1 یوحناؔ2
1توٚہؠ چُھو مےٚ تیٖتؠ ٹٲٹھؠ زنتہٕ توٚہؠ میٲنؠ پنٕنؠ شُرؠ چُھو۔ اوے چُھسو بہٕ توٚہہِ یہِ لیٚکھان تاکہِ توٚہؠ روزیٚو مُچھِ گُنہو نِشہ۔ وۅنؠ یوٚدوے توٚہہِ منٛزٕ کانٛہہ تہِ گناہ کرِ، ژٮ۪تس تھٲیو یسوعؔ مسیحؔ، راست باز کرِ ببس التجا تہٕ ونٮ۪س معاف کرنہٕ باپتھ۔2یسوعؔ چُھ سُہ یمؠ سانہ باپتھ زُو چھپہِ دیُت تاکہِ خدا کرِ سٲنؠ گناہ معاف۔ یہ چھنہٕ چھرا سانیٚو گنہو باپتھے یوت پوٚز بلکہِ سارنے انسانن ہنٛدِ باپتھ یِمو کُنہِ جایہِ تہِ کانٛہہ گناہ کوٚر۔3ییٚلہِ أسؠ تتھ پٮ۪ٹھ عمل کرو یہِ اسہِ خدا حکم چُھ دِوان، أسؠ ہیٚکو یقینہٕ سان روزِتھ زِ أسؠ چھِ پزی خدایس سٮ۪ٹھا نکھہٕ رشتس منٛز۔4یوٚدوے کانٛہہ ونہِ، "بہٕ چُھس روزان خدایہِ سنٛدِس سٮ۪ٹھا نکھہٕ رشتس منٛز، مگر سُہ نفر آسہ نہٕ مانان خدایہِ سنٛدؠ حکم، تیٚلہِ چُھ سُہ اپزؠ یور۔ سُہ چُھنہٕ پنٕنؠ زندگی خدایہِ سنٛدِ پزِ پٲغامہٕ مطٲبق گُذاران۔5وۅنؠ گو یوٚدوے کانٛہہ خدایہِ سنٛدؠ حکم مانان آسہ۔ یُتھ انسان چُھ خدایس ہر رنگہٕ لول بران۔ بس امی طریقہٕ ہیٚکو أسؠ پژھ تھٲوِتھ زِ أسؠ چھِ خدایس نکھہٕ رشتس منٛز زُوان۔6یوٚدوے کانٛہہ ونہِ زِ سُہ چُھ خدایس نکھہٕ رشتس منٛز، تیٚلہِ پزِ تس یسوعؔ سٕنٛدؠ پٲٹھؠ زندگی گُذارٕنؠ ییٚلہِ سُہ یتھ زمینہِ پٮ۪ٹھ اوس۔7میانیو ٹاٹھیٚو یارو، بہٕ چُھسو نہٕ توٚہہِ لیٚکھان کینٛہہ نوو کرنہٕ باپتھ، بلکہِ چُھسو لیٚکھان کینژھا کرنہٕ باپتھ یہِ توٚہؠ برونٛٹھےٕ زٲنِو زِ توٚہہِ چُھ کرُن تکیازِ توٚہؠ کٔرِو گۅڈٕ پژھ یسوعسؔ پٮ۪ٹھ۔ یہِ چُھ اکھ باگ تٔمہِ پٲغامُک یُس یسوعنؔ اسہِ دیُت تہٕ یُس اسہِ توٚہؠ برونٛٹھےٕ بوزنٲوؠ مٕتؠ چُھو۔8وۅنؠ گو یوٚدوے أسؠ اتھ پٮ۪ٹھ بدل آیہِ تہِ سونٛچو، بہٕ چُھس تیٚلہِ توٚہہِ کینٛہہ نوو کرُن ونان۔ یہِ چُھ نوو توٕ کِنؠ زِ یمہِ آیہِ مسیحؔ زُووان رود اوس نوو۔ تہٕ توٚہؠ یتھٕ پٲٹھؠ اتھ پتہٕ پتہٕ زُوان چُھو چُھ نوو۔ یہِ چُھ اوٕ کِنؠ زِ توٚہہِ تروُو کۅکار کرُن تہٕ توٚہؠ چُھو ژوٚر ژوٚر رُت کران۔ بوز تو زنتہٕ توٚہؠ انہِ گٹہِ منٛز دروو تہٕ ہیٚتُو خدایہِ سٕنٛدِس نٔنِس گاشس منٛز زُوُن۔9کانٛہہ ہیٚکہِ یِتہِ ؤنِتھ زِ سُہ چُھ رٕتؠ پٲٹھؠ زُوان۔ یتھٕ پٲٹھؠ خدا تس زُوُن یژھان چُھ۔ یہِ آسہ زنتہٕ خدا سٕنٛدِس گاشس منٛزے زُوون۔ وۅنؠ گو یوٚدوے کانٛہہ پننِس ایماندار سٲتھیس سٟتؠ دےٕ تھاوِ، تیٚلہِ چُھ سُہ وُنہِ کۅ کارن منٛزے زُوان، تہِ کران یِنہٕ خدا یژھان چُھ۔ أکِس انہِ گٹہِ منٛز زُوَن وٲلؠ سٕنٛدؠ پٲٹھؠ۔10وۅنؠ گو یوٚدوے کانٛہہ اکھ پننٮ۪ن ایماندار سٲتھین لول بران آسہ، تیٚلہِ چُھ سُہ پزی رٕژ زندگی گُذاران۔ تس أکؠ سٕنٛدؠ پٲٹھؠ یُس خدایہِ سٕنٛدِ گاشس منٛز زُوان آسہ۔ تس آسہ نہٕ کانٛہہ وجہہ کۅ کار کرنُک۔ یُس وجہہ تس پننِس سٲتھی ایماندارس دےٕ کرنہٕ وِزِ آسہ ہے۔ یُتھ انسان چُھ زٲنؠ تو دوٚہلؠ گاشس منٛز یٔمِس کانٛہہ چیز لتہٕ مۅنٛجہ گژھِنہٕ یا نظرِ ڈلہِ نہٕ۔11مگر یوٚدوے کانٛہہ پننِس سٲتھی ایماندارس سٟتؠ دےٕ تھاوِ سُہ چُھ مکمل وتہِ ڈٔلِتھ۔ سُہ چُھنہٕ زٲنتھےٕ ہیٚکان زِ زُوون کِتھہٕ پٲٹھؠ چُھ۔ تکیازِ یِم کۅکار سُہ کران چُھ تِم چھِ تس خدایہِ سنٛز وتھ زاننس منٛز ٹھوٚر بنان۔ زٲنتو سُہ چُھ زنتہٕ انہِ گٹہِ پکان، تہٕ وُچِھتھ چُھنہٕ ہیٚکان سُہ کوٚت چُھ پکان۔12بہٕ چُھسو توٚہہِ لیٚکھان یِمن بہٕ لول چُھس بران زنتہٕ توٚہؠ میٲنؠ پنٕنؠ شُرؠ چُھو، اوٕ کِنؠ زِ خداین بخشؠ تہنٛدؠ گناہ توٕ کِنؠ زِ یہِ یسوعنؔ تہنٛدِ باپتھ کوٚر۔ 13بہٕ چُھسو توٚہہِ لیٚکھان یِم باقیو نٮ۪سبتہٕ واریاہ کالہٕ پٮ۪ٹھٕ وۅنؠ ایماندار چھِ۔ بہٕ چُھسو توٚہہِ لیٚکھان اوٕ کِنؠ زِ توٚہہِ چُھ یسوعسؔ سٟتؠ نزدیکی رشتہٕ، یُس ہمیشہٕ زندِ چُھ۔ بہٕ چُھسو توٚہہِ نوٮ۪ن مگر محکم ایماندارن لیٚکھان تکیازِ شیطانن یُس اکھ بد وجود چُھ کٔرؠ ژھل بل توٚہؠ کۅ کارن کُن لاگنس، مگر توٚہہِ کوٚروٕ کامیٲبی سان تمسُنٛد مقابلہٕ۔ 14مےٚ لیٚوکھ توٚہہِ یِمن بہٕ لول چُھس بران زنتہٕ توٚہؠ میٲنؠ پنٕنؠ لۅکٕٹؠ مۅکٕٹؠ شُرؠ چُھو تکیازِ توٚہہِ چُھ نکھہٕ رشتہٕ خدایس یعنی ببس سٟتؠ۔ مےٚ لیٚوکھ توٚہہِ یِم باقیو نٮ۪سبتہٕ واریاہ پرٲنؠ ایماندار چھِ تکیازِ توٚہہِ چُھ نکھہٕ رشتہٕ یسوعسؔ سٟتؠ۔ سُہ اکھ فرد یُس ہمیشہٕ زنٛدٕ چُھ۔ مےٚ لیٚوکھ توٚہہِ نوٮ۪ن مگر محکم ایماندارن تکیازِ توٚہؠ چُھو روحٲنی طور مضبوط۔ مےٚ لیٚوکھ توٚہہِ اوٕ کِنؠ تہِ تکیازِ توٚہؠ رودِو خدایہِ سنٛدٮ۪ن حکمن ہنٛز تعمیل کران، تہٕ اوٕ کِنؠ زِ توٚہہِ اوٚنُو کامیٲبی سان ٹھوٹھ شیطانس بد زُووس۔ ییٚلہِ تٔمؠ ژھل بل کریاے توٚہؠ کۅ کارس لاگنس۔15مہٕ کٔرِو خٲہِش تِمن لوٗکن ہیٚو بننٕچ یِمنہٕ خدایس عزت چھِ کران۔ تِمن چیزن ہنٛز خٲہِش مہٕ کٔرِو یِم تِم پراوٕنؠ چھِ یژھان۔ یوٚدوے کانٛہہ یژھِ تِمن لوٗکن ہیٚو بنُن، سُہ چُھ ہٲوِتھ دِوان زِ سُہ چُھنہٕ لول بران خدایس یعنی ببس۔16بہٕ چُھسو ونان یُتھ انسان چُھنہٕ لول بران خدایس یعنی ببس اوٕ کِنؠ زِ تِم بے خدا لوٗکھ یتھٕ پٲٹھؠ زُوان چھِ چھنہٕ سۅ وتھ یمچ تعلیم اسہِ سون خدا یعنی بب دِوان چُھ۔ تِم چھِ یژھان پننہِ جسمٲنی خٲہشہِ پوٗرٕ کرنہِ۔ تِم چھِ یژھان پننہِ باپتھ تِم چیز حٲصِل کرٕنؠ یِم تِم أچھو وُچھان چھِ۔ تِم چھِ تھیٚکان تِمن چیزن پٮ۪ٹھ یِم تِمن حٲصِل چھِ تِم چھِ پننہِ مٲلی حثیژ پٮ۪ٹھ ژرنگان آسان۔ یِم سٲری چیز چھِ خۅد غرض تہٕ بے دین طریقو سونٛچنہ سٟتؠ یِوان۔ 17یِم لوٗکھ خدایس عزت چھِنہٕ کران، گژھن نابود پننیٚو تمام خٲہشو ہنٛدیٚو چیزو سان۔ مگر یِم لوٗکھ خدایہِ سنٛدِس یژھنس کرنس پٮ۪ٹھ روزن، تِم لوٗکھ روزن ہمیشہٕ زنٛدٕ۔18توٚہؠ یِم مےٚ تیٖتؠ ٹٲٹھؠ چُھو زنتہٕ توٚہؠ میٲنؠ پنٕنؠ شُرؠ ٲسِو۔ بہٕ چُھسو توٚہہِ ونُن یژھان زِ یوٚہے چُھ سُہ وق ییٚلہِ یسوع زمینہِ پٮ۪ٹھ وسہِ۔ توٚہہِ چُھو برونٛٹھےٕ بوزمُت زِ اکھ شخص ییہِ یُس مسیحؔ ہس سختی سان بُتھِ لگہ۔ پزر گو، واریہن لوٗکن چُھ یہِ پسنٛد، یِم پزس مسیحؔ ہس خلاف برونٛٹھےٕ زمینہِ پٮ۪ٹھ موجود چھِ، اوے کِنؠ زون اسہِ زِ یوٚہے چُھ وق تسنٛدِ یِنُک۔19یِمو لوٗکو کوٚر انکار سانہِ مجلسہِ منٛز روزنس، وۅنؠ گو تِم ٲسؠ تٮ۪نہٕ زانہٛہ پزنہٕ پٲٹھؠ اسہِ سٟتؠ۔ یوٚدوے تِم اسہِ سٟتؠ آسہ ہن تیٚلہِ ما تراوٕہن اسہِ۔ مگر ییٚلہِ تِمو أسؠ ترٲوؠ اسہِ توٚگ زانُن زِ یِمو منٛزٕ اوسُے نہٕ کانٛہہ اسہِ سٟتؠ زانہٛہ جورِتھ۔20وۅنؠ گو تُہنٛدِ باپتھ چُھ مسیحؔ ہن پنُن پاک روح دیُتمُت۔ اوٕ کِنؠ زٲنِو توٚہؠ زِ پوٚز کیا چُھ۔21بہٕ چُھس نہٕ توٚہہِ یہِ نامہٕ لیٚکھان اوٕ کِنؠ زِ توٚہؠ کیا زٲنِو پزٕ کتھہٕ یِمہٕ خداین اسہِ باوِ بلکہِ اوٕ کِنؠ زِ توٚہؠ زٲنِو یِمن کتھن۔ توٚہؠ زٲنِو وارٕ پٲٹھؠ ماننہٕ تہٕ رد کرنہٕ باپتھ سُہ پرٮ۪تھ کانٛہہ اپُز یُس نہٕ تِمو پزیٚو چیزو منٛزٕ چُھ یِم خداین اسہِ ؤنؠ۔22سارِوےٕ کھۅتہٕ بٔڈؠ اپٕزؠ یٲرؠ چھِ تِم یِم انکار کران چھِ زِ یسوعؔ چُھ مسیحؔ۔ یہِ ونن وٲلؠ چھِ سٲری مسیحؔ ہس خلاف۔ یِم چھِ انکار کران یقین کرنس خدایس یعنی ببس تہٕ یسوعسؔ تسنٛدِس گۅبرس۔23یسوعسؔ خدایہِ سُنٛد گۅبُر ماننس انکار کرن وٲلؠ لوٗکھ چھِنہٕ کنہ لِکھٕ تہِ جورتھ خدایس یعنی ببس سٟتؠ۔ مگر یسوعسؔ خدایہِ سُنٛد گۅبُر مانن وٲلؠ چھِ جورتھ خدایس یعنی ببس سٟتؠ۔24وۅنؠ پزِ توٚہہِ تِمن لوٗکن برعکس کرُن یِم لوٗکھ یسوعسؔ انکار کران چھِ، توٚہہِ پزِ برابر یقین تھاوُن پزرٕ سان تہٕ زُوان روزُن یسوعؔ مسیحؔ ہس متعلق سُہ یقین تھٲوِتھ یُس توٚہہِ گۅڈٕ بوزُو۔ یوٚدوے توٚہؠ برابر یقین تھٲیو تہٕ زُوان روزیٚو یسوعؔ مسیحؔ ہس متعلق پزرس پٮ۪ٹھ یُس توٚہہِ گۅڈٕ بوزُو، تیٚلہِ روزیٚو توٚہؠ برابر شریک خدا تہٕ خدایہِ یعنی بب سٕنٛدِس گۅبُر یسوع سنٛزِ زندگی منٛز۔25تہٕ یہِ خداین اسہِ وعدٕ دیُتمُت چُھ زِ سُہ بناوِ اسہِ پوشوٕنؠ زندگی پراونس لایق!26بہٕ چُھسو یہِ نامہٕ توٚہہِ لیٚکھان خبردار کرنہٕ باپتھ تِمن لوٗکن متعلق یِم توٚہہِ یسوعس متعلق دھوکھہٕ دِن۔27توٚہہِ پزِ کرُن یہِ تِمن لوٗکن سٟتؠ یِم توٚہہِ تارنچ کوژھل کرن۔ خدایہِ سُنٛد روح یُس توٚہہِ یسوعس نِش پُروو چُھ برابر توٚہہِ منٛز زنٛدٕ۔ اوے چھنہٕ توٚہہِ کٲنٛسہِ ہنٛز تہِ ضرورت پنُن وۅستاد بناونچ۔ خدایہِ سُنٛد روح چُھ توٚہہِ ہدایت دِوان پرٮ۪تھ چیزس متعلق یُس توٚہہِ زاننچ ضرورت چھےٚ۔ سُہ چُھ ہمیشہٕ ہٮ۪چھناوان پزر تہٕ زانہٛہ تہِ چُھنہٕ ونان اپُز۔ اوے تہِ روزیٚو زُووان تس سنٛزِ تعلیمہ مطٲبق تہٕ روزیٚو یسوع سنٛزِ شراکژ منٛز زُووان۔ 28میانیٚو ٹاٹھیٚو بہٕ چُھسو زور دِوان پنٕنؠ زندگی یسوع سنٛزِ زندگی سٟتؠ ہِشراونس پٮ۪ٹھ یتھٕ پٲٹھؠ ییٚلہِ سُہ دُبارٕ ییہِ اسہِ آسہ اعتماد زِ سُہ کرِ اسہِ قبول۔ یوٚدوے أسؠ تہِ کرو، أسؠ آسو نہٕ تس برونٛہہ کنہِ وۅدنؠ شرمنٛدٕ ییٚلہِ سُہ دُبارٕ ییہِ۔29چونکہِ توٚہؠ چُھو زانان زِ خدا چُھ ہمیشہٕ تہِ کران یہِ رُت چُھ، توٚہؠ چُھو یِتہِ زانان زِ تِم سٲری یِم برابر رُت کران روزان چھِ۔ تِمے چھِ خدا سٕنٛدؠ روحٲنی شُرؠ۔
Bridge Connectivity Solutions Pvt. Ltd.