Dan1
1g usukkes eθθaleθ seg elHukm n yuwyaqiym elmlek n yehuwδa, yuli nebuwxeδneSSer elmlek n babel y uwrceliym yHeSert.2yuwc erreb y ifesnes yuwyaqiym elmlek n yehuwδa d lebHaD seg elmeεεuwn n elHuwc n rebbi, yaγeδ elmlek n babel elmeεεuwn y elqeεεeθes ysuwδef elmeεεuwn y θexzent n elHuwc n errebbes.3yen elmlek y emeqqar n ixeddemnes, w esmiθes ecfenezu, esedyaγ leεbaδ seg bni israYiyl elεileθ n elmlek d imeqqaren,4elεzerre w eddiysen Hette elεiyb, elmenDrensen yebhe, essenen elHekmaθ elkul, w fehmen kul cey, elli e tgedden exeδmen g elqSer n elmlek, usinc entiseHfeD ecfenezu elqrayeθ n ibebiliyyen d elluγθensen.5yegeyasen elmlek elHeSSeθ n kul yuwm, seg eče n elmlek d ecrebes, bac e mrebben tlaθe sniyn, w beεεeδ exeδmen elmlek.6w ykan essisen seg bni yehuwδa, danyal d Henenya d miycaYiyl d εezerya.7yucasen eccaf ellesami ettijdidin, ysemme danyal belTecaSer, w Henenya cedrex, w miycaYiyl miycex, w εezerya εebdeneγuw.8yemenni yeεzem danyal g ules bac liθeč seg eče n elmlek d ecrebes, bac yetxelifc ecceriyεeθ, yeĎleb seg emeqqar n ixeddemnes bac e θyeεfe seg ečaye nette d iSHibnes.9w rebbi yuce y danyal enneεmeθ d erreHmeθ bac e yaf elqeδres γer eccaf,10yen eccaf y danyal:<<ettekkaδe seg siydiy elmlek elli yHuTTi δ emeshuwl f ečewwem d eswewwem lukan eyezr uδmewnewwem elli eDεef n uδmawen n idrari n eljilewwem, elweqθes eθirarem s ixfiyw γer elmlek.>>11yen danyal y eεessas elli yHuTTi eccaf f danyal d Henenya d micaYiyl d εezerya,12<<jerreb ixeddemnex ya siydiy εecre eyyam eneč δiysen kan δ elxuDreθ nesw kan δ amen,13w elbeεεeδ erqeb twelinne d idrari elli θetten seg eče n elmlek θεemelδane emmax i θzerreδ>>.14eyendeγ yesl edwinsen yjerrebθen εecre eyyam.15w beεεeδ εecre eyyam teδwel elheyθensen xiyr w eqwe n idrari elkul elli θetten seg eče n elmlek.16eyendeγ yeδwel eεessas e yqam ečensen d ecrebensen yucasen elxuDreθ.17yuc rebbi y idrariδin lerbεe elmeεrfeθ n elqrayeθ elkul d etterbyeθ d elHekmeθ, emme ykan danyal yfehhem belgde g ezre d tirjiyθin.18w max i θuwqe elmuddeθ elli yHeddeteθ elmlek nebuwxeδneSSer, yuγetten eccaf ezzeθes.19yuθley elmlek iδsen w elyufic δwiyn δiysen elkul m danyal d Henenya d miycaYiyl d εezerya, eyendeγ yexθarin bac e θexeδmen.20kul merreθ yenceδten elmlek yafin γersen exθer n εecre merraθ seg wessen d elHikmeθ elli γer iseHHaren d imejuwsiyyen elli g elmemlekθes elkul.21yeqqiym danyal diyn, g elqSer n elmlek, seg essukkes iglewwel seg elεehδ n elmlek kuwrec.
Chutney Media Agency Limited