1 کورنتھین3
1میانیو سٟتؠ باجیو، ییٚلہِ بہٕ توٚہہِ سمکھنہِ آس، بہٕ ہیوٚکُس نہٕ توٚہہِ تِتھٕ پٲٹھؠ تعلیم دِتھ یتھٕ پٲٹھؠ زن بہٕ تِمن لوٗکن دِمہٕ یِمو خدایہِ سُنٛد روح پروٕمُت چُھ۔ بلکہِ پیٚیہِ مےٚ توٚہہِ تِتھے پٲٹھؠ تعلیم دِنؠ یتھٕ پٲٹھؠ زن بہٕ انسٲنؠ انداز سونٛچن والیٚن دِمہٕ۔ مےٚ پیٚو یہِ کرُن اوٕ کِنؠ زِ مسیحؔ ہس پٮ۪ٹھ تہنٛز پژھ ٲس وُنہ خامےٕ۔2مےٚ ہٮ۪چھنٲیِو توٚہؠ گۅڈٕ سادٕ چیز۔ مےٚ دِژٕو نہٕ توٚہہِ تعلیم سنٮ۪ن کتھن ہنٛز۔ مےٚ کوٚر یہِ اوٕ کِنؠ زِ وُنہِ ٲسِو نہٕ توٚہؠ سنٮ۪ن کتھن سنٕنؠ لائق۔ پوٚز ہے بوزو توٚہؠ چُھو نہٕ وُنہِ تہِ سنٮ۪ن کتھن قٲبل۔3بہٕ چُھس زانان زِ توٚہؠ چُھو نہٕ وُنہِ تیار سنہِ تعلیمہ باپتھ تکیازِ توٚہؠ چُھو وُنہِ تہِ انسٲنؠ طریقو پننس جسمس موٲفقےٕ سونچان۔ توٚہہِ منٛزٕ چُھ کینٛژن پانہٕ وٲنؠ ازروُن تہٕ کینٛہہ چُھو اکھ أکِس سٟتؠ ۂر تُلِتھ۔ ییٚلہِ توٚہؠ یِژھٕ کامہِ چُھو کران، ثٲبت چُھ گژھان زِ توٚہؠ چُھو انسٲنؠ آیہِ سونچان۔4امہِ مزیدچھُو کینٛہہ یہِ دعوا کران زِ تِم چھِ پولُسؔ سنٛز جمٲژ سٟتؠ یا مثالے اپولُس سنٛز جمٲژ سٟتؠ۔ ییٚلہِ توٚہؠ یِتھؠ دعوا چُھو کران، صاف چُھ ننان زِ توٚہؠ پننٮ۪ن انسٲنی نفسن تل ہیٚنہٕ یتھ سونچان۔5توٚہہِ پزِ زانُن زِ اپولُس تہٕ بہٕ یعنی پولُسؔ چھِ چھرا زٕ زٔنؠ یِم مسیحؔ سنٛدؠ خدمت گار چھِ اسہِ منٛز چُھ ہر کانٛہہ تی کران یہِ تس خداوندن کرُن ووٚن۔ ییٚلہِ اسہِ توٚہہِ مسیحؔ ہس متعلق ونُو، توٚہہِ کٔرٕو تٔسؠ پٮ۪ٹھ پژھ نَہ زِ اسہِ پٮ۪ٹھ۔6خداین ژورُس بہٕ توٚہہِ یہِ خوش خبری گۅڈٕ دِنہٕ باپتھ۔ زٲنؠ تو بہٕ اوسُس اکھ بیول رُو ون وول۔ خداین ژور اپولُس توٚہہِ امہِ اپور تہٕ خوش خبری دنہٕ باپتھ۔ زٲنؠ تو سُہ اوس اتھ بیٲلِس سگ دِنہٕ وول تاکہِ یہِ بیول کھسہِ۔ وۅنؠ گو خداین بنٲیِو توٚہے پانہٕ خوش خبری پٮ۪ٹھ پژھ کرنس لایق تہٕ یہِ سمجھنہٕ باپتھ۔ امی آیہِ چُھ سُہ پانہٕ یِمن کُلٮ۪ن کھسن پَو بخشان۔7توٚہؠ ہیٚکو پانہٕ وُچِھتھ زِ خوش خبر گۅڈٕ دِنہٕ وول چُھنہٕ اہم تہٕ سُہ نفر تہِ چُھنہٕ اہم یُس امہِ ہُریمانہٕ تہِ خوش خبر واتناوِ۔ یِم چھِ چھرا بیٲلِس رُوون وٲلؠ ہیو تہٕ یِمن کُلٮ۪ن سگ دِنہٕ وٲلؠ ہیٚوؠ۔ یِم تہِ چھِنہٕ اہم لوٗکھ۔ بلکہِ چُھ اہم خدا یُس لوٗکن منٛز پژھ وۅتلاوان چُھ تہٕ خوش خبر زاننُک شعور وۅتلاوان چُھ۔8پزر چُھ یہِ زِ تس شخصہٕ سُنٛد مقصد یُس گۅڈٕ خوش خبر لوٗکن تام واتناوِ تس شخصہٕ سُنٛد مقصد یُس امہِ ہُریمانہٕ خوش خبر واتناوِ چُھ کُنےٕ۔ تِم چھِ تِمنےٕ لوٗکن ہیوؠ یِم گۅڈٕ بیول روُون تہٕ امہِ پتہٕ یِمن کُلٮ۪ن سگ واتناون یمن ہُنٛد مقصد تہِ کُنےٕ آسان چُھ۔ خدا دِیہ تِمن پننٮ۪ن پننٮ۪ن کامٮ۪ن ہُنٛد اجر۔ سُہ دِیہ تِمن پنٕنؠ کٲم انزراونہٕ حسابہٕ اجر۔9أسؠ یِم زن خۅش خبری ہُنٛد اعلان کرن وٲلؠ چھِ خدایہِ سنٛز کٲم کران۔ مگر توٚہؠ چُھو خدایہِ سنٛدؠ۔ بوزؠ تو۔ توٚہؠ چُھو تِم کھاہ یِمن ہُنٛد مٲلک خدا چُھ۔ تہٕ یِمن منٛز اسہِ بیول وو تہٕ یِمن سگ دیُت۔ بے شک چُھو زنتہٕ توٚہؠ سُہ مکان یمیُک مٲلک خدا چُھ۔10خداین دیُت مےٚ ہُنر یمہِ کِنؠ مےٚ توٚہہِ خوش خبرِ ہنٛز تُرے دِژ۔ بہٕ چُھس زنتہٕ اکھ تعمیر کرن وول حٲکم یُس مکان بناونہٕ برونٛہہ زمینہِ منٛز امہِ باپتھ بنیاد تراوان چُھ۔ باقےٕ اپولُسؔ ہیوؠ چھِ امہِ ہُریمانہٕ خوش خبر توٚہہِ دِوان۔ تِم بوزؠ تو چھِ باقےٕ تعمیر کار یِم اتھ بنیادس پٮ۪ٹھ مکان تعمیر کران چھِ۔ چھیکرس چھےٚ یِمن سارنےٕ خوش خبر واتناون والیٚن۔ یہِ خبر پزنہٕ پٲٹھؠ تہٕ صحیح واتناوٕنؠ یقینی بناوٕنؠ لٲزمی۔ یِمن پزِ تِمن تعمیر کارن ہیٚو آسُن یِمہٕ کُنہِ بنیادس پٮ۪ٹھ صحیح صحیح پٲٹھؠ مکان کھڑا کران چھِ۔11کانٛہہ تہِ ہیٚکہِ نہٕ تتھ بنیادس پٮ۪ٹھ مکان کھڑا کٔرِتھ یتھ پٮ۪ٹھ گۅڈے بیٚیہِ کٲنٛسہِ مکان کھولمُت آسہ۔ اوے تہِ ہیٚکہِ نہٕ بیٚیہِ کانٛہہ تہِ گۅڈٕ خوش خبر دِتھ تکیازِ مےٚ چھےٚ یہِ کٲم گۅڈے کٔرمٕژ۔ یہِ مےٚ توٚہہِ تُرے دِژٕو چھےٚ یۅسہ مسیحؔ ہن انزرٲومٕژ۔ یسوعؔ مسیحؔ ہس متعلق یہِ خبر چھےٚ زٲنؠ تو مکانٕچ بنیاد۔12تعمیر کرن وٲلؠ چھِ واریہن قسمن ہنٛدؠ تعمیر مسالو تہٕ خام مال پننس تعمیرس منٛز ورتاوان۔ تِم ہیٚکن ورتاوس أنِتھ واریاہ پائیدار پوشوٕنؠ چیز مثلاً سۅن، رۅپھ، جوٲہرات بیترِ یا کم پائیدار پوشوٕنؠ چیز مثلاً لکٕر، گاسہٕ یا کژ بیترِ۔ یِتھے پٲٹھؠ چھِ خوش خبرِ ہنٛز ژٔرےٕ پہن تُرے دِنہٕ وٲلؠ خدایس زیادے پہن خوش کران۔ باقےٕ کینٛہہ چھِ خدایس رژھا کمےٕ پہن چیزن ہنٛز تعلیم دِوان۔13یمہِ دوٚہہ مسیحؔ واپس ییہِ پرٮ۪تھ کٲنٛسہِ ہنٛزِ کامہِ پٮ۪ٹھ عدالت لاگنہِ، سُہ نٔنؠ راوِ پانے پرٮ۪تھ کٲنٛسہِ ہنٛزِ کامہِ ہنٛز وقعت۔ کُنہ مکانکہِ مسالُک تہٕ تعمیری مالُل معیار ننہِ یوٚدوے اتھ مکانس نار لگہ۔ یِتھے پٲٹھؠ پرکھاوِ نارٕکؠ پٲٹھؠ انسانن ہنٛزِ کامہِ مسیحؔ سنٛز عدالت تہٕ ییٚلہِ سُہ واپس ییہِ، یہِ عدالت پرکھاوِ تِمن لوٗکن ہنٛز وقعت یِم زیادٕ عہد نامہٕ ہٮ۪چھناونچ تُرے دِوان چھِ۔14کانٛہہ تہِ تعمیر کار یمسُنٛد تعمیر نارٕ منٛزٕ تہٕ سٲلِم نیرِ پراوِ عزت تہٕ پونٛسہٕ تہِ۔ یتھے پٲٹھؠ بخشہِ خدا عزت تمن لوٗکن یِم زیادٕ کھۅتہٕ زیادٕ تمہِ خوش خبری ہنٛز تعلیم دِن یۅسہ خدایس قبول آسہ۔15تہٕ سُہ تعمیر کار یمسُنٛد تعمیر نارس منٛز دزِ راوٕ راوِ پنُن عزت تہٕ پونٛسہٕ تہِ۔ وۅنؠ گو تعمیر کار چھِنہٕ پننس تعمیرس سٟتؠ دزان۔ تِم چھِ امہِ نارٕ بچان۔ یتھے پٲٹھؠ ییٚلہِ سُہ پرٮ۪تھ کٲنٛسہِ عدالت لاگہِ خدا دِیہ تمن عزت تہٕ انعام یہنٛز زیادٕ کھۅتہٕ زیادٕ خوش خبری یہنٛز تعلیم خدایس قبول آسہ نہٕ۔ وۅنؠ گو خدا کرِ قبول یمن غلط تعلیم دِنہٕ والیٚن وۅستادن تہِ۔16توٚہہِ چھےٚ یہِ کتھ ژٮ۪تس تھاوٕنؠ زِ توٚہؠ چُھو زن یروشلم شہرس منٛز خدا سنٛدؠ مندر تکیازِ خدا چُھ توٚہہِ منٛز تِتھے پٲٹھؠ موجود یتھٕ پٲٹھؠ سُہ مندرس منٛز چُھ۔ توٚہہِ چُھو ژٮ۪تس تھاوُن زِ توٚہؠ چُھ زنتہٕ سُہ گرٕ یتھ منٛز خدایہِ سُنٛد روح بسِتھ چُھ تکیازِ سُہ چُھ ہر وِزِ توٚہہِ سٟتؠ۔17خدا کرِ تس خلاف عمل یُس اتھ ہیکلس خلاف روزِ۔ تکیازِ خدایہِ سُنٛد مندر چُھ چھرا تسُنٛد جائیداد۔ چونکہِ توٚہؠ چُھو خدایہِ سُنٛد مندر۔ خدا روزِ تس خلاف یُس توٚہہِ خلاف آسہ۔18تتھ پٮ۪ٹھ مٕہ کٔریٚو پژھ ینہٕ توٚہہِ متعلق پوٚز آسہ۔ توٚہہِ یِم پانس انسٲنؠ معیارو دانا زانان چھِ پزِ انسٲنؠ معیارو احمق بنن۔ امی سٟتؠ بنیو توٚہؠ پزنہٕ پٲٹھؠ دانا لوٗکھ۔19بہٕ چُھسو یِم کتھ ونان اوٕ کِنؠ زِ انسان یِمن کتھن دٲنش مندی ونان چھِ تِم چھِ خدایس نِش احمقٲزی توٚہہِ چُھ پتاہ زِ یی چُھ پوٚز کتابہِ ہُند لیٚکھن وول چُھ لیٚکھان۔ خدا چُھ سُہ یُس داناہن ہنٛدٮ۪ن منصوبن لژھ کران چُھ۔20امہِ مزید چُھ مُصنف لیٚکھان۔ خداوند چُھ داناہن ہنٛدٮ۪ن سارنےٕ ژھلن زانان۔ سُہ چُھ زانان زِ یِم ژھل چھِ بٔلؠ تہٕ روزن نہٕ کامیاب۔21اوے پزِنہٕ توٚہہ کٲنٛسہِ تہِ انسانس تمن پتہٕ پتہٕ پکنس متعلق تھیٚکُن۔ بہٕ چُھسو یہِ ونان تکیازِ توٚہہِ چُھو پرٮ۪تھ کینٛہہ حٲصل۔ اوے تہِ چھےٚ یہِ احمقٲزی زِ توٚہؠ پکِو انسانن پتہٕ پتہٕ۔ توٚہؠ کرِو پٲروی انسانن ہنٛز۔22توٚہہ چُھو پنٕنؠ رہبر پولُسؔ، کیف، اپولُسؔ تہٕ پطرس ہیٚو۔ توٚہہِ چُھو تہِ سورےٕ یہِ خداین پٲدٕ کوٚر۔ توٚہؠ مٕہ کھۅژیٚو۔ پننہِ زندگی منٛز تہٕ پرٲیو سۅکھ ییٚلہِ توٚہؠ یہِ دُنیا ترٲوِتھ گژھیٚو۔ توٚہہِ چُھ تہِ سورےٕ یہِ وُنکٮ۪س موجود چُھ تہٕ تہِ سورےٕ یہِ ینہٕ وٲلِس کالس منٛز آسہ۔ پزی چُھو توٚہہِ سورےٕ کینٛہہ۔23مسیحؔ ہس چُھو توٚہؠ تہٕ خدایس مسیحؔ۔
Bridge Connectivity Solutions Pvt. Ltd.