2 کورنتھین6
1یتھ کِنؠ زن تِم یِم خدایہ سنٛز خدمت چھِ کران، أسؠ چھِ توٚہہ مکمل پٲٹھؠ حوصلہٕ افزأئی کران تہِ قبول کرنہٕ باپتھ یُس خداین مہربٲنی سان چُھ توٚہہِ خاطرٕ کوٚرمُت، تاکہِ یہٕ بدلہِ زِ توٚہؠ کِتھٕ پٲٹھؠ چُھو روزان۔2توٚہہِ پزِ تہِ کرُن تکیازِ خدا چُھ پننِس صحیفس منٛز ونان:"ییٚلہ بہٕ یہِ صحیح وق سمجھان اوسُس، مےٚ بوز تُہنٛد تہٕ کٔرٕم عمل۔درحقیقت، ییٚلہ بہٕ لوٗکھ اوسسکھ بچاوان، مےٚ کٔرمو توٚہہِ معاونت۔"وۅنؠ ییٚلہِ خدا اتھ بہتر وقت سمجھان چُھ! درحقیقت، چُھ وۅنؠ سُہ وق ییٚلہ خدا لوٗکن بچاوان چُھ!3أسؠ چھِ کانٛہہ تہِ کٲم کرنہٕ نِش پتھ روازان یمہِ سٟتؠ باقی ناراض گژھن۔ یتھٕ پٲٹھؠ ہیٚکہٕ نہٕ کانٛہہ تہٕ تنقید کٔرِتھ زِ أسؠ کِتھ پأٹھؠ چھِ خدایہ سنٛز خدمت کران۔4بلکہِ، چھِ أسؠ یہٕ ثأبت کران زِ أسؠ چھِ پرٮ۪تھ طریقہٕ بھروسہٕ منٛد ییٚلہ أسؠ خدایہ سنٛز خدمت چھِ کران۔ أسؠ چھِ ہمیشہٕ تٔمہِ وِزِ ثٲبت قدمی کران ییٚلہِ لوٗکھ اسہِ تکلیف دِوان تہٕ ستاوان چھِ۔5أسؠ چھِ ثٲبت قدمی کران ییٚلہِ لوٗکھ اسہِ پٮ۪ٹھ حملہٕ چھِ کران، اسہِ جیلَس منٛز چھِ تراوان، تہٕ اسہِ خلاف ہجوٗم بڑاوان۔ أسؠ چھِ ثٲبت قدمی کران ییٚلہ أسؠ سخت کٲم چھِ کران، زیادٕ چُھنہٕ شۅنگان، تہٕ چھِ روزدر روزان۔6أسؠ چھِ بُرٕ چیزو نِش آزاد، أسؠ چھِ زانان پوٚز کیا چُھ، تہٕ اسہِ چُھنہٕ آسٲنی سان شرارت کھسان۔ اسہِ چُھ خیال باقین ہُنٛد، اسہِ چُھ پاک روح، تہٕ أسؠ چھِ لوٗکن خلوص سان لول بران۔7أسؠ چھِ یہٕ اعلان کران زِ پوٚز کیا چُھ، تہٕ خدا چُھ اسہِ یہِ کٲم کرنُک طاقت بخشان۔ أسؠ چھِ راستباز، زنتہٕ أکِس اتھس منٛز تلوار تہٕ دوٚیمِس اتھس منٛز ڈھال چھےٚ۔8کینٛہہ لوٗکھ چھِ اسہِ عزت کران، تہٕ باقٕے چھِ اسہِ شرمنٛدٕ کران۔ کینٛہہ لوٗکھ چھِ اسہِ متعلق خراب کَتھٕ ونان، تہٕ باقٕے چھِ اسہِ متعلق اصل کَتھٕ ونان۔ کینٛہہ لوٗکھ چھِ سونچان زِ أسؠ چھِ اپُز ونان، مگر پٔزؠ کِنؠ چھِ أسؠ تی ونان یہِ پوٚز چُھ۔9کینٛہہ لوٗکھ چھِ سونچان زِ کانٛہہ تہِ چُھنہٕ اسہِ تسلیم کران، مگر پٔزؠ پٲٹھؠ چُھ اسہِ خدا تسلیم کران۔ کینٛہہ لوٗکھ چھِ سونچان زِ أسؠ چھِ مران، مگر پٔزؠ کِنؠ چھِ أسؠ زِنٛدٕ! کینٛہہ لوٗکھ چھِ سونچان زِ خدا چُھ اسہِ سزا دِوان، مگر حقیقتن چُھنہٕ تٔمؠ سانہِ مرنُک فٲصلہٕ کوٚرمُت۔10کینٛہہ لوٗکھ چھِ سونچان زِ أسؠ چھِ ماتم کران، مگر حقیقتس منٛز، أسؠ چھِ لگاتار خوش گژھان۔ کینٛہہ لوٗکھ چھِ سونچان زِ أسؠ چھِ ضروٗرت منٛد، مگر حقیقتن چھِ أسؠ واریہن لوٗکن قٟمتی چیز حٲصِل کرنس منٛز مدد کران۔ کینٛہہ لوکھ چھِ سونچان زِ اسہِ چُھنہٕ کِہین، مگر حقیقتس منز چُھ اسہِ پرٮ۪تھ کینٛہہ۔11کورنتھ شہرس منٛز ایماندار سٲتھیو، اسہِ چُھو توٚہہِ ووٚنمُت زِ صحیح کیا چُھ، تہٕ أسؠ چھِ تُہنٛد واریاہ خیال تھاوان۔12أسؠ چھِنہٕ تِم یِمو تُہنٛد خیال تھاوُن تروو بلکہِ چُھو توٚہؠ تِم یِمو سون خیال تھاوُن تروو۔13وۅنؠ کرٕ بہٕ توٚہہِ سٟتؠ کتھ یتھٕ پٲٹھؠ توٚہہِ سادگی سان سونٛچو شُرٮ۪ن ہنٛدؠ پٲٹھؠ: یوٚدوے زن اسہِ تُہنٛد خیال چُھ، یہِ روزِ تیٚلہِ ٹھیک ییٚلہِ توٚہؠ سون خیال تھٲیو۔14تِمن لوٗکن سٟتؠ مہٕ کٔرِو شمولیت یِمہٕ نہٕ مسیحؔ ہس پٮ۪ٹھ بھروسہٕ چھِ کران۔ بہٕ چُھس ونان یہِ تکیازِ صحیح کیا چُھ تہٕ غلط کیا چُھ، اتھ منز چُھنہٕ کہین تہِ ہیوٗ۔ امہِ مزید یہ تہِ کینژھا اصل چُھ تتھ چُھنہٕ بُرٕ چیزن سٟتؠ کہین۔15مسیحؔ چُھنہٕ کُنہٕ تہِ چیزس متعلق اتفاق کران بلِیعال شیطانس سٟتؠ۔ امہِ مزید، یِمن لوٗکن مسیحؔ ہس پٮ۪ٹھ بھروسہٕ چُھ تِم چُھنہٕ تمن لوٗکن سٟتؠ تعلق تھاوان یمن نہٕ مسیحؔ ہس پٮ۪ٹھ بھروسہٕ چُھ۔16خدایہ سُنٛد ہیکل چُھنہٕ باقےٕ خداین سٟتؠ رلان۔ درحقیقت، چُھ یہِ زنتہٕ أسؠ یم یقین چھِ تھاوان ٲسؠ واحد حقیقی خدا سنٛدؠ ہیکل۔ توٚہؠ ہیٚکِو ؤنِتھ زِ أسؠ چھِ خدا سُنٛد ہیکل تکیازِ خداین ؤنؠ صحیفس منٛز یم کلام:"بہٕ روزٕ پننؠن لوٗکن سٟتؠ۔درحقیقت، تراوکھ نہٕ بہٕ تِمہٕ۔تِم مانن مےٚ پنُن خداتہٕ بہٕ مانکھ تِم پنٕنؠ لوٗکھ۔"17لہٰذا، اسہِ پزِ تی کرُن یہِ خداوند خدا صحیفس منٛز چُھ ونان:"لوٗکن نِش گٔژھِو دوٗر یِم نہٕ مےٚ خدمت چھِ کران۔یقینی بنأیو زِ توٚہؠ چُھو الگ تِمو نِشہ۔تٔمہِ نِشہ روزیٚو دوٗر یُس توٚہہِ ناپسند کرِ"سُہ چُھ ونان، "پتہٕ کرے بہٕ ژےٚ خۅشی سان خۅش آوے"18امہِ مزید، چُھ خداوند خدا، ونان یُس تمام چیزن پٮ۪ٹھ حکومت چُھ کران،"بہٕ آسہٕ تُہنٛد بب۔توٚہؠ ٲسِو میٲنؠ گۅبر تہٕ کورِ۔"
Bridge Connectivity Solutions Pvt. Ltd.