Dan2
1w g usukkes eθθani seg elεehδ n elmlek nebuwxeδneSSer, yettirjiyθ elmlek tirjiyθin elli qelleqnet egget, serwelneθ felles enuddem.2emmale yuzen yuγeδ iseHHaren d imejuwsiyyen d iεerrafen d imunejmen bac e sfesren tirjiyθines, eyendeγ esδen bedden ezzeθes.3yenneyasen:<<zriyγ tirjiyθ θqelqiyδ, w exse δ esne elmeεnas>>.4jewbenti imunejmen s elluwγeθ n elleremiyyeθ:<<eneθmenne eθedreδ diyme ey elmlek, ennane s met i θettirjiyθeδ bac e nged enfesser>>.5yenneyasen elmlek:<<exennedjulle elli iδekan eltgeddemc e yeθfesrem θirjiyθiyw exenfeθerce erre leHwecewwem δ elγbaraθ,6emme iδekan θgeddem θfessermiyδ θirjiyθiyw exennuwce elhδaye δ timeqqarin egget d elqδer. emmale f essermiyδ tenmi f θirjiyθiniyw>>.7jewbent elmerreθ xlaf ennanes:<<ennane f θirjiyθex w nečin e xettenfesser.>>8yenneyasen elmlek:<<essene b elHeq elli xenyum texsem e θerbHem elweqθ max i θezriym elli edwiyw eddiyc erjaε.9iδekan eltessinemc efesser elεuqebθewwem netteθ iceθ, εlexaTer θemfahmem jmiyε f edwi δ elfaseδ w muc δ uSHiyH ezzeθiyw, bac e θerbHem elweqθ. heδakeεlac yelzemkum e yθennem θirjiyθiyw bac e sne elli xenyum e tgeddem belgde efesser.>>10ennen imunejmen y elmlek:<<leHebbe Hette iyjen eyged e yfesser elli yenne felles siydiy, w eHebbe Hette elmlek δ emeqqar yenceδ eseHHar ziyγ δ emejuwsi ziyγ δ imunejjem f elHajeθ m tah.11w elHajeθe elli ynecceδ felles elmlek θuεer egget, w elyetged Hette Hed etyesxen y elmlek kan δ elYilahaθ emme elεemrenc d leεbaδ.>>12elweqθes yeθγeccec elmlek egget, yeĎleb enγe n elεuqqal elkul g babel.13w sahen yeffeγ δiysen elHukm n wenγe, w essisen danyal d eSSuHHebes.14heδake εlac ymelleg danyal s elheqmeθ y eryuwx elqayeδ n elHers n elmlek, elli yeffeγ δ eyenγ elεuqqal g babel.15emmax i syenne elmlek, yennes danyal:<<imat elmlek yeHkem fellane sah?>> yen eryuwx y danyal f kul ciy.16w elbeεεeδ yeĎleb danyal seg elmlek elweqθ bac e syen f efesser n tirjiyθ.17yemreq danyal y elHuwces yen y Henenya d miycaYiyl d εezerya iSHibnes f elHkayeθ,18bac e Ďelben seg erreb n esme entyerHem elkul usinc entiεawen f essen n esserre w entineqqec elmlek nihnin d elbaqi n εuqqal g babel.19elweqθes yemmekcef esser y danyal yeθjellayes g δeggiyδ, ybarex erreb n esme.20ysebbeH yen:<<eyembarex ellesm n rebbi seg elbδu n eddunyeθ y ellexres. y nette elHekmeθ d elquwweθ,21nette elli yetγeyyer g luwqaθ d lezman, e yHuT lemluwk yeεzelten, e yuc elHekmeθ y iθbebes w elmeεrfeθ y elli fehmenteθ.22nette e yekcef lesrar elli γreqneθ, w yessen elli g eθsellesθ, w eltbeεεeδc felles θefuθ.23exeHemde ya erreb n midniyw. w y cex esebHe, εlexaTer θuciyδi elHekmeθ d elquδreθ, tendi f elli neĎlebθi essix, teεlemdane s elli δ eθnen y elmlek.>>24w elbeεεeδ yemreq danyal y eryuwx elli yeĎleb essis elmlek δ ayenγ elεuqqal n babel yennes:<<eθenγec elεuqqal n babel. suδfi y elmlek bac e senne f θirjiyθes.>>25eyendeγ ysuδefθi fiyseε y elmlek yennes:<<ufiyγ iyjen seg elli emmetfen seg bni yehuwδa, e xyen f elmeεne n tirjiyθ.>>26yen elmlek y danyal elli ellesmes belTecaser:<<eθgeddeδ cex e yθenneδ f θirjiyθ elli zrixt usinc e yetfesreδ?>>27yer felles danyal:<<esser elli θnecδeδ felles ya elmlek, elyetged Hed exettifessser la δ εuqqal w la δ elmejuws w la δ iseHHaren w la δ imunejmen.28yemenni g esme erreb yessen e yekcef lesrar, e xenne ey elmlek nebuwxeneSSer f elli δ ySar g liyyameθ e jeyyin. θirjiyθ elli θezritteθ w cex θenεeseδ, tay elmeεnas:29tuseδex ey elmlek w cex θettekkeδ g esrirex, elfekreθ g elli δ ySar beεεeδ liyyameθ w rebbi elli yessen e yekcef lesrar yeεlemex s elli δ ySar:30w esserre yemmekcfiyδ, muc εlexaTer γeri elHekmeθ exθer n iddiyn, emme bac e xeεlme ey elmlek f efesser n tirjiyθex d elli yHus essis ulex.31cex θezriyδ, ey elmlek, eSSembeθ ettemeqqarθ egget, θkan θbed ezzeθex eteĎewwe egget w elmenδres yessekkeδ.32ykan ixfes δ uwreγ δ eSSafi, iδmernes d iγelnes δ elfeTTeθ, w θeδisθes d lefxeδes seg enHas,33emme essigenes seg uzzal w ikreεnes lewse seg uzzal w lewse seg elfuxxar.34elweqθ elli cex θnedziyδ δiys, tuDe θγaγet seg eddehreθ, menγiyr ettilemmes Hette Hed tewweθ eSSembeθ f ikreεnes elli nihnin seg uzzal d elfuxxar, tkesserθen qiqqi qiqqi.35eyendeγ yemreq uzzal d elfuxxar d enHas d elfeTTeθ d uwreγ mεe beεDhum, eδwlen elkulhum m eluwm n ennar g enebδu, yewit aDu w esθeqqiymc ejjerreθ. yemenni θγaγet elli θewweθ eSSembeθ teδwel δ eddehreθ δ temeqqarθ θεebbe elqeεεeθ elkul.36θahen θirjiyθex. emme efesres exenne felles ey elmlek:37cex δ elmlek n lemluwk, erreb n esme yucayex elmelk d elquδreθ d elεez d elmejδ,38w elli εemren δiys leεbaδ d elhwayec n elqeεεeθ d iciciywen n esme, yuceyexθi y cex yegex δ eSSulTan felles elkul, cex eyendeγ iyxef elli yemmeg s uwreγ.39w beεδex ettas elmemlxeθ xlaf eSγer n elmemlexθex, w elbeεεeδ elmemlxeθ teθθalet m enHas e θesselleT f elqeεεeθ elkul.40w elbeεεeδ elmemlxeθ terrabeεθ teqSeH m uzzal, εlexaTer uzzal e ykesser yemHeq kul ciy. m sah uzzal yetkesser elmemlxeθe e θemHeq elmemlxaθ tiddiyn elkul.41w emmax i θezriδ elli lebHaD n ikreεεen d iDuDan seg elfuxxar w lebHaD seg uzzal, m sah e θkuwn elmemlxeθ θemzuwn, yemenni θeqSeH m uzzal εlexaTer emmax i θezriδ uzzal yemsesr s elfuxxar.42w εlexaTer iDuDan n ikreεεen lebHaD seg uzzal w lebHaD seg elfuxxar, e θkuwn elmemlxeθ δiys lebHaD qwan w lebHaD Dεaf.43w max i θezriδ elli uzzal yemsesr s elfuxxar, meεnethe elli ecceεb n elmemlxaθdiyn msesren mεe beεDhum, yemenni ettemweHδenc emmax uzzal yettemsesric s elfuxxar.44w g liyyam n lemluwke iyh ayeg erreb n esme elmemlxeθ eltxelliyc xlaS, w eltmerreqc y Hette ecceεb xlaf, usinc e θesHeq elmemlxaθdiyn elkul, w netteθ e θeqqiym diyme.45θezriyδ zaδe elli θγaγet θuDe seg eddehreθ menγiyr ettilemmes afus, θemHeq uzzal d enHas d elfuxxar d elfeTTeθ d uwreγ, wah elmeεntes elli erreb yeεlem elmlek s mat δ yejre beεεeδ liyyemaθdiyn. tirjiyθ ettuSHiHθ w efesres δ eSSaδeq.46elweqθes yuDe elmlek nebuwxeδneSSer f uδmes yesjeδ y danyal yeĎleb e segen elweεδeθ d elbxuwr.47yen elmlek y danyal:<<errebbewwem δ erreb n lerbuwb b elHeq w δ erreb n lemluwk, w nette elli ykeccef lesrar εlexaTer θgeddeδ θekcefeδiδ esserre.>>48ymejjeδ elmlek danyal yuces elhδaye egget yHuTTi f ecciyreθ n babel elkul, yerri δ emeqqar f elHukkemes elkul.49yeĎleb danyal seg elmlek e yHuT cedrex d miycex d εebdeneγuw f elxeδmeθ n ecciyreθ n babel elkul. yemenni danyal yeqqiym g elqSer n elmlek.
Chutney Media Agency Limited