؠ بڈِ بڈِ کتھٕ کران تہٕ واریاہ باقی لوٗکھ تہِ ٲسؠ بوزان۔ کتابِ مقدس پٔرِتھ اوس سُہ تِمن یہ باور کران زِ یسوعؔ ہےٕ اوس مسیحؔ۔
Bridge Connectivity Solutions Pvt. Ltd.