2 کورنتھین5
1یقیناً چھِ أسؠ اخز کران زِ یتھ زمینہِ پٮ۪ٹھ سٲنؠ بدن مرن۔ زٲنؠ تو یِمہٕ چھِ خٟمہٕ یِمن لوٗکھ اورؠ ترٲوِتھ ژھٕنان چھِ۔ وۅنؠ گو خدا دییہِ اسہِ بدل بدن یِم ہمیشہٕ پوشوٕنؠ آسن۔ زٲنؠ تو یِم آسن زنتہٕ تِم عمارژٕ یِمن خدا آسمٲنؠ جاین منٛز تعمیر کرِ۔2وۅنؠ گو أسؠ چھِ ماتم کران یِمن بدنن منٛز پننہِ زندگی پٮ۪ٹھ۔ أسؠ چھِ یژھان زِ خدا دِیِن اسہِ نٔوؠ بدن۔ زنتہٕ سُہ اسہِ نٔوؠ پلو نٲلؠ تراوِ یِم نٔوؠ پلو چھِ زنتہٕ نوِ عمارژٕ یِم خدا اسہِ آسمانہٕ پٮ۪ٹھ سوزِ۔3ییٚلہِ تہِ أسؠ نٔوؠ بدن پراوو۔ یِم آسن زنتہٕ پلو یِمہٕ اسہِ نٮ۪تھہٕ نوٚن آسنہٕ نِشہ مُچھِ تھاون۔4امہِ مزید بیٚیہِ ییٚلہِ زن اسہِ یِمہٕ خٟمہٕ ہِوؠ بدن میسر چھِ۔ أسؠ چھِ ماتم کران روزان تہٕ یِم بدن چھِ سٲنؠ زندگی مشکل بناوان۔ مگر تو کِنؠ چھِنہٕ أسؠ ہرگز ہرگز یژھان زِ أسؠ روزو پننیٚو بدنو ورٲے۔ یہِ بوزؠ تو پلوو ورٲے روزُن۔ بلکہِ چھِ یژھان نٔوؠ بدن پراوٕنؠ۔ یہِ زن نٔوؠ پلو لاگنس برابر چُھ۔ یتھٕ پٲٹھؠ روزو أسؠ ہمیشہٕ زنٛدٕ کُنہِ مرنچہِ شینکہِ ورٲے۔5خدا چُھ سُہ یُس اسہِ تیار کران چُھ نٔوؠ بدن پراونہٕ باپتھ۔ سُہ چُھ اسہِ دِوان پاک روح، یُس یہِ ہاوان چُھ زِ سُہ دییہِ اسہِ تہِ سورےٕ یمیُک تٔمؠ وعدٕ دیُتمُت چُھ۔6اوے چھِ أسؠ پرٮ۪تھ ساعتہٕ پُر اعتماد تتھ متعلق یہِ اسہِ خدا دِیہ۔ أسؠ چھِ یتہِ اخز کران زِ یوٚتام أسؠ یتھ بدنس منٛز چھِ أسؠ چھِنہٕ پننِس خداوند مسیحؔ ہس سٟتؠ۔7یقیناً، أسؠ یہِ کران چھِ تہِ چھِ کران اوٕ کِنؠ زِ اسہِ چھےٚ پژھ خداوند مسیحؔ ہس پٮ۪ٹھ۔ اوٕ کِنؠ نہ زِ اسہِ وُچھ سُہ۔8یہِ زن مےٚ ووٚن، أسؠ چھِ پُر اعتماد تتھ متعلق یہِ خدا دییہِ اسہِ۔ بیٚیہِ أسؠ کرو پننیٚو بدنو ورٲے روزُن قبول مگر خداوند یسوعسؔ ورٲے نہٕ۔9اوے تہِ چھِ أسؠ کوشش کران خداوند یسوعسؔ خوش تھاونہٕ موجُب یوٚدوے أسؠ تس نِش آسو یا نہٕ۔10أسؠ چھِ یہِ کران اوٕ کِنؠ زِ اسہِ سارنےٕ چُھ مسیحؔ ہس برونٛہہ کنہِ کھڑا گژھُن تہٕ سُہ کرِ فٲصلہٕ زِ اسہِ منٛزٕ کٔمؠ کوٚر غلط تہٕ کٔمؠ صحیح۔ امہِ پتہٕ دِیہ اسہِ سارنےٕ یمن بدنن منٛز روزن کالس دوران پننہِ پننہِ کرنہٕ مطٲبق تہٕ یتھ لایق أسؠ آسو۔11تو پتہٕ، چونکہِ أسؠ چھِ ژیتراون خداوند یسوعؔ سُنٛد خوف۔ أسؠ چھِ باقین تہِ امسُنٛد خوف باور کرناوان۔ خدا چُھ زانان زِ أسؠ چھِ بھروسہٕ منٛد تہٕ بہٕ چُھس یژھان زِ توٚہؠ تہِ زٲنِو زِ أسؠ چھِ بھروسہٕ منٛد۔12أسؠ چھِنہٕ توٚہہِ دُبارٕ پننہِ بھروسہٕ منٛدی ہُنٛد ثبوت دِوان۔ بلکہ چھِ أسؠ توٚہہِ پننِس بارَس منٛز عظیم کتھ وننس قٲبل بناوان۔ یتھٕ پٲٹھؠ ہیٚکِو توٚہؠ کٲنٛسہِ تہِ شخصس جواب دِتھ یُس اتھ متعلق عظیم کتھٕ ونان چُھ زِ لوٗکھ کِتھ کِنؠ چھِ نٮ۪برِمہِ طرفہٕ ظٲہِر گژھان تہٕ نہ زِ تَتھ متعلق یہ لوٗکن چُھ پٔزی اندرون۔13لہٰذا، ییٚلہ أسؠ پاگل چھِ باسان، أسؠ چھِ خدایہ سنٛز خدمت کران۔ ییٚلہِ أسؠ عام پٲٹھؠ سونٛچان چھِ، أسؠ چھِ توٚہہِ خدمت کران۔14تِم چیز چھِ پٔزؠ تکیازِ مسیحؔ چُھ اسہِ لول بران، تہٕ سُہ چُھ اسہِ ہدایت دوان طور طریقو سان کٲم کرنہٕ باپتھ۔ یتھٕ پٲٹھؠ چھِ اتھ بارس منٛز أسؠ سونٛچان: اکھ شخص مسیحؔ مود تمام لوٗکن بچاونہٕ باپتھ۔ امہِ وجہ کِنؠ، زنتہٕ تمام لوک مودؠ۔15امہِ مزید، یہٕ چُھ اوٕ کِنؠ زِ سُہ مود تمام لوکھ بچاونہٕ باپتھ: یتھ پأٹھؠ، یم روحٲنی طریقہٕ روزان چھِ تم کرن نہٕ تہِ مزید یہِ تِم یژھان چھِ۔ امہِ بجایہ، تم کرن تہِ یہٕ مسیحؔ چُھ یژھان، یوٚدوے زن سُہ تِم بچاونہٕ باپتھ مود تہٕ خداین کوٚر سُہ بیٚہٕ زندٕ۔16تکیازِ امہِ تمام وجہ کِنؠ، چُھنہٕ أسؠ کٲنسہِ ہنٛدِس بارس منٛز وۅنؠ صرف انسٲنؠ طریقو سونچان۔ درحقیقت، یوٚدوے اکہِ وقتہٕ أسؠ مسیحؔ ہس متعلق محض انسٲنی طریقو ٲسؠ سونٛچان، وۅنؠ چھِنہٕ أسؠ أمِس متعلق تِمو طریقو سونٛچان۔17لہٰذا، ییٚلہِ تہِ خدا لوٗکن مسیحؔ ہس سٟتؠ جوڈان چُھ، سُہ چُھ تِمن نٔوؠ لوٗکھ بناوان۔ یہِ تِمہٕ ٲسؠ تہِ چُھ غٲب گوٚمُت۔ وُچھِو یِتہِ کینٛژھا وُنکٮ۪ن چُھ، چُھ نوو کینٛہہ!18خدا چُھ سُہ یُس اسہِ یِمو چیزو منٛزٕ پریتھ اکھ چیز چُھ دِوان۔ مسیحؔ سٕنٛدِ ذریعہ کٲم کرنہٕ سٟتؠ کٔرؠ تٔمؠ أسؠ پانس سٟتؠ روزنس قٲبل۔ مزید، چُھ خدا اسہِ عمل کرنُک اختیار دِوان تاکہِ باقٕے تہِ ہیٚکن أمِس سٟتؠ روزِتھ۔19یتھٕ پٲٹھؠ چُھ یہِ کٲم کران: خدا چُھ مسیحؔ سنٛدِ ذریعہ کٲم کران تاکہ پرٮ۪تھ کانٛہہ شخص روزِ تَس سٟتؠ۔ یہِ کرنہٕ سٟتؠ چُھ سُہ لوٗکن معاف کران یہِ تِمو غلط چُھ کوٚرمُت۔ امہِ مزید، چُھ سُہ اسہِ باقین یہِ وننہٕ خاطرٕ تعینات کران زِ تِم کِتھٕ پٲٹھؠ ہیکن خدایس سٟتؠ روزِتھ۔20تکیازِ خداین کٔرؠ أسؠ تعینات، توے چھِ أسؠ مسیحؔ سنٛز نمایندگی کران، خدا چُھ سانہِ ذریعہ باقین حوصلہٕ افزٲئی کران۔ أسؠ چھِ مسیحؔ سٕنٛدِ باپتھ کتھ کران ییٚلہِ أسؠ توٚہہِ ونان چُھو زِ توٚہؠ کٔرِو رٕژِ شیٚچھِ پٮ۪ٹھ یقین تاکہِ توٚہؠ ہیٚکو خدایس سٟتؠ روزِتھ۔21یسوعنؔ ہن کوٚر نہٕ گناہ۔ امہِ باوجود، اوس خدا تٔمس سٟتؠ سانہِ باپتھ تیُتھ سلوک کران زنتہٕ اوس تٔمؠ گناہ کوٚرمُت۔ اَمہِ موجُب چُھ خدا اسہِ یسوعسؔ سٟتؠ رلٲوِتھ اسہِ راستباز بناوان۔
Bridge Connectivity Solutions Pvt. Ltd.