2 یوحناؔ1
1یوحنا بزرگ سٕنٛدِ طرفہٕ، یہِ نامہٕ چُھس بہٕ لیٚکھان توٚہہِ لُکہٕ جمٲژ یۅسہ خداین ژٲرمٕژ چھےٚ پننہِ باپتھ۔ بہٕ چُھس بڈٕ خلوصہٕ سان توٚہہِ ایمان والیٚن لول بران۔ نہ صرف چُھس بہٕ پانہٕ توٚہہِ لول بران، بلکہِ تِم سٲری تہِ یِم زانن تہٕ مانن پٔزِس پٲغامس یمچ تعلیم اسہِ یسوعنؔ دِژ۔ 2أسؠ چُھو توٚہہِ لول ویندان توٕ کِنؠ زِ اسہِ چُھ ساروے خدایہِ سُنٛد پوٚز پٲغام قبول کوٚرمُت۔ یہِ پوٚز پٲغام چُھ سانہِ زندگی ہُنٛد اکھ باگ تہٕ یہِ روزٕ ہر ہمیشہٕ اسہِ سٟتؠ۔3خدا سون بب تہٕ یسوع مسیحؔ ببہٕ سُنٛد گۅبُر روزِن لٔگؠ تھےٕ اسہِ پٮ۪ٹھ مہربان تہٕ رحیم تہٕ تھٲوِن اسہِ امنہٕ سان۔ تِم کرن یہِ اوٕ کِنؠ زِ تِم چھِ پٔزؠ یٲرؠ تہٕ اسہِ لول بروٕنؠ۔4مےٚ بوز زِ تہنٛدِ مجلسہِ ہنٛدؠ کینٛہہ ایمان وٲلؠ چھِ تتھ پٔزِس پٲغامس پٮ۪ٹھ زندگی گذاران یمچ تعلیم اسہِ خداین دِژ۔ أمؠ پھۅلروو پٔزی میون دِل۔ یہِ چُھ بالکل تی یہِ سون بب اسہِ کرنہٕ خٲطرٕ حکم کران چُھ۔ 5تہٕ وۅنؠ، میانیٚو ٹاٹھیٚو مجلسہِ والیٚو بہٕ چُھسو ونان تی کرُن یہِ خدایہِ سُنٛد حکم چُھ یعنی اسہِ پزِ اکھ أکِس لول وینٛدُن۔ بہٕ چُھسو نہٕ توٚہہِ یہِ کانٛہہ نٔو کتھ ونان یۅسہ خداین اسہِ حکم کٔر، بلکہِ چھِ أسؠ اتھ اکھ أکِس لول برنٕکِس حکمس تنہٕ پیٚٹھےَ زانان ییٚلہِ اسہِ گۅڈٕ پٮ۪ٹھٕ مسیحؔ ہس پٮ۪ٹھ ایمان اوٚن۔6خدایس تہٕ اکھ أکِس لول ویندنُک معنہِ چُھ زِ اسہِ پزِ مانُن تہِ یہِ خدا اسہِ کرنُک حکم دِیہ۔ خدا چُھ یہِ حکم دِوان توٚہہِ اکھ أکِس وینٛدِو لول اوے پزِ توٚہہِ یہِ مانُن۔ توٚہؠ آسیٚو یہِ بوزمُت ییٚلہِ توٚہہِ مسیحؔ ہس پٮ۪ٹھ ایمان اوٚنُو۔7بہٕ چُھسو یہِ ونان اوٕ کِنؠ زِ دنیاہس منٛز چھِ اورٕ یور واریاہ لوٗکھ پھیران تھوران لوٗکن تارن گری کران۔ یِم تارن گٔرؠ چھِ یہِ وننس نکار کران زِ مسیحؔ ووٚتھ زمینہِ پٮ۪ٹھٕ تہٕ سُہ اوس اکھ انسان۔ یہنٛزِ امہِ تعلیمہ ہُنٛد آگُر چُھ سُہ ازلی دھونکھہٕ باز یُس یسوعؔ مسیحؔ سُنٛد مخٲلف چُھ۔8خبر دار روزیٚو تاکہِ یِتھؠ وۅستاد والنو نہٕ ناوِ یوٚدوے توٚہؠ تِمن پانس تارنہٕ دِیو۔ توٚہؠ راورٲیو سُہ انعام یمہِ خٲطرٕ اسہِ جکھان ووت۔ اوے روزیٚو خبر دار تاکہِ توٚہؠ روزیٚو مطمئن سُہ انعام پراونہٕ باپتھ۔9یِمنہٕ لٔگؠ تھےٕ ایمانس پٮ۪ٹھ روزن تہٕ مسیحؔ سٕنٛدؠ ہیٚچھنٲوؠ مٕتؠ چیز برونٛہہ کُن ہٮ۪چھناون نہٕ بلکہِ کرن پژھ تہٕ ہٮ۪چھناون بدل چیز، تِمن چُھنہٕ ہرگز پوٚز رشتہٕ خدایس سٟتؠ۔ مگر تِم یِم زن لگؠ تھےٕ ایمانس پٮ۪ٹھ روزن تہِ ہٮ۪چھناون یہِ کینٛہہ مسیحؔ ہن تعلیم دِژ۔ تِمے چھِ پٔزِس رشتس منٛز سٲنِس خدایس یعنی ببس سٟتؠ تہٕ مسیحؔ ہس تسنٛدِس گۅبرس سٟتؠ۔10وۅنؠ ییٚلہِ توٚہہِ نِش کانٛہہ ییہِ یُس توٚہہِ مسیحؔ سنٛزِ تعلیمہ بدلہٕ بدل کینٛہہ ہٮ۪چھناوِ، تمِس مہٕ کٔرِو خوش آوے پننٮ۪ن گرن منٛز! سلام تہِ مہٕ کٔرؠ ووکھ تہِ نہ کٔرؠ وُکھ کُنہِ لِکھہٕ خوش تاکہِ تِم لبن نہٕ حوصلہٕ افزٲیی۔11یوٚدوے توٚہؠ یِتھٮ۪ن لوٗکن خوش آوے کٔرِو تعظیم سان توٚہؠ چُھو تیٚلہِ یِمن غلط تہٕ کۅ کار کرنس منٛز اتھہٕ روٚٹ کران۔12مےٚ چُھ توٚہہِ بیٚیہِ واریاہ ونُن مگر مےٚ کوٚر فٲصلہٕ زِ بہٕ لیٚکھنہٕ تہِ توٚہہِ کُنہِ نامس منٛز۔ بلکہِ چُھس بہٕ امید کران زِ بہٕ یِمہٕ ؤلؠ توٚہہِ سٟتؠ ذٲتی طور کتھ کرنہِ۔ تیٚلہِ آسو أسؠ پانہٕ وٲنؠ یِکوٹہٕ مکمل پٲٹھؠ خوش۔ 13یتھ مجلسہِ منٛز چھِ تہنٛدؠ سٲتھی ایماندار، یِم خداین ژٲرؠ مٕتؠ چھِ توٚہہِ خوش آوے کرنہٕ باپتھ۔
Bridge Connectivity Solutions Pvt. Ltd.