2 تھِس1
1بہٕ، پولُسؔ تہٕ مےٚ سٟتؠ سیلاسؔ تہٕ تیمُتھیس چھِ یہِ چِٹھؠ توٚہہِ تھِسلُنِیکے شہرٕ کؠن مسیحیؔ جمٲژ ہنٛدین ایمان والیٚن باین سوٗزان، یِمن سٲنس ببَ خدایس تہٕ سٲنس خداوند یسوع مسیحؔ سٕنٛدؠ چھِ۔2سون ببَ خدا تہٕ خداوند یسوع مسیحؔ روٗزِن ہمیشہِ توٚہہِ پیٚٹھ مہربان بییٚہِ تھٲوِنو سلامت۔3سانیو ٹاٹھیو بایو تہٕ بینیو، اسہِ پزِ اکثر تُہنٛدِ باپتھ خدایہِ سُنٛد سؠٹھاہ شکُر گذٲری کرنؠ، یُس سون فرض چُھ!یہِ چُھ منٲسب زِ اسہِ پزِ یہِ کرُن تکیازِ خداوند یسوعسؔ پیٚٹھ تُہنٛدس ایمانس منٛز چُھ زیادٕ کھوٚتہٕ زیادٕ ہُریر سپدان بییٚہِ چُھ أکس بیٚیِس سٟتؠ تُہنٛد لول زیادٕ کھۅتہٕ زیادٕ ہُران۔4یوٚت تام زن أسؠ چھِ خدایہِ سنٛدین کلیسن منٛز توٚہہِ پیٚٹھ فخر کران زِ یِم دوکھ تہٕ مصیبت توٚہؠ ہمیشہِ تُلان چھُو اتھ منٛز چُھ تُہنٛد ایمان تہٕ صبر ظٲہر سپدان۔5أسؠ ہیٚکو وارٕ پٲٹھؠ وُچھِتھ زِ خداین چھُو توٚہؠ یسوعؔ سنٛدِ خٲطرٕ وفادار بنٲؠ مٕتؠ یودوے توٚہہِ لوٗکھ عِذا چھِ دِوان۔ أمہِ تلہٕ چھِ أسؠ زانان زِ خدا چُھ پزؠ پٲٹھؠ انصاف کران تکیازِ سُہ چُھ توٚہہِ ہمیشہِ خٲطرٕ پننٕؠ لوٗکھ بناونس لایق مانان۔ توے چھُو توٚہؠ تکلیف ویٚتراوان۔6خدا چُھ انصافٕچ عدالت کران، سُہ دِیہِ یقیٖنن تِمن لوٗکن تکلیف یِم توٚہہِ تکلیف تُلناوان چھُو۔7سُہ تھاوِ توٚہہِ دوٚکھ ویٚتراوان اسہِ سٟتؠ آرامہٕ سان یمہِ وِزِ خداوند یسوع پننہِ قدرژ ہنٛدین ملٲیکن سٟتؠ آسمانہٕ ظٲہر سپدِ۔ 8پتہٕ دِیہِ سُہ تِمن خدایس تہٕ سٲنس خداوند یسوع سنٛزِ رٕژِ شیٚچھِ انکار کرن والیٚن لوٗکن نارٕ ریہہ سٟتؠ سزا۔ 9خداوند یمہِ دوٚہہ واپس واتہِ تِم لوٗکھ روٗزن خدا وند سٕنٛدِ جلٲلی قدرژ نِشہٕ ہمیشہ لوٚب تہِ تِمن آسہِ ابدی ہلاکژ ہُنٛد سزا۔ 10یہِ سپدِ تمہِ وِزِ ییٚلہِ خداوند یسوع خدایہِ سٕنٛدِ فٲصلہٕ مطٲبق آسمان پیٚٹھ واپس واتہِ، أسؠ کرو تمس تعریف تہٕ سپدو حٲران۔ تِمن منٛز ٲسیٚو توٚہؠ تہِ شٲمل تکیازِ ییٚلہِ اسہِ توٚہہِ یسوعسؔ متعلق ووٚنوٕ تہٕ توٚہہِ اوٚنو ایمان۔ 11أمی سببہٕ چھِ أسؠ تُہنٛدِ خٲطرٕ پرٛتھ وِزِ روٗزن دعا کران زِ خدا بنٲوِن توٚہہِ نیک لوٗکھ بننس لایق تہٕ تُہنٛز پرٛتھ کانٛہہ خوٲہِش سپدِن قدرتہٕ سٟتؠ پوٚرٕ۔12أسؠ چھِ تُہندِ باپتھ خدایس دُعا منٛگان یُتھ زن خدا تہٕ خداوند یسوع سٕنٛدِ فضلہٕ سٟتؠ روزِ سٲنس خداوند یسوع سُنٛد ناو توٚہہِ منٛز پرٛزلہِ تہٕ توٚہؠ روزِو تس منٛز۔
Bridge Connectivity Solutions Pvt. Ltd.