2 کورنتھین1
1بہٕ پولُسؔ چُھس توٚہہِ یہِ نامہٕ لیٚکھان، تہٕ تیمُتھیس، سون سٲتھی ایماندار چُھ مےٚ سٟتؠ۔ خداین ژورُس بہٕ یسوع مسیحؔ سنٛزِ نمایندگی باپتھ، تکیازِ یی اوس خدایہِ سُنٛد یژھُن تہِ۔ یہِ نامہٕ چُھس بہٕ سوزان توٚہہِ یِم خدایس پٮ۪ٹھ ایمان تھاون واجنہِ جمٲژ ہنٛدؠ حصہٕ چھِ یِم کورنتھ شہرس منٛز روزان چھِ۔ بہٕ چُھس یہِ نامہٕ سوزان تِمن سارنےٕ سٲتھی ایماندارن تہِ یِم اخیہ کِس علاقس منٛز روزان چھِ۔2اسہِ سارنےٕ ہُنٛد بب خدا تہٕ خداوند یسوع مسیحؔ روزِن توٚہہِ پٮ۪ٹھ مہربان تہٕ تھٲوؠ نو امنہٕ سان۔3أسؠ گژھو روزٕنؠ تعریف کران خدایہ سنٛدؠ یُس بب چُھ سٲنِس یسوع مسیحؔ سُنٛد۔ سُے چُھ سون ترس کھیٚنہٕ وول بب تہٕ اسہِ تسلی دِنہٕ وول سون خدا۔4ییٚلہ تہِ أسؠ تکلیفس منٛز چھِ آسان خدا چُھ اسہٕ تسلی دِوان۔ سُہ چُھ یہِ کران تاکہِ أسؠ ہیٚکو باقین تسلی دِتھ یِم کُنہِ تہِ طریقہٕ تکلیفس منٛز چھِ۔ خدا چُھ اسہِ تِمن تِتھے پٲٹھؠ تسلی دِنس قٲبل بناوان یتھٕ پٲٹھؠ سُہ اسہِ تسلی چُھ دِوان۔5توٚہؠ وُچھِو، مسیحؔ ہن کٟتؠ دۅکھ تُلؠ سانہِ باپتھ، تہٕ وۅنؠ چھِ أسؠ تہِ دۅکھ تُلان تکیازِ أسؠ چھِ تٔسؠ سٟتؠ جورِتھ۔ مگر مسیحؔ تہِ چُھ وۅنؠ اسہِ امی دۅکھٕ حسابہٕ بسیار تسلی دِوان روزان۔6اوے تہِ ییٚلہِ لوٗکھ اسہِ دۅکھ دِن، تِتھے پٲٹھؠ ییہِ خدا توٚہہِ تسلی دِنہِ تہٕ روحٲنی طور توٚہہِ بچاونہِ۔ ییٚلہِ تہِ اسہِ خدا تسلی دِیہ، سُہ دِیہ توٚہہِ تہِ تسلی۔ خدا کرِ یہِ اوٕ کِنؠ زِ توٚہؠ چُھو صبرٕ سان ژالان روزان تم دۅکھ تہٕ اِذا یِم لوٗکھ توٚہہِ واتناوان چُھو۔ یتھٕ پٲٹھؠ زن یِم لوٗکھ اسہِ تہِ دۅکھ واتناوان چھِ۔7اسہِ چھےٚ خبر زِ خدا دِیو توٚہہِ تہِ تسلی ییٚلہِ توٚہہِ کانٛہہ تکلیف واتہِ یتھٕ پٲٹھؠ زن اسہِ تہِ تکلیف واتان چُھ۔ اوے تہِ چُھ اسہِ اطمنان زِ توٚہؠ تھٲیو یسوعسؔ پٮ۪ٹھ پنٕنؠ پژھ قٲیم۔8مِثالہِ پٲٹھؠ ونو أسؠ توٚہہِ سٲتھی ایماندارن، زِ اسہِ کیا کیا آو بٔنِتھ آسیہؔ کِس علاقس منٛز۔ تِم لوٗکھ ٲسؠ تیتیاہ ویکھٕتؠ زِ اسہِ باسیو أسؠ ما ہیٚکو نہٕ تِمن ہُنٛد ویٚترٲوتھےٕ۔ اسہِ گو پوٗرٕ یقین زِ اسہِ ما نیرِ وۅنؠ زُو۔9اسہِ باسیوو زِ أکِس نفرس چُھ باسان ییٚلہِ أمؠ أکِس منصفس یہِ ونان بوزمُت چُھ، "بہٕ چُھس تۅہہِ مرنٕچ مزمت کران۔ "مگر خداین وۅتلوو اسہِ منٛز یہِ احساس زِ پزِ پانس پٮ۪ٹھ بھروسہٕ کرنہٕ بدلہٕ خدایس پٮ۪ٹھ بھروسہٕ کرُن۔ سُہ چُھ مودؠ مٕتٮ۪ن لوٗکن دوبارٕ زندٕ روزنُک تہِ سبب بنان۔10یوٚدوے زن اسہِ زُو راونُک پوٗرٕ یقین اوس، خداین دیُت اسہِ نجات تِمو لوٗکو نِشہ یِم اسہِ مارنس پٮ۪ٹھ وٲتمٕتؠ ٲسؠ۔ تہٕ سُہ روزِ ہر وِزِ اسہِ حفاظت کران یِتھیٚو لوٗکو نِشہ۔ اسہِ چُھ پوٗرٕ بھروسہٕ زِ سُہ بچاوِ اسہِ یمہِ یور تہِ۔11یتھٕ پٲٹھؠ توٚہؠ اسہِ پننہِ دُعا سٟتؠ مدد چُھو کران۔ مہربٲنی کٔرِتھ روز اسہِ دعا کران تاکہِ بیٚیہِ بیٚیہِ لوٗکھ تہِ کرن خدایہِ سنٛدؠ تعریف تمہِ باپتھ یہِ سُہ سانہِ باپتھ پننہِ عظمتہٕ کرِ تکیازِ واریہو لوٗکو کوٚر سانہِ باپتھ دعا۔12اسہِ چُھ فخر زِ أسؠ ہیٚکو ایماندٲری سان یہِ ؤنِتھ زِ اسہِ کوٚر لوٗکن سٟتؠ بڈٕ راستبٲزی سان تہٕ خلوصہٕ سان سلوک۔ یہ کرنس لایق أسؠ خداین بنٲوؠ۔ أسؠ چھِنہٕ تہِ کران یتھ بے دین لوٗکھ دٲنش منٛدی زانان چھِ بلکہِ چُھ خدا پننہِ فضلہٕ سان اسہِ وتھ ہاوان۔ خاص پٲٹھؠ ییٚلہِ کتھ باتھ أسؠ توٚہہِ سٟتؠ کران آسو۔13یہِ زاننہٕ باپتھ، وُچھِو یِم میٲنؠ نامہٕ۔ پننٮ۪ن سارنےٕ نامن منٛز چُھ مےٚ چھرا تی لیٚوکھمُت یتھ توٚہؠ آرام سان پٔرِتھ تہٕ سمجھِتھ ہیٚکو۔ مےٚ چھےٚ امید زِ جلدےٕ ہیٚکو توٚہؠ سانہِ لیٚکھنُک مٮعنہِ سمجھِتھ۔14یتھٕ پٲٹھؠ توٚہہِ گۅڈے اڈلیوٚک سمجمُت چُھ۔ پتہٕ ییٚلہِ سون خداوند یسوع واپس ییہِ، توٚہہِ آسہ توتہِ فخر اسہِ پٮ۪ٹھ یوٗتاہ اسہِ توٚہہِ پٮ۪ٹھ فخر آسہ۔15اوٕ کِنؠ زِ مےٚ اوس پوٗرٕ اعتماد زِ توٚہہِ چُھ مےٚ پٮ۪ٹھ فخر، مےٚ کوٚر مکدُنیہ چہِ وتہِ پکنس دوران منٛزؠ توٚہہِ تہِ سمکھنہِ ینُک ارادٕ۔ تہٕ تور واپس پھیرنس دوران دُبارٕ سمکھنُک ارادٕ۔ امہِ آیہِ میلہِ توٚہہِ مےٚ سٟتؠ روزنُک دۅگنہٕ فٲیدٕ۔ تہٕ امہِ مزید ہیٚکو توٚہؠ مےٚ یہُوداؔ کِس علاقس کُن گژھنہٕ باپتھ ضرورے سامانہٕ سٟتؠ تہِ اتھہٕ روٚٹ کٔرِتھ۔17مےٚ کریاو یِمن دوٚن وقتن پٮ۪ٹھ توٚہہِ سمکھنُک ارادٕ مگر بہٕ آس نہٕ دویمہِ پھرِ توٚہہِ نِش۔ امیُک تر چُھنہٕ یہِ زِ مےٚ بدلوو پنُن اِرادٕ بٔلؠ۔ بہٕ چُھسنہٕ کُنہِ تہِ وقتہٕ پنٕنؠ اِرادٕ نِوان یا بدلاوان پننہِ مرضی۔ بہٕ چُھسنہٕ ونان، "آ، بہٕ کرٕ یہِ" تہٕ سٟتؠ چُھس ونان، "نہ، بہٕ کرٕ نہٕ یہِ"18یتھٕ پٲٹھؠ زن خدا أکسےٕ کتھہِ پٮ۪ٹھ قٲیِم چُھ روزان، أسؠ تہِ چھِ پوٗرِ پوٗر پننِس وننس دپنس پٮ۪ٹھ قٲیِم۔ أسؠ ونو نہٕ زانہٛہ، "آ" ییٚلہِ آسہ "نَہ" آسہ ونُن۔19مےٚ، سلوانسنؔ تہٕ تیمُتھیسن کٔرِو توٚہؠ زٲنؠ یاب خدایہِ سنٛدِس گۅبرِس، یسوع مسیحؔ ہس متعلق۔ توٚہہِ چُھو خبر زِ سُہ ونہِ نہٕ زانہٛہ تہِ "آ" یوٚدوے تس "نَہ" ونُن آسہ۔ تکیازِ یہِ زٲنِتھ زِ سُہ کُس چُھ، تس متعلق سون پٲغام تہِ چُھ بھروسہٕ منٛد تہٕ کُنہِ تقاضہٕ ورٲے۔20یسوعؔ سنٛدؠ کِنؠ ہیٚکو أسؠ خدا سنٛدِس پرٮ۪تھ وعدس پٮ۪ٹھ بھروسہٕ کٔرِتھ۔ یسوع چُھ تِم سٲری پوٗرٕ کران۔ اوے تہِ چُھ یسوعؔ سُہ یُس اسہِ یہِ وننس لایق چُھ بناوان، "آ یہِ چُھ پوٚز" ییٚلہِ أسؠ خدایہِ سنٛدؠ تعریف کران چھِ۔21یہِ چُھ خدا یُس اسہِ توٚہہِ ہٮ۪تھ، مسیحؔ ہس پٮ۪ٹھ یقین قٲیِم کرناوان چُھ۔ خدایہ نےَ بخُش اسہِ سُہ روح یُس اسہِ أمِس خدمت کرنس لایق بناوان چُھ۔22خداین کوٚر اسہِ پاک روح عنایت یُس اسہِ منٛز بسِتھ چُھ۔ یہِ کتھ چھےٚ اسہِ زٕ چیز باوان۔ اکھ یہِ زِ أسؠ چھِ امسنٛدؠ تہٕ بیاکھ یہِ زِ سُہ کرِ سانہِ باپتھ تہِ سورےٕ یمیُک تٔمؠ اسہِ وعدٕ دیُتمُت چُھ۔23اوے ونو بہٕ توٚہہِ وۅنؠ زِ مےٚ کیازِ بدلوو پنُن ارادٕ تہٕ آسو نہٕ توٚہہِ سمکھنہِ دُبارٕ یہِ زن ارادٕ کوٚرمُت اوسُم۔ خدا نِین مےٚ زُو کٔڈِتھ یوٚدوے بہٕ اپُز ونہٕ، مگر تس چھےٚ پتاہ بہٕ چُھسو توٚہہِ پوٚز ونان۔ میانہِ یور کورنتھ نہ یِنُک وجہہ اوس یہِ زِ مےٚ پیٚیہِ نہٕ توٚہہِ سختی سان تہنٛزن تِمن غلطین متعلق ونن یِم توٚہہِ کَریٚو۔24ییٚلہِ بہٕ توٚہہِ یہِ ونان چُھس میون مطلب چُھنہٕ یہِ باوُن زِ أسؠ کیا چھِ تہنٛدؠ مٲلک یِم توٚہہِ حکم دِن زِ کیا چُھ کرُن کتھ چھےٚ پژھ کرٕنؠ تہٕ کیا چُھ کرُن۔ امہِ بجایہ۔ یِتہِ أسؠ توٚہہِ ونان چھِ خدایہِ سنٛدِ باپتھ زُونہٕ باپتھ تاکہِ توٚہؠ پھٔلیٚو خوشی سٟتؠ۔ اسہِ چھنہٕ ضرورت توٚہہِ حکم دِنچ۔ تکیازِ خدا چُھ توٚہہِ پانہٕ ونان کتھ چُھ یقین کرُن تہٕ کیا چُھ کرُن۔
Bridge Connectivity Solutions Pvt. Ltd.