1 تیمُتھیس2
1تِمنےٕ چیزن ہنٛدِ سببہٕ، چُھ سؠٹھاہ ضروٗری چیز یتھ پٮ۪ٹھ بہٕ سارنےٕ ایماندارن چُھس نصیحت کران زِ پرٮ۪تھ أکؠ سٕنٛدِ خٲطرٕ گژھِ ہمیشہِ خدایس دعا منگُن۔ تِمن پزِ خدایس رزق منگُن، بیٚیہِ باقین ہنٛدِ خٲطرٕ تہِ رزق منگُن، بیٚیہِ پزِ تِمن خدایہِ سنٛز شکُر گزٲری تمہِ خٲطرٕ کرٕنؠ یہِ سُہ کران چُھ۔2تِمن پزِ بادشاہن ہنٛدِ خٲطرٕ بیٚیہِ باقین پٮ۪ٹھ حکومت کرن والیٚن ہنٛدِ خٲطرٕ تہِ دعا منگُن یُتھ أسؠ امنہٕ تہٕ اطمنانہٕ سان زندگی ہیٚکو بسر کرِتھ۔ امہِ طریقہٕ ہیٚکو ٲسؠ سۅ کٲم کرِتھ یۅسہ خدا تہٕ باقی صحیح تہٕ منٲسب سمجھان چھِ۔3یتھٕ پٲٹھؠ دعا کرُن چُھ رُت۔ امہِ سٟتؠ چُھ خدا خوش سپدان، یُس اسہِ نجات دِوان چُھ۔4خدا چُھ یژھان زِ سارنےٕ لوٗکن گژھِ نجات میلُن۔ سُہ چُھ یژھان زِ پرٮ۪تھ کانٛہہ گوٚژھ پوٚرٕ پٲٹھؠ پزر زانُن تہٕ تس ایمان انُن۔5تکیازِ خدا چُھ اکھ تہٕ صرف ہیٚکہِ اکھ شخص خدایس تہٕ انسانن رلٲوتھ، سُہ چُھ یسوع مسیحؔ یُس پانہٕ تہِ انسان چُھ۔6یمؠ پننُ پان سارنے لوٗکن ہنٛدِ خٲطرٕ چھپہِ دِیُت، تِمن گنہو تہٕ موتہٕ نِشہ بچاونہٕ باپتھ۔ تٔمؠ دِیُت پان چھپہِ منٲسب وقتس پٮ۪ٹھ تہٕ تمسنٛدؠ موتن ہوو زِ خدایہِ سُنٛد مقصد چُھ سارنے لوٗکن نجات دیُن۔7یمہِ پٲغامُک مقصد چُھ زِ خداین چُھس بہٕ تمسنٛدِ خٲطرٕ وننہٕ باپتھ نمایندٕ مقرر کوٚرمُت۔ یقین سان چُھس بہٕ مسیحؔ سُنٛدےٕ، بہٕ چُھس پزر ونان۔ بہٕ چُھس نہٕ اپُز ونان! خداین چُھس بہٕ غٲر یہُودینؔ ہیٚچھناونہٕ خٲطرٕ سوزمُت زِ تِمن پزِ خدایہِ سنٛدِس پٔزِس پٲغامس پٮ۪ٹھ ایمان انُن۔8اوے چُھس بہٕ یژھان زِ لوٗکھ کرن پرٮ۪تھ جایہِ، یتٮ۪ن ایمان تھٲون وٲلؠ عبادت چھِ کران خدایس کُن دُعا۔ تِمن پزِ سۅ زندگی گُذارٕنؠ یمہِ سٟتؠ خدا خوش سپدِ، کٲنسہِ سٟتؠ ناراضگی یا لڑایہِ بدلہٕ تُلن تِم پنٕنؠ اتھہٕ ہیٚور کُن تہٕ منٛگن دُعا۔9یتھے پٲٹھؠ، ییٚلہِ عبادت خٲطرٕ جمع سپدن، زنانن پزِ حیادار تہٕ حساس لباس لاگُن۔ تِمن پزِ نہٕ پانس سجاونٕچ کوشش کرٕنؠ یا سۅنہٕ یا جوٲہرو یا قٟمتی پوشاک سٟتؠ پان سجاون۔10تمہِ بدلہٕ پزن تِمن نیک کامہِ کرنہِ یمہٕ خٲطرٕ تِم خدایس عبادت کران چھِ۔ تِمن پزن باقے لوٗکن ہنٛدِ خٲطرٕ رٕژٕ کامہِ کرنہِ۔11زنانن پزِ اجتماع کؠن سردارن نِشہ ژھوٚپہٕ کٔرِتھ ہیٚچُھن تہٕ روزُن ہمیشہٕ تِمن تحت۔12مگر بہٕ چُھس نہٕ زنانن مردن تعلیم دِنُک اجازت دِوان، نَہ تِمن مردن پؠٹھ اختیار تھاونُک۔ تمہِ بدلہٕ پزِ زنانن عبادتس دوران خاموش روزُن۔13تمیُک وجہ چُھ زِ خداین بنوو گۅڈٕ آدمؔ تہٕ تمہِ پتہٕ بنٲو تٔمؠ حواؔ، 14تہٕ سرفن دِیُت نہٕ آدمس دوکھہٕ۔ تٔمؠ دِیُت زنانہِ دوکھہٕ تکیازِ تمہِ کوٚر تہِ یہِ نہٕ تس خداین کرُن ووٚنمُت اوس تہٕ سۅ سپدییہِ گناہ گار۔15مگر تہِ کرنہٕ پتہٕ تہِ بچاوِ خدا زنانن ہرگاہ تِمن وُنہِ تہِ چھےٚ شُرین زایُن دِنٕچ دگ وٮ۪تراوٕنؠ پیٚوان، ہرگاہ تِم خدایس پٮ۪ٹھ بھروسہٕ کرن، تہٕ باقین لول برن، تہٕ روزن تِتھٕ پٲٹھؠ یمہِ سٟتؠ خدا خوش گژھِ، تہٕ سادٕ پٲٹھؠ پیش یِن۔
Bridge Connectivity Solutions Pvt. Ltd.