1 کورنتھین14
1توٚہہِ پزیٚو پرٮ۪تھ ساعتہٕ باقین سٟتؠ محبت کرنچ کوشش کرٕنؠ۔ امہِ مزید، پزیٚو توٚہہِ بیتٲبی سان یہِ کتھ ژھارٕنؠ زِ روح القدس بناوِ توٚہہِ خاص پٲٹھؠ بااختیار۔ خاص پٲٹھؠ تکیازِ اعلان کرنس قٲبل گژھِ یُس خدا چُھ فرماوان۔2توٚہہِ پزِ أمِچ خٲہِش کرٕنؠ تکیازِ یِم لوٗکھ غٲر زبانن منٛز کتھ چھِ کران تِم چھِ خدایس سٟتؠ کتھ کران زِ باقین لوٗکن سٟتؠ۔ یہِ چُھ اوٕ کِنؠ تکیازِ کانٛہہ چُھنہٕ زانان تِم کیا چھِ ونان۔ بلکہِ چھِ تِم سِر کتھٕ ونان یتھٕ پٲٹھؠ زن روح القدس تِم طاقت چُھ بخشان۔3دویمہِ طرفہٕ، یِم لوٗکھ خدایہِ سنٛزن کتھن ہُنٛد اعلان چھِ کران تِم چھِ باقین لوٗکن سٟتؠ کتھ کران۔ تِم چھِ باقےٕ دین دارن مضبوط بننس منٛز مدد کران۔ تِم چھِ باقین دین دارن صحیح پٲٹھؠ کٲم کرنہٕ باپتھ ونان، تہٕ باقین دین دارن چھِ تسلیٰ دوان۔4یِم لوٗکھ غٲر زبانن منٛز چھِ کتھ کان تِم چھِ پانس مضبوط بناونس منٛز مدد کران۔ دویمہِ طرفہٕ یِم لوٗکھ خدایہِ سنٛدِ فرمانُک اعلان چھِ، کران تِم چھِ درُس کلیسیاہس مضبوط بننس منٛز مدد کران۔5بہٕ چُھس یژھان زِ توٚہؠ سٲری کٔرِو غٲر زبانن منٛز کتھ۔ تاہم یہِ بہٕ امہِ کھۅتہٕ زیادٕ چُھس یژھان سُہ گو یہِ زِ توٚہؠ کٔریِو تمیُک اعلان یہِ خدا چُھ فرماوان۔ امیُک اعلان کرُن چُھ غٲر زبانن منٛز کتھ کرنہٕ کھۅتہٕ زیادٕ اہم تہٕ۔ یوٚدوے کانٛہہ غٲر زبانن ہنٛز وضاحت کرِ تیٚلہِ کرِ یتہِ دین دارن مضبوط بناونس منٛز مدد۔6یتہِ یہِ بہٕ توٚہہِ وننچ کوشش چُھس کران میانیو سٟتؠ باجیو: خیال کٔرِو زِ مثالہِ پٲٹھؠ اگر بہٕ توٚہہِ نِش آس تہٕ مےٚ کٔر غٲر زبانن منٛز کتھ۔ بہٕ کرٕ نہٕ توٚہہِ بلکل تہِ مدد۔ توٚہہِ اصل پٲٹھؠ مدد کرنہٕ باپتھ چھِ مےٚ تِم چیز زانٕنؠ یِم توٚہؠ زانان ٲسِو تہٕ اعلان کرنچ ضرورت زِ خدا کیا چُھ توٚہہِ ونان یا ہٮ۪چھناوان۔7تِم چیز یِم نہٕ زندٕ چھِ ہیٚکہ ووکھ أسؠ آوازو باپتھ استعمال کٔرِتھ واضیح کٔرِو زِ بہٕ کیا چُھس ونان۔ ییٚلہِ کانٛہہ چُھ بجاوان نَے یا بربتنؠ، امن سازن پزن مختلف آوازٕ کڈنہِ۔ نتہٕ ییہِ نہٕ کٲنسے سمجھ زِ ںییہِ یا بربتنہِ پٮ۪ٹھ کیا چُھ اکھ شخص بجاوان تکیازِ سارے آوازٕ آسن ہِشے۔8امہِ مزید، فرض کرو نرسنگا اوسنہٕ واضیح آوازٕ کڈان ییٚلہِ کانٛہہ شخص باقین خبردار کران اوس کران۔ کٲنٛسہِ لگہ ہے نہٕ خبرےٕ زِ تِمن چُھ دشمن خلاف لڑنہٕ خٲطرٕ تیار روزُن۔9ییٚلہِ نہٕ توٚہؠ تِم لفظ ورتٲیِوٕے یِم باقین لوٗکن سمجھہن تہنٛز کتھ کرنہٕ وِزِ، توٚہؠ چُھو زنتہٕ سُے ساز یمچ آواز نہٕ سمجھ چھےٚ یِوان کانٛہہ تہِ ہیٚکہِ نہٕ سمجھِتھ زِ توٚہؠ کیا چُھو ونان، تہٕ توٚہؠ ٲسِو تِم شخص یِم نہٕ کٲنسہِ سٟتؠ کتھ کرن۔10یہِ چُھ پوٚز باسان زِ تھزن زبانن چھِ واریاہ قسم۔ پرٮ۪تھ کانٛہہ زبان چھےٚ واضیح پٲٹھؠ کتھ واتناوان۔11لہٰذا، ییٚلہِ بہٕ مثالہِ پٲٹھؠ چُھس نہٕ سمجھان زِ اکھ زبان کِتھٕ چھےٚ پنٕنؠ کتھ واتناوان، تہٕ بہٕ چُھس پرٮ۪تھ تمِس شخصس خٲطرٕ انزان یُس سۅ زبان بولان چُھ، تہٕ سُہ چُھ مےٚ خٲطرِ انزان۔12لہٰذا توٚہہِ پزِ یہِ کرُن: تکیازِ توٚہؠ چُھو یژھان زِ روح القدس بناوِ توٚہہِ خاص پٲٹھؠ بااختیار۔ توٚہہِ پزِ ایماندرن ہنٛز جماتھ مضبوط بناونس منٛز مدد کرنہٕ خٲطرٕ زیادٕ زیادٕ کوشش کرٕنؠ۔13لہٰذا تِم لوٗکھ یِم غٲر زبانن منٛز کتھ چھِ کران، منٛگن خدایس سمجھنہٕ خٲطرٕ دعا زِ آیا تِم زبان کیا چھے ونان۔14ییٚلہِ بہٕ، مثلاً کٔ نہٕ غٲر زبٲنؠ منٛز خدایس کُن دعا چُھس کران تہٕ میون صرف اکھ حصہٕ چُھ دعا کران تکیازِ بہٕ چُھس نہٕ اتھ بارس منٛز سونچان زِ بہٕ کیا چُھس ونان۔15لہٰذا چُھ یہِ زِ توٚہہِ تہٕ مےٚ کیا پزِ کرُن۔ اسہِ پزِ نہٕ صرف کینٛژو حِصو سٟتؠ دعا منگُن بلکہِ پزِ اسہِ اتھ بارس منٛز سونٛچُن زِ أسؠ کیا چھِ منٛگان۔ اسہِ پزِنہٕ صرف کینٛژو حِصو سٟتؠ خدایس خٲطرٕ گیوُن بلکہِ پزِ اسہِ اتھ بارس منٛز سونٛچُن زِ أسؠ کیا چھِ گیٚوان۔16تصوُر کٔریو تِمن لوٗکن ہُنٛد یِمنہٕ نامعلوم زبانہٕ زانان چھِ، چھِ توٚہہِ خدایہ سٕنٛدؠ تعریف کران بوزان۔ ییٚلہِ توٚہؠ پنٕنؠ صرف کینٛہہ تان استعمال چُھو کران تہٕ توٚہؠ چُھو نہٕ اتھ مُتعلِق سونٛچان زِ توٚہؠ کیا چُھو ونان۔ تِم لوٗکھ ہیٚکن نہٕ تیٚلہِ شِرکت کٔرِتھ ییٚلہِ توٚہؠ خدایہِ سٕنٛدؠ تعریٖف کٔرِو تکیازِ تِم چھِنہٕ نامعلوم زبان سمجھان یۅسہ توٚہؠ بولان چُھو۔17اتھ صورژ منٛز، چُھو توٚہؠ خدایس منٲسب طریقو تعریف کران۔ چونکہِ توٚہؠ چُھو نہٕ باقین لوٗکن مضبوط بننس منٛز مدد کران۔18بہٕ چُھس خدایہِ سُنٛد شکُر ادا کران زِ بہٕ چُھس توٚہہِ کھۅتہٕ زیادٕ غٲر زبانن منٛز کتھ کران۔19مگر ییٚلہِ بہٕ تہٕ میٲنؠ سٟتؠ باجیٚن ایماندار خدایہِ سنٛز عبادت کرنہِ یِکہٕ وٹہٕ سمان چھِ، بہٕ چُھس یژھان صرف کینٛہہ لفظ ونٕنؠ یمن ہنٛدِس بارس منٛز بہٕ سونچان چُھس۔ یتھٕ پٲٹھؠ ہیٚککھ بہٕ باقےٕ دین دار سمجھٲوِتھ نَہ زِ پانے یوت۔ میانہِ خٲطرٕ چُھ یہِ کرُن بہتر بجایہ یہِ وننہٕ نِشہ زِ کُنہِ غٲر زبٲنؠ منٛز داہ لچھ لفظ ونٕنؠ۔20میانیو سٟتؠ دینی باجیو، بہٕ چُھس نہٕ یژھان زِ توٚہے بنِچ یِمن چیزن متعلق بےوقوف، یتھٕ پٲٹھؠ زن لۅکٕٹؠ بچہٕ چھِ۔ بلکہِ پزِ توٚہہِ یِمن چیزن متعلق واریاہ کینٛہ زانُن یتھٕ پٲٹھؠ اکھ بالیغ آسان چُھ۔ توٚہہِ پزِ غلط کامہِ نَہ کٔرِتھ لۅکٹٮ۪ن بچن ہنٛدؠ پٲٹھؠ صاف تہٕ شوٚد روزُن۔21ایسعا نبین لیٚوکھ نوشتن منٛز یہِ خداوند چُھ ونان "بہٕ کرٕ پننِس اسرائیلی قومس سٟتؠ تِمن لوٗکن ہنٛدِ ذریعہ کتھ یِم غٲر ملکی زبانہٕ بولان چھِ۔ چونکہِ تِم ہیٚکن نہٕ مےٚ یتھٕ پٲٹھؠ بوزِتھ۔ 22لہٰذا چُھ غٲر زبانن منٛز کتھ کرنُک مطلب یہِ زِ خدا چُھ تِمن لوٗکن ہُنٛد فٲصلہٕ کران یمن نہٕ مسیحؔ ہس پٮ۪ٹھ ایمان چُھ، نَہ زِ تمن پٮ۪ٹھ یمن مسیحؔ ہس پٮ۪ٹھ ایمان چُھ۔ دوٚیمہِ طرفہٕ، یہِ کینژھا خدا ونان چُھ چُھ یمہِ کتھِ ہنٛز نشاندہی کران زِ خدا چُھ مہربان تِمن لوٗکن پٮ۪ٹھ یمن مسیحؔ ہس پٮ۪ٹھ ایمان چُھ، نَہ زِ تمن پٮ۪ٹھ یِمنہٕ مسیحؔ ہس مانان چھِ۔23لہٰذا، خیال کٔرِو زِ دین دارن ہنٛز سٲرےٕ جماتھ چھےٚ خدایہ سنٛز عبادت کرنہٕ خٲطرٕ یکہٕ وٹہٕ گمٕژ، تہٕ توٚہؠ سارِوےٕ کٔرٕو غٲر زبانن منٛز کتھ۔ مزید کٔرِو خیال زِ تِم لوٗکھ یِمنہٕ غٲر زبان سمجھن یا آسیٚکھ نہٕ مسیحؔ ہس پٮ۪ٹھ ایمان چھِ چانہِ جمٲژ منٛز یِوان۔ تِم ونن باقین زِ توٚہؠ چُھو پاگل۔24دویمہِ طرفہٕ، خیال کٔرِو زِ توٚہہِ ساروٕے کوٚرُو سُے اعلان یہِ خدا ونان چُھ۔ مزید کٔرِو خیال زِ سُہ کانٛہہ تہِ یس نہٕ مسیحؔ ہس پٮ۪ٹھ ایمان آسہ یا تم یمنہٕ غٲر زبانہٕ سمجھان چھِ، چھِ تہنٛزِ جمٲژ منٛز یِوان۔ پرٮ۪تھ کانٛہہ چیز یُس تہِ توٚہؠ ونیِو ہاون یِم تِمن تہِ کرن تمیُک سامنہٕ تمن سٟتؠ زِ تِمو کیا غلط چُھ کوٚرمُت25یتھٕ پٲٹھؠ گژھن سارنےٕ تِم کِتھہٕ معلوم یِمہٕ یِم لوٗکھ باقین نِشہ ژوٗرِ تھاوان چھِ۔ جوابس منٛز کرن تِم کُملِتھ خدایہِ سنٛز عبادت۔ تِم دِن باقین تُرے زِ خدا چُھ توٚہہِ سٟتؠ۔26میانیو سٟتؠ دین دار باجیو۔ میون مقصد چُھ یہِ زِ ییٚلہِ تہِ توٚہؠ خدایہِ سنٛز عبادت کرنہِ یِکہٕ وٹہٕ چُھو آسان، پرٮ۪تھ کٲنسہِ دین دارس چُھ کینٛہہ کرُن آسان۔ کینٛہہ چھِ گیوان بٲتھ، کینٛہہ چھِ ہٮ۪چھناوان، کینٛہہ چھِ چیز ظٲہِر کران، کینٛہہ چھِ أکِس غٲر زبانہِ منٛز کتھ کران، کینٛہہ چھِ غٲر زبانن ہنٛز ویژھنے کران۔ دین دارن پزِ یہِ سورےٕ کینٛہہ کرُن تاکہِ باقےٕ دین دارن میلہِ مضبوط بننس منٛز مدد۔27ییٚلہِ دین دار غٲر زبانن منٛز کتھ آسن کران، زیادٕ کھۅتہٕ زیادٕ گژھن صرف زٕ یا ترےٚ کتھ کرٕنؠ۔ تِمن پزِ اکھ أکِس پتہٕ کتھ کرٕنؠ، تہٕ کٲنسہِ أکِس پزِ وضاحت کرٕنؠ زِ تِم کیا چھِ ونان۔28دویمہِ طرفہٕ، ییٚلہِ دین دار خدایہِ سنٛز عبادت کرنہِ جمع چھِ گژھان تہٕ غٲر زبانہِ منٛز وضاحت کرن وول چُھنہٕ کانٛہہ شخص تہِ اتہِ آسان، تہٕ پرٮ۪تھ کٲنسہِ تمِس شخصس پزِ خاموش روزُن یُس غٲر زبانہِ منٛز کتھ ہیٚکہِ کٔرِتھ۔ تھدِ ہٹہِ کتھ کرنہٕ بجایہ، پزِ تمن خدایس سٟتؠ نجی طور کتھ کرٕنؠ۔29یِتھے پٲٹھؠ، پزِ تِمن دوٚن یا ترٮ۪ن نفرن کتھ کرٕنؠ یِم تُرے چھِ دِوان زِ خدا کیا چُھ ونان۔ باقے سارنےٕ پزِ فٲصلہٕ کرُن زِ آیا یہِ تم ونان چھِ چھا صحیح یا غلط۔30وۅنؠ ییٚلہِ خدا کٲنسہِ تِتھِس نفرس پٮ۪ٹھ کانٛہہ کتھ چُھ ظٲہر کران یُس بوزان چُھ کٲنسہِ دویمِس دِ تُرے یہِ خدا ونان چُھ ییٚلہِ دین دار جمع آسن تہٕ کتھ کرن وٲلِس پزِ ژھوٚپہٕ کرٕنؠ۔31توٚہہِ پزیٚو یہِ کرُن تاکہِ پرٮ۪تھ کٲنسہِ میلہِ اکھ أکِس پتہٕ یہِ پارے دِنُک موقعہ زِ خدا کیا چُھ ونان۔ یتھے پٲ ٹھؠ چُھ پرٮ۪تھ کانٛہہ کینٛہہ نتہٕ کینٛہہ ہٮ۪چھان، تہٕ پرٮ۪تھ کانٛہہ چُھ مضبوط گژھان۔32تِم یِم تُرے چھِ دوان زِ خدا کیا چُھ ونان، چھِ کنٹرول کران زٕ امِچ تُرے کرِ تہٕ کِتھہٕ پٲٹھؠ دِوان۔33یہِ چُھ پوٚز تکیازِ یہِ چُھ پُرامن تہٕ منظم، نَہ کہ بے ترتیبی، چھےٚ خدایہِ سنٛز خدایہ، سنٛز خصوصیت۔ بہٕ چُھس یژھان زِ توٚہؠ کٔرِو تِمن تمام لوٗکن ہنٛدؠ پٲٹھؠ برتاو یِم خداین پننہِ باپتھ الگ کٔرؠ۔ ییٚلہِ تِم خدایہ، سنٛز عبادت کرنہٕ باپتھ جمع چھِ گژھان۔34آشنٮ۪ن پزِ ژھوٚپہٕ کٔرِتھ روزُن ییٚلہِ دین دار یِکہٕ وٹہٕ آسن تہٕ تہنٛدؠ رٲنؠ آسن کِتھہٕ کران۔ تِمن پزن نہٕ کِتھہٕ کرنہِ بلکہِ تھاون پنٮ۪ن رانٮ۪ن عزت۔ تہٕ مانن تُہنٛد۔ تمن پزِ یہِ کرُن تکیازِ أسؠ چھِ خدایہِ سنٛدِس قانونس منٛز یی وُچھان۔ 35وۅنؠ ییٚلہِ آشنہِ مزید پوچھ تاچھ چھےٚ یژھان زِ تہنٛدؠ رٲنؠ کیا چھِ ونان، تِمن پزن پننٮ۪ن رانٮ۪ن پنہٕ نسےٕ گرس منٛز سوال پرژٕھنؠ۔ تمن پزِ یہِ کرُن تکیازِ یِم آشنہِ کتھ چھےٚ کران ییٚلہِ دین دار یِکہٕ وٹہٕ سمان چھِ تہٕ تہنٛدؠ رٲنؠ آسن کتھ کران شرم تمن پننس پانس تہٕ تہندٮ۪ن گرٕ والیٚن خٲطرٕ۔36اگر توٚہؠ میون ونُن ناپسند چُھو کران، یاد تھٲیِو زٕ توٚہؠ چُھو نہٕ تمِکؠ ذریعہ یہِ خداین یہِ ووٚن، تہٕ صرف توٚہی یٲتؠ چُھو نہٕ یمو یہِ بوز تہٕ کوٚرُکھ بھروسہٕ یہِ خداین ووٚن37سٲری لوٗکھ یِم سمجھان چھِ زِ تِم چھِ خدایہِ سنٛز تُرے دِوان یا یمن روح القدسن خاص پٲٹھؠ اختیار چُھ دیُتمُت، تمن پزِ یہِ تسلیم کرُن زِ خداوند چُھ پانہٕ امہِ چیزُک تقاضہٕ کران یہِ بہٕ توٚہہِ چِٹھہِ منٛز چُھسو لٮ۪کھان۔38دویمہِ طرفہٕ، پزن نہٕ توٚہہِ تِم لوٗکھ پزرناوٕنؠ یِم نہٕ یہِ مانان چھِ زِ یہِ توٚہہِ ووٚنو تہِ چُھ خداوند سُنٛد فرمان۔39ٲخرس پٮ۪ٹھ چھِ میٲنؠ دینی بٲجؠ بے صبری سان تمچ تُرے دِنٕچ کوشش کران یہِ خداین ووٚن۔ مزید مٕہ کٔرِو لوٗکن غٲر زبانہٕ بولنہٕ نِش ٹھاکھ۔40ٲخرس ییٚلہِ توٚہؠ یِکہٕ وٹہٕ جمع گژھان چُھو خدایہ، سنٛز عبادت کرنہِ، توٚہہِ پزِ ہمیشہٕ عزتہٕ سان تہٕ منظم طریقہٕ کٲم کرٕنؠ۔
Bridge Connectivity Solutions Pvt. Ltd.