1 کورنتھین5
1مےٚ آو بوزنس منٛز زِ توٚہؠ چُھو پننہِ جمٲژ ہنٛدٮ۪ن لوٗکن غلط جنسی تعلقاتن ہُنٛد اجازت دِوان۔ یِمن چیزن توٚہؠ اجازت دِوان چُھو تمن چھنہٕ خدایہ سنٛز عبادت نَہ کرن وٲلؠ تہِ جٲئز زانان۔ امہِ کھۅتہٕ تہِ ویکھت چیز یُس مےٚ بوز تہنٛز جمٲژ منٛز چُھ اکھ نفر پننہِ وۅرٕ ماجہِ سٟتؠ جنسی تعلق تھٲوِتھ۔2امہِ باوجود چُھو توٚہؠ پانس متعلق تھزٕ تھزٕ کتھٕ کران ییٚلہِ زن توٚہہِ امہِ گناہ باپتھ شرم سٲری گژھِ آسٕنؠ۔ توٚہہِ پزِ ہے یُتھ گناہ کرن وول پیروکارن کرنہٕ کہِ غرضہٕ بڈِ ودُن رِوُن۔3توٚہہِ پزِ سُہ کٔڑِتھ ژھٕنُن تکیازِ مےٚ چُھ برونٛٹھے یژھ بُرٕ کٲم کرن وول نفر مجرم آسنُک اعلان کوٚرمُت۔ ہرگاہ زن بہٕ جسمٲنی طور توٚہہِ نکھہٕ چُھس نہٕ۔ بہٕ چُھس توٚہہِ متعلق سونچان تہٕ تُہنٛد پرواہ کران اوے تہٕ ییٚلہِ بہٕ یُتھ انسان راہ لد آسنُک اعلان کران چُھس۔ یہِ چُھ پوٚز۔ زنتہٕ بہٕ بلکل توٚہہِ نِش چُھس۔4ییٚلہِ توٚہؠ یِکہٕ وٹہٕ سمکِھو تہٕ بہٕ چُھس توٚہہِ متعلق سونچا آسان۔ أسؠ چھِ پننس خداوند یسوعؔ مسیحؔ سنٛدؠ نمایندٕ۔ ییٚلہِ توٚہؠ یتھٕ پٲٹھؠ پانہٕ وٲنؠ سمکِھو توٚہہِ پزِ یِتھِس انسانس سزا دیُن۔ یتھٕ پٲٹھؠ زن توٚہہِ خداوند یسوعؔ یہِ کرنُک مجاز بناوان چُھ۔5توٚہہِ پزِ یہِ انسان دفع ژٕھنُن کٔرِتھ تاکہِ أمِس سپدِ شیطان سوار۔ یہِ کرِ امسنٛدؠ گناہ گار تان تباہ تہٕ ییٚلہِ خداوند واپس زمینہِ پٮ۪ٹھ ییہِ خدا دِیہ أمِس نجات۔6پانس متعلق تھزٕ کتھٕ کرنہِ چھنہٕ کانٛہہ جان یا صحیح کتھ۔ یقیناً آسیٚو توٚہہِ زونمُت زِ اکھ گناہ گار فرد چُھ زنتہٕ خمیر کھوتمُت اوٹ مٲنڈِتھ۔ چھرا اکھ پیونت امہِ خمیر آٹیُک چھِ کٲفی سٲرؠ سےٕ مٲنٛڈؠ مٕتِس ٲٹِس خمیر کھالنس کیُت۔ چھرا اکھ غلط کار انسان چُھ سٲرسےٕ گرجس مجرم بناونس کٲفی۔7یتھٕ پٲٹھؠ زن یہُودؠ چھِ عید فسح مناونہٕ دوٚہہ پننیٚو گرو منٛز سٲرسےٕ خمیر نٮ۪بر دٲرِتھ دِوان۔ اوے پزِ توٚہہِ تہِ بُرٕ کامہِ کرن وول نفر نٮ۪بر ژٕھنُن کٔڑِتھ۔ امہِ پتہٕ سپدِو توٚہؠ امہِ گناہ نِشہ آزاد۔ یتھٕ پٲٹھؠ زن تازٕ مانٛڈنہٕ آمُت اوٹ خمیر نِش آزاد چُھ آسان۔ پزر چُھ یہِ زِ توٚہؠ تہِ چُھو زن فسع عید کِس زمانس منٛز۔ اوٕ کِنؠ مسیحؔ کھوٚت دارس چھرا تہنٛدِ باپتھ۔ یتھٕ پٲٹھؠ زن سُہ کٹہٕ مونگُر یمِس یہُودؠ فسع عید پٮ۪ٹھ قربان کران چھِ یہِ زٲنِتھ زِ خداین کِتھہٕ پٲٹھؠ دیُت تِمن نجات۔8مسیحؔ دراو یمہِ عالمہٕ چھرا سانہِ باپتھ اسہِ پزِ تتھ پٮ۪ٹھ عمل کرٕنؠ زنتہٕ أسؠ عیدِ فسح مناوان چھِ تہٕ توے پزِ اسہِ یہِ مونڈمُت اوٹ ترٲوِتھ ژٕھنُن۔ اسہِ پزِ امہِ خمیر نِش نجات لبُن یۅسہ علامت چھےٚ بُرٲئی تہٕ بدی ہنٛز۔ امہِ بجایہ پزِ اسہِ یہ خمیر ژوٚٹ کھیٚنؠ یۅسہ ایماندٲری تہٕ بھروسہٕ منٛدی ہنٛز علامت چھےٚ۔9تتھ نامس منٛز یُس مےٚ توٚہہِ یمہِ برونٛہہ سوزُو ونُو مےٚ توٚہہِ تِمن نفرن ہنٛز صحبت تراوٕنؠ یِم غلط جنس کار کران چھِ یِم حرام کٲری کران چھِ10مےٚ وونو نہٕ توٚہہِ بالکُلےٕ الگ ژلن تمن بے دین لوٗکن نِش یِم غلط جنسی عمل کران چھِ۔ یا تمن لوٗکن نِش یِم زن پننیٚو ضرورتو ہُریمانہٕ چھِ یژھان پننہِ پانہٕ باپتھ یا یِم باقےٕ لوٗکن سٟتؠ تارن گٔری کران چھِ یا اپزین خداین ہنٛز عبادت کران چھِ۔ یِمو لوٗکو نِش ژلنہٕ باپتھ چُھ توٚہہِ تیٚلہِ یمہِ دُنیا منٛزے ژلُن یہِ کرُن ونُو نہٕ مےٚ توٚہہِ ہرگز۔11تہٕ وۅنؠ، یتھ نامس منٛز، چُھسو بہٕ توٚہہِ ونان زِ تِتھِس نفر سٟتؠ مس توٚہؠ پنُن دینی بوے چُھو زانان، مٕہ تھٲیِو صحبت یوٚدوے سُہ کانٛہہ گناہ کران چُھ۔ گنہن منٛز چھےٚ شٲمل حرام کٲری، پننیٚو ضرورتو ہُریمانہٕ ژھارُن، باقےٕ خداین ہنٛز عبادت کرٕنؠ، لیٚکہٕ ژارنہِ، شراب چیوٚن تہٕ دھوکھہٕ دیُن۔ تمِس انسانس سٟتؠ مٕہ کھیٚیو غذا بیترِ یُس یِمن گُنہن منٛز چُھ۔12بہٕ چُھس توٚہہِ یہِ کرناوُن یژھان چھرا پننؠن دینی باین سٟتؠ تکیازِ توٚہہِ تہٕ مےٚ چھنہٕ یہِ فٲصلہٕ کرنچ ضرورت زِ کانٛہہ نفر یُس نہٕ سانہِ جمٲژ منٛز چُھ، چھا راہ لد کِنہٕ معصوم۔ بلکہِ پزِ توٚہہِ یہِ فٲصلہٕ کرنَس پٮ۪ٹھ توجہ دیُن زِ تُہنٛزِ جمٲژ ۂنٛدؠ لوٗکھ چھا راہ لد کِنہٕ معصوم۔13تِمن لوٗکن متعلق مٕہ گٔژھِو پریشان یِم تہنٛز جمٲژ ہنٛدؠ چھِنہٕ تکیازِ خدا چُھ پانہٕ ہُنٛد فٲصلہٕ کرن وول زِ آیا یِم چھا راہ لد کِنہٕ معصوم۔ توٚہہِ پزِ پنُن توجہ تھاوُن چھرا پننہِ جمٲژ ہنٛدٮ۪ن نفرن کُن تکیازِ مقدس کتابہٕ چھےٚ ونان، "توٚہہِ پزِ پرٮ۪تھ بُرٕ انسان کٔڑِتھ ژھٕنُن یُس تہنٛزِ جمٲژ منٛز آسہ۔
Bridge Connectivity Solutions Pvt. Ltd.