1 کورنتھین4
1بہٕ چُھس یژھان زِ لوٗکھ گژھن زانٕنؠ اسہِ یِم خوش خبری ہنٛز تُرے دِوان چھِ مسیحؔ سٕنٛدؠ خٲدم تہٕ تمِکؠ حوالدار یہِ خداین اسہِ پٮ۪ٹھ ظٲہر کوٚر۔2ییٚلہِ تہِ کانٛہہ رہبر کٲنسہِ دویمِس حوالدار بناوِ۔ رہبر چُھ یژھان زِ یہِ نفر یہِ نفر گژھٕ پنٕنؠ کٲم دیانت دٲری سان انٛزراوُن۔ امی آیہِ چُھ خدا یژھان زِ أسؠ خوش خبری ہنٛز تُرے دِنہٕ وٲلؠ گژھو پنٕنؠ کٲم وفادٲری سان انٛد واتناوٕنؠ3مےٚ چھنہٕ کانٛہہ پریشانی زِ توٚہؠ یا بیٚیہِ کانٛہہ انسٲنؠ عدالت کیا فٲصلہٕ کرٕ زِ مےٚ چھا پنٕنؠ کٲم وفادٲری سان انٛد واتنٲومٕژ یا نَہ۔ پزر چُھ یہِ زِ بہٕ چُھس نہٕ پنٕنؠ کٲم پانہٕ تہِ پرکھاوان زِ اما! مےٚ کٔرا پنٕنؠ کٲم وفادٲری سان۔4پزر گو مےٚ چھنہٕ کُنہِ چیزچ خبر زِ مےٚ ما کوٚر اتُر۔ وۅنؠ گو میون پانس متعلق زانُن چُھنہٕ ہرگز ثٲبت کران زِ مےٚ کٔر وفادٲری سان کٲم بلکہِ چُھ خداوند پانہٕ یہِ فٲصلہٕ کرن وول زِ مےٚ کٔرا وفادٲری سان کٲم کٮٮ۪نہٕ نَہ۔5اوے تہِ پزِ نہٕ توٚہہِ ہرگز فٲصلہٕ کرُن کُنہِ چیزس یا کامہِ متعلق یوٚتام نہٕ خداوند واپس ییہِ پرٮ۪تھ چیزس تہٕ نفرس پرکھاونہٕ باپتھ۔ سُے انہِ ونیُک تام گُپِتھ پرٮ۪تھ چیزس برونٛہہ کُن تہٕ ہاوِ پرٮ۪تھ کٲنسہٕ زِ پرٮ۪تھ کانٛہہ زوٚن کیا چُھ یژھان تہٕ انٛدرؠ گران۔ امہِ وقتہٕ کرِ خدا تعریف پرٮ۪تھ زٔنؠ سنٛدؠ یمؠ وفادٲری سان عمل آسہ کٔرمٕژ۔6میانیو سٟتؠ باجیو، مےٚ کٔر یہِ کتھ تہنٛدِ رژرٕ باپتھ تہٕ اپولُسؔ متعلق۔ بہٕ چُھس یژھان زِ توٚہؠ ہٮ۪چھِو سانہِ مثالہِ سٟتؠ تاکہِ توٚہؠ کٔریٚو برابر عمل تتھ پٮ۪ٹھ یہِ مقدس کتابن ہنٛدیو لیکھن والیٚو لیٚوکھ۔ تیٚلہِ وننہِ نہٕ کانٛہہ تہِ أکِس زِٹھِس متعلق تھزٕ تھزٕ کتھٕ تہٕ بیٚیِس زِٹھِس متعلق ویکھژ کتھٕ۔7توٚہؠ کٔریٚو نہٕ کٲنسے الگ باقےٕ ایمان والیٚو نِشہ۔ پزر چُھ یہِ زِ خداین دِتو توٚہہِ پرٮ۪تھ کانٛہہ رُت چیز یُس توٚہہِ نِش چُھ۔ چونکہِ یِم چیز چھِ توٚہہِ نِش خدایہِ سنٛدؠ تحفہٕ۔ توٚہہِ پزِ نہٕ کُنہِ کبرٕ سان ونُن زِ توٚہہِ کیاہ زینیِو یِم پانہٕ۔8توٚہؠ چُھو وۅنؠ تِتھٕ پٲٹھؠ عمل کران زنتہِ توٚہہِ وۅنؠ تہِ سورےٕ میسر چُھ یُس توٚہہِ روحٲنی طور ضرورت چُھ۔ توٚہؠ چُھو عمل کران زنتہٕ توٚہہِ فلحال پننہِ ضرورتہٕ کھۅتہٕ زیادٕ روحٲنی دولت حٲصل چھےٚ۔ توٚہؠ چُھو عمل کران زنتہٕ توٚہؠ وُنکٮ۪س یسوعسؔ ہمراہ حکومت کرٕنؠ ہیژٕو۔ یوٚدوے زن أسؠ تہِ یِم خۅش خبری ہنٛز تُرے دِوان چھِ چھِنہٕ وُنکٮ۪س مسیحؔ ہس سٟتؠ حکومت کران۔ بے شک چُھس بہٕ یژھان زِتوٚہؠ گژھیٚو پزی آسان یسوعسؔ ہمراہ حکومت کران۔ تاکہِ أسؠ تہِ یِم زن خۅش خبری ہنٛز تُرے دِوان چھِ آسہ ہو توٚہہِ سٟتؠ حکومت کران۔9امہِ بدلہٕ زِ أسؠ سونٛچو أسؠ چھِ مسیحؔ ہس ہمراہ وُنکٮ۪س حکومت کران بہٕ چُھس زانان زِ أسؠ رسول چھِ خداین تعینات کٔرؠ مٕتؠ پنُن پان لژھِ کرنُک دۅکھ تُلنہٕ باپتھ تہٕ مرنہٕ باپتھ۔ أسؠ چھِ ننہِ وانہٕ ذٲتی ذلالتُک تہٕ مرنُک دۅکھ تُلان تہٕ اسہِ چھِ اتھ حالتس منٛز وُچھان سٲری خدا وۅپدٲیش، روحٲنی وجود تہٕ انسان دوشوے۔10أسؠ چھِ باسان احمق لوٗکھ تکیازِ أسؠ چھِ کران مسیحؔ سنٛز خدمت مگر توٚہؠ سونٛچِو زِ توٚہؠ چُھو دانا تکیازِ خداین جورِو توٚہؠ مسیحؔ ہس سٟتؠ۔ أسؠ چھِ باسان تِم لوٗکھ یِمن نہٕ کانٛہہ طاقت حٲصل چُھ نَہ کانٛہہ اثر مگر توٚہؠ سونٛچو توٚہہِ چُھ یہِ سورےٕ حٲصِل۔ توٚہؠ چُھو سونچان لوٗکھ چُھو توٚہہِ تعریف کران۔ مگر نَہ۔ یِم لوٗکھ چھِ اسہِ شرمنٛدٕ کران۔11وُنکٮ۪س تہِ ییٚلہِ بہٕ توٚہہِ یہِ نامہٕ لیٚکھان چُھس چھِ أسؠ یِم مسیحؔ ہن توٚہہِ کُن سوزؠ اکثر کُنہِ کھیٚنہٕ چیٚنہٕ ورٲے آسان۔ أسؠ چھِ لاگان زچہِ تہٕ وۅپر چھِ اسہِ پٮ۪ٹھ حملہٕ آور۔ أسؠ چھِ لگاتار سفرس منٛز تہٕ گرٕکُن چھِنہٕ واپس پھیرنےٕ۔12أسؠ چھِ کران جسمٲنی مشقت کینٛہہ اوزقہٕ زیننہٕ باپتھ ییٚلہِ لوٗکھ اسہِ بدرد ونان چھِ أسؠ چِھکھ یورٕ رُت رُت ونان۔ ییٚلہِ لوٗکھ اسہِ چھۅکھ دِوان چھِ تکیازِ أسؠ چھِ مسیحؔ سنٛدؠ خدمت گار أسؠ چھِ لۅتہِ پٲٹھؠ یہِ ژالان روزان۔13ییٚلہِ لوٗکھ اسہِ متعلق یُتھ تیُتھ ونان چھِ أسؠ چِھکھ یورٕ حوصلہٕ دِنہٕ وٲلؠ لفظ ونان۔ انسٲنی حوالو چھِ أسؠ لژھ۔ زنتہٕ ژھوٚٹھ وۅٹھ یُس دٲرِتھ پزِ دیُن۔ یِم سٲری چیز چھِ اسہِ متعلق پٔزؠ۔ وُنکٮ۪س تہِ ییٚلہِ نہٕ یہِ نامہٕ توٚہہِ لیٚکھان چُھس14بہٕ چُھس نہٕ یتھ نامس منٛز یُس مےٚ وُنؠ وُنؠ لیکھِتھ مۅکلوو، یِمہٕ کِتھہٕ توٚہہِ شرمنٛدٕ کرنہٕ باپتھ لیٚکھان۔ بلکہِ چُھس بہٕ یِمہٕ سارے کِتھہٕ اوٕ کِنؠ اتھ منٛز درج کران زِ توٚہؠ لٔبِو نصیحت تکیازِ توٚہؠ چُھو مےٚ پنٕنؠ اولاد یمن بہٕ لول بھران چُھس۔15ییٚلہِ مےٚ گۅڈٕ توٚہہِ رژ شیٚچھِ ہنٛز تعلیم دِژ تہٕ توٚہؠ جورِو خداین یسوعؔ مسیحؔ ہس سٟتؠ بہٕ بنیوس تُہنٛد روحٲنی بب۔ اوے یوٚدوے توٚہہ وۅنؠ لچھہٕ بٔدؠ روحٲنی وۅستاد آسن یِم توٚہہِ مسیحؔ ہس سٟتؠ رلنس منٛز اتھہٕ روٚٹ کرن بہٕ روزٕ توتہِ تُہنٛد روحٲنی بب۔16تکیازِ بہٕ چُھس تُہنٛد روحٲنی بب مےٚ کوٚرو توٚہہِ التجا میٲنؠ یہِ زندگی پنٕنؠ مثال بناونہٕ باپتھ۔17چونکہِ بہٕ چُھس یژھان زِ توٚہؠ بنٲیو مےٚ پننہِ زندگی باپتھ مثال۔ مےٚ سوز تیمُتھیس توٚہہِ نِش سُہ چُھ میون پنُن نیٚچو ہیٚو، تہٕ بہٕ چُھس تس لول کران۔ سُہ چُھ وفادٲری سان مسیحؔ سنٛز خدمت کران أکِس تِتھِس فردٕ سنٛدؠ پٲٹھؠ یُس خداین خداوندس سٟتؠ جورمُت چُھ۔ سُہ ہیچھناوِ توٚہہِ بیٚیہِ اَکہِ پھرِ زِ بہٕ کِتھ کِنؠ چُھس تمسنٛدؠ پٲٹھؠ برتاؤ کران یُس خداین یسوع مسیحؔ ہس سٟتؠ رلوو۔ بہٕ چُھس پرٮ۪تھ جایہِ ہندس حرجس یوٚت یوٚت تہِ بہٕ ووتُس۔ امی آیہِ عمل کرنچ ہدایت دِوان۔18توٚہہِ منز چھِ کینٛہہ پانس متعلق بجہِ بجہِ کِتھہٕ کران۔ یِم لوٗکھ چھِ امہِ آیہِ کتھ کران زنتہٕ بہٕ زہنٛؠ اور توٚہہِ سمکھنہِ یمنہٕ۔19وۅنؠ گو بہٕ یمہِ ولی توٚہہِ سمکھنہِ۔ یوٚتام زن خداوند یژھِ مےٚ یہِ کرُن۔ مےٚ چھےٚ گۅڈے خبر زِ یِم لوٗکھ کیا چھِ دعوا کران پانس متعلق بجہِ بجہِ کِتھہٕ کٔرِتھ۔ ییٚلہِ بہٕ توٚہہِ نِش واتہٕ بہٕ زاننہٕ پانے زِ یِم لوٗکھ چھا پزی ییتؠ قوت وٲلؠ کِنہٕ نَہ۔20بہٕ کرٕ یہِ تکیازِ خدایہِ سنٛز سلطنت چھےٚ لوٗکو ہنٛدِ دٔسؠ خدایہ سنٛز پُرقوت عملہِ سٟتؠ نَہ زِ لوٗکن ہنٛزو بجو بجو کتھو سٟتؠ۔21ییٚلہِ توٚہؠ میانٮ۪ن کتھن ہند جواب پانہٕ ژٲرِو توٚہؠ چُھو ژکہِ یتہِ ژاران زِ میون ردِ عمل کیا آسہ ییٚلہِ بہٕ توٚہہِ سمکھنہِ یِمہٕ۔ ییٚلہِ بہٕ توٚہہِ نِش یِمہٕ بہٕ کرٕ یا تہِ سختی سان توٚہؠ شیہرنچ کوشش تکیازِ توٚہؠ چُھونہٕ یورُک بوزان نتہٕ کرٕ بہٕ لولہٕ تہٕ مایہِ سان توٚہہِ سٟتؠ سلوک تکیازِ توٚہؠ چُھو بوزوٕنؠ
Bridge Connectivity Solutions Pvt. Ltd.