2 تھِس3
1یہِ چُھ تمیٛک ٲخری حصہٕ یہِ بہٕ ونُن یژھن چُھس۔ سانیو ایماندار سٲتھِیو، سانہِ خٲطرٕ منٛگِو دعا زِ خداوند یسوع سُنٛد کلام بوزن واریاہ لوٗکھ جل جل تہٕ تیُتھ جلال پرٲوِن یتھ زن توٚہہِ منٛز چُھ۔2بییٚہِ منٛگِو سانہِ باپتھ دعا زِ خدا روٗزِن اسہِ بُرٕ لوٗکن ہنٛدِ شرٕ نِشہٕ بچاون۔ توٚہہِ چھِ خبر زِ اکثر لوٗکن چُھنہٕ خداوندس پیٚٹھ ایمان۔3امہِ باوجود، خداوند یسوع چُھ وفادار! سُہ بخشہِ توٚہہِ روحٲنی طاقت تہٕ شیطان سٕنٛدِ شرٕ نِشہٕ کرِوٕ توٚہہِ حفاظت۔4تکیازِ توٚہہِ چھُو سٲنس خداوند یسوعسؔ سٟتؠ رٔلِتھ، اسہِ چُھ بییٚہِ بھروسہٕ زِ توٚہؠ چھُو تتھ پیٚٹھ عمل کران یِم اسہِ توٚہہِ حکم دِیُت تہٕ توٚہؠ کرِو تِمن حکمن پیٚٹھ تہِ عمل یِم أسؠ یتھ چِٹھِ منٛز توٚہہِ دِوان چھِ۔5أسؠ چھِ دعا منٛگان زِ سون خداوند یسوعؔ کرِن تُہنٛدین دِلن ہُنٛد خدایہِ سُنٛد لولہٕ تہٕ مسیحؔ سنٛدِ صبرٕ کِنؠ ہدایت۔6سانیو ایماندار سٲتھِیو، ووٚنؠ یہِ توٚہہِ أسؠ وُنو زن تہِ آسہِ خداوند یسوع مسیحؔ پانے ونان زِ أسؠ چھِ توٚہہِ حکم دِوان زِ تمس پریتھ کٲنسہِ ایماندار سٲتھیس نِشہٕ روزِو دوٗر یُس بےٚ قٲیدگی سان کٲم کران چُھ۔ یِم لوٗکھ چھِنہٕ تمہِ طریقہٕ زندگی بسر کران یمہِ طریقہٕ یسوعنؔ أسؠ ہیٚچھنٲومٕتؠ چھِ تہٕ أسؠ چھِ تیٖ توٚہہِ پننہِ انوارِ پیٚٹھ ہیٚچھناون۔7یہِ چھِ أسؠ توٚہہِ ونن تکیازِ توٚہؠ چھُو پانہٕ زانن زِ توٚہہِ پزِ سٲنؠ پٲٹھؠ پیش یُن۔ أسؠ روٗدؠ نہٕ کامہِ بغٲر ییٚلہِ أسؠ توٚہہِ سٟتؠ روٗزان ٲسؠ۔8أسؠ ٲسؠ نہٕ کٲنسہِ نِشہٕ مفت کھیوان۔ تمہِ بجایہ، کٔر اسہِ سارسے وقتس دوران پانس مدد کرنہٕ خٲطرٕ سخ محنت۔ اسہِ کوٚر تہِ أمہِ سببہٕ یُتھ زن نہٕ توٚہہِ پیٚٹھ سون کانٛہہ بار پییٚہِ۔9خداین چُھ اسہِ یقینی طوٗر پننہِ ضرورتٕکؠ چیز تمؠ سنٛدین لوٗکن نِشہٕ رٹنُک اختیار دیُتمُت۔ مگر لوٗکن نِشہٕ چیز منٛگنہٕ بدلہٕ کٔر اسہِ سخ محنت یُتھ زن توٚہؠ وُچھِتھ ہیکیو زِ خدایہِ کٔتہٕ کِنؠ چُھ پننؠن لوٗکن پننٕؠ زندگی بسر کرنؠ یژھان، تہٕ پتہٕ ہیکیو توٚہؠ سٲنؠ پٲٹھؠ پننٕؠ زندگی بسر کرِتھ۔10یاد تھٲوو ییٚلہِ أسؠ توٚہہِ سٟتؠ ٲسؠ، أسؠ روٗدؠ توٚہہِ حکم دِوان زِ ہرگاہ کانٛہہ ایمان وول سٲتھی کٲم کرنس انکار کرِ، توٚہہِ پزِ نہٕ تس کھیٚنہٕ خٲطرٕ غذا دِیُن۔11ووٚنؠ چھِ أسؠ توٚہہِ یہِ دُبارٕ ونن تکیازِ لوٗکو ووٚن اسہِ زِ توٚہہِ منٛز چھِ کینٛہہ کٲہل تہِ تِم چھِ نہٕ کانٛہہ تہِ کٲم کران۔ یُتےٕ یوٚت نہٕ کینٛہہ بلؠ کہ چھِ باقی لوٗکن ہنٛزن کامیٚن منٛز دخل دِوان۔12ووٚنؠ أسؠ یہِ توٚہہِ ونو تتھ پیٚٹھ کرِو عمل زن تہِ آسہِ خداوند یسوع مسیحؔ پانے ونان؛ أسؠ چھِ تِمن کٲم نہٕ کرن والیٚن حکم تہٕ عرض کرن زِ ژھوٚپہٕ کٔرِتھ کٔرِو پننٕؠ کٲم یتھ زن تِمن تہِ حٲصل سپدِ یہٕ تِمن زندگی منٛز ضروٗرت چھۓ۔13ایماندار سٲتھیو یوٚت تام زن تُہنٛد تٲلق چُھ، توٚہؠ چھُو سخ محنت کران، نیک کٲم کرنس منٛز مَہ ہٲرِو زانٛہہ تہِ ہمت!14ہرگاہ کانٛہہ ایماندار سٲتھی تتھ پیٚٹھ عمل کرِنہٕ یہِ اسہِ یتھ چِٹھِ منٛز لیٚوکھمُت چُھ، عوامس منٛز کرِو تمس نفرٕ سٕنٛز شناخت۔ پتہٕ مَہ تھوو تمس سٟتؠ صحبت یُتھ زن سُہ شرمندٕ سپدِ زِ سُہ چُھنہٕ کٲم کران۔15سُہ مہٕ زٲنؠ وون پنُن دشمن؛ تمہِ بدلہٕ کرِو تمس نصیحت یتھٕ پٲٹھؠ توٚہؠ باقین ایماندار سٲتھین کرِن چھُو۔16بہٕ چُھس دعا منٛگن زِ سون خداوند چُھ سُہ یُس کٲنسہِ تہِ پزِ پٲٹھؠ اطمنان ہیکہِ بخشتھ، سُہ بخشن پرٛتھ حالتس منٛز توٚہہِ اطمنان۔ بہٕ چُھس دعا منٛگن زِ سون خداوند یسوع کرن توٚہہِ سارنے ہمیشہِ مدد۔17ووٚنؠ نیو مےٚ پننِس کٲتبس قلم تہٕ بہٕ پولُسؔ چُھس توٚہہِ پانہٕ سلام لیکھن۔ بہٕ چُھس یہِ پننہِ پریتھ چِٹھِ کرن یُتھ زن توٚہؠ زانو زِ یہِ چھِ پزِؠ پٲٹھؠ بہٕ یمؠ یہِ چِٹھؠ سوز۔ یتھۓ پٲٹھؠ چُھس بہٕ پننہِ سارے چِٹھِ اند واتناون۔18بہٕ چُھس دعا منٛگن زِ سون خداوند یسوع مسیحؔ روٗزِن توٚہہِ سارنےٕ پیٚٹھ ہمیشہِ مہربان۔
Bridge Connectivity Solutions Pvt. Ltd.