1 کورنتھین2
1میانیو سٟتؠ باجیو۔ مٮ۪تہِ پانروو یُتھےٕ طریقہٕ۔ ییٚلہِ بہٕ توٚہہِ کُن آس تہٕ ووٚنمو خداین کیا ہیٚو ووٚن وُنؠ اسہِ۔ مےٚ ورتٲو نہٕ باقین ہنٛدؠ پٲٹھؠ تھٔز تہٕ پُرقوت زبان۔ مےٚ دِژٕ نہٕ تھزٕ دلیلہٕ باقین ہنٛدؠ پٲٹھؠ۔ 2مےٚ کوٚر یہِ اوٕ کِنؠ تاکہِ توٚہہِ باسہِ زِ بہٕ زاننہٕ یسوعؔ مسیحؔ ہس تہٕ تسٕنٛدِس یمہِ عالمہٕ نیرنہٕ ورٲے بیٚیہِ کہین۔3ییٚلہِ بہٕ توٚہہِ سٟتؠ اوسُس بہٕ رودُس أتھؠ طریقس پٮ۪ٹھ لسان بسان۔ بہٕ اوسُس بٮ۪مار، خوفہٕ ہوٚت تہٕ اکثر تھر تھرِ منٛز۔4بہٕ اوسُس نہٕ دانٲئی سان کتھ کران تہٕ توٚہہِ منٛز روزِتھ توٚہہِ کُنہِ خاص کتھِ کُن پھِرنہٕ باپتھ مروجہٕ انسٲنی معیارو سٟتؠ کتھ کران۔ بلکہِ کوٚر مےٚ ثٲبت زِ خدایہِ سُنٛد روح چُھ طاقتور طریقہٕ سٟتؠ کٲم کران میانہٕ ذریعہ ییٚلہ مےٚ پنن پٲغام بٲگروو۔5پنُن یہِ پٲغام وواتنوو مےٚ توٚہہِ نِش یِتھے پٲٹھؠ تاکہِ توٚہہِ سپدِ خدایس پٮ۪ٹھ پژھ قٲیِم تکیازِ سُہ چُھ بوٚڈ قوت سان عمل کران۔ اوٕ کِنؠ نہٕ زِ انسان چُھ توٚہہِ سٟتؠ دانٲئی سان کتھ کران۔6امہِ باوجود یہِ زن مےٚ توٚہہِ ووٚن أسؠ یِم زن یہِ خوش خبری دِوان چھِ، چھِ دانٲئی تہٕ حکمت سان تہِ کتھ کران ییٚلہِ روحٲنی طور بالیغ نظر لوٗکن سٟتؠ آسو۔ وۅنؠ گو تِم لوٗکھ یِم چھرا عام انسٲنی طریقو سونچان چھِ تہٕ تِم یِم وُنکٮ۪س یہِ سونچان چھِ زِ أسؠ چھِنہٕ دانٲئی سان کتھ کران۔ یِم لوٗکھ روزن نہٕ کمےٕ کال گٔژھِتھ حکمران۔7نَہ، أسؠ چھِ دانا سان کتھ کران۔ تکیازِ أسؠ چھِ تِمن کتھن ہُنٛد اعلان کران یِم پانہٕ خداین اسہِ پٮ۪ٹھ سوزٕ۔ از تام تھاوِ خداین یِمہٕ کِتھہٕ ژوٗرِ۔ یوٚدوے زن تٔمؠ چیز پٲدٕ کرنہٕ برونٛٹھےٕ یِمن ہُنٛد اِرادٕ کوٚرمُت اوس تٔمؠ کوٚر یہِ سورےٕ تاکہِ سُہ بخشہِ اسہِ عزت۔8اسہِ پٮ۪ٹھ وُنکٮ۪س حکم چلاون وٲلؠ چھِنہٕ یِمن چیزن متعلق زانان۔ توٚہہِ ہیٚکہٕ بہٕ تہِ ؤنِتھ زِ تِمن چھنہٕ رژھ تہِ خبر۔ تکیازِ تِمو دیُت صلیبس پٮ۪ٹھ خداوند پھییہ۔ 9بلکہ یمہِ آیہِ تِمو عمل کٔر چھِ یہِ برابر نبی ایسا سٕنٛدِ وننہٕ مطٲبق: خداین تھٲوؠ تیار تس لول برن والیٚن ہنٛدِ باپتھ تِم سٲری چیز یِم اوٚتام نہٕ کٲنٛسہِ وُچھ نَہ کٲنٛسہِ کنو بوزؠ تہٕ کٲنٛسہِ انسانن فکرِ منٛز أنِتھ ہیٚکؠ۔10خداین کٔرؠ اسہِ پٮ۪ٹھ یِم سٲری چیز ظٲہر پننہِ خدٲئی قوت کہِ روح سٟتؠ۔ خدا چُھ پننہِ روح کہِ قوت سٟتؠ عمل کران۔ تکیازِ خدا سُنٛد روح چُھ پرٮ۪تھ کٲنٛسہِ تہٕ پرٮ۪تھ چیزس ژھانٛڈ دِوان۔ یہِ روح چُھ خدایس متعلق تِمن چیزن تہِ ژھانٛڈ دِوان یِم سمجھنؠ سٮ۪ٹھا مشکل چھِ۔11توٚہؠ ہیٚکو ؤنِتھ زِ خدایہِ سُنٛد روح چُھ خدایس متعلق پرٮ۪تھ چیزس پرکھاون تہٕ ژھانٛڈ دِوان۔ تکیازِ پرٮ۪تھ کانٛہہ فرد چُھ زانان زِ پرٮ۪تھ کانٛہہ زوٚن یا زٔنؠ چھے پانس متعلق پرٮ۪تھ کینٛہہ سمجھان۔ یِتھے پٲٹھؠ چُھ خدایہِ سُنٛد روح تہِ خدایس متعلق پرٮ۪تھ کینٛہہ سمجھان۔ 12بے شک چھِ أسؠ خدایہِ سٕنٛدِ طرفہٕ یِنہٕ وٲلِس روحس رٹان۔ أسؠ چھِنہٕ سُہ روح رٹان یُس موجودٕ دُنیہُک چُھ۔ أسؠ چھِ رٹان خدایہِ سُنٛد روح تاکہِ أسؠ ہیٚکو تہِ سورےٕ زٲنِتھ یہِ زن خدا سانہِ باپتھ کران چُھ۔13یِمنےٕ سارنےٕ چیزن متعلق چھِ أسؠ کتھ کران۔ أسؠ چھِنہٕ تِم لفظ ورتاوان یِم زن انسان دانٲئی سان ہٮ۪چھناوان چھِ۔ بلکہ چھِ اسؠ تِمے لفظ ورتاوان یِم اسہِ پاک روح ہٮ۪چھناوان چُھ تاکہِ أسؠ کرو روحٲنی پزر روحٲنی لفظو سٟتؠ بیان۔14تہٕ یپٲرؠ چھِ تِم لوٗکھ یمو نہٕ خدایہِ سُنٛد روح پروٕمُت چُھ تمن کتھن رد کران یِم روح اسہِ دوان تہٕ ہٮ۪چھناوان چُھ۔ تِم چھِ یمن کتھن رد کران تکیازِ تِم چھِ یمن کتھن احمقٲزی زانان۔ تِم ہیٚکن نہٕ زٲنتھےٕ خدایہِ سٕنٛدِ روح طرفہٕ دِنہٕ آمٕتؠ تہٕ ہٮ۪چھناونہٕ آمٕتؠ چیز۔ چھرا ہیٚکن خدایہِ سُنٛد روح پراون وٲلؠ یوت رُت پٲٹھؠ تہٕ پزنہٕ پٲٹھؠ تس متعلق زٲنِتھ۔15دوٚیمہِ پاسہٕ تِم لوٗکھ یِمن خدا سُنٛد روح چھِ ہیٚکن پزنہٕ پٲٹھؠ سارنےٕ چیزن متعلق زٲنِتھ۔ وۅنؠ گو باقےٕ لوٗکھ ہیٚکن نہٕ ہرگز یِمن چیزن متعلق پزنہٕ پٲٹھؠ زٲنِتھ۔16یہِ چُھ برابر تی یہِ مقدس کتابہٕ ونان چھےٚ: "کانٛہہ انسان زانہِ نہٕ خداوند کیا چُھ سونچان۔ کانٛہہ انسان ہیٚکہِ نہٕ تس ہٮ۪چھنٲوِتھ چیزن متعلق" وۅنؠ گو أسؠ ہیٚکو سونچِتھ برابر تہِ یہِ زن مسیحؔ سونچان چُھ۔
Bridge Connectivity Solutions Pvt. Ltd.