اعمال15
1پتہٕ گےَ کینٛہہ ایمان وٲلؠ یہُودؠ یہُودیہ صوبہ پیٚٹھٕ انطاکیہؔ۔ تِمو کٔر تتہِ غٲر یہُودؠ ایمان والیٚن یہ ؤنِتھ تعلیم دِنؠ شروع، "توٚہہِ گژھِ ختنہٕ کٔرِتھ آسن تاکہِ یہ ننہِ زِ توٚہؠ چُھو خدایس سٟتؠ تعلق تھاوان، یتھٕ کنؠ موسیٰؔ ہن تِمن قانونن منٛز حکم دیُتمُت اوس یمہ تس خدایہ سنٛدِ طرفہٕ میلمٕتؠ ٲسؠ۔ اگر توٚہؠ تہِ کریٚو نہٕ تہٕ توٚہہ میلہِ نہٕ نجات"2پولُسؔ تہٕ برنباسنؔ کوٚر تِمن یہُودینؔ سٟتؠ سخت اختلاف تہٕ لٔگؠ تِمن سٟتؠ بحث کرنہِ۔ چناچہ انطاکیہ کیٚو ایمان والیٚو کٔرؠ پولُسؔ، برنباسؔ تہٕ کینٛہہ دویِم ایمان وٲلؠ یروشلم گژھنہٕ خٲطرٕ مقرر تاکہِ تِم کرن رسولن تہٕ دوٚیمٮ۪ن قٲیِدن سٟتؠ اتھ ماملس متعلق کتھ۔3پولُسؔ، برنباس تہٕ باقی کینٛہہ، ایمان والیٚن ہنٛدؠ دٔسؠ انطاکیہ سوزنہٕ پتہٕ گے تِمہ فینیکے تہٕ سامریہ کٮ۪ن صوبن منٛز۔ وتہِ ٹھہریاے تمہٕ واریہن جاین تہٕ دژٕکھ ایمان والیٚن خبر زِ واریہو غٲر یہُودیٚو اوٚن ایمان۔ یمہِ کِنؠ یِمن جاین موجود تمام ایمان والیٚن سیٚٹھاہ خوشی سپٕز۔4ییٚلہ پولُسؔ، برنباس تہٕ باقی لوٗکھ یروشلم وٲتؠ تہٕ تتہِ کیٚو نبیو، بزرگو تہٕ باقی جمٲژو ہنٛدیٚو ایمان والیٚو کوٚر تِمن استقبال۔ پتہٕ کٔرؠ پولُسنؔ تہٕ برنباسنؔ تِم چیز بیان یمہٕ غٲر یہُودینؔ منٛز کرنہٕ باپتھ تِم خداین تیار کٔرؠ۔5مگر کینٛہہ یہُودؠ ایمان وٲلؠ یِم فریسی فِرقس سٟتؠ تعلق تھاوان ٲسؠ گےَ باقی ایمان والیٚن منٛز کھڑا تہٕ ونُکھ تِمن، "یمو غٲر یہُودیٚو یسوعسؔ پیٚٹھ ایمان اوٚن تِمن گژھِ ختنہٕ کرنہٕ یُن۔ تِم گژھن تِمن قوٲیِدن پیٚٹھ ضروری عمل کرٕنؠ یِم خداین موسیٰؔ ہس دِتمٕتؠ ٲسؠ۔6پتہٕ سمیاے رسول تہٕ بزرگ اتھ ماملس پیٚٹھ کتھ کرنہٕ باپتھ۔7واریہس کالس بحث کرنہٕ پتہٕ وۅتھ پطرس تھوٚد تہٕ کرٕن تِمن سٟتؠ کتھ۔ تٔمؠ ووٚن، "اے ایمان والیٚو، توٚہؠ سٲری چُھو زانان زِ واریاہ کال برُونٛہہ ژورنس بہٕ خداین توٚہہِ منٛزٕ تہٕ باقی نبیو منٛزٕ، تاکہِ بہٕ ونہٕ غٲر یہُودینؔ تہِ خدایہ سنٛدِس محبتس متعلق، یُتھ تِم تس پیٚٹھ ایمان انن۔8خدا چُھ پرٛتھ کانٛسہ سنٛدِ دِلُک حال زانان۔ تٔمؠ ہوو مےٚ تہٕ باقین زِ تٔمؠ بنٲوؠ غٲر یہُودؠ پاک روح عطا کٔرِتھ پنٕنؠ اُمت۔ یتھ پٲٹھؠ تٔمؠ سانہِ باپتھ تہِ کوٚر۔9خداین کٔرنہٕ تِمن تہٕ اسہِ منٛز کانٛہہ تفاوتھ تکیازِ تٔمؠ کٔرؠ تِہُنٛد اندرون صرف خداوند یسوعسؔ پیٚٹھ ایمان اننہٕ کِنؠ پاک۔ بلکُل کوٚر تٔمؠ تِتھے پٲٹھؠ اسہِ تہِ معاف۔10توٚہؠ کیازِ چھوکھ غٲر یہُودؠ مجبور کرٕنؠ یژھان زِ تِم تہِ گژھن یہُودؠ رسوماتن تہٕ قانوٗنن ہنٛز پابنٛدی کرٕنؠ؟ یہ کرُن گو تِمن شٲگردن پیٚٹھ بوٚڈ بور تراونس برابر۔ یہ چُھ یمن تمن قانوٗنن ہنٛز پابنٛدی کرنس پیٚٹھ مجبوٗر کران یمہٕ سانیٚو جدٕ اجدادو تہِ پھُٹرٲوؠ مٕتؠ چھِ تہٕ یمنہٕ اسہِ یہُودیٚو تہِ زانٛہہ قٲیِم ہیٚکؠ تھٲوِتھ! تہٕ ووٚنؠ، یتھ کنؠ خدا ناراض کرُن کٔریٚو بنٛد!11أسؠ چھِ زانان زِ خدا چُھ اسہِ یہُودینؔ سانیٚو گُنہَو نِشہٕ بچاوان تکیازِ خداوند یسوعنؔ کیاہ کوٚر سانہِ خٲطرٕ۔ خدا چُھ اسہِ یہُودینؔ بلکُل تِتھے پٲٹھؠ بچاوان یتھ پٲٹھؠ سُہ تِمن غٲر یہُودینؔ بچاوان چُھ یِم خداوند یسوعسؔ پیٚٹھ پژھ تھاوان چھِ۔12پطرس سنٛدِ وننہٕ پتہٕ کٔر تتہِ موجود ساروےٕ لوٗکو ژۅپہٕ۔ پتہٕ بوز تِمو پولُسؔ تہٕ برنباس سنٛز کتھ۔ تِمو دوٚیو کٔر تِمن عظیم معجزن ہنٛز کتھ یمہٕ غٲر یہُودؠ لوٗکن برُونٛہہ کنہِ انجام دِنس قٲبل تِم خداین بنٲوؠ۔ یم معجزات ظٲہر کران ٲسؠ زِ خداین کٔرؠ غٲر یہُودؠ تہِ قبوٗل۔13ییٚلہ پولُسنؔ تہٕ برنباسنؔ پنٕنؠ کتھ انٛد واتنٲو تہٕ یروشلمس منٛز ایمان واجنہِ جمٲژ ہنٛدؠ قٲیِد یعقوبن کٔر تِمن سٟتؠ کتھ کرٕنؠ شروع۔ تٔمؠ ووٚن، "ٹاٹھیٚو ایمان والیٚو، میانؠ کتھ بوزیٚو۔14شمعون پطرسن ووٚن توٚہہِ زِ خداین کِتھ کٔنؠ کٔر گۅڈٕ غٲر یہُودینؔ برکت عطا۔ خداین ژٲرؠ گۅڈٕ تِمو منٛزٕ تِم لوٗکھ یِم تمسنٛدی بنیاے۔15تِم لفظ یمہٕ خداین واریاہ برُونٛہہ ونمٕتؠ چھِ، تِم الفاظ یمہٕ أکؠ نبین لیکھمٕتؠ چھِ تتھ سٟتؠ کٔریٚو اتفاق:16پتہٕ یمہٕ بہٕ واپس تہٕ کرن دوبارٕ داوود سنٛز بادشٲہی بحال تہٕ ژارن داوود سنٛدیو زُریٚو منٛزٕ اکھ بادشاہ۔ یہ آسہ تمِس شخصہٕ سنٛدؠ پٲٹھؠ یُس اکھ گھرٕ گِراونہٕ پتہٕ دوبارٕ تعمیر کران چُھ۔17بہٕ کرٕ یہ اوٕموٚکھٕ زِ باقی تمام لوٗکھ کرن مےٚ خداوند قدوسس زاننٕچ کوشش۔ اتھ منٛز آسن تم غٲر اسرائیلی تہِ شٲمِل یِم مےٚ پنٕنؠ تعلق دار زٲنمٕتؠ چھِ۔ توٚہؠ ہکیٚو پژھ کٔرِتھ زِ یہ سپدِ تکیازِ مےٚ خداوند خداین چھےٚ یمہٕ کتھٕ ونمژٕ۔18مےٚ چھِ یم چیز کٔرؠ مٕتؠ تہٕ مےٚ چھِ واریاہ برونٛہہ یِمن متعلق پنٕنؠ لوٗکھ آگاہ کٔرمٕتؠ۔19یعقوبن تھٲو پنٕنؠ کتھ جٲری، تٔمؠ ووٚن، "لہٰذا چُھ مےٚ باسان زِ اسہِ پزِ غٲر یہُودؠ پریشان کرٕنؠ تراوٕنؠ یم پنٕنؠ گناہ ترک کرِتھ خدایس کُن رجوع کران چھِ۔ مطلب اسہِ پزِ یہ مطالبہ کرُن تراوُن زِ تِمن پزن سٲنؠ سٲری قانون تہٕ رسومات پالٕنؠ۔20امہ بجایہ پزِ اسہِ تِمن اکھ نامہٕ لیٚکھن یتھ منٛز ترین چیزن ہُنٛد تقاضہٕ کرو: تِم کھیٚن نہٕ ماز یِم لوٗکھ بُتن نظر کران چھِ، تِم شونٛگن نہٕ کانٛسہِ تِتھس نفرس نِش یمِس سٟتؠ نہٕ تِہُنٛد خاندر سپُدمُت آسہ، تِم کھیٚن نہٕ جانورن ہُنٛد ماز۔ یمہ ہوٚٹ چیرِتھ مارنہٕ آمٕتؠ آسن، تہٕ تِمن پزِ نہٕ جانورن ہُنٛد خوٗن چیٚون۔21واریہن شہرن منٛز ٲسؠ واریہس وقتس لوٗکھ تِمن قانونن ہنٛز پارے دِوان یمہٕ موسیٰؔ ہن لیکھمٕتؠ ٲسؠ۔ تِتھؠ قانون یمہٕ تِمو چیزو نِشہٕ منع کران ٲسؠ تہٕ پرٛتھ سبت کہ دوٚہہ چھِ یم قانون یہُودین ہنٛدین سمن بلن پیٚٹھ پرنہٕ یوان۔ لہٰذا اگر غٲر یہُودؠ تِمن قانونن متعلق بیٚیہِ کینٛہہ زانُن یژھن تہٕ تمہٕ تہِ ہیٛکن سانین جلسہٕ گاہن منٛز یِتھ"22رسولو، باقی بزرگو تہٕ یروشلمہٕؔ کیٚو تمام ایمان والیٚو کٔر یعقوب سنٛز کتھ قبول۔ پتہٕ کوٚر تِمو فٲصلہٕ زِ تِم ژارن پننیٚو منٛزٕ کینٛہہ نفر تہٕ تِمن سوزن پولُسؔ تہٕ برنباسسؔ سٟتؠ انطاکیہ تاکہ تتِکین ایمان والیٚن لگہ پےَ زِ یروشلم کیٚو رہنماہو کیاہ فٲصلہٕ نیٚو۔ چناچہ تِمو ژور یہُودا، یمِس برسباؔ تہِ ونان چھِ تہٕ بیٚیہِ سیلاسؔ۔ یمہٕ دوٚنوے ٲسؠ یروشلمس منٛز ایمان والیٚن ہنٛدؠ رہنما۔23پتہٕ لیٚوکھ تِمو یہ نامہٕ تہٕ ونُکھ یہُوداؔ تہٕ سیلاسسؔ زِ تِم نِن یہ انطاکیہ کٮ۪ن ایمان والیٚن: "أسؠ رسول تہٕ بُزرگ یمہٕ توٚہہِ ہی ایمان وٲلؠ چھِ، چھِ توٚہہِ سلام سوزان یتھٕ پٲٹھؠ أسؠ توٚہہِ غٲر یہُودؠ ایمان والیٚن ہنٛدِ ناوٕ لیٚکھان چھِ یمہٕ انطاکیہ، صوریہؔ تہٕ کلکیہ کٮ۪ن باقی جاین روزان چھِ۔24لوٗکو ووٚن اسہِ زِ اسہِ منٛزٕ گےَ کینٛہہ نفر توٚہہِ نِش حالانکہ تمہٕ ٲسؠ نہٕ اسہِ توٚہہِ نِش سوزمٕتؠ۔ اسہِ بوز زِ تِمو کٔریٚو توٚہؠ تمہٕ کتھٕ ؤنِتھ پریشان یمو سٟتؠ تُہنٛد سونٛچ منتشِر گو۔25ییٚلہ أسؠ یتہِ جمع گےَ تہٕ اسہِ نیٚو فٲصلہٕ زِ کینٛہہ نفر ژار ووکھ یمہ أسؠ برنباس تہٕ پولُسسؔ سٟتؠ یمہٕ اسہِ سیٚٹھاہ ٹٲٹھؠ چھِ توٚہہِ نِش گژھنہٕ باپتھ ونو۔26یمو دوٚنویو ترٲو پنٕنؠ زندگی خطرس منٛز تکیازِ تِم چھِ سٲنس خداوند یسوع مسیحؔ سنٛدؠ خدمتگار۔27اسہِ سوزؠ یہُوداؔ تہٕ سیلاس تہِ توٚہہِ نِش۔ تِم ونن توٚہہِ تِم کتھٕ یمہٕ أسؠ لیٚکھان چھِ۔28اسہِ چھےٚ پژھ زِ پاک روحن ہوو اسہِ زِ اسہِ چھنہٕ سارنےٕ یہُودؠ قانونن ہنٛز پٲروی کرنٕچ ضرورت۔ سُہ بنہِ غٲر ضروری تہٕ سخت۔ امہِ بجایہ چھےٚ اسہِ صرف یمن ہِدایتن پیٚٹھ عمل کرٕنؠ:29توٚہہِ پزِنہٕ سُہ کھیٚن کھیٚون یُس لوٗکو بُتو باپتھ نظر کوٚرمُت آسہ۔توٚہہِ چُھنہٕ جانورن ہُنٛد خوٗن چیٚون تہٕ نہ چُھو تِمن جانورن ہُنٛد ماز کھیٚون یمہٕ لوٗکو ۂٹؠ چیر دِتھ مٲرؠ مٕتؠ آسن۔امہِ علاوٕ، چُھنہٕ توٚہہِ تِتھِس نفرس سٟتؠ شونٛگُن یمِس سٟتؠ نہٕ توٚہہِ خانٛدر آسہ سپُدمُت۔اگر توٚہؠ یمہٕ چیز کرٕنؠ ترک کٔریٚو تہٕ توٚہؠ کٔریٚو تہِ یہ صحیح چُھ۔ الوِداع"30تِمو یمہٕ ژور نفر ژٲرؠ تِمہ دراے یروشلمہٕؔ منٛزٕ تہٕ وٲتؠ انطاکیہ۔ ییٚلہ تتِکؠ تمام ایمان وٲلؠ جمع گےَ تہٕ تِمو دیُت سُہ خط تِمن۔31ییٚلہِ تتہِ کیٚو ایمان والیٚو خط پوٚر تہٕ سپٕدؠ خۅش تکیازِ تمہ پٲغامہٕ سٟتؠ سپٕز تِمن حوصلہٕ افزائی۔32نبی آسنہٕ موٚکھٕ کرِ یہُوداہنؔ تہٕ سیلاسنؔ واریاہ کتھٕ تہٕ کٔرکھ تتہِ کٮ۪ن ایمان والیٚن حوصلہٕ افزائی بیٚیہِ بڑٲوٕکھ خداوند یسوعسؔ پیٚٹھ تِمن زیادٕ پژھ۔33ییٚلہ یہُوداؔ تہٕ سیلاس تتہِ کینٛژس کالس ٹھہریاے تہٕ یروشلم واپس گژھنہٕ باپتھ تیار سپٕدؠ تہٕ انطاکیہ کیٚو ایمان والیٚو کوٚر تِمن وژھِ وانجہ خٲر خٲہی تہٕ پتہٕ دراے تمہٕ۔34مگر سیلاسن سونٛچ زِ تمسنٛدِ خٲطرٕ چُھ تتہِ روزن بہتر۔35تاہم ٹھہریاے پولُسؔ تہٕ برنباس انطاکیہؔ ہسےٕ منٛز۔ ییٚلہ تمہٕ تتہِ ٲسؠ، تِم ٲسؠ واریہن نفرن سٟتؠ لوٗکن تعلیم دِوان تہٕ تِمن خداوند یسوعسؔ متعلق پٲغام بوزٕناوان۔36کینٛہہ کال گٔژھِتھ ووٚن پولُسنؔ برنباسسؔ، "وۅلہٕ أسؠ نیرو واپس تہٕ پرٛتھ تتھ شہرس منٛز گژھو یتہِ اسہِ گۅڈے خداوند یسوعسؔ متعلق پٲغام بوزنٲومٕتؠ چھِ تہٕ سمکھو تتہِ ایمان والیٚن۔ یتھ کنؠ ترِ اسہِ فکرِ زِ تمہٕ کمہِ انمانٕچ پژھ چھِ خداوند یسوعسؔ پیٚٹھ جٲری تھٲوِتھ"37برنباسنؔ کوٚر پولُسسؔ سٟتؠ اتفاق تہٕ وُننس زِ بہٕ چُھسن یوحنا یمسُنٛد دویم ناو مرقُسؔ چُھ دوبارٕ پانس سٟتؠ نیٚون یژھان۔38تاہم ووٚنُس پولُسنؔ در جواب، "میون خیال چُھ زِ مرقُس پانس سٟتؠ نیٚون چُھنہٕ جان تکیازِ مرقُسنؔ ٲسؠ تمہٕ ترٲومٕتؠ ییٚلہ تمہٕ گۅڈٕ پمفیلیہؔ علاقس منٛز ٲسؠ تہٕ تِمن ہیٚوک نہٕ کام جٲری تھٲوِتھ۔39پولُسنؔ تہٕ برنباسنؔ کوٚر اتھ ماملس پیٚٹھ پانہٕ وٲنؠ سخت اختلاف تہٕ دراے اکھ أکِس نِش الگ۔ برنباسنؔ تُل مرقُس پانس سٟتؠ۔ تِم کٔھتؠ اکِس جہازس تہٕ وٲتؠ کُپرس کِس جزیرس پیٚٹھ۔40پولُسنؔ ژور پانس سٟتؠ کٲم کرنہٕ باپتھ سیلاس یُس انطاکیہ واپس آمُت اوس۔ تتہِ کیٚو ایمان والیٚو کوٚر خداوند خدایس کُن دُعا تہٕ مونٛگہس مہربٲنی کٔرِتھ کر پولُسسؔ تہٕ سیلاسسؔ مدد۔ پتہٕ دراے تمہٕ دونوے انطاکیہ منٛزٕ۔41پولُسؔ رود سیلاسسؔ سٟتؠ صوریہؔ تہٕ کلکیہ کٮ۪ن صوبن ہُنٛد صفر کران۔ یمن جاین اوس سُہ ایمان والیٚن ہنٛزن جمٲژن ہُنٛد مدد کران زِ تِم تھاون خداوند یسوعسؔ پیٚٹھ پۅختہٕ بھروسہٕ۔
Bridge Connectivity Solutions Pvt. Ltd.