2 کورنتھین2
1بہٕ آس نہٕ توٚہہِ سمکھنہِ مےٚ تروو توٚہہِ سمکھُن اوٕ کِنؠ زِ یوٚدوے یہِ توٚہہِ تہٕ مےٚ دِل زالہِ، یتھٕ پٲٹھؠ زن پتمہِ لٹہِ سپُد ییٚلہِ بہٕ توٚہہِ سمکھیوس۔2مےٚ کوٚر توٚہہِ بیٚیہِ نہ سمکھنُک فٲصلہٕ تکیازِ ییٚلہِ بہٕ توٚہہِ دِل زالہٕ۔ بہٕ چُھس تِمن لوٗکن ہُند زالان یِم مےٚ مسرت بخشان چھِ۔3مےٚ لیٚوکھ توٚہہِ برونٛٹھےٕ پننس پتمِس نامس منٛز تہِ سورےٕ یہِ بہٕ توٚہہِ وُنکٮ۪س ونان چُھس۔ مےٚ لیٚوکھ تمن چیزن متعلق تاکہِ ییٚلہِ بہٕ برونٛہہ کُن توٚہہِ سمکھٕ۔ توٚہؠ زٲلِو نہٕ میون دِل تہٕ بہٕ تھاوٕ توٚہہِ متعلق دل خوش۔ یہِ زن مےٚ پزِ۔ مےٚ لیٚکھؠ تتھ نامس منٛز یِتھؠ چیز اوٕ کِنؠ زِ مےٚ ٲس امید زِ توٚہؠ روزیٚو خوش ییٚلہِ بہٕ خوش آسہٕ۔4مےٚ آو دِل کوٗرنہٕ تہٕ انٛدری سپدُس چھۅکل ییٚلہِ مےٚ سُہ پتِم نامہٕ توٚہہِ لیٚوکھ۔ پوٚز ہے بوزِو مےٚ ووٚد یہِ لیٚکھنس دوران۔ مےٚ سوزُو سُہ توٚہہِ تاکہِ توٚہؠ کٔرِو انٛدازٕ بہٕ کوتاہ پرواہ چُھس تُہنٛد کران۔ میون ارادٕ اوس نہٕ توٚہؠ دۅکھل بناوٕنؠ۔5وۅنؠ گو، سُہ کانٛہہ تہِ شخص یُس باقین دۅکھل کرٕ چُھنہٕ ہرگِز تہِ مےٚ دۅکھل بناوان۔ بلکہِ چُھ یُتھ شخص توٚہہِ منٛزےٕ کینٛژن چھۅکھ دِوان۔ مےٚ ورتوو لفظ "کینژن" تاکہِ بہٕ گنٛزرکھ نہٕ یِمن سٟتؠ سٲری یِمن سُہ شخص چھۅکل بناوان چُھ۔6توٚہہِ منٛزِ چُھ واریہو سمِتھ سُہ شخص سمبولمُت وۅنؠ گو یہِ پزنہٕ توٚہہِ کرُن یمہِ اپور۔7اوے تہِ پزِ توٚہہِ تس شخصس یتھٕ پٲٹھؠ سنبالنہٕ بدلہٕ معاف کرُن تہٕ تس حوصلہٕ دِنؠ۔ نتہٕ سپدِ سُہ شخص دل ملول تہٕ ہارِ ہمت۔8اوے تہِ چُھسو بہٕ توٚہہِ حوصلہٕ دِوان لوٗکن منٛز یہِ ہاونہٕ باپتھ زِ توٚہؠ کوتاہ پرواہ چُھو تس شخصہٕ سُنٛد کران۔9پننس پتمِس نامس منٛز یہِ لیٚکھنُک بیاکھ وجہہ اوس زِ میون غرض یمہ کتھ ہنٛد یقین کرن زِ توٚہؠ کٔرِو تہِ سورےٕ یہِ بہٕ توٚہہِ ونان چُھس کرنہٕ باپتھ۔10چھیکرس ونو، زِ ییٚلہِ توٚہؠ کٲنسہِ شخصس کُنہِ کتھہِ باپتھ معاف کٔرِیو، بٕتہ کرٕ معاف تس شخصس معاف۔ پزر گو مےٚ چُھ تس شخصس معاف کوٚرمُت تٔمہِ باپتھ یہ تٔمؠ کوٚر۔ یوٚدوے زن ژکہِ سُہ کہینؠ اوسنہٕ، مےٚ کوٚر یہِ توٚہہِ مدد کرنہٕ باپتھ یہِ مسیحؔ سُنٛد یژھُن اوس۔11اسہِ پزِ بیٚین معاف کرُن تاکہِ شیطان رٹہِ نہٕ اسہِ پانس تل۔ حالانکہ أسؠ چھِ پزی زانان تسٕنٛدؠ سٲری ژھل اسہِ تل تل رٹنٕکؠ۔12وۅنؠ پھیرٕ بہٕ پننس سفرس کُن، ییٚلہِ بہٕ ترواسؔ شہر ووتُس، خداوند یسوعنؔ بنوو یہِ میانہِ باپتھ ممکن زِ بہٕ واتناوٕ مسیحؔ سنٛز شیٚچھ پورٕ اثرٕ سان۔13وۅنؠ گو چونکہِ میون ایماندار سٲتھی طِطُس اوسنہٕ ترواس شہرس منٛز، بہٕ رودُس پریشان زِ اما تمہِ وِزِ کیا سپُد ییٚلہِ سُہ توٚہہِ سمُکھ۔ اوے تہِ کوٚر مےٚ اتکٮ۪ن ایماندارن الوداع تہِ دراس مکدُنیہ کُن۔14وۅنؠ کرَو أسؠ شکُر خدایہِ سُنٛد! سُے چُھ یمؠ أسؠ مسیحؔ ہس سٟتؠ جورِتھ تھٲوؠ تہٕ چُھ اسہِ پانس کُن رٔٹِتھ دشمنن تلفس تل انان۔ امہِ مزید چُھ سُہ سانہِ وصیلہٕ لوٗکن منٛز جایہِ جایہِ پنن آسُن ظٲہر کران۔15پزر گو أسؠ چھِ زنتہٕ سۅ خوش بۅے یۅسہ مسیحؔ سنٛدِ پٮ۪ٹھٕ وۅتلان چھےٚ تہٕ یۅسہ خدایس خوش چھےٚ کران۔ أسؠ چھِ زنتہٕ یہےَ خۅشبوے ییٚلہِ أسؠ تمن لوٗکن سٟتؠ چھِ آسان یِمن خداین نجات بخُش تہٕ ییٚلہِ أسؠ چھِ تمن لوٗکن سٟتؠ آسن یِم مران چھِ۔16تِم یِم مران چھِ، چھِ سونچان زنتہٕ أسؠ چھِ سۅ بۅے ہِش یۅسہ مرن والیٚن وۅتھان چھےٚ تہٕ تِمن ماران چھےٚ۔ دویمہِ پاسہٕ چھِ تِم یِمن خدا چُھ بوٚٹھ لاگان چھِ سونچان زِ اسؠ چھِ زنتہٕ سۅ بۅے یۅسہ زنٛدٕ زُوون وۅتھان چھےٚ تہٕ تِمن زُو بخشان چھےٚ۔ کانٛہہ تہِ ہیٚکہِ نہٕ خوش خبری ہنٛز تُرے یتھٕ پٲٹھؠ دِتھ۔17توٚہؠ ہیٚکو ؤنِتھ زِ أسؠ چھِنہٕ صحیح پٲٹھؠ خوش خبر دِتھ ہیٚکان۔ تکیازِ أسؠ چھِنہٕ خدایہ سُنٛد پٲغام پونٛسن کٕنان۔ یہِ زن واریاہ لوٗکھ کران چھِ۔ بلکہِ چھِ أسؠ صرف خدایہِ سنٛز خدمت یژھان کرنؠ۔ نہ زِ کینٛہہ نفع پراونہٕ باپتھ۔ یقیناً چھِ أسؠ رٕژِ شیٚچھِ ہنٛز تۅرے دِوان۔ تکیازِ امی باپتھ سوزؠ أسؠ خداین۔ تِمن لوٗکن ہنٛدؠ پٲٹھؠ یِم خداین مسیحؔ ہس سٟتؠ جورِتھ تھٲوؠ یمن خداین اتحاد کوٚر مسیحؔ ہس سٟتؠ، چھِ أسؠ خوش خبر خدایس خوش کرنہٕ باپتھ پھٲلاوان، نہ زِ لوٗکن۔
Bridge Connectivity Solutions Pvt. Ltd.