اعمال10
1کُرنیلیُسؔ ناوُک اکھ شخص اوس قیصریہؔ شہرس منٛز روزان۔ سُہ اوس اکھ حٲکم یُس اٹلی ہنٛدین رومی سِپہن ہنٛزِ اکِس ہتہٕ نفرنہِ بجہ جمٲژ قیادت کران اوس۔2سُہ اوس ہمیشہ تہِ کرنٕچ کوشش کران یمہِ سٟتؠ خدا رٲضؠ سپدِ۔ سُہ تہٕ تمسُنٛد سٲری گرٕ بٲژ ٲسؠ غٲر یہُودؠ یمہٕ رسمن خدایہ سنٛز عبادت کران ٲسؠ۔ سُہ اوس کُنہِ کُنہِ وزِ غریب یہُودؠ لوٗکن پونٛسہٕ رنٛگؠ مدد کران، سُہ اوس ہمیشہٕ خدایس دُعا منٛگان۔3اکہِ دوٚہہ دِگرس لگ بگ ترییہِ بجہِ آو کُرنیلیُسسؔ اکھ رویا۔ تٔمؠ وُچھ ننہِ وانہٕ اکھ فرشتہٕ یُس خداین سوزمُت اوس۔ تٔمؠ وُچھ فرشتہٕ پننِس کمرس منٛز اژان تہٕ تمِس ونان، "کُرنیلیُسؔ!"4کُرنیلیُسن وُچھ فرشتس کُن تہٕ کھوژ۔ پتہٕ پرُژھ تٔمؠ کھوژؠ کھوژؠ، "جناب، توٚہؠ کیاہ چُھو یژھان؟" خدایہ سنٛدِ طرفہٕ سوزنہٕ آمٕتؠ فرشتن دِتُس جواب، ژےٚ گوےٕ خدا رٲضؠ تکیازِ ژٕ رودُکھ ہمیشہٕ تس دُعا منٛگان تہٕ ژٕ چُھکھ اکثر غریبن غُرباتن پونٛسہٕ دِتھ مدد کران۔ تِم چیز چھِ خدایس برُونٛہہ کنہِ یادگار قربٲنیہِ۔5لہٰذا دِیو کینٛژن نفرن حکم زِ تَم گژھن یافاؔ تہٕ تِمن ؤنیٚو زِ شمعون ناوٕ کِس اکِس شخصس انن واپس یمِس بیاکھ ناو پطرس چُھ۔6سُہ چُھ اکِس نفرس نِش ٹھہرِتھ یمِس شمعون ناو چُھ سُہ چُھ چمبرٕ بناوان۔ تمسُنٛد گرٕ چُھ سمندرس نکھٕ"7ییٚلہ سُہ فرشتہٕ دراو یُس کُرنیلیُسؔ سٟتؠ کتھٕ اوس کران تہٕ تٔمؠ أنؠ پننہِ گریٚکؠ زٕ ملٲزم تہٕ اکھ سِپاہ ناد دِتھ یمہٕ تمسنٛدؠ خٲدم ٲسؠ تہٕ اکھ اوس خدایہ سنٛز عبادت تہِ کران۔8تٔمؠ سمجھٲوؠ تِم تہِ سورےٕ یہ فرشتن تمِس ووٚن۔ پتہٕ ووٚن تٔمؠ تِمن زِ یافا شہر گٔژھِتھ ؤنیٚو پطرسس قیصریہ ینہٕ خٲطرٕ۔9دویمہِ دوٚہہ دوپہرس بٲگؠ ٲسؠ تِم تریٚنوے نفر وتہِ پکان یافاؔ ہس نزدیک وٲتمٕتؠ۔ ییٚلہ تِم یافا شہرس نزدیک ٲسؠ تہٕ پطرس کھۅت گرٕ کِس پشس پیٚٹھ دُعا کرنہٕ خٲطرٕ۔10سُہ اوس بۅچھِ ہوٚت، کینٛہہ کھیٚون یژھان۔ ییٚلہ لوٗکھ کھیٚن تیار کران ٲسؠ تہٕ پطرسس گٔییہِ نظر یلہٕ۔11تٔمؠ وُچھ آسمان یلہٕ گژھان تہٕ اکھ کھلہٕ ژادر ہِش زمینس پیٚٹھ پیٚوان تہٕ یتھ ژۅنوے کوٗن ہیٚور کُن ٲسؠ۔12اتھ ژادرِ منٛز ٲسؠ پرٛتھ کُنہ قسمٕکؠ جاندار۔ اتھ منٛز ٲسؠ تمہٕ جانور تہٕ جاناوار تہِ شٲمل یمہٕ موسوی قانونو کِنؠ یہُودؠ لوٗکن کھیٚنؠ منع ٲسؠ۔ کینٛژن آسہٕ ژور زنٛگہٕ، کینٛہہ ٲسؠ کھکھرٮ۪ل تہٕ کینٛہہ جنگلی جاناوار۔13پتہٕ بوز تٔمؠ خدا تس ونان زِ پطرس وۅتھ تھوٚد تہٕ یمو منٛزٕ مارُن کانٛہہ تہٕ کھیٚن۔14مگر پطرسن ووٚنُس جواب، "خداوند، توٚہؠ چُھو پزؠ کِنؠ یژھان زِ بہٕ گوٚژھُس نہٕ یہ کرُن، تکیازِ مےٚ چُھنہٕ ونیُک تام زانٛہہ تہِ سُہ چیز کھیٚمُت یُس سانہِ یہُودؠ شریعتہٕ مطابق تُہنٛدِ خٲطرٕ چھلہٕ نَے آسہ یا سُہ چیز یُس نہٕ اسہِ کھیٚون پزِ"15پتہٕ بوز پطرسن بیٚیہِ خدا تس کُن ونان۔ تٔمؠ ووٚن:" بہٕ چُھس خدا، لہٰذا اگر مےٚ کانٛہہ چیز کھیٚنہٕ باپتھ قٲبلِ قبوٗل یعنی پاک بنوو تہٕ ژمہٕ ون زِ یہ چُھ کھیٚنہٕ باپتھ ناپاک"16یہ سپُد ترییہِ پھرِ۔ امہِ پتہٕ کٔھژ یکدم جاناوارن تہٕ جانورن ہنٛز یہ ژادر آسمان کُن بیٚیہِ واپس۔17وُنہِ اوس پطرس یہ سمجھنٕچ کوششےٕ کران زِ امہِ خوابُک مطلب کیاہ چُھ، تِم نفر وٲتؠ یمہٕ کُرنیلیُسن سوٗزمٕتؠ ٲسؠ۔ تِم ٲسؠ لوٗکن پرِژھان زِ شمعون سُنٛد گرٕ کپٲرؠ چُھ گژُھن۔ چناچہ تِمو لوٚب تمسُنٛد گرٕ تہٕ رودؠ دروازس پیٚٹھ ودٕنؠ۔18تِمو دیُت آلو تہٕ پرژھُکھ زِ یتہِ چھا شمعون ناوک کانٛہہ نفر روزان یمسُنٛد بیاکھ ناو پطرس چُھ؟19پطرس اوس وُنہِ تمہ خابُک تعبیر سمجھنچی کوشش کران زِ خدایہ سنٛدؠ روحَن ووٚن تس، بوزیٚو! ترےٚ نفر چھِ یتہِ یمہ توٚہہ سمکھُن چھِ یژھان۔20لہٰذا وۅتھ تہٕ وس بوٚن تہٕ گژھِ تِمن سٟتؠ۔ یہ سونٛچ زیٚنہٕ زِ مےٚ پزِنہٕ تِمن سٟتؠ گژُھن، تکیازِ تِم چھِ مےٚ یور سوزمٕتؠ"21یتھ کنؠ وۅتھ پطرس تہٕ گو تِمن نفرن نِش تہٕ کٔرن تِمن سلام! بہٕ چُھس سُہ نفر یُس توٚہؠ ژھانٛڈان چھون، توٚہؠ کیازِ او؟"22تِمو ونہَس در جواب، "رومی فوجی افسر کُرنیلیُسن سوزؠ أسؠ یور۔ سُہ چھِ سیٚٹھاہ جان شخص یُس خدایہ سنٛز عبادت کران چُھ، تہٕ سٲری یہُودؠ لوٗکھ یمہ تس زانان چھِ، چھِ ونان زِ سُہ چُھ اکھ نیک انسان۔ أکؠ فرشتن ووٚن تس، "کینٛژن نفرن وَن یمہٕ یافا گژھن تہٕ تتہِ شمعون پطرسس وچُھن تہٕ تس انن یور تاکہِ توٚہؠ بوزیٚو زِ سُہ کیاہ چُھ ونُن یژھان۔23پطرسن ژٲنؠ تِم گرٕ تہٕ وُننکھ توٚہہِ پزِ راتس یتؠ روزُن۔ دویمہِ دوٚہہ دراو پطرس تیار گٔژھتھ یِمن نفرن سٟتؠ۔ یافا ہٕکؠ واریاہ ایمان وٲلؠ تہِ گے تمِس سٟتؠ۔24بیٚکہ دوٚہہ وٲتؠ تِم قیصریہ شہرس منٛز۔ کُرنیلیُس اوس تِمن پراران۔ تٔمؠ ٲس پننٮ۪ن رشتہٕ دارن تہٕ نزدیکی دوستن تہِ اور ینٕچ دعوت دِژمٕژ تہٕ تِم تہِ ٲسؠ امسنٛدِس گرس منٛز موجود۔25ییٚلہ پطرس گرس منٛز دٲخٕل سپُد، کُرنیلیُسؔ سمُکھ تمِس تہٕ کوٚرنس برُونٛہہ کنہٕ عبادت کہ غرضہٕ جکِتھ سجدٕ۔26مگر پطرسن کٔر کُرنیلیُسؔ اتھس تھف تہٕ تلُن پننیٚو کھۅرو پیٚٹھٕ تھوٚد۔ تہٕ ووٚننس، تھوٚد وُتھ! جُکِتھ گژھِ نہٕ میانؠ عبادت کرٕنؠ! بٕتہ چُھس توٚہے ہیٚو اکھ انسان!"27ییٚلہ سُہ کُرنیلیُسؔ سٟتؠ کتھٕ اوس کران تہٕ پطرس تہٕ باقی ژاے اندر تہٕ اتہِ وُچِھکھ واریاہ لوٗکھ سمیامٕتؠ۔28پتہٕ وُتھ پطرس تِمن کُن "توٚہؠ سٲری چُھو زانان زِ اسہِ منٛزٕ چُھنہٕ کانٛہہ تہِ یہُودؠ یہ سمجھان زِ أسؠ چھِ پننٮ۪ن یہُودؠ قانونن ہنٛز نافرمٲنی کران۔ اگر أسؠ تِمن لوٗکن سٟتؠ یمہ غٲر یہُودؠ مالٮ۪ن ہنٛدؠ اولاد آسن یا تِمن ہنٛدین گرن منٛز تہِ گژھو۔ تاہم چُھ مےٚ خداین خابس منٛز ہوومُت زِ مےٚ پزِ نہٕ کانٛسہ تہِ تیوت نجِس تہٕ ناپاک ونُن زِ خدا کرِنہٕ تس قبوٗلےٕ۔29ووٚنؠ ییٚلہ توٚہہ کینٛہہ نفر مےٚ وننہٕ خٲطرٕ سوزؠ ووٗکھ زِ یور یِیو تہٕ بہٕ آس یکدم کنہِ اعتراضہٕ بغٲر۔ ۅ ؤنتو مہربٲنی کٔرِتھ زِ توٚہہِ کیازِ اوٚنووس بہٕ یور ناد دِتھ؟30کُرنیلیُسن ونُکھ یورٕ، "تقریبن ترےٚ دوٚہہ برُونٛہہ یمے وقتہٕ، اوسس بہٕ گرِ خدایہ سنٛز عبادت کران، یتھ کنؠ بہٕ ہمیشہٕ دوپہرس ترییہِ بجہِ کران چُھس۔ اچانک سپُد مےٚ برُونٛہہ کنہِ اکھ نفرا کھڑا یمسنٛدؠ پلو پرٮ۪زلان ٲسؠ31تہٕ ونُن، "کُرنیلیُسؔ، خداین کوٚر چون دُعا قبول۔ تٔمؠ وُچھ یتہِ زِ توٚہہ چُھو اکثر غریبن پونٛسہٕ دِتھ مدد کوٚرمُت، تہٕ سُہ چُھ تمہِ سٟتؠ خۅش۔32تہٕ ووٚنؠ سوز یافا شہرٕ خٲطرٕ قٲصد تاکہ تمہ ونن شمعونسؔ یس بیاکھ ناو پطرس چُھ یور ینہٕ خٲطرٕ۔ سُہ چُھ سمندرس نکھٕ أکِس گرس منٛز ٹھہرِتھ۔ یُس شمعون ناوٕ کِس بییِس اکِس نفرٕ سُنٛد چُھ یُس چمبرٕ بناونٕچ کٲم کران چُھ"33لہٰذا سوزؠ مےٚ جلدےٕ کینٛہہ نفر یمو توٚہہِ یور ینہٕ باپتھ ووٚن تہٕ بہٕ چُھس پزِ دِلہ تُہنٛد شکریہ کران۔ ووٚنؠ گے أسؠ سٲری یتہِ جمع، یہ زٲنِتھ زِ خدا چُھ اسہِ سٟتؠ، تاکہ تمہٕ سارے کتھٕ بوزو یمہٕ خداوند خداین توٚہہِ وننُک حکم دیُتمُت چُھ۔ مہربٲنی کٔرِتھ ؤنؠ تو اسہِ"34تہٕ پطرسؔ لوٚگ تِمن سٟتؠ کتھٕ کرنہِ۔ تٔمؠ ووٚن، "ووٚنؠ آو مےٚ سمجھ، یہ چُھ پزر زِ خدا چُھنہٕ صرف لوٗکن ہنٛزن کینٛژن جمٲژن پسنٛد کران۔35بلکہ چُھ سُہ پرٛتھ لوٗکہٕ جمٲژ منٛزٕ ہر کانٛسہِ تس شخص قبول کران یُس تمؠ سنٛز عبادت تہٕ تس احترام کران چُھ۔36توٚہؠ چُھو سُہ پٲغام زانان یُس خداین اسہِ بنی اسرائیل ین سوزمُت چُھ۔ تٔمؠ چھِ أسؠ خۅش خبر بوزٕنٲوؠ مٕتؠ زِ سُہ کرِ یسوع مسیحؔ سنٛزو کامیٚو سببہٕ لوٗکن پانس سٟتؠ صلح۔ یہ یسوع چُھنہٕ صرف اسہِ بنی اسرائیل ین ہُنٛد خداوند۔ سُہ چُھ سُہ خداوند یُس سارنےٕ لوٗکن پیٚٹھ حکومت کران چُھ۔37توٚہؠ چُھو زانان زِ تٔمؠ کیاہ کوٚر سٲرسےٕ یہُودیہ ہس منٛز گلیلؔ پیٚٹھٕ شروعات کٔرِتھ۔ تٔمؠ کٔر یہ کام تمہِ وقتہٕ شروع ییٚلہ یوحنا لوٗکن یہ ونان اوس زِ تِم یِین پننیٚو گُنہو نِشہٕ باز تمہِ برُونٛہہ زِ سُہ دییہ تِمن بپتسمہ۔38توٚہؠ چُھو زانان زِ خداین کوٚر یسوعسؔ پنُن پاک روح عطا یُس ناصری شہرُک روزن وول اوس تہٕ تمِس دتُن معجزات کرنُک طاقت۔ توٚہؠ چُھو یتہِ زانان زِ یسوع کِتھٕ پٲٹھؠ ووت مختلف جاین، ہمیشہٕ رود رژٕ کامہِ کران تہٕ لوٗکن شِفا بخشان۔ سُہ اوس تِمن لوٗکن اتھٕ شہلاوان یمن شیطان تکلیف واتناوان اوس۔ یسوع اوس یمہٕ کامہِ کرنس اہل تکیازِ تس اوس ہمیشہٕ خدا مدد کران۔39"اسہِ ساروےٕ وُچھ زِ یسوعنؔ کیاہ کیاہ کوٚر یروشلمس تہٕ اسرائیل کٮ۪ن تِمن علاقن منٛز یمن منٛز سُہ روزان اوس۔ تمسنٛدیٚو دشمنو ژُھن سُہ لکٕرِ ہنٛدِس صلیبس پیٚٹھ کِلیٚو سٟتؠ بند کٔرِتھ مٲرِتھ۔40پتہٕ کوٚر سُہ خداین تمسنٛدِ مرنہٕ پتہٕ ترییہِ دوٚہؠ دوبارٕ زندٕ کٔرتھ تہٕ تٔمؠ بنٲو یہ کتھ یقینی زِ تمسنٛدِ زندٕ گژھنہٕ پتہٕ گژھن واریاہ لوٗکھ تمِس زندٕ وُچھِنؠ۔ لوٗکن ٲس پژھ زِ یہ چُھ سُے یُس گُزریوو، تہٕ ووٚنؠ وُچھ تِمو پننیٚو أچھو تہٕ گوکھ مکمل یقین، زِ سُہ سپُد دوبارٕ زندٕ۔41تمہِ ساعتہٕ دیُت نہٕ خداین سُہ سارنےٕ وُچھنہٕ صرف تِمن یمہٕ تٔمؠ ژٲرؠ تمِس سٟتؠ وق گذرنہٕ باپتھ تہٕ تمِس سٟتؠ تِمن گۅڈنِکیٚن دوہُن کھیٚن کھیٚنہٕ باپتھ ییٚلہ سُہ خداین دوبارٕ زندٕ کوٚر۔42خداین کوٚر اسہِ یہ حکم زِ أسؠ باوو لوٗکن تہٕ تٔمؠ ووٚن اسہِ، تِمن ؤنیٚو زِ تٔمؠ کوٚر یسوعؔ اکہِ دوٚہہ باپتھ توٚہہ سارنےٕ ہُنٛد جج مقرر، سُہ دوٚہہ چُھ ینہٕ وول۔ سُہ کرِ تِمن سارنےٕ لوٗکن سٟتؠ انصاف یمہ ونیُک تام زنٛدٕ چھِ تہٕ تِمن سارنےٕ لوٗکن سٟتؠ یمہٕ پتھ کُن گذریمٕتؠ چھِ۔43تِمو تمام نبیو یمو امسنٛدِس بارس منٛز واریاہ برُونٛہہ لیٚوکھمُت چُھ ووٚن أمِس متعلق لوٗکن۔ تِمو چُھ لیٚوکھمُت زِ اگر کانٛہہ أمِس پیٚٹھ ایمان انہِ، تہٕ خدا ہیٚکہِ تمسنٛدؠ گناہ معاف کٔرِتھ یمہٕ تٔمؠ کٔرمٕتؠ آسن، تکیازِ أمؠ شخصن، یسوعنؔ چُھ تہنٛدِ خٲطرٕ تہِ کوٚرمُت۔44وُنہِ اوس پطرس یمہٕ کتھٕ ونٲنی زِ اچانک گو تِمن سارنی لوٗکن پیٚٹھ روح نٲزِل یمہٕ دویمیٚن ملکن ہنٛدؠ لوٗکھ پٲغام بوزان ٲسؠ۔45یہُودؠ ایمان وٲلؠ یمہ پطرسس سٟتؠ یافا پیٚٹھٕ آمٕتؠ ٲسؠ سپٕدؠ حٲران زِ خداین بٔرؠ مختلف قومن ہنٛدین لوٗکن ہنٛدؠ دِل تہِ پاک روح سٟتؠ۔46یہُودؠ ایمان وٲلؠ ٲسؠ زانان زِ خداین کیازِ کوٚر یہ تکیازِ تِم ٲسؠ یمن لوٗکن ہنٛزٕ تِژھٕ زبانہٕ بوزان یمہٕ نہٕ تِمو ہیٚچھمژٕ آسہٕ تہٕ ونان ٲسؠ زِ خدا کوتاہ عظیم چُھ۔ پتہٕ ووٚن پطرسن47تتہِ موجود باقی یہُودؠ ایمان والیٚن، "خداین کوٚر یِمن روح القدس عطا یتھ کنؠ تٔمؠ اسہِ یہُودینؔ کوٚر، لہٰذا کٔریٚو توٚہؠ اتھ سٟتؠ اتفاق زِ أسؠ دِمو یِمن لوٗکن بپتسمہ"48پتہٕ ووٚن پطرسن یِمن غٲر یہُودؠ لوٗکن زِ توٚہہِ ییہِ یسوع مسیح ہس پیٚٹھ ایمان اننہِ کِنؠ بپتسمہ دِنہٕ۔ چناچہ تِمو دیُت تِمن سارنےٕ بپتسمہ۔ بپتسمہ رٹنہٕ پتہٕ کٔر تِمو پطرسس عرضی زِ سُہ روزِ کینٛژن دوٚہُن تِمنےٕ سٟتؠ۔ لہٰذا کوٚر پطرسن تہٕ باقی یہُودؠ ایمان والیٚو تی۔
Bridge Connectivity Solutions Pvt. Ltd.