اعمال11
1رسولو تہٕ دوٚیمیٚو پژھ، والیٚو یمہٕ یہُودیہ صوبہٕ کٮ۪ن مختلف شہرن منٛز روزان ٲسؠ بوز لوٗکن نِش زِ کینٛژو غٲر یہُودؠ لوٗکو تہِ کٔر پژھ یسوعسؔ متعلق خدایہ سنٛدِس پٲغامس پیٚٹھ۔2مگر یروشلمس منٛز ٲسؠ کینٛہہ یہُودؠ ایمان وٲلؠ یمہٕ یژھان ٲسؠ زِ یسوع سنٛدین تمام پٲرو کارن گژھِ ختنہٕ کرنہٕ یُن۔ ییٚلہ پطرس قیصریہ پیٚٹھٕ یروشلم واپس آو تہٕ تِم سمٕکھؠ تمِس تہٕ کٔڈٕکھ تس کٕٹھ۔3تِمو ووٚن تس، "یُتےٕ یوت چُھنہٕ غلط زِ توٚہؠ گو ختنہٕ روٚستیٚن غٲر یہُودینؔ ہُنٛد گرٕ بلکہ کھیٚو توٚہہِ تِمن سٟتؠ کھیٚن تہِ!4تہٕ پطرسن کٔر وضاحت کرٕنؠ شروع زِ کیاہ اوس واقہٕ سپُدمُت۔5تِمو ووٚن، "بہٕ اوسس یافا شہرس منٛز کُنے زۅن دُعا منٛگان تہٕ أتھؠ منٛز وُچھ مےٚ اکھ جلوٕ۔ مےٚ وُچھ اکھ بٔڈ ژادر ہِش آسمانہٕ پیٚٹھٕ ژورن کونن گنٛڈِتھ وسان، تہٕ سۅ ؤژھ پتھر یتِتھ بہٕ اوسُس۔6ییٚلہ مےٚ تتھ کُن وارٕ نظر دِژ تتھ منٛز وُچھ مےٚ کینٛہہ پالتو جانور، جنٛگلی جانور، کھکھرٮ۪ل جانور تہٕ آسمانس منٛز جنٛگلی جاناوار۔7پتہٕ بوز مےٚ خدا حکم کران ونان، "پطرس، وُتھ مارکھ تہٕ کھیٚکھ!"8مگر مےٚ ونُس یورٕ، خداوند، توٚہؠ چُھو پٔزؠ پٲٹھؠ یژھان زِ بہٕ گژھٕ یہ کرُن، تکیازِ مےٚ چُھنہٕ زانٛہہ تہِ تیٚوتھ کینٛہہ کھیٚمُت یُس سانیٚو قانونو مطٲبق ناپاک چُھ۔9خداین دیُت آسمانہٕ پیٚٹھٕ مےٚ بیٚیہِ آلو، "بہٕ چُھس خدا، اگر مےٚ کانٛہہ چیز کھیٚون جٲئز تھوو، سُہ گژھِ نہٕ ناپاک زانُن"10یہ سپُد یتھے کنؠ بیٚیہِ دویہِ پھرِ، تہٕ پتہٕ آیہ یہ ژادر تمام جانور تہٕ جاناوار ہیٚتھ بیٚیہِ آسمانس کُن واپس کھالنہٕ۔11امی ساعتہٕ آے ترےٚ نفر یمہٕ قیصریہؔ پیٚٹھ سوزمٕتؠ ٲسِکھ ژاے اتھ گرس منٛز یتہِ بہٕ ٹھہرِتھ اوسُس۔12خدایہ سنٛدؠ روحن ووٚن مےٚ زِ مےٚ پزِ نہٕ یمن سٟتؠ نیرنس کانٛہہ تہِ درنٛگی کرٕنؠ، یودوے تمہٕ یہُودؠ چھنہٕ۔ شےٚ ایمان وٲلؠ یہُودؠ تہِ آے مےٚ سٟتؠ قیصریہ تہٕ پتہٕ ژاے أسؠ أمِس غٲر یہُودؠ نفرٕ سُنٛد گرٕ۔13تٔمؠ ووٚن اسہِ زِ تٔمؠ وُچھ پننِس گرس منٛز اکھ فرشتہٕ ودٕنؠ۔ فرشتن ووٚن تس، "کینٛژن نفرن وَن زِ تِم گژھن یافا تہٕ انن تتہِ شمعونسؔ یس بیاکھ ناو پطرس چُھ۔14سُہ ونہِ توٚہہِ زِ توٚہؠ تہٕ تُہنٛدِ گرِکؠ باقےٕ بٲژ کِتھٕ کِنؠ پراون نجاتھ"15ییٚلہِ بہٕ تِمن ونان اوسُس، اچانک گو تِمن پیٚٹھ پاک روح نٲزِل یتھٕ کِنؠ اسہِ پیٚٹھ سُہ پینٹِکاسٹ تہوارُک دوٚہہ نٲزل سپدییاو۔16تہٕ مےٚ پیٚو یاد خداوندن کیاہ ونیاو: یوحناہنؔ دِتُے ژےٚ آبہٕ سٟتؠ بپتسمہ، مگر خدا دِیی ژےٚ پاک روح سٟتؠ بپتسمہ"17خداین دیُت غٲر یہُودٮ۪ن تہِ تِتھُے روحٲنی طاقت یتھٕ پٲٹھؠ اسہِ دِتُن ییٚلہ اسہِ خداوند یسوع مسیحؔ ہس پیٚٹھ ایمان اوٚن۔ لہٰذا ہیٚوک نہٕ مےٚ خدایس یہ ؤنِتھ زِ تِمن روح القدس دِتھ کوٚرو توٚہہِ غلط!"18ییٚلہ تِمو یہُودؠ ایمان والیٚو پطرس سنٛز یہ کتھ بوز تہٕ تِمو ترٲوؠ تس کٕٹھ کڈٕنؠ۔ امہِ بجایہ ووٚن تِمو خدایہ سنٛدؠ تعریف کران، "تیٚلہ چھےٚ یہ کتھ عیان زِ خداین کٔرؠ غٲر یہُودؠ تہِ قبول تاکہ تِمن میلہِ ابدی زندگی، اگر تمہ پننیٚو گُنہو نِشہٕ پوٚت ہیٚن۔19ستفنؔ سنٛدِ مرنہٕ پتہٕ، گےَ واریاہ ایمان وٲلؠ یروشلم ترٲوِتھ دوٚیمٮ۪ن جاین تکیازِ تِمن ٲسؠ یروشلمس منٛز تکلیف تُلٕنؠ پیٚوان۔ تِمو منٛزٕ گےَ کینٛہہ فینیکے، کینٛہہ گےَ کُپرس کٮ۪ن جزیرن کُن تہٕ کینٛہہ وٲتؠ شامہٕ کِس شہر انطاکیہؔ ہس منٛز۔ تِمن جاین ٲسؠ تِم متوٲتِر لوٗکن یسوعسؔ متعلق پٲغام بوزٕ ناوان، مگر تِمو ووٚن صرف باقی یہُودؠ لوٗکن۔20کینٛہہ ایمان وٲلؠ ٲسؠ کپرَس جزیرٕکؠ تہٕ شمٲلی افریقہ کہِ سائرین شہرٕکؠ نفر۔ تِم گےَ انطاکیہ تہٕ تتہِ ٲسؠ غٲر یہُودینؔ خداوند یسوعسؔ متعلق ونان۔21خداوند خدا اوس یِمن ایمان والیٚن پُراثر تبلیغ کرنٕچ صلٲحیت عطا کران۔ یمہِ کِس نتیجس منٛز، واریہو غٲر یہُودؠ لوٗکو تہنٛدین فرموداتن پیٚٹھ پژھ کٔر تہٕ خداوندس پیٚٹھ کوٚرکھ بھروسہٕ۔22یروشلمس منٛز بوز لوٗکن نِشہٕ ایمان واجنہِ جمٲژ زِ انطاکیہ ہس منٛز چھِ واریاہ لوٗکھ یسوعسؔ پیٚٹھ ایمان انان۔ لہٰذا سوز ایمان والیٚو ہنٛدیٚو رہنماہو برنباسؔ انطاکیہؔ۔23ییٚلہ سُہ تور ووت تہٕ تمِس سپُد معلوم زِ خدا چُھ ایمان والیٚن پیٚٹھ مہربان سپُدمُت۔ لہٰذا اوس سُہ سیٚٹھاہ خۅش گٔژھتھ ایمان والیٚن ہنٛز حوصلہٕ افزائی کران زِ تِم روزنؠ خداوند یسوعسؔ پیٚٹھ پوٗرٕ پٲٹھؠ پژھ بڑاوان۔24برنباس اوس اکھ رُت انسان یمِس مکمل روحٲنی فٲض حٲصل اوس، تمِس ٲس خدایس پیٚٹھ پوٗرٕ پژھ۔ برنباسنؔ یہ کینٛژھا کوٚر تمہِ سببہٕ اوٚن واریہو لوٗکو خداوند یسوعسؔ پیٚٹھ ایمان۔25برنباسؔ گو پتہٕ ساوُل ژھانڈنہٕ باپتھ کلِیکا کِس ترسسؔ شہرس منٛز۔26ییٚلہ سُہ تٔمؠ لوٚب، برنباسنؔ اوٚن سُہ انطاکیہ واپس یُتھ سُہ تمِس ایمان والیٚن تعلیم دِنس منٛز مدد کرِ۔ لہٰذا رودؠ پوٗرٕ اکِس ورؠ یس برنباسؔ تہٕ ساوُلؔ کلِیسایی جمٲژ باقٲیدٕ سمکھان تہٕ واریہن لوٗکن یسوعسؔ متعلق تعلیم دِوان۔ انطاکیہ ہس منٛز اوس یہ زِ شٲگردن اوس گۅڈٕ مسیحیؔ وننہٕ یوان۔27ییٚلہ برنباسؔ تہٕ ساوُلؔ انطاکیہ ہس منٛز ٲسؠ، کینٛہہ ایمان وٲلؠ یمہٕ نبی ٲسؠ وٲتؠ یروشلمہٕؔ پیٚٹھٕ توٚت۔28تِمن منٛز اوس اگبُسؔ ناوُک اکھ یُس کینٛہہ وننہٕ خٲطرٕ کھڑا سپُد۔ خدایہِ سنٛدؠ روحن اوس تس یہ پیشن گوئی کرنُک طاقت بخشمُت زِ واریہن ملکن منٛز وۅتھِ عنقریب دراگ۔ (یہ دراگ وۅتھ تمہِ وزِ ییٚلہ کلودیُسؔ رومُکؔ بادشاہ اوس۔29ییٚلہ تتہِ کیٚو ایمان والیٚو ژاٹو اگبُسؔ سنٛز کتھ پوٚز تہٕ تِمو کوٚر فٲصلہ زِ تِم سوزن یہُودیہ ہس منٛز روزن والیٚن ایمان والیٚن مٲلی امداد۔ تِمو منٛزٕ کوٚر پرٛتھ أکؠ فٲصلہٕ زِ سُہ دییہِ تیوٗت پونٛسہٕ یوٗت سُہ دِتھ ہیٚکہِ۔30تِمو سوز یہ رقم برنباسؔ تہٕ ساوُلس اتھِ یروشلمس منٛز روزن والیٚن ایمان والیٚن ہنٛدین قٲیِدن نِش۔
Bridge Connectivity Solutions Pvt. Ltd.