اعمال13
1شامہ کس صوبس انطاکیہ ہس منٛز ٲسؠ ایمان والیٚن ہنٛزِ جمٲژ منٛز نبی تہٕ تِم شخص یمہٕ لوٗکن یسوعسؔ متعلق تعلیم ٲسؠ دِوان۔ تِمن منٛز ٲسؠ: برنباس، شمعون یمِس نِجرؔ تہِ ونان ٲسؠ، لوکیس، یُس سائرینُک اوس، مناہینؔ، یُس بادشاہ ہیرودیس انتِپاسسؔ سٲتھی رودمُت اوس، تہٕ بیٚیہِ ساوُل۔2ییٚلہِ تِم روزدار ٲسؠ روزان تہٕ خداوند سنٛز عبادت کران ٲسؠ، پاک روح ووٚتھ تِمن کُن، "برنباس تہٕ ساوُل ژٲرؠ وُن میانہِ خدمتہٕ باپتھ تِم گٔژھن تہٕ کرن سۅ کٲم یمہِ باپتھ مےٚ تِم ژٲرمٕتؠ چھِ!"3چناچہ تمہ رودؠ روزٕ تھاوان تہٕ دعا کران۔ پتہٕ کوٚر تِمو برنباسسؔ تہٕ ساوُلس اتھٕ پٮ۪تھ تھٲوِتھ دُعا زِ خدا کٔرن تِمن مدد۔ پتہٕ کٔرؠ تِمو تِم تمہِ کامہِ خٲطرٕ روانہٕ یمیُک روح القدسن حکم کوٚرمُت اوس۔4روح القدسن دِتؠ برنباسسؔ تہٕ ساوُلس ہِدایت زِ گژھُن کوٚت چُھ۔ چناچہ تِم گےَ انطاکیہؔ پیٚٹھٕ سمندری سفر کٔرِتھ سلُوکیہؔ شہر۔ تتہِ پیٚٹھٕ گےَ تِم جہازس منٛز کُپرس کہِ جزیرٕ کِس سلمِیسؔ شہر منٛز۔5ییٚلہ تِم سلمِیسؔ شہرس منٛز ٲسؠ تتہِ گےَ تِم یہُودینؔ ہنٛدین عبادت گاہن منٛز۔ تتہِ کوٚر تِمو یسوعسؔ متعلق خدایہ سنٛدِ پٲغامُک اعلان۔ یوحنا مرکسؔ گو تِمن مدد کرنہٕ باپتھ سٟتؠ۔6تِم ترینوے گے سورےٕ جزیرٕ پار کٔرِتھ پافُس شہر۔ تتہِ گو تِمن اکِس جٲدؠ گرس سٟتؠ ملاقات یمِس بریسوعؔ ناو اوس۔ سُہ اوس سُہ یہُودؠ یمؠ نبی آسنُک اپُز دعوا کوٚرمُت اوس۔7سُہ اوس امہِ جزیرٕ کِس گورنر سرگیُس پولُسؔ سٟتؠ یُس اکھ ذہین انسان اوس۔ گورنرن سوز کُستام برنباسسؔ تہٕ ساوُلس پانس نِشہٕ اننہٕ باپتھ نادس تکیازِ سُہ اوس خدا سُنٛد کلام بوزن یژھان۔8مگر جادوگرن یمہ سنٛدِ ناوک ترجمہٕ یونٲنؠ زبٲنؠ منٛز الیماسؔ اوس کٔر تِمہ رُکاونٕچ کوشش۔ تٔمؠ کٔر بار بار گورنر کٲیل کرنٕچ کوشش زِ سُہ مہٕ أنِن یسوعسؔ پیٚٹھ ایمان۔9ساوُل اوس ووٚنؠ پانس پولُسؔ ونان۔ پاک روحن کوٚر پولُسؔ جادو گرس کُن غورٕ سان وُچھنہٕ باپتھ مجبور۔ پولُسنؔ وونُس،10"ژٕ چُھکھ شیطانہٕ سُنٛد پٲروکار، تہٕ ژٕ چُھکھ پرٛتھ اصل کامہِ ٹھوٚر اننٕچ کوشش کران! ژٕ چُھکھ ہمیشہ لوٗکن اپُز ونان تہٕ تِمن سٟتؠ باقی بُرٲییہِ ورتاوان۔ ژےٚ پٔزی یہ ونُن تراوُن زِ خداوند خدایس متعلق پزر چُھ اپُز!11ووٚنؠ چُھ خداوند خدا ژےٚ سزا دنہٕ وول! ژٕ گژھکھ اوٚن تہٕ کینٛژس کالس ہیٚککھ نہٕ افتابےٕ وُچِھتھ۔ "أتھؠ سٟتؠ گو سُہ اوٚن، زنتہٕ سُہ اکِس سیاہ وُنلہِ منٛز اوس۔ تہٕ سُہ لوٚگ اورٕ یور أنؠ ژھارِ وُچھنہِ زِ تس گوٚژھ کانٛہہ اتھس تھف کرُن تہٕ وتہٕ ہاوُک بنُن۔12ییٚلہِ گورنرن وُچھ زِ الیماسسؔ سٟتؠ کیاہ سپُد تہٕ تٔمؠ اوٚن یسوعسؔ پیٚٹھ ایمان۔ پولُسؔ تہٕ برنباسؔ یہ کینٛژھا خداوند یسوعسؔ متعلق ہیٚچھٕ ناوان ٲسؠ تمہِ سٟتؠ سپٕز تس حٲرٲنی۔13امہ پتہٕ گےَ پولُسؔ تہٕ تمؠ سنٛدؠ سٟتؠ بوج جہازس منٛز پافُس پیٚٹھٕ پمفیلیہؔ کِس شہر پرگہٕ منٛز تہٕ یوحنا مرکسؔ گو تِم أتی ترٲوِتھ یروشلمؔ پنُن گھرٕ واپس۔14پتہٕ گےَ پولُسؔ تہٕ برنباسؔ پرگہٕ پیٚٹھٕ وۅکھٕلؠ گلتیہ صوبہٕ کِس پسدیہ شہر انطاکیہؔ۔ سبت کہِ دوٚہہ گےَ تہٕ بیٹھؠ عبادت گاہس منٛز۔15یہ کینٛژھا موسیٰؔ ہن شریعت چن کتابن منٛز لیٚوکھمُت چُھ تہِ اوس کُستام بڈِ بڈِ پران۔ امہِ پتہٕ پوٚر کٔمؠ تام تہِ یہ نبیو لیٚوکھمُت چُھ۔ پتہٕ سوز جلسہٕ گاہ کیٚو زِٹھیٚو پولُسسؔ تہٕ برنباسسؔ شیٚچھ: "یہُودؠ بایو، اگر توٚہہِ منٛزٕ کانٛہہ یتہِ کٮ۪ن لوٗکن حوصلہٕ افزٲئی مۅکھٕ تِمن سٟتؠ کتھ چھِ یژھان کرٕنؠ مہربٲنی کٔرِتھ یِیو تہٕ کٔریٚو اسہِ سٟتؠ کتھ۔16پولُسؔ ووٚتھ تھوٚد تہٕ کوٚرُن اتھٕ سٟتؠ اشارٕ تاکہِ لوٗکھ بوزن تمؠ سنٛز کتھ۔ پتہٕ ووٚن تٔمؠ، "ٹاٹھیو اسرائیل یو تہٕ غٲر یہُودؠ لوٗکو یمہٕ خدایہ سنٛز عبادت تہِ کران چُھو، مہربٲنی کٔرِتھ بوزیٚو میانؠ کتھ!17خدا یمسنٛز أسؠ اسرائیلی عبادت کران چھِ، چھِ سٲنؠ جدٕ اجداد پننہِ باپتھ ژٲرمٕتؠ تہٕ تہنٛزِ آبٲدی منٛز کٲفی اضافہٕ کوٚرمُت یۅتام تِمہ مِصرچہِ زمینہِ پیٚٹھ پردیسی ٲسِتھ زندگی گُزاران ٲسؠ۔ پتہٕ کٔر خداین تِم غلامی منٛزٕ کڈنہٕ باپتھ زبردس کٲم۔18یودوے تِمو وزِ وزِ تمؠ سنٛز نافرمٲنی کٔر مگر توتہِ کوٚر تٔمؠ تِہُنٛد وطیرٕ قریبن ژتجَہن ؤرین برداش یۅتام تِم بیابانن منٛز ٲسؠ۔19تٔمؠ بنٲوؠ اسرائیلی لوٗکھ تِم ستتھ جمٲژ فتح کرنس قٲبل یمہٕ تمہِ وزِ کنعان لٮ۪ن علاقن منٛز روزان ٲسؠ، تہٕ تٔمؠ کٔر تِہنٛز زمین ہمیشہٕ باپتھ اسرائیل ین ہنٛدِس قبضس منٛز20یِم سٲری چیز سپدؠ تِہنٛدؠ جدٕ اجداد مِصرٕ منٛزٕ نیرنہٕ پتہٕ لگ بگ ساڑِ ژورِ ہتہِ ؤہرؠ۔
"تمہِ پتہٕ، ژٲرؠ خداین اسرائیل ین پیٚٹھ بحثیتِ قٲضؠ تہٕ بحثیتِ رہنما حکومت کرنہٕ باپتھ لوٗکھ۔ تِم سردار رودؠ اسہِ پیٚٹھ حکومت کران، تہٕ سموئیلؔ رسول اوس تِمن پیٚٹھ حکومت کرن وول ٲخری قٲضؠ۔21تمہِ وزِ ییٚلہ سموئیلؔ تِہُنٛد رہنما اوس کوٚر لوٗکو مطالبہ زِ تِمن پیٚٹھ حکومت کرنہٕ باپتھ گژھِ اکھ بادشاہ مقرر کرنہٕ یُن۔ لہٰذا کوٚر خداین بنیمینؔ قبیلہٕ کِس قیس سُنٛد نیٚچو ساوُل تِہُنٛد بادشاہ بننہٕ خٲطرٕ منتخب۔ تٔمؠ کٔر ژتجَہن ورین تِمن پیٚٹھ حکومت۔22ییٚلہ خداین ساوُل بادشٲہی نِشہٕ رد کوٚر تہٕ تٔمؠ ژور داوود تِہُنٛد بادشاہ بننہٕ باپتھ۔ خداین وُون تِمن متعلق، "مےٚ وُچھ زِ یسیؔ سُنٛد نیٚچو داوود چُھ برابر تمی قسمُک انسان یُس تہِ یژھان چُھ یہ بہٕ یژھان چُھس۔ سُہ کرِ سۅ پرٛتھ کانٛہہ کٲم یۅسہ بہٕ تمِس اتھِ کرناوٕنؠ یژھان چُھس"23"داوود سنٛدیو اولادو منٛزٕ اوٚن خداین اکھ، یسوع اسہِ اسرائیلی لوٗکن نِش تاکہِ سُہ بچاوِ اسہِ، یتھ پٲٹھؠ تٔمؠ داودسؔ تہٕ سانٮ۪ن باقی جدٕ اجدادن سٟتؠ تہِ کرنُک وعدٕ کوٚرمُت اوس۔24یسوع سنٛدِ پنٕنؠ کٲم شروع کرنہٕ برُونٛہہ، پوٚر بپتسمہ دنہٕ وٲلؠ یوحنا ہن سانٮ۪ن تمام اسرائیلی لوٗکن یمہ تس نِش آمٕتؠ ٲسؠ وعظ۔ تٔمؠ ووٚن تِمن زِ تمہٕ پھیرِن پننہِ بُرٕ وطیرٕ نِشہٕ واپس تہٕ خدایس منٛگِن تِمو نِشہٕ اُفو۔ پتہٕ دییہِ سُہ تِمن بپتسمہ۔25ییٚلہ یوحنا سۅ کام انٛد واتناون وول اوس یۅسہ خداین تس کرنہٕ باپتھ دِژمٕژ ٲس تہٕ سُہ اوس ونان، "کیاہ توٚہہِ چھا باسان زِ بےٕ چُھس سُہ مسیحؔ یُس خداین سوزنُک وعدٕ کوٚرمُت اوس؟ نہ بہٕ چُھس نہٕ۔ مگر بوزیٚو!مسیح ییہِ جلدےٕ۔ سُہ چُھ میانہِ نِشہٕ تیوٗت بوٚڈ زِ بہٕ شوبہٕ نہٕ تس کھۅربانہٕ تُلنس تہِ"26"ٹاٹھیٚو بایو، تہٕ توٚہؠ سٲری یمہٕ ابرہامؔ سنٛدؠ اولاد چھِ، تہٕ توٚہہِ منٛز تِم غٲر یہُودؠ لوکھ یِم خدایہ سنٛز تہِ عبادت کران چھِ، مہربٲنی کٔرِتھ بوزیٚو! یہ چُھ اسہِ سارنےٕ ہنٛدِ باپتھ زِ خداین سوز اسہِ یہ پٲغام زِ سُہ کِتھٕ کنؠ چُھ لوٗکن بچاوان۔27یروشلم کیٚو روزن والیٚو تہٕ تہنٛدیٚو حکمرانو پرزٕنوو نہٕ یسوعؔ۔ تِمو سمجھ نہٕ پننٮ۪ن نبین ہنٛدؠ پٲغامات یودوے زن تِم پرٛتھ سبت دوٚہہ تِہُنٛد بڈِ بڈِ برُن بوزان ٲسؠ۔ یہ کینٛژھا نبیو واریاہ برُونٛہہ ووٚن تہِ گو پوٚز ثٲبت ییٚلہ تِمو یسوعسؔ سزایہ موت دیُت۔28واریہو لوٗکو دیُت یسوعسؔ بُرٕ کامہ کرنُک اِلزام، یودوے زن تِمو ثٲبت ہیٚوک نہٕ کٔرِتھ زِ تِمو کیاہ کٔر کانٛہہ تِژھ کٲم یمہِ سٟتؠ سُہ موتُک حقدار اوس، تِمو ووٚن گورنر پیلاطسؔ زِ سُہ دِیِن یسوعسؔ سزاے موت۔29تِمو کوٚر یسوعسؔ سٟتؠ تہِ سورےٕ یہ واریاہ برُونٛہہ نبی یو لیٚوکھمُت اوس زِ لوٗکھ کیاہ کرن تمِس سٟتؠ۔ تَمو تھوو یسوع کِلؠ دِتھ صلیبس پیٚٹھ مٲرِتھ۔ پتہٕ وولوٗکھ تمسُنٛد جسٕم صلیب پیٚٹھٕ بوٚن تہٕ دفنووُکھ۔30مگر خداین کوٚر سُہ موٚردو منٛزٕ زنٛدٕ۔31واریہن دوٚہُن رود سُہ پننیٚن تِمن پٲروکارن نِش ظٲہِر سپدان یِم تمِس سٟتؠ گلیلؔ پیٚٹھٕ یروشلم تام آمٕتؠ ٲسؠ۔ یمو لوٗکو سُہ وُچھ تِم چھِ ووٚنؠ باقی لوٗکن تس متعلق ونان۔32ووٚنؠ چھِ أسؠ توٚہہِ یہ رُت پٲغام بوزٕناوان۔ أسؠ چھِ توٚہہِ یہ ونُن یژھان زِ خداین یُس سانٮ۪ن یہُودؠ جدٕاجدادن سٟتؠ وعدٕ کوٚرمُت اوس سُہ کوٚر تٔمؠ پوٗرٕ!33ووٚنؠ کوٚر تٔمؠ سانہِ خٲطرٕ یمہٕ تِہنٛدؠ اولاد چھِ تہٕ تُہنٛدِ خٲطرٕ تہِ یمہٕ غٲر یہُودؠ چھِ یسوع دوبارٕ زنٛدٕ کٔرِتھ یہ۔ یہ چُھ بلکُل تِتھُے یہ داوودنؔ دویمِہ زبورِ منٛز لیٚوکھ، ییٚلہ خدا پنُن گۅبُر سوزنس متعلق ونان اوس: ژٕ چُھکھ میٚون گۅبُر؛ از بنیاس بہٕ چون بب۔34خداین کوٚر مسیحؔ موٚردو منٛزٕ زنٛدٕ تہٕ پتہٕ دییہِ نہٕ تس زانٛہہ تہِ مرنہٕ۔ خداین ووٚن سانٮ۪ن یہُودؠ جدٕاجدادن، "بہٕ کرو توٚہہِ ضرور مدد یتھ کنؠ مےٚ داودسؔ سٟتؠ وعدٕ کوٚرمُت چُھ زِ بہٕ کرٕ"35یُس داوودُن بیاکھ زبور چُھ، سُہ چُھ مسیحؔ ہس متعلق یہ ونان: " ژٕ دِکھ نہٕ پننِس پاک شخصہٕ سنٛدِس جسمس سڑنُک اِجازت"36ییٚلہ داوود زنٛدٕ اوس، تٔمؠ کوٚر تی یہ خدا تس نِش یژھان اوس۔ ییٚلہ سُہ مود تہٕ تمؠ سنٛز لاش آیہ دفن کرنہٕ یتھ پیٚٹھ تمسنٛدین جدٕ اجدادن ہنٛدؠ جسم ٲسؠ دفن کرنہٕ آمٕتؠ تہٕ تمسُنٛد جسٕم سپدیٚو بوسیدٕ۔ تہٕ سُہ ہیٚکہ ہے نہٕ اتھ زبورِ منٛز پانس متعلق کتھ کٔرِتھ۔37مگر یسوع اوس سُہ اکھ یُس خداین موٚردو منٛزٕ زنٛدٕ تُل تہٕ تمسُنٛد جسم سڑیو نہٕ۔38لہٰذا، میانیٚو ٹاٹھیٚو اسرائیل یو تہٕ باقی دوستو، تُہنٛدِ خٲطرٕ چُھ یہ زانُن ضروری زِ یسوع سنٛدِس کٔرمٕتِس پیٚٹھ ہیٚکہِ خدا تُہنٛدؠ گناہ معاف کٔرِتھ۔ سُہ کرِ توٚہہِ تِمو چیزو باپتھ تہِ معاف یم چیز نہٕ توٚہہِ موسیٰؔ سنٛدِ قانونہٕ حسابہٕ معاف ہیٚکن سپدِتھ۔39تِم سٲری لوٗکھ یِم یسوعسؔ پیٚٹھ پژھ تھاوان چھِ ین نہٕ ووٚنؠ تِمو کامیٚو باپتھ قصوروار زاننہٕ یمو ستؠ تِمو خدا ناراض کوٚر۔40مگر ہیٚسہٕ روزؠ زیٚو ینہٕ خدا توٚہہِ سٟتؠ سُہ انصاف کرِ یہ زن نبی یو فرمومُت چُھ زِ خدا کرِ۔41نبی یو چُھ لیٚوکھمُت زِ خداین فرموو، "توٚہؠ یِم مےٚ ٹٲنہٕ ژٹان چھِ، ییٚلہِ یہ وُچھو زِ بہٕ کیاہ چُھس کران یقیناً سپدِ توٚہہ حٲرانی تکیازِ ییٚلہ توٚہؠ زندٕ ٲسیٚو تہٕ بہٕ کرٕ توٚہہِ خوفناک عذاب۔ توٚہؠ کٔریٚو نہٕ یقینےٕ زِ بہٕ کیاہ ہیٚکہٕ تہِ کٔرِتھ حالانکہ کٔمؠ تام چُھ توٚہہِ ونمُت!"42ییٚلہ پولُسؔ پنٕنؠ کتھ مۅکلٲوتھ دراو تہٕ تتہِ موجود واریہو لوٗکو ووٚن تس نوِ سبت کہِ دوٚہہ یمہ چیز بیٚیہِ وننہٕ باپتھ واپس یُن۔43ییٚلہ جلسہٕ انٛد ووت تہٕ تِمو منٛزم لٔگؠ واریاہ پولُسؔ تہٕ برنباس سنٛز پٲروی کرنہِ۔ یمہ لوٗکھ ٲسؠ یہُودؠ تہِ تہٕ غٲر یہُودؠ تہِ یمہٕ خدایہ سنٛز عبادت کران ٲسؠ۔ پولُسؔ تہٕ برنباس رودؠ تِمن سٟتؠ کتھٕ کران۔ تِم رودؠ تِمن بھروسہٕ کرنُک تٲکید کران یُتھ خدا مہربان سپدِتھ یسوع سنٛدِ برکتہٕ لوٗکن ہنٛدؠ گناہ معاف کرِ۔44دویمہِ سبت کہ دوٚہہ آے انطاکیہ ۂکؠ اکثر لوٗکھ یہُودینؔ ہنٛدِس جلسہٕ گاہس منٛز پولُسؔ تہٕ برنباس سنٛزٕ کتھٕ خداوند یسوعسؔ متعلق بوزنہٕ خٲطرٕ۔45مگر یہُودینؔ ہنٛدین قٲیِدن گو سیٚٹھاہ رٔشِک ییٚلہ تِمو لوٗکن ہُنٛد اکھ بوٚڈ ہجوم وُچھ یمہٕ پولُسؔ تہٕ برنباس سنٛزٕ کتھٕ بوزنہِ یوان ٲسؠ۔ یتھ کنؠ لٲج تِمو یِمن کتھن ہنٛز مخالفت کرنؠ یمہٕ پولُسؔ ونان اوس تہٕ لٔگؠ تس توہین کرنہِ۔46پتہٕ ووٚن پولُسنؔ تہٕ برنباسنؔ سیٚٹھاہ ہمتہٕ سان تِمن یہُودؠ پیشواہن، "اسہِ اوس یسوعسؔ متعلق خدایہ سُنٛد پٲغام گۅڈٕ توٚہؠ یہُودؠ بوزناوٕنؠ۔ امہِ برُونٛہہ زِ أسؠ کرو غٲر یہُودینؔ برُونٛہہ کنہِ تمسُنٛد اعلان، تکیازِ خداین اوس اسہِ یہ کرنُک حکم کوٚرمُت۔ مگر توٚہؠ چُھو خدایہ سُنٛد پٲغام رد کران۔ یہ کٔرِتھ چُھو توٚہؠ ظٲہر کران زِ توٚہؠ چُھو نہٕ ابدی زندگی لایق۔ اوٕ کِنؠ چُھو أسؠ توٚہؠ تراوان، تہٕ ووٚنؠ گژھو أسؠ غٲر یہُودینؔ نِش تاکہ تِم بوزناووکھ أسؠ خدایہ سُنٛد پٲغام۔47یہ چھِ یہ اوٕموٚکھٕ تہِ کران تکیازِ خداوند خداین چُھ اسہِ یہ کرنُک حکم دیتمُت۔ تٔمؠ چُھ صحیفن منٛز فرمومُت، "مےٚ ژٲرمو توٚہؠ پانس متعلق تمہٕ کتھٕ غٲر یہُودینؔ یاد پاونہٕ باپتھ یمہٕ تہنٛدِ خٲطرٕ اکھ نوٗر آسہ۔ مےٚ ژٲرمو توٚہؠ دنیاہس منٛز پرٛتھ جایہ لوٗکن یہ پٲغام وننہٕ باپتھ زِ بہٕ چُھسکھ تِم بچاوٕنؠ یژھان"48ییٚلہ غٲر یہُودؠ لوٗکو یمہٕ کتھٕ بوزٕ تِمہ سپدؠ خۅش، تہٕ تِمو کوٚر خدایس تعریف یسوعسؔ متعلق امہِ پٲغامہٕ باپتھ۔ سٲری غٲر یہُودؠ لوٗکو یمہٕ خداین ابدی زندگی باپتھ ژٲرؠ کوٚر خداوند یسوع سنٛدِس پٲغامس پیٚٹھ یقین۔49تمہِ وقتہٕ ٲسؠ واریاہ ایمان وٲلؠ تتھ علاقس منٛز پھیران تھوران، تہٕ یوٚت تہِ تِم گژھان ٲسؠ تتہِ ٲسؠ خداوند یسوع سُنٛد پٲغام پھٲلاوان۔50مگر کینٛژو یہُودؠ رہنماوو کٔر کینٛژن اہم زنٮ۪ن سٟتؠ کتھ یمہٕ تِمن سٟتؠ عبادت کران آسہٕ۔ تِمو کٔر شہرٕکٮ۪ن سٮیٹھہےٕ اہم نفرن سٟتؠ تہِ کتھ۔ یہُودؠ سردارو کٔرؠ غٲر یہُودؠ شہرٕکؠ سردار پولُسؔ تہٕ برنباسؔ رُکاونٕچ کوشش کرنس پیٚٹھ آمادٕ۔ چناچہ یِمو غٲر یہُودؠ لوٗکو کٔرؠ پولُسؔ تہٕ برنباسسؔ خلاف واریاہ شہری تیار تہٕ کٔڈِکھ پننیٚو علاقو منٛزٕ۔51ییٚلہ دوٚنوے رسول تتہِ نیران ٲسؠ، تِمو دٕنؠ پننٮ۪ن کھۅرن ہنٛز میٚژ تِمن قٲیِدن یہ ہاونہٕ خٲطرٕ زِ خداین کٔرؠ تم رد تہٕ تِمن دییہِ سُہ سزا۔ پتہٕ دراے تِم انطاکیہؔ پیٚٹھٕ تہٕ گےَ اِکُنیُمؔ شہر کُن۔52اتھ دوران رود پاک روح ایمان والیٚن ژاٹن خوشی تہٕ طاقتہٕ سٟتؠ سرشار کران۔
"تمہِ پتہٕ، ژٲرؠ خداین اسرائیل ین پیٚٹھ بحثیتِ قٲضؠ تہٕ بحثیتِ رہنما حکومت کرنہٕ باپتھ لوٗکھ۔ تِم سردار رودؠ اسہِ پیٚٹھ حکومت کران، تہٕ سموئیلؔ رسول اوس تِمن پیٚٹھ حکومت کرن وول ٲخری قٲضؠ۔21تمہِ وزِ ییٚلہ سموئیلؔ تِہُنٛد رہنما اوس کوٚر لوٗکو مطالبہ زِ تِمن پیٚٹھ حکومت کرنہٕ باپتھ گژھِ اکھ بادشاہ مقرر کرنہٕ یُن۔ لہٰذا کوٚر خداین بنیمینؔ قبیلہٕ کِس قیس سُنٛد نیٚچو ساوُل تِہُنٛد بادشاہ بننہٕ خٲطرٕ منتخب۔ تٔمؠ کٔر ژتجَہن ورین تِمن پیٚٹھ حکومت۔22ییٚلہ خداین ساوُل بادشٲہی نِشہٕ رد کوٚر تہٕ تٔمؠ ژور داوود تِہُنٛد بادشاہ بننہٕ باپتھ۔ خداین وُون تِمن متعلق، "مےٚ وُچھ زِ یسیؔ سُنٛد نیٚچو داوود چُھ برابر تمی قسمُک انسان یُس تہِ یژھان چُھ یہ بہٕ یژھان چُھس۔ سُہ کرِ سۅ پرٛتھ کانٛہہ کٲم یۅسہ بہٕ تمِس اتھِ کرناوٕنؠ یژھان چُھس"23"داوود سنٛدیو اولادو منٛزٕ اوٚن خداین اکھ، یسوع اسہِ اسرائیلی لوٗکن نِش تاکہِ سُہ بچاوِ اسہِ، یتھ پٲٹھؠ تٔمؠ داودسؔ تہٕ سانٮ۪ن باقی جدٕ اجدادن سٟتؠ تہِ کرنُک وعدٕ کوٚرمُت اوس۔24یسوع سنٛدِ پنٕنؠ کٲم شروع کرنہٕ برُونٛہہ، پوٚر بپتسمہ دنہٕ وٲلؠ یوحنا ہن سانٮ۪ن تمام اسرائیلی لوٗکن یمہ تس نِش آمٕتؠ ٲسؠ وعظ۔ تٔمؠ ووٚن تِمن زِ تمہٕ پھیرِن پننہِ بُرٕ وطیرٕ نِشہٕ واپس تہٕ خدایس منٛگِن تِمو نِشہٕ اُفو۔ پتہٕ دییہِ سُہ تِمن بپتسمہ۔25ییٚلہ یوحنا سۅ کام انٛد واتناون وول اوس یۅسہ خداین تس کرنہٕ باپتھ دِژمٕژ ٲس تہٕ سُہ اوس ونان، "کیاہ توٚہہِ چھا باسان زِ بےٕ چُھس سُہ مسیحؔ یُس خداین سوزنُک وعدٕ کوٚرمُت اوس؟ نہ بہٕ چُھس نہٕ۔ مگر بوزیٚو!مسیح ییہِ جلدےٕ۔ سُہ چُھ میانہِ نِشہٕ تیوٗت بوٚڈ زِ بہٕ شوبہٕ نہٕ تس کھۅربانہٕ تُلنس تہِ"26"ٹاٹھیٚو بایو، تہٕ توٚہؠ سٲری یمہٕ ابرہامؔ سنٛدؠ اولاد چھِ، تہٕ توٚہہِ منٛز تِم غٲر یہُودؠ لوکھ یِم خدایہ سنٛز تہِ عبادت کران چھِ، مہربٲنی کٔرِتھ بوزیٚو! یہ چُھ اسہِ سارنےٕ ہنٛدِ باپتھ زِ خداین سوز اسہِ یہ پٲغام زِ سُہ کِتھٕ کنؠ چُھ لوٗکن بچاوان۔27یروشلم کیٚو روزن والیٚو تہٕ تہنٛدیٚو حکمرانو پرزٕنوو نہٕ یسوعؔ۔ تِمو سمجھ نہٕ پننٮ۪ن نبین ہنٛدؠ پٲغامات یودوے زن تِم پرٛتھ سبت دوٚہہ تِہُنٛد بڈِ بڈِ برُن بوزان ٲسؠ۔ یہ کینٛژھا نبیو واریاہ برُونٛہہ ووٚن تہِ گو پوٚز ثٲبت ییٚلہ تِمو یسوعسؔ سزایہ موت دیُت۔28واریہو لوٗکو دیُت یسوعسؔ بُرٕ کامہ کرنُک اِلزام، یودوے زن تِمو ثٲبت ہیٚوک نہٕ کٔرِتھ زِ تِمو کیاہ کٔر کانٛہہ تِژھ کٲم یمہِ سٟتؠ سُہ موتُک حقدار اوس، تِمو ووٚن گورنر پیلاطسؔ زِ سُہ دِیِن یسوعسؔ سزاے موت۔29تِمو کوٚر یسوعسؔ سٟتؠ تہِ سورےٕ یہ واریاہ برُونٛہہ نبی یو لیٚوکھمُت اوس زِ لوٗکھ کیاہ کرن تمِس سٟتؠ۔ تَمو تھوو یسوع کِلؠ دِتھ صلیبس پیٚٹھ مٲرِتھ۔ پتہٕ وولوٗکھ تمسُنٛد جسٕم صلیب پیٚٹھٕ بوٚن تہٕ دفنووُکھ۔30مگر خداین کوٚر سُہ موٚردو منٛزٕ زنٛدٕ۔31واریہن دوٚہُن رود سُہ پننیٚن تِمن پٲروکارن نِش ظٲہِر سپدان یِم تمِس سٟتؠ گلیلؔ پیٚٹھٕ یروشلم تام آمٕتؠ ٲسؠ۔ یمو لوٗکو سُہ وُچھ تِم چھِ ووٚنؠ باقی لوٗکن تس متعلق ونان۔32ووٚنؠ چھِ أسؠ توٚہہِ یہ رُت پٲغام بوزٕناوان۔ أسؠ چھِ توٚہہِ یہ ونُن یژھان زِ خداین یُس سانٮ۪ن یہُودؠ جدٕاجدادن سٟتؠ وعدٕ کوٚرمُت اوس سُہ کوٚر تٔمؠ پوٗرٕ!33ووٚنؠ کوٚر تٔمؠ سانہِ خٲطرٕ یمہٕ تِہنٛدؠ اولاد چھِ تہٕ تُہنٛدِ خٲطرٕ تہِ یمہٕ غٲر یہُودؠ چھِ یسوع دوبارٕ زنٛدٕ کٔرِتھ یہ۔ یہ چُھ بلکُل تِتھُے یہ داوودنؔ دویمِہ زبورِ منٛز لیٚوکھ، ییٚلہ خدا پنُن گۅبُر سوزنس متعلق ونان اوس: ژٕ چُھکھ میٚون گۅبُر؛ از بنیاس بہٕ چون بب۔34خداین کوٚر مسیحؔ موٚردو منٛزٕ زنٛدٕ تہٕ پتہٕ دییہِ نہٕ تس زانٛہہ تہِ مرنہٕ۔ خداین ووٚن سانٮ۪ن یہُودؠ جدٕاجدادن، "بہٕ کرو توٚہہِ ضرور مدد یتھ کنؠ مےٚ داودسؔ سٟتؠ وعدٕ کوٚرمُت چُھ زِ بہٕ کرٕ"35یُس داوودُن بیاکھ زبور چُھ، سُہ چُھ مسیحؔ ہس متعلق یہ ونان: " ژٕ دِکھ نہٕ پننِس پاک شخصہٕ سنٛدِس جسمس سڑنُک اِجازت"36ییٚلہ داوود زنٛدٕ اوس، تٔمؠ کوٚر تی یہ خدا تس نِش یژھان اوس۔ ییٚلہ سُہ مود تہٕ تمؠ سنٛز لاش آیہ دفن کرنہٕ یتھ پیٚٹھ تمسنٛدین جدٕ اجدادن ہنٛدؠ جسم ٲسؠ دفن کرنہٕ آمٕتؠ تہٕ تمسُنٛد جسٕم سپدیٚو بوسیدٕ۔ تہٕ سُہ ہیٚکہ ہے نہٕ اتھ زبورِ منٛز پانس متعلق کتھ کٔرِتھ۔37مگر یسوع اوس سُہ اکھ یُس خداین موٚردو منٛزٕ زنٛدٕ تُل تہٕ تمسُنٛد جسم سڑیو نہٕ۔38لہٰذا، میانیٚو ٹاٹھیٚو اسرائیل یو تہٕ باقی دوستو، تُہنٛدِ خٲطرٕ چُھ یہ زانُن ضروری زِ یسوع سنٛدِس کٔرمٕتِس پیٚٹھ ہیٚکہِ خدا تُہنٛدؠ گناہ معاف کٔرِتھ۔ سُہ کرِ توٚہہِ تِمو چیزو باپتھ تہِ معاف یم چیز نہٕ توٚہہِ موسیٰؔ سنٛدِ قانونہٕ حسابہٕ معاف ہیٚکن سپدِتھ۔39تِم سٲری لوٗکھ یِم یسوعسؔ پیٚٹھ پژھ تھاوان چھِ ین نہٕ ووٚنؠ تِمو کامیٚو باپتھ قصوروار زاننہٕ یمو ستؠ تِمو خدا ناراض کوٚر۔40مگر ہیٚسہٕ روزؠ زیٚو ینہٕ خدا توٚہہِ سٟتؠ سُہ انصاف کرِ یہ زن نبی یو فرمومُت چُھ زِ خدا کرِ۔41نبی یو چُھ لیٚوکھمُت زِ خداین فرموو، "توٚہؠ یِم مےٚ ٹٲنہٕ ژٹان چھِ، ییٚلہِ یہ وُچھو زِ بہٕ کیاہ چُھس کران یقیناً سپدِ توٚہہ حٲرانی تکیازِ ییٚلہ توٚہؠ زندٕ ٲسیٚو تہٕ بہٕ کرٕ توٚہہِ خوفناک عذاب۔ توٚہؠ کٔریٚو نہٕ یقینےٕ زِ بہٕ کیاہ ہیٚکہٕ تہِ کٔرِتھ حالانکہ کٔمؠ تام چُھ توٚہہِ ونمُت!"42ییٚلہ پولُسؔ پنٕنؠ کتھ مۅکلٲوتھ دراو تہٕ تتہِ موجود واریہو لوٗکو ووٚن تس نوِ سبت کہِ دوٚہہ یمہ چیز بیٚیہِ وننہٕ باپتھ واپس یُن۔43ییٚلہ جلسہٕ انٛد ووت تہٕ تِمو منٛزم لٔگؠ واریاہ پولُسؔ تہٕ برنباس سنٛز پٲروی کرنہِ۔ یمہ لوٗکھ ٲسؠ یہُودؠ تہِ تہٕ غٲر یہُودؠ تہِ یمہٕ خدایہ سنٛز عبادت کران ٲسؠ۔ پولُسؔ تہٕ برنباس رودؠ تِمن سٟتؠ کتھٕ کران۔ تِم رودؠ تِمن بھروسہٕ کرنُک تٲکید کران یُتھ خدا مہربان سپدِتھ یسوع سنٛدِ برکتہٕ لوٗکن ہنٛدؠ گناہ معاف کرِ۔44دویمہِ سبت کہ دوٚہہ آے انطاکیہ ۂکؠ اکثر لوٗکھ یہُودینؔ ہنٛدِس جلسہٕ گاہس منٛز پولُسؔ تہٕ برنباس سنٛزٕ کتھٕ خداوند یسوعسؔ متعلق بوزنہٕ خٲطرٕ۔45مگر یہُودینؔ ہنٛدین قٲیِدن گو سیٚٹھاہ رٔشِک ییٚلہ تِمو لوٗکن ہُنٛد اکھ بوٚڈ ہجوم وُچھ یمہٕ پولُسؔ تہٕ برنباس سنٛزٕ کتھٕ بوزنہِ یوان ٲسؠ۔ یتھ کنؠ لٲج تِمو یِمن کتھن ہنٛز مخالفت کرنؠ یمہٕ پولُسؔ ونان اوس تہٕ لٔگؠ تس توہین کرنہِ۔46پتہٕ ووٚن پولُسنؔ تہٕ برنباسنؔ سیٚٹھاہ ہمتہٕ سان تِمن یہُودؠ پیشواہن، "اسہِ اوس یسوعسؔ متعلق خدایہ سُنٛد پٲغام گۅڈٕ توٚہؠ یہُودؠ بوزناوٕنؠ۔ امہِ برُونٛہہ زِ أسؠ کرو غٲر یہُودینؔ برُونٛہہ کنہِ تمسُنٛد اعلان، تکیازِ خداین اوس اسہِ یہ کرنُک حکم کوٚرمُت۔ مگر توٚہؠ چُھو خدایہ سُنٛد پٲغام رد کران۔ یہ کٔرِتھ چُھو توٚہؠ ظٲہر کران زِ توٚہؠ چُھو نہٕ ابدی زندگی لایق۔ اوٕ کِنؠ چُھو أسؠ توٚہؠ تراوان، تہٕ ووٚنؠ گژھو أسؠ غٲر یہُودینؔ نِش تاکہ تِم بوزناووکھ أسؠ خدایہ سُنٛد پٲغام۔47یہ چھِ یہ اوٕموٚکھٕ تہِ کران تکیازِ خداوند خداین چُھ اسہِ یہ کرنُک حکم دیتمُت۔ تٔمؠ چُھ صحیفن منٛز فرمومُت، "مےٚ ژٲرمو توٚہؠ پانس متعلق تمہٕ کتھٕ غٲر یہُودینؔ یاد پاونہٕ باپتھ یمہٕ تہنٛدِ خٲطرٕ اکھ نوٗر آسہ۔ مےٚ ژٲرمو توٚہؠ دنیاہس منٛز پرٛتھ جایہ لوٗکن یہ پٲغام وننہٕ باپتھ زِ بہٕ چُھسکھ تِم بچاوٕنؠ یژھان"48ییٚلہ غٲر یہُودؠ لوٗکو یمہٕ کتھٕ بوزٕ تِمہ سپدؠ خۅش، تہٕ تِمو کوٚر خدایس تعریف یسوعسؔ متعلق امہِ پٲغامہٕ باپتھ۔ سٲری غٲر یہُودؠ لوٗکو یمہٕ خداین ابدی زندگی باپتھ ژٲرؠ کوٚر خداوند یسوع سنٛدِس پٲغامس پیٚٹھ یقین۔49تمہِ وقتہٕ ٲسؠ واریاہ ایمان وٲلؠ تتھ علاقس منٛز پھیران تھوران، تہٕ یوٚت تہِ تِم گژھان ٲسؠ تتہِ ٲسؠ خداوند یسوع سُنٛد پٲغام پھٲلاوان۔50مگر کینٛژو یہُودؠ رہنماوو کٔر کینٛژن اہم زنٮ۪ن سٟتؠ کتھ یمہٕ تِمن سٟتؠ عبادت کران آسہٕ۔ تِمو کٔر شہرٕکٮ۪ن سٮیٹھہےٕ اہم نفرن سٟتؠ تہِ کتھ۔ یہُودؠ سردارو کٔرؠ غٲر یہُودؠ شہرٕکؠ سردار پولُسؔ تہٕ برنباسؔ رُکاونٕچ کوشش کرنس پیٚٹھ آمادٕ۔ چناچہ یِمو غٲر یہُودؠ لوٗکو کٔرؠ پولُسؔ تہٕ برنباسسؔ خلاف واریاہ شہری تیار تہٕ کٔڈِکھ پننیٚو علاقو منٛزٕ۔51ییٚلہ دوٚنوے رسول تتہِ نیران ٲسؠ، تِمو دٕنؠ پننٮ۪ن کھۅرن ہنٛز میٚژ تِمن قٲیِدن یہ ہاونہٕ خٲطرٕ زِ خداین کٔرؠ تم رد تہٕ تِمن دییہِ سُہ سزا۔ پتہٕ دراے تِم انطاکیہؔ پیٚٹھٕ تہٕ گےَ اِکُنیُمؔ شہر کُن۔52اتھ دوران رود پاک روح ایمان والیٚن ژاٹن خوشی تہٕ طاقتہٕ سٟتؠ سرشار کران۔
Bridge Connectivity Solutions Pvt. Ltd.