2 کورنتھین4
1تِموےٕ چیزو کِنؠ تہٕ خدایہِ سنٛزِ رحمتہٕ سٟتؠ بنٲوؠ أسؠ خداین پننہِ نوِ عہد نامہٕ مطٲبق عمل کرنس لایق۔ أسؠ سپٕدؠ نہٕ ہرگز پس ہمت۔2بلکہِ چھِ أسؠ تٔمہِ پرٮ۪تھ کامہِ نِشہ پوٚت ہیٚوان یۅسہ اسہِ ژوٗرِ تھٲو تکیازِ سۅ آسہ شرمنٛدٕ کرن واجِنؠ۔ أسؠ چھِنہٕ باقین سٟتؠ تارن گری ہنٛز کوشش کران تہٕ أسؠ چھِنہٕ خدایہِ سنٛدِس کلامس تبدیلی کران۔ بلکہِ چھِ أسؠ پزرُک واتنیار کران۔ تہٕ پرٮ۪تھ کٲنسہِ یہِ ثبوت دِوان زِ خدا چُھ اسہِ بھروسہٕ منٛد زانان۔3پزر چُھ یہِ زِ چھرا تِم لوٗکھ یِم نہٕ رٕژ شیٚچھ سمجھان چھِ یِمن ہُنٛد أسؠ اعلان چھِ کران، تِم چھِ تِم لوٗکھ یِم گُذران چھِ۔4یتھ دنیہس پٮ۪ٹھ وُنکٮ۪س حکمرٲنی کرن وول شیطان چُھ پژھ نہ تھاون والیٚن یِمن لوٗکن أمچہِ زانکٲری نِشہ مُچھِ تھاوان۔ یتھ پٲٹھؠ شاندار مسیحؔ ہس متعلق رٕژ شیٚچھ، یُس یہٕ ظٲہر چُھ کران زِ خدا کیُتھ چُھ، چُھنہٕ تمن بدلاوان۔5بہٕ چُھس ونان زِ رٕژ شیٚچھ چھےٚ مسیحؔ ہس متعلق۔ تکیازِ أسؠ چھِنہٕ پانس متعلق باقےٕ لوٗکن ونان۔ بلکہ چُھ ونان یسوع مسیحؔ خداوندس متعلق تہٕ بیٚیہِ أسؠ کِتھہٕ کِنؠ چھِ تسنٛدؠ کِنؠ تہنٛز خدمت کران۔6أسؠ چھِ یہِ کران اوٕ کِنؠ زِ خداین ؤنؠ یِم کلامہٕ: "یہِ کینژھا تہِ انہِ گوٚٹ چُھ تہِ بنہِ گاش۔ "تٔمؠ بنٲوؠ أسؠ یہِ پوٚز زاننس لایق زِ سُہ کیُتھ جلال وول چُھ۔ زنتہٕ تٔمؠ اسہِ پٮ۪ٹھ پنُن گاہ تروو۔ خداین کوٚر یہِ ظٲہِر یسوع مسیحؔ سٕنٛدؠ دٔسؠ۔7أسؠ چھِ یہِ ژٮ۪تراوان تہٕ یِمن عٲلیشان کتھن ہنٛز تۅرے دِوان۔ مگر پانہٕ چھِ أسؠ لیٚژؠ تہٕ بے وقعت۔ یتھٕ پٲٹھؠ چھےٚ یہِ کتھ صاف گژھان زِ خدا چُھ یِمن چیزن پُرقوت بناوان نہ زِ اسہ۔8أسؠ چھِ واریاہ مشکل چیزن ژیتران۔ لوٗکھ چھِ اسہِ ستاوان، مگر تِم چھِنہٕ اسہِ پٮ۪ٹھ قابو کران۔ اسہِ چُھنہٕ سٮ۪کہٕ پتاہ آسان زِ کیا چُھ کرُن، مگر أسؠ چھِنہٕ ہاران۔9لوٗکھ چھِ اسہِ ستاوان مگر خدا چُھنہٕ اسہِ مشراوان۔ لوٗکھ چھِ اسہِ خلاف گژھان مگر اسہِ چھِنہٕ شِکس دِتھ ہیٚکان۔10أسؠ چھِ لگاتار یسوع سٕنٛدؠ پٲٹھؠ جسمٲنی عِذا تُلان۔ تاکہِ یِتھٕ پٲٹھؠ کرِ اسہِ خدا دُبارٕ زنٛدٕ یتھٕ پٲٹھؠ تٔمؠ یسوع دُبارٕ زنٛدٕ کوٚر۔11بے شک سٲنِس زنٛدٕ کالس دوران چُھ خدا اسہِ یسوع سٕنٛدؠ کِنؠ لگاتار دۅکھ تُلناوان۔ امہِ طریقہٕ یوٚدوے أسؠ مرو، خدا تُلہِ اسہِ دُبارٕ زنٛدٕ یتھٕ پٲٹھؠ تٔمؠ یسوع زنٛدٕ کوٚر۔12یہِ زن توٚہؠ پانہٕ وُچِھتھ ہیٚکو، خدا چُھ اسہِ دۅکھن منٛز ضروٗر تراوان مگر سُہ تھاوِ توٚہہِ زنٛدٕ۔13أسؠ چھِ تِم یِمن خدایس پٮ۪ٹھ ایمان چُھ۔ تمِس شخصہٕ سٕنٛدؠ پٲٹھؠ یمؠ زبورس منٛز لیٚوکھ مےٚ کٔر خدایس پٮ۪ٹھ پژھ۔ اوے کۅرُم کلام، "اسہِ تہِ کٔر خدایس پٮ۪ٹھ پژھ تہٕ اوے کوٚر کلام"14أسؠ چھِ یہِ کران تکیازِ أسؠ چھِ زانان زِ خداین کوٚر یسوعؔ زنٛدٕ تہٕ اوے کرِ اسہِ تہِ دُبارٕ زنٛدٕ۔ امہِ پتہٕ روزو أسؠ یسوعسؔ تہٕ توٚہہِ سٟتؠ خدایس برونٛہہ کنہِ۔15یِم چیز چھِ أسؠ کران توٚہہِ پلزنہٕ باپتھ۔ تِتھٕ پٲٹھؠ کرِ خدا زیادٕ کھۅتہٕ زیادٕ لوٗکن پٮ۪ٹھ مہربٲنی۔ لوٗکھ کرن خدایہِ سُنٛد زیادٕ کھۅتہٕ زیادٕ شکُر ادا۔ یُس تس عزت بخشہِ۔16اوے چھِنہٕ أسؠ ہمت ہاران۔ یوٚدوے زن لوٗکھ سانٮ۪ن کینٛژن تانن ضایہِ گژھان وچُھن۔ خدا چُھ کینٛژن تانن زُو زٮ۪تہٕ بخشان روزان یِمنہٕ لوٗکھ وُچھان چھِ۔17أسؠ چھِنہٕ ہاران ہمت، تکیازِ ییٚلہِ أسؠ غٲر ضروری تہٕ کینٛژِ وقتہٕ باپتھ دۅکھ تُلان چھِ، یہِ چُھ اسہِ اہم پٲٹھؠ ہمیشہٕ باپتھ پُرجلال بناوان۔ تِتھٕ پٲٹھؠ یِنہٕ أسؠ سونٛچ تھےٕ ہیٚکو۔18اوے چھِ أسؠ توجہ دِوان تتھ کُن یِنہٕ أسؠ وُچھو، نہ زِ یہِ أسؠ وُچھو۔ تکیازِ یِنہٕ أسؠ وُچھو تہِ چُھ ہمیشہٕ روزٕ وُن۔ تہٕ یہِ وُچھو تہِ مۅکلہِ۔
Bridge Connectivity Solutions Pvt. Ltd.