1 کورنتھین16
1وۅنؠ چُھس بہٕ توٚہہِ ونن وول پونٛسس متعلق یِم بہٕ خدایہِ سنٛدٮ۪ن لوٗکن باپتھ سمبراوان چُھس یِم یہُودؠ چھِ بہٕ چُھس یژھان توٚہہِ تہِ تی کرُن یہِ مےٚ گلتیہ کِس علاقس منٛز أکِس دینی جمٲژ کرن ووٚن۔2پرٮ۪تھ آتھوارِ دوٚہہ پزِ توٚہہِ سارنےٕ پننہِ کمایہِ منٛز کینٛہہ پونٛسہٕ بچاوُن۔ یتھٕ پٲٹھؠ پییہِ نہٕ مےٚ پونٛسہٕ سمبراوُن ییٚلہِ بہٕ توٚہہِ سمکھنہِ یِمہٕ۔3پننہِ جمٲژ منٛزٕ ژٲرؠ وُکھ کینٛہ بھروسہٕ وٲلؠ نفر۔ ییٚلہِ بہٕ توٚہہِ سمکھٕ۔ بہٕ سوزکھ تِم سمبرٲے مٕتؠ پونٛسہٕ یروشلم شہر۔ بیٚیہِ دِمکھ کینٛہہ چِٹھہِ یُس تمن میانہٕ طرفہٕ اجازت نامہٕ آسہ4توٚہؠ تہٕ بہٕ تہِ ما کرو فٲصلہٕ زِ مٮ۪تہِ پزِ تور یروشلم گژھُن۔ اتھ کیفیژ منٛز کرن تہنٛدؠ ژٲرؠ مٕتؠ نفر مےٚ سٟتؠ سفر۔5بہٕ یِمہٕ توٚہہِ بیٚیہِ سمکھنہِ ییٚلہِ بہٕ مکدُنیہ منٛزؠ یپٲرِم وتھ بہٕ رٹہٕ سفر کرِتھ واپس یمہٕ۔6پزر گو یہِ زِ بہٕ ما روزٕ توٚہہِ سٟتؠ کینٛہہ کال۔ شاید سورےٕ ونٛدٕ کال۔ یتھٕ پٲٹھؠ کرِو توٚہؠ مےٚ مدد توٚت کُن نیرنس منٛز یور بہٕ سفر کرُن یژھٕ۔7بہٕ چُھس یِم منصوبہ بناوان اوٕ کِنؠ زِ مےٚ چھےٚ امید زِ بہٕ ما پرارٕ توٚہہِ سٟتؠ اکھ زیوٹھ کال روزنہٕ باپتھ امہِ بدلہٕ زِ بہٕ روزٕ وُنکٮ۪س کمےٕ کالہٕ باپتھ توٚہہِ سٟتؠ۔ بہٕ چُھس اعتماد سان خداوند سنٛدِ یژھنہٕ سٟتؠ یہِ امید کران زِ بہٕ کرٕ یہِ۔8فلحال چُھس بہٕ سونچان زِ بہٕ روزٕ یتی افسس شہرس منٛز پنتِیکُست عیز تام۔9بہٕ چُھس یتی روزِتھ اوٕ کِنؠ زِ خداین بخش مےٚ اجازت رٕژ شیٚچھ پُر اثر تہٕ کھُلہٕ پٲٹھؠ عام کرنٕچ۔ مزید چُھ مےٚ پانس مخٲلف واریہن لوٗکن تہِ بُتھِ لگُن۔10ییٚلہِ تیمُتھیس توٚہہِ نِش یتھ شہرس منٛز واتہِ تس سنٛز حفاظت بنٲوؠ زیٚو یقینی۔ توٚہہِ پزِ یہِ کرُن تکیازِ سُہ چُھ خدا وند سنٛز خدمت کران رٕژ شیٚچھ ہنٛز باوتھ کٔرِتھ یتھٕ پٲٹھؠ زن بہِ تہِ کران چُھس۔11لہٰذا یِنہٕ تمِس کم پایہ زٲنِو۔ بلکہِ کٔرؠ زیٚو تمِس سٟتؠ بڈٕ دوستانہٕ آیہِ سلوک تہٕ کرِزہوس مےٚ کُن واپس سفر کرنس منٛز اتھہٕ روٚٹ۔ توٚہہِ پزِ یہِ کرُن تکیازِ بہٕ چُھس برونٛٹھےٕ یہ تصوُر کران زِ سُہ ییہِ مےٚ نِش باقےٕ دینی باجیٚن سٟتؠ یِم تمِس سٟتؠ مےٚ سمکھنہٕ باپتھ سفر کران چھِ۔12وۅنؠ چُھس بہٕ پننس دینی بٲجِس اپولُسؔ سنٛز کتھ کران۔ مےٚ ووٚن تمِس بڈٕ دٔرؠ پٲٹھؠ یہِ فٲصلہٕ زِ یہِ چُھنہٕ امہِ سمکھنہٕ باپتھ موزوٗن وق بلکہِ ییہِ سُہ توٚہہِ سمکھنہِ ییٚلہِ تس سفرٕ باپتھ موزوٗن وقت باسہِ۔13خبردار روزیٚو غلطہٕ نِشہ! دٔرؠ پٲٹھؠ روزِ رٕژِ شیٚچھِ پٮ۪ٹھ! پژھ تھٲوِتھ! تھٲیِو ہمت۔ پۅختہٕ اِرادن سان روزیٚو۔14توٚہہِ پزَ باقین لولو برنہٕ باپتھ پورٕ توجہ تھاوُن ییٚلہِ تہِ توٚہؠ کینٛہہ سونٛچِو یا کینٛہہ کٔرِو۔ 15خبر چُھوا زِ تِم لوٗکھ یِم ستفناس سنٛدِس گرس منٛز روزان چھِ ٲسؠ ساروےٕ برونٛہہ رٕژِ شیٚچھِ پٮ۪ٹھ اخیہ علاقس منٛز پژھ کرن وٲلؠ۔ مزید تِمو تھوو پنُن پان خدایہِ سنٛدٮ۪ن لوٗکن ہنٛزِ خدمت باپتھ آیتن۔ بہٕ چُھسو توٚہہِ میانیو دینی باجیو ونان،16یِمن تہٕ یِتھٮ۪ن باقےٕ لوٗکن احترام کرنہٕ باپتھ تہٕ یہُنٛد ماننہٕ باپتھ۔ پزر گو یہِ زِ توٚہہِ پزِ احترام کرُن تہٕ مانُن سارنےٕ لوٗکن ہُنٛد یِم رٕژِ شیٚچھ عام کرنہٕ باپتھ سخت مشقت کران چھِ۔17بہٕ چُھس خۅش زِ ستفناس، فرتُوناؔتُس تہٕ اخیکُس وٲتؠ یور۔ تکیازِ تِم پلزن مےٚ توٚہہِ سٟتؠ ج ڑنہٕ باپتھ۔ یمہِ وِزِ نہٕ توٚہؠ مےٚ سٟتؠ آسان چُھو۔18تِمو کٔر حوصلہٕ افزٲئی تہٕ دِژٕکھ ہمت اسہِ دۅشوٕنؠ توٚہہِ تہِ تہٕ مٮ۪تہِ۔ اوے پزِ توٚہہِ یہُنٛد احترام کرُن۔ تہٕ یِتھٮ۪ن باقےٕ لوٗکن ہُنحد تہِ۔19آسیہؔ کہِ علاقٕکؠ دینی جمٲژ چھیٚو توٚہہِ سلام سوزان۔ اکولؔہ تہٕ پرسکہِؔ یِم خداین کورؠ خداوندس سٟتؠ تہِ چُھو توٚہہِ سلام سوزان بڈٕ مایہِ سان۔ تہنٛدِس گرس منٛز سمِتھ تہِ چُھو توٚہہِ سلام سوزان۔20سٲری دینی بٲجؠ یِم مےٚ سٟتؠ چھِ تہِ چُھو سلان ونان۔ اکھ أکِس کٔرِو مایہِ سان خۅش آوے۔21بہٕ، پولُسؔ تہِ چُھسو سلام ونان۔ بہٕ چُھس لیٚکھان یِم لفظ پانہٕ امہِ بدلہٕ زِ بہٕ لٮ۪کھناوٕ ہا پننس نبیس اتھہِ22میانہِ خدایہِ۔ سُہ کرُن ملعون یُس خداوندس لول برنس منٛز کوتٲہی کرِ۔ بہٕ چُھس دُعا کران زِ خداوند یسوعؔ روزن توٚہہِ پٮ۪ٹھ پنُن فضل کران۔23بہٕ چُھس دُعا کران زِ خداوند یسوعؔ مسیحؔ ٲسِن توٚہہِ پٮ۪ٹھ مہربان۔24بہٕ چُھس لٔگؠ تھےٕ توٚہہِ محبت کران تکیازِ خداین جورؠ أسؠ یکہٕ وٹہٕ یسوع مسیحؔ ہس سٟتؠ۔ یہِ جورؠ روزِن یِتھے پٲٹھؠ۔
Bridge Connectivity Solutions Pvt. Ltd.