اعمال17
1پتہٕ وٲتؠ تِم امفِپلِسؔ تہٕ اپلونیہؔ شہرو منٛزؠ تھِسلُنِیکے شہر۔ تتہِ اوس یہُودینؔ ہُنٛد اکھ عبادت خانہٕ۔2سبت کہ دوٚہہ گو پولُسؔ حسبِ معمول اتھ عبادت خانس منٛز۔ تریٚن ہفتن رود یہ سبت کہ دوٚہہ متوٲتِر گژھان۔ تٔمؠ کٔر لوٗکن سٟتؠ اتھ متعلق کتھ زِ کتھٕ کنؠ چُھ صحیفن منٛز لیکھنہٕ آمُت زِ یسوع آسہ مسیحؔ۔3پولُسن کوٚر صحیفو سٟتؠ ظٲہر زِ نبیو چُھ لیٚوکھمُت زِ مسیحسؔ چُھ مٔرِتھ دوبارٕ زندٕ سپدُن۔ تٔمؠ ووٚن، "بہٕ چھُسو توٚہہِ یسوعسؔ متعلق ونان۔ یہِ نفر چھُ مسیحؔ"4تتہِ کیٚو بیشتر یہودیٚو کٔر پولُسؔ سنٛدِس وننَس پیٚٹھ پژھ تہٕ لوگُکھ پولُسسؔ سیلاسسؔ سمکھُن۔ ورایاہ غٲر یہُودؠ لوٗکھ تہٕ خدایہ سنٛز عبادت کرن واجنہِ خاص مستوراتہٕ تہِ آسہٕ یمہٕ یسوعسؔ متعلق پٲغامن پیٚٹھ یقین تھاوان آسہٕ تہٕ گییہِ پولُسسؔ تہٕ سیلاسسؔ سمکھنہِ تہِ۔5مگر یہُودینؔ ہنٛدؠ کینٛہہ زِٹھؠ گےَ ناراض تکیازِ واریہو لوٗکو کوٚر پولُسؔ سنٛزِ تعلیمہ پیٚٹھ یقین۔ چناچہ تِم گےَ ژۅوتِس پیٚٹھ تہٕ کٔرٕکھ کینٛہہ شرارتی پانس سٟتؠ نِنس پیٚٹھ آمادٕ۔ یتھ پٲٹھؠ کوٚر یہُودؠ زِٹھیٚو اکھ ہجوم تیار تہٕ تلکھ بڈِ شور۔ تِم یہُودؠ تہٕ باقی دویم لوٗکھ دوریاے یاسونؔ ناوٕ کِس شخصہٕ سُنٛد گرٕ یتہِ پولُسؔ تہٕ سیلاس ٹھہرِتھ ٲسؠ۔ تِم ٲسؠ تِمن نٮ۪بر کڈٕنؠ یژھان یتہِ لُکہ ہجوم اوس۔6تِمو وُچھ زِ پولُسؔ تہٕ سیلاس ٲسؠ نہٕ گھرس موجودے مگر تِمو اوٚن یاسونؔ ژھانٛڈ دِتھ رٔٹِتھ۔ تِمو نیٚو سُہ تہٕ بیٚیہِ کینٛہہ ایمان وٲلؠ کھکھرِ تہٕ واتنٲوِکھ شہرٕ کٮ۪ن حٲکمن نِش۔ تِمو ووٚن، "دنیاہس منٛز پرٛتھ جایہ فصاد تُلن وٲلؠ یِم لوٗکھ وٲتؠ یُت تہِ،7تہٕ یمؠ سٲتھی یاسوننؔ دیُت یمن پننِس گرس منٛز پناہ۔ تِم چھِ شہنشاہس خلاف کٲم کران۔ تِم چھِ ونان زِ بیٚیہِ اکھ شخص، یمسُنٛد ناو یسوع چُھ، چُھ حقیقی بادشاہ!"8ییٚلہ لوٗکن ہُنٛد ہجوم جمع سپُد تہٕ شہرٕ کیٚو حٲکمو یہ بوز تِمن کھۅت شرارت تہٕ آے غٲرتس لاینہٕ۔9شہرٕ کیٚو حٲکمو کوٚر یاسونسؔ تہٕ باقی ایمان والیٚن نِش جُرمانہٕ وصول تہٕ وُنہکھ، اگرنہٕ أسؠ پولُسؔ تہٕ سیلاسن مذید پریشان کٔرؠ تہٕ أسؠ دِمو توٚہہِ یہ جرمانُک رقم واپس۔ تہٕ پتہٕ ترووُکھ یاسونؔ تہٕ باقی ایمان وٲلؠ یلہٕ۔10چناچہ امی رٲژ نی ایماندارو پولُسؔ تہٕ سیلاس تھِسلُنِیکے منٛزٕ کڈتھ بیریاؔ شہر کُن۔ ییٚلہ پولُسؔ تہٕ سیلاس توٚت وٲتؠ تہٕ تِم گےَ یہُودینؔ ہنٛدس جلسہٕ گاہس منٛز۔11تھِسلُنِیکے ہکؠ اکثر یہُودؠ ٲسؠ نہٕ خدایہ سُنٛد پٲغام بوزنہٕ خٲطرٕ تیار ییٚلہ زن بیریاہسؔ منٛز روزن وٲلؠ یہُودؠ بوزنہٕ خٲطرٕ تیار ٲسؠ، لہٰذا بوز تِمو کن دٲرتھ یسوع سُنٛد پٲغام۔ تِم ٲسؠ پرٛتھ دوٚہہ پننہِ باپتھ یہ زاننہٕ خٲطرٕ صحیفہٕ پران زِ یہ کینٛژھا پولُسؔ یسوعسؔ متعلق ونان چُھ تہِ چھا پوٚز۔12پولُسؔ سنٛزِ تعلیمہ ہنٛدِ سببہٕ اوٚن واریہو یہُودیٚو یسوعسؔ پیٚٹھ ایمان تہٕ کینٛژو اہم غٲر یہُودؠ زنیٚو تہٕ واریہو غٲر یہُودؠ مردو تہِ اوٚن تمِس پیٚٹھ ایمان۔13مگر تھِسلُنِیکے کیٚو یہُودیٚو بوز زِ پولُسؔ چُھ بیریہؔ ہس منٛز یسوعسؔ متعلق خدایہ سُنٛد پٲغام بوزٕناوان۔ اوٕ کِنؠ گےَ تِم بیریاؔ تہٕ تتہِ ونیٚکھ لوٗکن تِژھٕ کتھٕ یمو سٟتؠ تِم پولُسسؔ پیٚٹھ سیٚٹھاہ ناراض سپدؠ۔14بیریہؔ کیٚو کینٛژو با ایمان نفرو نیٚو پولُسؔ دویمِس شہرس منٛز گژھنہٕ باپتھ سمندر بٔٹھِس پیٚٹھ۔ مگر سیلاسؔ تہٕ تیمُتھیس رودؠ بیریہؔ ہس منٛز۔15ییٚلہ پولُسؔ تہٕ باقی نفر سمندر بٹھِس پیٚٹھ وٲتؠ تہٕ تِم گےَ ناوِ تار دِتھ اتھینس شہر۔ پتہٕ ووٚن پولُسنؔ تِمن نفرن یِم تس سٟتؠ آے، "سیلاسسؔ تہٕ تیمُتھیس ؤنیٚو زِ یوٗتاہ جلد ممکن سپدِ تیوٗت وٲتیٚو مےٚ نِش یور ایتھنیؔ شہر۔ پتہٕ گےَ تِم نفر ایتھنیؔ ترٲوِتھ واپس بیریہؔ۔16ایتھنیؔ منٛز اوس پولُسؔ سیلاسؔ تہٕ تیمُتھیس سنٛدِس ینس پراران۔ تتھ دوران رود سُہ شہرس پھیران۔ سُہ سپُد پریشان تکیازِ تتھ شہرس منٛز ٲسؠ واریاہ بُت۔17چناچہ سُہ گو یہُودین ہنٛدِس عبادت گاہس منٛز تہٕ کرٕن یہُودین سٟتؠ یسوعسؔ متعلق کتھ تہٕ تِمن یونٲنؠ نفرن سٟتؠ یِمو تہِ قبول کوٚر یتھ پیٚٹھ یہُودین ایمان چھُ۔ سُہ اوس پرٛتھ دوٚہہ لُکہٕ پیٚنجن پیٚٹھ تہِ گژھان تہٕ تتہِ موجود لوٗکن سٟتؠ کتھ کران۔18پولُسنؔ کوٚر کینٛژن وۅستادن سٟتؠ ملاقات یمہٕ لوٗکن ہنٛزِ ایمان پیٚٹھ کتھ کرٕنؠ پسنٛد ٲسؠ کران۔ لوٗکھ ٲسؠ یِمو منٛزٕ کینٛژن اپکورین ونان، تہٕ باقین ٲسؠ اسٹوکس ونان۔ تِمو ووٚن پولُسسؔ زِ تِمن کیاہ ایمان چُھ، تہٕ تِمو پرُوژھ تس توٚہؠ کیاہ کتھ پیٚٹھ چُھو یقین تھاوان۔ پتہٕ ووٚن تِمو منٛزٕ کینٛژو اکھ اکِس، "سُہ چُھ کینٛژن عجیب خداین متعلق کہتام ونان" تِمو ووٚن زِ پولُسؔ اوس تِمن ونان زِ یسوعؔ مود تہٕ پتہٕ گو بیٚیہِ زنٛدٕ۔19لہٰذا نیٚو سُہ تِمو تتھ جایہ یتِتھ شہرٕکؠ سردار سمٕکھؠ۔ ییٚلہ تِم تتھ جایہ وٲتؠ تہٕ تِمو ووٚن پولُسسؔ، "مہربٲنی کرِتھ ونتہٕ اسہِ زِ یہ نُوو پٲغام کیاہ چُھ یُس ژٕ لوٗکن ونان چُھکھ؟20ژٕ چُھکھ کینٛہہ تمہٕ کتھٕ ہیٚچھناوان یمہ نہٕ اسہِ سمٕجھ یوان چھےٚ، اوٕ کِنؠ چھِ أسؠ زانُن یژھان زِ تِمن کیاہ مطلب چُھ۔21ایتھنیؔ کیٚو لوٗکو تہٕ باقی علاقہ کیٚو لوٗکو تہِ یِم تتہِ روزان ٲسؠ ٲسؠ تتھ متعلق کتھ بوزُن پسنٛد کران یہ تہنٛدِ باپتھ نُوو اوس۔22پتہٕ گو پولُسؔ سردارن لوٗکن برُونٛہہ کنہِ کھڑا تہٕ ونُن، "ایتھنیؔ کیٚو لوٗکو، بہٕ چُھس وُچھان زِ توٚہؠ چُھو سیٚٹھاہ دیندار۔23بہٕ چُھس یہ اوٕ کِنؠ ونان زِ ییٚلہ بہٕ پکان اوسُس تہٕ مےٚ وُچھ یِم چیز یمن ہنٛز توٚہؠ عبادت کران چُھو، حالانکہ مےٚ وُچھ اکھ قربان گاہ تہِ یتھ پیٚٹھ یِم الفاظ ٲسؠ یمہٕ کٔمؠ تام کٔھنمٕتؠ چھِ: "یہ چھےٚ تمِس خدایس تعظیم کران یُس نہٕ أسؠ زانوون" تہٕ ووٚنؠ چُھس بہٕ توٚہہ تس خدایس متعلق ونان یمسنٛز توٚہؠ عبادت کران چُھو مگر توٚہہ چھنہٕ پتاہ۔24یہ چُھ سُے خدا یمؠ یہ دنیا تہٕ اتھ منٛز موجود پرٛتھ اکھ چیز بنوو۔ سُہ چُھ آسمانس تہٕ زمینہِ پیٚٹھ موجود تمام ذوزٲژن پیٚٹھ حکومت کران، تہٕ سُہ چُھنہٕ ہیکلن منٛز روزان یمہ لوٗکو بنٲوؠ مٕتؠ چھِ۔25تمِس چھنہٕ لوٗکن ہنٛدِ ذریعہ پننہِ باپتھ کینٛہہ بناونٕچ ضرورت تکیازِ سُے چُھ لوٗکن زندٕ تھاوان تہٕ شاہ دِوان، تہٕ سُہ چُھ تِمن تہِ سورےٕ دِوان یہ تِمن ضرورت چُھ۔26گۅڈٕ کٔر خداین اکھ جورؠ پٲدٕ، تہٕ تِمنےٕ نِش کرِ خداین تمام لوٗکہ جمٲژ پٲدٕ یمہ وُنکٮ۪ن زمینہِ پیٚٹھ پرٛتھ جایہ روزان چھےٚ۔ تٔمؠ تھاو پرٛتھ کانٛہہ جماتھ پننہ وقتہٕ باپتھ پننِس مقامس پیٚٹھ۔27سُہ اوس یژھان زِ لوٗکھ سمجھن یہ زِ تِمن چھےٚ تمؠ سنٛز ضرورت۔ شاید ژھانڈٕ ہن پتہٕ تِمہ تمِس تہٕ لبہنَس۔ خدا چُھ یژھان زِ أسؠ ژھانڈٕ وون سُہ، حالانکہ سُہ چُھ اسہِ سارنی سیٚٹھاہ نزدیک۔28یہ چُھ خدایہ سنٛدے یژھنہٕ زِ أسؠ چھِ حیات، زُوان تہٕ پکان، یتھ کنؠ زن توٚہہ منٛزٕ کٔمؠ تام ووٚن، "تکیازِ أسؠ چھِ، تسنٛدؠ اولاد"29أسؠ چھِ خدایہ سنٛدؠ اولاد، یہ گمانہٕ کٔرؠ زیٚو نہٕ زِ خدا چُھ سۅن، چانٛدؠ یا کُنہِ کنہِ ہُنٛد آکار یُس کانٛسہ انسانن بنومُت اسہِ۔30ییٚلہ نہٕ لوٗکھ زانٲنی ٲسؠ زِ خدا کیاہ چُھ تِمن نِش یژھان، تمؠ دیُت نہٕ تِمن تہنٛدین کرمن ہُنٛد سزا۔ مگر ووٚنؠ چُھ خدا پرٛتھ جایہ تمام لوٗکن بُرٕ کامیٚو نِشہٕ باز ینُک حکم دِوان۔31سُہ چُھ اسہِ ونان زِ اکہِ خاص دوٚہہ یُس تٔمؠ ژورمُت چُھ ہییہِ سُہ اسہِ سارنی حساب تمِس انسان سنٛدِ ذریعہ یُس تٔمؠ مقرر کوٚرمُت چُھ، یہ کتھ یقینی بنٲوِتھ سمجِھو زِ أسؠ کروون سُہ شخص مۅردو منٛزٕ زنٛدٕ"32ییٚلہ یمو نفرو پولُسؔ یہ ونان بوز زِ اکھ نفر سپُد مرنہٕ پتہٕ بیٚیہِ زندٕ تہٕ تِمو منٛزٕ لگؠ کینٛہہ تس پیٚٹھ اسنہِ۔ مگر باقیو ووٚن تس واپس ینہٕ خٲطرٕ تہٕ اتھ متعلق بیٚیہِ کُنہ دوٚہہ وننہٕ باپتھ۔33یہ وننہٕ پتہٕ دراو تتہِ پولُسؔ واپس۔34مگر کینٛہہ نفر دراے پولُسسؔ سٟتؠ تہٕ کرٕکھ یسوعؔ سنٛدِس پٲغامس پیٚٹھ پژھ۔ یسوعسؔ پیٚٹھ ایمان انن والیٚن منٛز اوس دیونُسیسؔ ناوُک اکھ شخص تہِ یُس مجلسہِ مشاورتُک رکُن تہِ اوس۔ امہِ علاوٕ ٲس دمرِسؔ ناوٕچ اکھ خوتون تہٕ تمِس سٟتؠ ٲسؠ بیٚیہِ تہِ کینٛہہ نفر یمو ایمان اوٚن۔
Bridge Connectivity Solutions Pvt. Ltd.