1 کورنتھین6
1ییٚلہِ تہنٛزِ پننہِ جمٲژ منٛزےٕ دوٚن نفرن ہر ووٚتھ۔ توٚہہِ پزِ نہٕ یہِ تنازٕ یُس بیٚیِس مسیحؔ ہس سٟتؠ آسہ، انٛزراوُن کنہِ عدالژ منٛز بے دین لوٗکن تھی۔ بلکہِ پزِ یہِ تنازٕ انٛزراوُن لوٚتہِ پٲٹھؠ پننٮ۪ن لوٗکن تھی یِم خداین پننہِ باپتھ ژٲرؠ مٕتؠ چھِ۔2یقیناً چُھو توٚہؠ زانان زِ تِم لوٗکھ یِم زن خداین پننہِ باپتھ ژٲرمٕتؠ چھِ ہیٚکن یہِ فٲصلہٕ نِتھ زِ آیا خدایہِ سنٛدؠ پٲدٕ کٔرمٕتؠ یِم کار یا لوٗکھ چھا راہ لد کِنہٕ معصوم۔ چونکہِ توٚہؠ ہیٚکو پانہٕ یہِ فٲصلہٕ کٔرِتھ زِ یِم کار یا لوٗکھ چھا پزی راہ لد کِنہٕ بے قصور۔ توٚہؠ ہیٚکو یمن پننہِ جمٲژ ہنٛدٮ۪ن لۅکٹٮ۪ن لۅکٹٮ۪ن تنازن تہِ انٛزرٲوِتھ۔3توٚہہِ پزِ یہِ زانُن زِ أسؠ ہیٚکو فرشتن ہُنٛد فٲصلہٕ تہِ کٔرِتھ زِ یِم چھا راہ لد کِنہٕ بے راہ۔ اوٕ کِنؠ زِ أسؠ ہیٚکو یہِ کٔرِتھ أسؠ چھِ پٔزؠ پٲٹھؠ یِمن تنازن ہُنٛد فٲصلہٕ کرنس قٲبل۔4اوے کِنؠ ییٚلہِ توٚہہِ پانہٕ وٲنؠ یِمہٕ موجود زندگی ہنٛدِس حوالس منٛز کانٛہہ ہر وۅتھہِ توٚہہِ پزن نہٕ پننہِ دینی جمٲژ نٮ۪بر بیٚیہِ کانٛہہ ژارن یہِ انٛزراونہٕ باپتھ زِ راہ لد کُس چُھ تہٕ کُس نہٕ۔5بہٕ چُھس یِمہٕ کِتھہٕ یتھ نامس منٛز درج کران اوٕ کِنؠ زٕ توٚہؠ سپدِو شرمنٛدٕ پننس غلط کارس پٮ۪ٹھ۔ یقیناً چھِ تہنزِ جمٲژ منٛز تِتھؠ دانا لوٗکھ تہِ یِم پننؠن دینی باین درمیان وۅتھن والین تنازن زنٛزرٲوِتھ ہیٚکن۔6وۅنؠ گو کینٛہہ دینی بٲئؠ چھِ پننٮ۪ن دینی باین کھُلہٕ عدالتس منٛز راہ کھالان تہٕ بے دین لوٗکھ چھِ یِم تنازٕ انٛزراوان۔7وۅنؠ گو توٚہہِ چھِ پانہٕ وٲنؠ تنازٕ تہٕ توٚہؠ چُھو بلکل ناکام سپدؠ مٕتؠ یسوعؔ سنٛز وتہِ پٮ۪ٹھ روزنس منٛز۔ اوے تہٕ یتھٕ پٲٹھؠ ناکام روزنہٕ بدلہٕ پزِ توٚہہِ پننٮ۪ن دینی باین معاف کرن یوٚدوے تم توٚہہِ دھوکھہٕ دِن یا کانٛہہ تارن گٔری کرن۔8باقین معاف کرنہٕ بدلہٕ چُھو توٚہہِ باقین دھوکھہٕ دیُتمُت تہٕ تمن سٟتؠ تارن گٔری کٔرمٕژ۔ بوزوے توٚہہِ چُھو یہِ اتُر پننٮ۪ن دینی باین سٟتؠ کوٚرمُت۔9بہٕ چُھس دم پھُٹؠ زِ توٚہؠ چُھو یہِ کران۔ ییٚلہِ زن توٚہؠ زانان چُھو زِ تِم لوٗکھ یِم باقین زرٮ۪ر واتناون سپدن نہٕ ہرگز شٲمل خدایہ سٕنٛدِس سلتنطس منٛز۔ تِمن پٮ۪ٹھ مٕہ کٔریِو پژھ یِم غٲر منٲسب جنسی تعلقات تھاون۔ یِم باقےٕ خداین ہنٛز عبادت کرن۔ یُس کٲنسہِ نیتھرٕ وٲلِس سٟتؠ جنسی تعلقات تھاوِ یِم مرد ٲسِتھ مردس سٟتؠ تہٕ زنان ٲسِتھ زنانہِ سٟتؠ جنسی تعلقات تھاون۔10یُس ژور کرِ، یُس مال ذخیرٕ کرِ، یُس بدمست گژھِ یا یُس لیٚکہٕ ژاران آسہ یا تارن گٔری کرِ۔ یِم تہٕ یِتھؠ سٲری لوٗکھ روزن خدایہِ سنٛزِ سلطنتہٕ نِش مُچھے۔11توٚہہِ منٛزٕ ٲسؠ کینٛہہ یِژھے حرکژ کران۔ وۅنؠ گو خداین کٔرِو توٚہؠ پاک۔ توٚہؠ بنیو پاک۔ تٔمؠ دِژ تہنٛزِ معصومیژ ہنٛز تُرے۔ توٚہہِ ژیونُو یہِ پانہٕ تکیازِ خداوند یسوعؔ مسیحؔ تہٕ پاک روح چُھ توٚہہِ انٛدر پورٕ قوت سان کام کران یِم رٕتؠ چیز توٚہہِ بخشنہٕ باپتھ۔12توٚہہِ منٛزٕ چھِ کینٛہہ ونان بہٕ ہیٚکہٕ نہٕ کینٛہہ تہِ کٔرِتھ مگر توتہِ روزِ معصوم۔ وۅنؠ گو بہٕ چُھسو ونان کینٛہہ چیز روزن نہٕ کارآمد۔ کٲنسہِ ہنٛدِ باپتھ تہِ نہٕ۔ بیٚیہِ تہِ چھِ کینٛہہ مزید لوٗکھ ونان، "بہٕ ہیٚکہٕ کینٛہہ تہِ یُتھ تیُتھ کٔرِتھ تہٕ توتہِ روزٕ کانٛہہ راہ کھسنہٕ ورٲے معصوم وۅنؠ گو بہٕ چُھسو ونان بہٕ کرنہٕ خدمت کُنہِ تِتھِچ یُس مےٚ امیُک غلام بناوِ۔13توٚہہِ منٛزٕ چھِ کینٛہہ ونان۔ کھیٚن چُھ انسان سنٛدِ معدٕ باپتھ تاکہِ ہضم گژھِ تہٕ معدٕ چُھ امہِ غذا باپتھ تاکہِ ہضم کریٚس۔ بے شک بہٕ تہِ چُھس ونان خدا ہیٚکہِ غزاہس تہٕ معدس دۅشوٕنؠ بے کار بنٲوِتھ۔ گو یہِ چُھ پوٚز زِ غزا چُھ کٲنسہِ ہنٛدِ معدٕ باپتھ انسٲنؠ جسم چُھنہٕ ہرگز نامنٲسب جنسی تعلقہٕ باپتھ بلکہ چُھ انٲنی جسم خداوند سٕنٛدِ خدمت باپتھ تہٕ خداوندن چُھ اتھ انسٲنی جسمس نجات بخشنہٕ باپتھ کٲم کٔرمٕژ۔14پزر گو۔ خداین کوٚر خداوند دُبارٕ زندٕ۔ تہٕ سُہ کرِ پوٗرٕ قوت سان اسہِ تہِ دُبارٕ زُو بخشنہٕ باپتھ کٲم۔15یقیناً چُھو توٚہؠ زانان زِ تُہنٛد بدن چھِ مسیحؔ سُنٛد۔ زٲنؠ تو توٚہؠ چُھو مسیحؔ سنٛدؠ جسمٕکؠ انٛگ۔ اوے تہِ پزِ نہٕ توٚہہِ پنُن بدن واپس منٛگِتھ کٲنٛسہِ پاژھنہِ دیُن تاکہِ تُہنٛد بدن بنہِ وۅنؠ تمسُندےٕ۔ زنتہِ توٚہؠ امسےٕ پاژھنہِ ہنٛدؠ تان تہٕ انٛگ ٲسِو۔ یہٕ مٕہ کٔرِو ہرگز۔16یقیناً چُھو توٚہؠ زانان زِ کانٛہہ شخص یُس کٲنسہِ پاژھنہِ سٟتؠ سنگ کٔرِتھ چُھ پزنہٕ پٲٹھؠ پنُن بدن تس سٟتؠ جورِتھ تھاوان زنتہٕ تِم کُنےٕ جسم چھِ۔ توٚہہِ پزِ زانُن مقدس کتابہٕ چھےٚ ونان مرد تہٕ زنان یوٚدوے چھِ زِ فرد بنن زنتہٕ اکُے فرد۔17یِتھے پٲٹھؠ سُہ کانٛہہ زوٚن یُس پانس خداوندس سٟتؠ جورِ بنہِ تٔسؠ سٟتؠ روحٲنی طور کُن۔18زٲنِتھ مٲنِتھ مٕہ کٔرِو غٲر منٲسب جنسی حرکت۔ ییٚلہِ لوٗکھ گناہ کران چھِ تِم چھِ کران یہِ پننٮ۪ن بدنن سیٚدِ سیٚود کانٛہہ زرٮ۪ر واتناونہٕ ورٲے۔ وۅنؠ گو ییٚلہِ تِم غٲر منٲسب جنسی میٚوُل کران چھِ۔ تِم چھِ پننٮ۪ن بدنن زرٮ۪ر واتناوان۔19یقیناً چُھو توٚہؠ زانان زِ خداین بخشو توٚہہِ پاک روح۔ اوے چھِ تہنٛدؠ بدن پاک روح باپتھ مقدس جایہِ تکیازِ سُہ چُھ پانس توٚہہِ سٟتؠ جوران۔ یتھٕ پٲٹھؠ زن اکھ دیوتا پننس ہیکلس سٟتؠ جورِتھ آسان چُھ۔ اوے تہِ چُھو نہٕ توٚہؠ پٲنؠ پانٕکؠ مٲلک۔20بلکہِ چُھو توٚہؠ خدا سنٛدؠ تکیازِ مسیحؔ کھوٚت دارس تُہنٛدِ باپتھ۔ ییٚلہِ تٔمؠ زُو دیُت تہنٛدِ باپتھ زٲنؠ تو زنتہٕ خداین توٚہؠ مٔلؠ ہٮ۪نہٕ باپتھ پونٛسہٕ دِتؠ۔ تکیازِ توٚہؠ چُھو خدا سنٛدؠ ملکِیت۔ توٚہہِ پزِ تس تعظیم کرُن ییٚلہِ تہِ زانہٛہ توٚہؠ پننِس بدنس کُنہِ کارس لٲگِو۔
Bridge Connectivity Solutions Pvt. Ltd.