1 کورنتھین15
1امہِ پتہٕ، چُھسو بہٕ توٚہہِ تتھ خوشخبری متعلق ونان یتھ متعلق مےٚ توٚہہِ ووٚنمُت اوسمو۔ توٚہہِ ہٮ۪چھِو یہِ رٕژ شیٚچھ مےٚ نِش، تہٕ توٚہؠ چُھو اتھ پٮ۪ٹھ پۅختہٕ یقین۔2ییٚلہِ توٚہؠ تتھ پٲغامس پٮ۪ٹھ لگاتار پۅختہٕ یقین تھٲیِو یُس مےٚ توٚہہِ بوزنومُت اوسو، خدایہِ بچاوِ توٚہہِ تمہِ پٲغامہٕ ذریعہ۔ نتہٕ چُھو توٚہہِ بٔلؠ اتھ پٲغامس پٮ۪ٹھ یقین کوٚرمُت۔3یہِ چھےٚ گۅڈنچو کتھو منٛز اکھ یِم مےٚ توٚہہِ ونمژٕ آسہٕ، یِم مےٚ خداوندس نِش ہٮ۪چھمژٕ آسہٕ: مسیحؔ گُزریاو صلیبہِ پٮ۪ٹھ سٲنؠ گناہ دوٗر کرنہٕ خٲطرٕ، یتھٕ پٲٹھؠ زن مقدس کتابن ہنٛدیو لکھاریٚو لیٚوکھمُت چُھ۔4لوٗکو کوٚر سُہ دفن، مگر امہِ پتہٕ تریٚیمہِ دوٚہہ کوٚر سُہ خداین دُبارٕ زندٕ، یتھٕ پٲٹھؠ زن مقدس کتابن ہنٛدیو لکھاریٚو لیٚوکھمُت چُھ۔ 5سُہ گو ظٲہِر پطرسس، کیفسؔ تہٕ پتہٕ یسوعؔ سنٛدٮ۪ن بہن 12 نزدیکی پیروکارن۔6امہِ پتہٕ، گو سُہ اکے ساعتہٕ پانٛژھ ہتھ کھۅتہٕ زیادٕ دین دار سٟتؠ باجیٚن برونٛہہ کنہِ ظٲہر۔ یوٚدوے تِمو منٛزٕ کینٛہہ لوٗکھ گُزریامٕتؠ ٲسؠ، مگر تقریباً چھِ، وُنہِ تہِ تِم سٲری زندٕ۔7امہِ پتہٕ گو یسوعؔ ظٲہِر یعقوبسؔ برونٛہہ کنہِ تہٕ پتہٕ پرٮ۪تھ أکِس برونٛہہ کنہِ یُس تٔمؠ نمایندگی باپتھ سوزمُت اوس۔8ٲخٕر کار ییٚلہِ سُہ یمن برونٛہہ کنہِ ظٲہِر گو تہٕ پتہٕ آو سُہ مٮ۪تہِ اتھہِ۔ لہٰذا تکیازِ بہٕ بنیوس سُہ اکھ یُس یسوعنؔ ساروٕے پتہٕ امسنٛز نمایندگی باپتھ سبزمُت اوس۔ بہٕ چُھس تمِس بچہٕ سنٛدؠ پٲٹھؠ یُس اکہِ غٲر معمولی طریقہٕ زامُت اوس۔9دراصل چُھس بہٕ پرٮ۪تھ تمِس شخصہٕ سنٛدِ کھۅتہٕ کم پایہ تہٕ معزز یُس مسیحؔ ہن امسنٛز نمایندگی کرنہِ سوز۔ چونکہِ مےٚ کرِ کوشش مسیحؔ ہس پٮ۪ٹھ ایمان تھاون والیٚن تباہ کرنچ تہٕ توے چُھس نہٕ بہٕ امیُک مستحق ییٚلہِ باقےٕ مےٚ یہِ چھِ ونان زِ بہٕ چُھس مسیحؔ سنٛز نمایندگی کرنہِ سوزنہٕ آمُت۔10تاہم، خداین بنووُس بہٕ تمسنٛدِ فضلہٕ تہِ یُس مسیحؔ ہن تمؠ سنٛز نمایندگی باپتھ سوزمُت اوس۔ امہِ علاوٕ یہِ تٔمؠ مےٚ چُھ دیُتمُت چُھ نتیجن واریاہ کینٛہہ۔ دراصل ٲس مےٚ تِمو تمام لوٗکو کھۅتہٕ زیادٕ محنت کرمٕژ یِم مسیحؔ ہن تمؠ سنٛز نمایندگی باپتھ سوزؠ مٕتؠ ٲسؠ۔ بے شک اوس نہٕ یہِ پزی یمؠ ییژاہ محنت ٲس کرمٕژ۔ امہِ بجایہ اوس یہِ خدایی یُس میانہِ ذریعہ کٲم اوس کران یمؠ واریاہ کینٛہہ کوٚر۔11ٲخرس پٮ۪ٹھ دِمو اسؠ دۅشوے بہٕ تہٕ باقےٕ رسول یہِ خوشخبری زِ یُس مےٚ بیان آسہ کرمٕژ تہٕ توٚہؠ کٔرِو تتھ پٮ۪ٹھ یقین۔12تکیازِ سٲری دین دار چھِ ونان زِ، خداین کوٚر مسیحؔ دُبارٕ زندٕ، تہنزِ جمٲژ منٛز کرِ نہٕ یہِ دعویٰ کانٛہہ زِ یِم لوٗکھ مودؠ تِم گژھن نہٕ دُبارٕ زندٕ۔13فرض کرو یہِ اوس پوٚز زِ یِم لوٗکھ مودؠ تِم گژھن نہٕ دُبارٕ زندٕ۔ تتھ صورژ منٛز کوٚر نہٕ خداین مسیحؔ دُبارٕ زندٕ۔14فرض کرو یہِ چُھ پوٚز زِ خداین کوٚر نہٕ مسیحؔ دُبارٕ زندٕ۔ تتھ صورژ منٛز، یہِ اوس تیٚلہِ بے معنہِ زِ اسہِ کٔر خوشخبری ہنٛز تُرے تہٕ توٚہہِ کوٚرُو اتھ پٮ۪ٹھ یقین۔15امہِ مزید آسو أسؠ تِم لوٗکھ یِم خدایس متعلق اپُز ونن، تکیازِ اسہِ کوٚر خدایس برونٛہہ کنہِ اعتراف زِ تٔمؠ کور مسیحؔ دُبارٕ زندٕ ییٚلہِ نہٕ تٔمؠ حقیقتاً یہِ کورُے۔ یہِ آسہ سورےٕ پوٚز یوٚدوے خدا مودؠ متٮ۪ن دُبارٕ زندٕ کرِ نہٕ۔16توٚہؠ ہیٚکو تیٚلہِ ؤنِتھ زِ یہِ چُھ پوٚز ییٚلہِ توٚہؠ یہِ فرض کٔرِو زِ خدا چُھنہٕ تِمن لوٗکن دُبارٕ زنٛدٕ کران یِم مودؠ۔ اتھ معاملس منٛز تُل نہٕ تیٚلہِ خداین مسیحؔ تہِ زنٛدٕ کینٛہہ۔17فرض کرو نہ یہِ چُھ پوٚز زِ خداین کوٚر نہٕ مسیحؔ دُبارٕ زنٛدٕ۔ تَتھ معاملس کوٚرُو توٚہہِ بٔلؠ اتھ رٕژِ شیٚچھِ پٮ۪ٹھ یقین تہٕ گناہ چُھ لگتھےٕ توٚہہِ پنٛجن منٛز رٔٹِتھ۔18یتھِس معاملس منٛز یِم دین دار مودؠ سپدن نہٕ دُبارٕ زنٛدٕ۔19فرض کرو زِ أسؠ ہیٚکو اعتماد سان پُر امید زِ مسیحؔ پلزِ اسہِ چھرا مرنہٕ برونٛہہ۔ اتھ معاملس پزِ سارنےٕ لوٗکن سانہِ باپتھ روزن فکِر منٛد باقیو کھۅتہٕ۔20پزر چُھ یہِ زِ خداین تُل مسیحؔ دُبارٕ زنٛدٕ تہٕ سُہ چُھ یہِ عالم تراون والیٚو منٛزٕ گۅڈنیُک یمس خدا دُبارٕ زندگی دِیہ۔21توٚہؠ ہیٚکو پانے ؤنِتھ زِ یہِ چُھ پوٚز تکیازِ لوٗکھ چھِ مران توے یہِ تٔمؠ أکؠ آدمن کوٚر۔ اوے تہِ ونو یِم لوٗکھ مودؠ سپدن دُبارٕ زنٛدٕ أکِس انسانہٕ مسیحؔ سنٛدِ کرنہٕ کِنؠ۔22میون مطلب چُھ زِ یتھٕ پٲٹھؠ سٲری لوٗکھ ٲخٕر مران چھِ اوٕ کِنؠ زِ خداین چھِ تِم جورؠ مٕتؠ آدمس سٟتؠ تِتھے کِنؠ سپدن سٲری دین دار بیٚیہِ زنٛدٕ تکیازِ خدا چُھ تِمن میُل کران مسیحؔ ہس سٟتؠ۔23وۅنؠ گو سٲرے بیٚیہِ زنٛدٕ سپدن وٲلؠ لبن یہِ زندگی وارِ وارِ: گۅڈٕ ییہِ مسیحؔ تہٕ تَو پتہٕ باقےٕ یِم مسیحؔ سنٛدؠ آسن۔24تَو پتہٕ تہِ سورےٕ یہِ خداین پٲدٕ کوٚر تہٕ روزن پراروٕنؠ۔ امہِ وِزِ کرِ مسیحؔ تمن سارنےٕ تہٕ تتھ سٲرؠ سےٕ دفع یِمو حکومت تہٕ اختیار پانس روٚٹمُت آسہ۔ اوٕ پتہٕ کرِ سُہ خدایس اسہ سارنےٕ ہنٛدِس مالس پیش یہِ سلطنت تاکہِ سُہ کرِ اتھ پٮ۪ٹھ حکومت۔ 25یہِ سورےٕ سپدِ یِتھٕ پٲٹھؠ۔ خداین چُھ فٲصلہٕ کوٚرمُت زِمسیح کرِ حکومت تۅتام زِ سُہ انہِ سارنےٕ دُشمنن تلفس تل یِم تس بُتھِ لگن۔ 26ٲخری چیز یُس یسوعسؔ بُتھِ لگہ تہٕ یُتھ سُہ فتح کرِ آسہ لوٗکن ہُنٛد مرن یا موت۔ 27وۅنؠ چُھ داوود لٮ۪کھان "تٔمؠ بنوو سُہ سورےٕ زیننس لایق یہِ تس بُتھِ لوٚگ۔ پوٚز گو اتھ سٲرؠ سےٕ منٛز چُھنہٕ خدا شٲمل یپس أمِس فاتح بناوان چُھ۔ 28ییٚلہِ تٔمؠ سورےٕ زیون۔ خدا نیٚچو کرِ پنھن پان پیش تمِس برونٛہہ کنہِ۔ یمؠ سُہ یسوع فاتع بنوو۔ یتھٕ پٲٹھؠ لبہِ خدا سٲرؠ سےٕ پٮ۪ٹھ فتح تہٕ اختیار۔29وۅنؠ سونٛچِو تِمن لوٗکن متعلق یِم باقین بپتسمہ دِوان چھِ تاکہِ تِم پلزن مودؠ متٮ۪ن۔ فرض کرو زِ خدا چُھنہٕ مودؠ متٮ۪ن دُبارٕ زنٛدٕ کران۔ اتھ حالس منٛز چُھنہٕ کانٛہہ وجہےٕ لوٗکن زِ تِم دِن بپتسمہ باقین تاکہِ تِم کرن مرن والیٚن مدد۔30امہِ مزید، أتھؠ حالتس منٛز چُھنہٕ تیٚلہِ اسہِ کانٛہہ وجہہ زِ أسؠ دِمو لوٗکن رٕژ شیٚچھ۔ تہٕ تراوَو پنُن پان مستقل خطرس منٛز یہِ زن أسؠ کران چھِ31بے شک چُھس بہٕ اکثر پنُن پان خطرس منٛز تراوان۔ بہٕ چُھس قسم تُلان زِ یہِ چُھ پوٚز۔ یہِ بہٕ توٚہہِ تھٮ۪کان چُھس میانو دین دار باجیو یہِ چُھس بہٕ اوٕ کِنؠ کران زِ خداین چُھ اسہِ یسوعؔ مسیحؔ ہس سٟتؠ میُل کوٚرمُت یُس سون خدا چُھ۔32فرض کرو یمہِ وِزِ بہٕ افسسؔ علاقہٕ کس دورس پٮ۪ٹھ اوسُس بہٕ آسہ ہا پننٮ۪ن مخٲلفن خلاف جدوجہد کرنس دوران چھرا اانسٲنؠ زُوون متعلق سونچان۔ اتھ حالتس منٛز ٲس تیٚلہِ میٲنؠ سٲرےٕ کوشش بے مطلب۔ بیٚیہِ تہِ کرو فرض زِ خدا چُھنہٕ مرن والیٚن دُبارٕ زنٛدٕ کران۔ اتھ حالس منٛز پزِ اسہِ تی کرُن یہِ واریاہ لوٗکھ اسہِ کرُن ونان چھِ: کھیٚیِو، چیٚیِو تکیازِ جلدےٕ چُھ مرُن۔ 33توٚہہِ پزِ نہٕ تتھ پزھ کرٕنؠ یہِ غلط باسہِ یہِ مشورٕ دٔہِتھ چُھ پوٚز: "بُرٕ صحبت چھےٚ عام پٲٹھؠ موزوٗن عمل کرن وٲلِس گُمراہ کران۔"34بہٕ چُھس یژھان زِ توٚہؠ کٔرِو خبردٲری سان تہٕ معزون آیہِ پنٕنؠ عمل شروع۔ توٚہہِ پزِ نہٕ غلط عمل جٲری تھاوٕنؠ۔ بہٕ چُھسو حکم دِوان یِمن چیزن ہُنٛد اوٕ کِنؠ زِ تہنٛزِ جمٲژ منٛز چھِنہٕ وُنہِ تہِ کینٛہہ خدایس زانان۔ بہٕ چُھسو ونان تاکہِ توٚہہِ ییہِ شرم۔35وۅنؠ ما پرژھِ کانٛہہ زِ اما مرن وٲلؠ لوٗکھ کِتھہٕ پٲٹھؠ سپدن دُبارٕ زنٛدٕ تہٕ کتھ ہَیژ منٛز۔36یوٚدوے توٚہؠ یِمن سوالن ہُنٛد جواب زانان چُھو نہٕ توٚہؠ چُھو نہٕ صاف صاف سونٛچِتھ ہیٚکان! رژھا سونٛچِو اتھ پٮ۪ٹھ: تتھ بیٲلؠ پھٔلِس پزِ گۅڈٕ مرُن یُس توٚہؠ زمینہِ منٛز ؤیِو ادٕ ہیٚکہِ اتھ کوٹ نیرتھ۔37اتھ بیٲلؠ پھٔلِس پٮ۪ٹھ کرو کتھ یُس توٚہہِ زمینس منٛز ترووُو۔ توٚہہِ چھےٚ خبر زِ یہِ بیول چُھنہٕ کُنہِ کُلہ چہ شکلہِ بلکہِ چُھ یہِ چھرا بیٲلؠ پھوٚل۔ یہِ چُھ پوٚز أسؠ کرو کتھ کٕنکٕچ یا بیٚیہِ کُنہِ فصلٕچ۔38بے شک چُھ خدا اتھ بیٲلِس تتھ ہَیژ منٛز وۅپداوان یۅسہ تٔمؠ ژٲرمٕژ چھےٚ تہٕ پرٮ۪تھ قسمہٕ کِس بیٲلِس چھےٚ پنٕنؠ پنٕنؠ خاص اہمیت یتھ منٛز یہِ کھسہِ۔ 39مختلف زُوذٲژن ہنٛدؠ ظٲہری تان چھِ، بیوٚن بیوٚن۔ مثلاً انسان، گُپن بیترِ، جانور گاڈٕ۔ سارنےٕ چھِ بیوٚن بیوٚن ہَیژ ہنٛدؠ تان۔40کینٛہہ چیز چھِ، آسمانن منٛز موجود تہٕ کینٛہہ زمینہِ پٮ۪ٹھ۔ یمہٕ ہَیژ آسمانن منٛز چھےٚ تِم چھےٚ پننہِ آیہِ شانلہٕ واجنہِ تہٕ زمینہِ ہنٛدؠ پننہِ آیہِ شانلہٕ وٲلؠ۔41مزید آفتاب، زون تہٕ تارکھ چھِ سٲری بیٚیہِ آیہِ شانلہٕ وٲلؠ۔ بوزوَے تہٕ پرٮ۪تھ کانٛہہ تارُک چُھ پنٕنؠ پنٕنؠ مخصوص شٲنِل تھاوان۔42یمہِ وتہِ یمہٕ پرژھنہٕ آمژٕ کتھٕ موٲفق چھےٚ سپدن مودؠ مٕتؠ لوٗکھ بیٚیہِ زنٛدٕ۔ لوکھ چھِ سڑوُن جسم زمینہِ منٛز ترتاوان مگر خدا چُھ اتھ بیٚیہِ زُو بخشان تمہِ آیہِ زِ یہِ مرنہٕ وۅنؠ زانہٛہ۔43لوٗکھ چھِ تتھ شریرس زمینہِ منٛز دفناوان یمہِ باپتھ یمن وۅنؠ خاص عزت چُھنہٕ۔ لوٗکھ چھِ نوتوان بے زُو شریر زمینہِ منٛز تراوان۔ خدا چُھ اتھ تمہِ آیہِ زنٛدٕ کران زِ یہِ چُھ بنان مضبوط تہٕ دوٚر۔44لوٗکھ چھِ یمہِ دُنیہکِس شریرس زمینہِ منٛز تراوان خدا چُھ اتھ تِتھٕ پٲٹھؠ زُو بخشان زِ یہِ چُھ تمہِ دنیہُک بنان یُس خدا نوِ سرٕ بناوِ یتھٕ پٲٹھؠ کینٛہہ جسم یمہِ دنیہکؠ چھِ تِتھے پٲٹھؠ چھِ کینٛہہ جسم تمہِ دنیہکؠ یُس خدا نوِ سرٕ تعمیر کرِ۔45توٚہؠ ہیٚکو پانے ؤنِتھ زِ یہِ چُھ پوٚز تکیازِ موسیٰؔ ہن لیٚوکھ، "خداین بنوو گۅڈنیُک انسان آدمؔ، سُہ زُو ذاتھ یُس یمہِ عالمُک چُھ۔ بیٚیہِ پاسہٕ چُھ یسوعؔ یُس زن بیاکھ آدمؔ چُھ وۅنؠ تمھ، عالمُک یُس خداین نوو بنوو تہٕ چُھ باقین تہِ زُو بخشان۔46وۅنؠ گو گۅڈنکِس آدمؔ سُنٛد شریر یپس یمہِ عالمُک چُھ اوس گۅڈٕ موجود تہٕ امہِ پتہٕ چُھ دویمس آدمؔ سُنٛد وجود یُس خدایہِ سنٛدِ تمہِ عالمُک چُھ یُس تٔمؠ نوو نووٕے بنوو۔47آدمؔ، یُس نمایندٕ چُھ گۅڈنکِس انسان سُنٛد چُھ یمہِ زمینہِ ہُنٛد۔ پزر چُھ یہِ زِ خداین بنوو سُہ گردِ پٮ۪ٹھ دویمہِ پاسہٕ چُھ یسوعؔ یُس نمایندٕ چُھ دویمہِ قسمک انسان چُھ آسمانس منٛز۔ 48آدمس یِوؠ تمام انسان چھِ زمینہِ ہنٛدؠ۔ تہٕ آسمانس منٛز روزن وٲلؠ چھِ زنتہٕ یسوعؔ49فلحال چھِ سٲنؠ جسم آدمس ہِوؠ یُس یمے عالمُک چُھ۔ یتھے پٲٹھؠ پزِ اسہِ تمہِ آیہِ زندگی گُذارٕنؠ زِ سٲنؠ جسم بنن یسوعسؔ ہیوؠ۔ یُس تمپِ عالمُک چُھ یُس خدا نوِ بناوِ۔ 50وۅنؠ بوزِو یہِ میانیو دین دار باجیو۔ انسٲنؠ جسم یِم فلحال یتہِ موجود چھِ ہیٚکن نہٕ خدایہِ سنٛدِس سلطنتس منٛز یۅسہ پوشوٕنؠ چھےٚ شرکت پرٲوِتھ۔ تکیازِ یِم چھِ چھلہِ چھلہِ پیٚوان تہٕ مران51ژٮ۪تھ دِیو! بہٕ چُھس توٚہہِ تہِ کینٛژا ونن وول یہِ وۅنؠ خداین ووٚن۔ أسؠ مرو نہٕ سٲری بلکہِ خدا بدلاوِ اسہِ سارِنےٕ۔52سُہ بدلاوِ اسہِ أکِس ژِہِس منٛز انسان سنٛدِس أچھ ٹِٹہٕ وٲرِس منٛزےٕ۔ یہِ سپدِ ییٚلہِ اکھ فرشتہٕ وایہِ ترے یس باوِ زِ یہِ دنیا ووت پننِس انٛدس۔ ییہِ فرشتہٕ یہِ ترے وایہ خدایہ بخشہِ مودؠ مٕتٮ۪ن لوٗکن زُو تاکہِ امہِ اپور مرن نہٕ تِم زانہٛہ تہٕ بدلاوِ سارنےٕ یِم وُنہِ تہِ زنٛدے آسن۔53اوے تہِ تمن شریرن یِم چھلہِ چھلہِ پٮ۪ن تہٕ مرن۔ چُھ بدل تمن شریرن منٛز یِم پوشوٕنؠ آسن تہٕ مرن نہٕ زانہٛہ۔54ییٚلہِ سٲنؠ یِم چھلہِ چھلہِ گژھن وٲلؠ تہٕ مرن وٲلؠ شریر بدلن تمن شریرن منٛز یِم پوشوٕنؠ آسن تہٕ زانہٛہ تہٕ ہیٚکن نہٕ مٔرِتھ۔ تمی وِزِ سپدِ تہ یہ نبیو لیٚوکھ اتھ سپدنس متٮعلق۔ خداین بنوو یہِ تاکہِ لوٗکھ مرن نہٕ زانہٛہ۔ 55مزید، "ییٚلہِ لوٗکھ مرن۔ یہِ نہ کرِ تِمن تباہ نہ واتناویٚکھ آزار۔" 56لوٗکھ چھِ مران تکیازِ پنٕنؠ گناہ چھِ تِمن ماران۔ یہِ چُھ اوٕ کِنؠ سپدان زِ شریعت چھِ خاص پٲٹھؠ ونان زِ مرُن چُھ گناہن ہُنٛد سزا۔57وۅنؠ گو، بہٕ چُھس خدایہِ سنٛدؠ تعریف کران زِ تٔمؠ کٔرؠ أسؠ اتھ قٲبل زِ أسؠ لبو فتح پننس مرنس تہٕ پننٮ۪ن گنہن پٮ۪ٹھ تٔمؠ کوٚر یہِ اوٕ کِنؠ زِ یہِ سٲنؠ خداوند، یسوعؔ مسیحؔ ہن کوٚر۔58اوے تہِ، میانیو دین دار باجیو! پنٕنؠ پژھ دٔررٲیو تتھ پٮ۪ٹھ یہِ توٚہؠ پوٚز زانان چُھو۔ اوے تہِ کٔرِو پننس خداوند سنٛز زیادٕ کھۅتہٕ زیادٕ عبادت۔ توٚہہِ پزن یِم چیز کرنؠ اوٕ کِنؠ زِ توٚہؠ چُھو زانان زِ یہِ توٚہؠ خداوند سنٛز عبادت باپتھ کرو تتھ نیرن رٕتؠ پھل تکیازِ خداین چُھو توٚہہِ خداوندس سٟتؠ میُل کوٚرمُت۔
Bridge Connectivity Solutions Pvt. Ltd.