اعمال14
1پولُسؔ تہٕ برنباس گےَ اِکُنیُمسؔ منٛز ہمیشٕکؠ پٲٹھؠ یہُودینؔ ہنٛدِس جلسہٕ گاہس منٛز تہٕ کریکھ خداوند یسوعسؔ متعلق بجہِ بجہِ کتھٕ۔ نتیجہ دراو یہ، زِ واریہو یہُودیٚو تہٕ غٲر یہُودیٚو تہِ اوٚن یسوعسؔ پیٚٹھ ایمان۔2مگر کینٛژو یہُودؠ لوٗکو کوٚر سُہ پٲغام ماننہٕ نِشہٕ انکار۔ تِمو ووٚن غٲر یہُودینؔ زِ اتھ پیٚٹھ مہٕ کٔریٚو یقین۔ تِمو چِڈٲوؠ کینٛہہ غٲر یہُودؠ تتہِ کٮ۪ن ایمان والیٚن پیٚٹھ۔3مگر پولُسنؔ تہٕ برنباسنؔ کرِ تتہِ واریہس وقتس خداوند سنٛدِ خٲطرٕ ہمتہٕ سان کتھٕ، خداوند یسوعنؔ بنٲوؠ تِم واریاہ معجزٕ کرنس قٲبل۔ یتھٕ پٲٹھؠ بُوو تٔمؠ لوٗکن امہِ پٲغامُک پزر زِ اگر نہٕ أسؠ اتھ لایق چھِ تہِ، مگر خداوند چُھ اسہِ بچاوان۔4یِم لوٗکھ اکُنیمسؔ منٛز روزان ٲسؠ تِمن آسہ زٕ مختلف رایہِ۔ کینٛژو کوٚر یہُودینؔ سٟتؠ اتفاق۔ تہٕ کینٛہہ ٲسؠ رسولن سٟتؠ اتفاق کران۔5پتہٕ لٲج غٲر یہُودؠ لوٗکو تہٕ تِمو یہُودیو یمو پولُسؔ تہٕ برنباس سنٛز مخالفت کٔر پانہٕ وٲنؠ کتھ کرٕنؠ زِ تِم کِتھٕ کنؠ کرن پولُسؔ تہٕ برنباسسؔ سٟتؠ بُرٕ سلوک۔ امہِ شہرٕ کیٚو کینٛژو اہم نفرو کٔر تِمن مدد کرنٕچ رضامنٛدی ظٲہر۔ دوٚنویو کوٚر رٔلِتھ فٲصلہٕ زِ تِم کرن پولُسسؔ تہٕ برنباسسؔ کنہِ لٲیِتھ قتٕل۔6مگر پولُسنؔ تہٕ برنباسنؔ بوٗز تِہنٛدِس اتھ منصوبس متعلق، لہٰذا گےَ تِم جلدےٕ لُکااُنیہ ضلعس منٛز۔ تمہٕ گےَ تمہ ضلع کِس لُسترہؔ، دربی تہٕ انٛدؠ پٔکؠ کٮ۪ن علاقن منٛز۔7ییٚلہ تِم تتھ علاقس منٛز ٲسؠ تہٕ تِم رودؠ خداوند یسوعسؔ متعلق لوٗکن پٲغام بوزٕناوان۔8لُسترہؔ ہس منٛز اوس اکھ شخصا تتہِ بہِتھ یُس زنٛگو کِنؠ معذور اوس۔ ییٚلہ تس ماجہِ زایُن دیتمُت اوس تمی وزِ آسہٕ تس ہجہِ کجہِ زنٛگہٕ یمہِ کِنؠ نہٕ سُہ اورٕ یور پٔکتھےٕ اوس ہیٚکان۔9سُہ اوس بوزان ییٚلہِ پولُسؔ خداوند یسوعسؔ متعلق ونان اوس، پولُسسؔ پییہِ سیدِ سیٚود تمِس پیٚٹھ نظر تہٕ وچُھن تٔمسنٛدِس بُتھِس کُن یُس باوان اوس تہٕ پژھ ٲسس زِ خداوند یسوع ہیٚکہٕ تمِس ٹھیک کٔرِتھ۔10تہٕ پولُسنؔ کٔر تمِس بڈِ کریٚکھ زِ تھوٚد وۅتھ۔ یہ بوزِتھ لوٚگ سُہ نفر وۅٹہٕ تُلنہِ تہٕ جلدےٕ اورٕ یور پھیرنہِ۔11ییٚلہِ لُکہٕ ارساتن یہ وُچھ زِ پولُسنؔ کیاہ کوٚر تہٕ تِمو سمُجھ زِ پولُسؔ تہٕ برنباس چھِ تِمےدیوتا یِمن ہنٛز تمہٕ عبادت کران ٲسؠ۔ لہٰذا تُل تِمو پننہِ لُکااُنیہ زبٲنؠ منٛز شورٕ شر "وُچھو! دیوتاہو چُھ پنُن پان لوٗکن ہِوُےٕ بنومُت تہٕ سانہِ مدتہٕ باپتھ چھِ آسمانہٕ پیٚٹھٕ وتھؠ مٕتؠ!"12تِم لٔگؠ وننہِ زِ شاید چُھ برنباس ساروےٕ کھۅتہٕ بوٚڈ دیوتا یمسُنٛد ناو زِیوسؔ اوس۔ تہٕ تِم لٔگؠ وننہِ زِ پولُسؔ اوس ہرمیسؔ، باقی دیوتاہن ہُنٚد پیغمبر۔ یہ زون تِمو اوٕ مۅکھٕ تکیازِ پولُسؔ اوس اکھ یُس کلام کران اوس۔13لوٗکھ ٲسؠ زِیوسؔ سنٛز پوٗزا شہرٕ کٮ۪ن دروازن نیٚبرٕ کنہِ اکِس مندرس منٛز کران۔ تتہِ یُس کاہن اوس سُہ ووت پولُسؔ تہٕ برنباس سنٛزٕ کتھٕ بوزِتھ شہرٕ کہِ پھاٹکہِ نِش یتہِ واریاہ لُکہ جمع ٲسؠ۔ تٔمؠ أنؠ زٕ دانٛد یِمن گردٕنہِ پوشہٕ ژادرٕ نٲلؠ آسہٕ۔ کاہن تہٕ لُکہٕ ہجوٗم اوس پولُسؔ تہٕ برنباسؔ سنٛزِ عبادٕژ ہنٛزِ تقریبہِ منٛز دانٛد جورؠ مارٕنؠ یژھان۔14مگر ییٚلہ رسولو، برنباس تہٕ پولُسنؔ یہ بوز تہٕ سپدؠ سیٚٹھاہ پریشان تہٕ ژٔٹِکھ پانس پلو۔ تِم گےَ لوٗکن منٛز دوان دوان تہٕ دِژکھ کریٚکہٕ،15اے لوٗکو، توٚہہ پزنو نہٕ یمہ دانٛد سانہٕ عبادتہٕ خٲطرٕ مارٕنؠ۔ أسؠ چھنہٕ دیوتا! أسؠ تہِ چھِ تُہنٛدےٕ ہیٚو طبیعت تھاون وٲلؠ انسان! أسؠ آے توٚہہ اکھ اصل خبر بوزناونہٕ باپتھ! أسؠ آے توٚہہ تس خدایس متعلق وننہٕ باپتھ یُس قدرت تھاون وول چُھ۔ سُہ چُھ یژھان زِ توٚہؠ ترایو باقی دیوتاہن ہنٛز پوٗزا کرٕنؠ، تکیازِ تمہٕ ہیٚکن نہٕ توٚہہ مدد کٔرِتھ۔ تٔمؠ پٔزؠ خداین کٔرؠ آسمان، زمین، سمندر تہٕ تِمن منٛز موجود تمام چیز پٲدٕ۔16پتھ کالہِ ٲسیو توٚہؠ سٲری غٲر یہُودؠ تِمن معبودن ہنٛز پٲروی کران یِمن ہنٛز توٚہؠ پرستِش کرٕنؠ یژھان ٲسیٚو۔ خداین دِژو توٚہہ تِہنٛز عبادت کرنہٕ تکیازِ توٚہؠ ٲسؠ وون نہٕ سُہ زانان۔17مگر تٔمؠ ہوو اسہِ زِ سُہ چُھ اسہِ سٟتؠ حلیمی سان پیش یوان۔ سُے چُھ آسمانہٕ پٮ۪ٹھٕ رود تراوان تہٕ فصٕل ۅپداوان۔ سُے چُھ یُس توٚہہِ واریاہ خۅراک دِوان چُھ تہٕ تُہنٛدؠ دِل خۅشی سٟتؠ رنٛزوان چُھ"18لوٗکو بوز پولُسؔ سنٛز کتھ مگر تمہِ پتہٕ تہِ ٲسؠ سونٛچان زِ تِمہ دانٛد کرووکھ پولُسؔ تہٕ برنباس سنٛدِس عبادتس منٛز قربان۔ مگر ٲخر کوٚر لوٗکو تہِ نہ کرنُک فٲصلہٕ۔19مگر کینٛہہ یہُودؠ آے انطاکیہ تہٕ اِکُنیُمؔ پیٚٹھٕ تہٕ کوٚرکھ لُسترہؔ کین واریہن لوٗکن باور زِ یُس پٲغام پولُسنؔ تِمن دیُت سُہ چھنہٕ پوٚز۔ یمو لوٗکو یہُودینؔ ہنٛزن کتھن پیٚٹھ پژھ کٔر تِم سپٕدؠ پولُسسؔ ناراض۔ تِمو لایہ ناوِ یہُودینؔ اتھِ تس کنہِ یۅتام سُہ پتھر پٮ۪تھ بے ہوش سپُد۔ سارنی باسیاو زِ سُہ مود، اوٕ کِنؠ نیٚو سُہ تِمو شہرٕ نیٚبر کھکھرِ تہٕ ژھنُکھ تٔتی ترٲوِتھ۔20مگر لُسترہؔ ہٕکؠ کینٛہہ ایمان وٲلؠ آے تہٕ گےَ پولُسسؔ انٛدؠ انٛدؠ جمع یتِتھ سُہ پتھرِس پیٚٹھ اوس۔ پولُسسؔ آو ہوش! سُہ وۅتھ تھوٚد تہٕ گو ایمان والیٚن سٟتؠ شہر واپس۔
دویمہِ دوٚہہ دراے پولُسؔ تہٕ برنباس لُسترہؔ شہرٕ منٛزٕ تہٕ گےَ دربی شہر کُن۔21تِم رودؠ تتہِ واریہن دوٚہُن تہٕ ٲسؠ لوٗکن یسوعسؔ متعلق رژٕ کتھٕ بوزٕناوان۔ واریاہ لوٗکھ بنیاے ایمان وٲلؠ۔ امہِ پتہٕ لٔگؠ پولُسؔ تہٕ برنباس واپس نیرنہ۔ تِم گےَ بیٚیہِ لُسترہؔ۔ پتہٕ گےَ تتہِ پیٚٹھٕ اِکُنیُمؔ تہٕ پسدیہ صوبہٕ کِس انطاکیہ شہرس منٛز۔22پرٛتھ جایہ کوٚر تِمو ایمان والیٚن تٲکید خداوند یسوعسؔ پیٚٹھ بھروسہٕ کرنُک۔ تِمو ووٚن ایمان والیٚن، "اسہِ پیٚن واریاہ مشکلات برداش کرٕنؠ یۅتام نہٕ خدا ہمیشہٕ باپتھ اسہِ پیٚٹھ حکومت کرِ"23پولُسؔ تہٕ برنباسنؔ ژٲرؠ پرٛتھ کُنہِ جمٲژ باپتھ قٲید۔ امہِ برُونٛہہ زِ پولُسؔ تہٕ برنباس نیرٕہن یمو جایو، تِمو کٔرؠ ایمان وٲلؠ جمع تہٕ گُزورُکھ کینٛہہ وق روزن تہٕ عبادتس تہٕ روزدری منٛز۔ پتہٕ کٔرؠ پولُسنؔ تہٕ برنباسنؔ یِم قٲید تہٕ ایمان وٲلؠ خداوند یسوعسؔ حوالہٕ یس پیٚٹھ تِمو ایمان اوٚنمُت اوس تاکہِ سُہ کرِ تِمن رٲچھ۔24پولُسؔ تہٕ برنباس دراے پسدیہ ضلع منٛزؠ جنوب کِنؠ تہٕ گےَ پمفیلیہؔ ضلعس منٛز۔25تِمہ وٲتؠ تمہ ضلع کِس پرگہٕ شہرس منٛز تہٕ بوزٕ نٲوِکھ تتِکؠ لوٗکھ خداوند یسوعسؔ متعلق خدا سُنٛد پٲغام۔ پتہٕ گےَ تمہ اتلّیہ قصبس منٛز سمندری ساحِلس کُن۔26تتہِ پیٚٹھٕ گےَ تِم جہازس منٛز سوار سپدِتھ انطاکیہ صوبس کُن واپس روانہٕ۔ یہ ٲس سۅ جاے یتہِ پولُسؔ تہٕ برنباس باقی جاین سکھراونہٕ وزِ منٲدی کٔرِتھ ژارنہٕ آے، تہٕ یتہِ ایمان والیٚو خدایس ونیاو زِ سُہ کٔرِنؠ پولُسؔ تہٕ برنباس سںنٛزِ اتھ کامہِ منٛز تِمن مدد یۅسہ ۅں تِمو انٛد واتنٲو۔27ییٚلہ تِم انطاکیہ شہر وٲتؠ تہٕ تِمو کٔرؠ ایمان وٲلؠ جمع۔ پتہٕ ووٚن پولُسنؔ تہٕ برنباسنؔ تِمن تہِ سورےٕ یتھ کنؠ زن خداین تِمن مدد کوٚر۔ خاص طور، ووٚن تِمو تِمن یہ زِ خداین کِتھٕ پٲٹھؠ بنٲوؠ غٲر یہُودؠ لوٗکھ یسوعسؔ پیٚٹھ ایمان اننس قٲبل۔28پتہٕ رودؠ پولُسؔ تہٕ برنباس دوٚیمٮ۪ن ایمان والیٚن سٟتؠ واریہس وقتس انطاکیہ ہس منٛز۔
دویمہِ دوٚہہ دراے پولُسؔ تہٕ برنباس لُسترہؔ شہرٕ منٛزٕ تہٕ گےَ دربی شہر کُن۔21تِم رودؠ تتہِ واریہن دوٚہُن تہٕ ٲسؠ لوٗکن یسوعسؔ متعلق رژٕ کتھٕ بوزٕناوان۔ واریاہ لوٗکھ بنیاے ایمان وٲلؠ۔ امہِ پتہٕ لٔگؠ پولُسؔ تہٕ برنباس واپس نیرنہ۔ تِم گےَ بیٚیہِ لُسترہؔ۔ پتہٕ گےَ تتہِ پیٚٹھٕ اِکُنیُمؔ تہٕ پسدیہ صوبہٕ کِس انطاکیہ شہرس منٛز۔22پرٛتھ جایہ کوٚر تِمو ایمان والیٚن تٲکید خداوند یسوعسؔ پیٚٹھ بھروسہٕ کرنُک۔ تِمو ووٚن ایمان والیٚن، "اسہِ پیٚن واریاہ مشکلات برداش کرٕنؠ یۅتام نہٕ خدا ہمیشہٕ باپتھ اسہِ پیٚٹھ حکومت کرِ"23پولُسؔ تہٕ برنباسنؔ ژٲرؠ پرٛتھ کُنہِ جمٲژ باپتھ قٲید۔ امہِ برُونٛہہ زِ پولُسؔ تہٕ برنباس نیرٕہن یمو جایو، تِمو کٔرؠ ایمان وٲلؠ جمع تہٕ گُزورُکھ کینٛہہ وق روزن تہٕ عبادتس تہٕ روزدری منٛز۔ پتہٕ کٔرؠ پولُسنؔ تہٕ برنباسنؔ یِم قٲید تہٕ ایمان وٲلؠ خداوند یسوعسؔ حوالہٕ یس پیٚٹھ تِمو ایمان اوٚنمُت اوس تاکہِ سُہ کرِ تِمن رٲچھ۔24پولُسؔ تہٕ برنباس دراے پسدیہ ضلع منٛزؠ جنوب کِنؠ تہٕ گےَ پمفیلیہؔ ضلعس منٛز۔25تِمہ وٲتؠ تمہ ضلع کِس پرگہٕ شہرس منٛز تہٕ بوزٕ نٲوِکھ تتِکؠ لوٗکھ خداوند یسوعسؔ متعلق خدا سُنٛد پٲغام۔ پتہٕ گےَ تمہ اتلّیہ قصبس منٛز سمندری ساحِلس کُن۔26تتہِ پیٚٹھٕ گےَ تِم جہازس منٛز سوار سپدِتھ انطاکیہ صوبس کُن واپس روانہٕ۔ یہ ٲس سۅ جاے یتہِ پولُسؔ تہٕ برنباس باقی جاین سکھراونہٕ وزِ منٲدی کٔرِتھ ژارنہٕ آے، تہٕ یتہِ ایمان والیٚو خدایس ونیاو زِ سُہ کٔرِنؠ پولُسؔ تہٕ برنباس سںنٛزِ اتھ کامہِ منٛز تِمن مدد یۅسہ ۅں تِمو انٛد واتنٲو۔27ییٚلہ تِم انطاکیہ شہر وٲتؠ تہٕ تِمو کٔرؠ ایمان وٲلؠ جمع۔ پتہٕ ووٚن پولُسنؔ تہٕ برنباسنؔ تِمن تہِ سورےٕ یتھ کنؠ زن خداین تِمن مدد کوٚر۔ خاص طور، ووٚن تِمو تِمن یہ زِ خداین کِتھٕ پٲٹھؠ بنٲوؠ غٲر یہُودؠ لوٗکھ یسوعسؔ پیٚٹھ ایمان اننس قٲبل۔28پتہٕ رودؠ پولُسؔ تہٕ برنباس دوٚیمٮ۪ن ایمان والیٚن سٟتؠ واریہس وقتس انطاکیہ ہس منٛز۔
Bridge Connectivity Solutions Pvt. Ltd.