Dan3
1yeSneε elmlek nebuwxeδneSSer eSSembeθ s uwreγ, eTTules settiyn δraε w elεerDes sette δraε, yHuTTi g teHmiylt n duwra g elwilayeθ n babel.2usiyn yuzen elmlek ylemmeδ elwullay d elHukkam d imeqqaren d elεuqqal d imeqqaren n elxziyneθ d imuεelmen n ecceriyεeθ, d imeqqaren elkul elli g ecciyreθdiyn bac e δecnen eSSembeθ elli yegi.3w max i mlemden ezzaθ n eSSembeθ bac e δecnen,4yzeεweg iyjen seg yih n elmlek s eSSuwθ yeεle:<<eDelbe essiywem leεbaδ elli usiden seg temurθ elkul edukken luγaθ elkul5elli max e θeslem eSSuwθ n elbuwq d ennay d elgitar d erbab d elbendiyr d elγiyDeθ d lenwaε n elmeεεuwn n temuwsiqθ elkul e θesjδem y eSSembeθ n uwreγ elli yegi elmlek n ebuwxeδneSSer.6w elli lisejjeδc e yemmeHδef g elεafyeθ čeεel egget.>>7max i sliyn leεbaδ elkul eSSuwθ n elmeεεuwn n temuwsiqθ elkul, sjeδen y eSSembeθ n uwreγ elli yegi elmlek.8emrqen lebHaD n ibebiliyyen qewDen s elyeHuwd.9ennen y elmlek:<<e θedreδ ey elmlek diyme.10cex ey elmlek teĎlebeδ: elli eysel eSSuwθ n elbuwq d ezzef d elgitar d erbab d elbendiyr d elγiyDeθ d lenwaε n elmeεεuwn n temuwsiqθ elkul eyesjeδ y eSSembeθ n uwreγ elli yegi elmlek nebuwxeδneSSer.11w elli lisejjeδc e yemmeHδef g elεafyeθ čeεel egget.12yemenni ellan iryazen δ iyhuwdiyyen θHuTTetten f elwilayeθ n babel, w nihnin cedrex d miycex d εebdeneγuw. Hqernex w elleεbiδenc errebbex w ellesjiδenc y eSSembeθ n uwreγ elli θegit.>>13yeθγeccec egget elmlek yeĎleb eddaγem cedrex d miycex d εebdeneγuw, eγδenten yetwali elmlek.14yencetten: <<endre belHeq cedrex d miycex d εebdeneγuw xenyum elteqqilemc eθεebδem errebbiw w eθesjdem y eSSembeθ n uwreγ elli egixθ?15ture δ θeslem y eSSuwθ n elbuwq d ennay d elgitar d erbab d elbendiyr d elγiyDeθ d lenwaε n elmeεεuwn n temuwsiqθ elkul, w max e θeslem e θesjδem y eSSembeθ elli egixθ. emme iδekan eltesjiδemc exenlewHe g elεafyeθ čeεel egget, w exenyetmenneε Hette erreb seg efesniyw.>>16jewbenti cedrex d miycex d εebdeneγuw:<<muc lazem exenjaweb f elmuDuwεe ey elmlek.17εlexaTer errebbenne elli nεebbeδ δiys eyged exenisuwfeγ seg elεafyeθ čeεel egget d ifesnex.18w Hette exenimenneεc tesneδ elli nečin nεebbeδc errebbex w ensejjeδc y eSSembeθ n uwreγ elli θegit.>>19yeθγeccec egget elmlek elmi yembeddel uδmes f cedrex d miycex d εebdeneγuw, yeĎleb bac e yeδwel eceεεel n elεafyeθ sebεe merraθ exθer n qebl.20yeĎleb zade seg iryeznes elεuttay e qnen cedrex d miycex d εebdeneγuw e Hδfenten g elεafyeθ čeεel egget.21elweqθes eqnenten u nihnin ireDen ibernas d iserwalen d elleHfaθ d edbac xlaf eHδfenten g elεafyeθ čeεel egget.22w εlexaTer i yeTTef elmlek eSbiyH emmax i yenne qebl, yenγe elehlab n elεafyeθ iryezendiyn elli qamen cedrex d miycex d εebdeneγuw,23wDan iryezendiyn letlaθe g elεafyeθ čeεel egget w nihnin δ imketfen.24g elweqθes yeθHeyyer egget elmlek nebuwxeδneSSer ybed fiyseε yenceδ elwezres:<<endre muc neHδef b elHeq tlaθe δ iryazen δ imketfen g elεafyeθ?>> jewbenti:<<wa ey elmlek.>>25yen:<<yemenni neč zerre g erbεe δ iryazen δ imseyben egguwren g emmes n elεafyeθ lebas εliyhum, w uwδem n errabeε yetcebbeh y emersal seg lerbuwb.>>26w elbeεεeδ yeqreb nebuwxeδneSSer y elbab n elεafyeθ yen:<<ha cedrex d miycex d εebdeneγuw, ixδiymen n rebbi elli lennej, efγeθ tesδem!>> efγen seg emmes n elεafyeθ.27emlemden elwullay d elHukkam d imeqqaren d iwziren n elmlek, ezren elli elquwweθ n elεafyeθ eltegi Hette ciy y iryazendiyn, w elteHriqc Hette δ ecceεreθ seg ixfewnensen, w ellembedlenc ibernasnensen w eltelsiqc δiysen erriyHeθ n elεafyeθ.28yen nebuwxeδneSSer:<<tbark elleh erreb n cedrex d miycex d εebdeneγuw, elli yuzen elmlayxeθes ysemneε ixeddemnes elli θweklen felles eεSan tuθleyθ n elmlek f elxeĎres, uwcen elbeδnensen y elεafyeθ bac e lεebδenc w elsejδwnc y erreb b xlaf errebensen.29heδake εlac ture exennenne elli ayen seg timuwra elkul d luγaθ elkul edwi yuHec f erreb n cedrex d miycex d εebdeneγuw, emmebyen δ leĎraf w leHwecensen eδuwlen δ elγbaraθ. εlexaTer elyetged Hette erreb entisemneε emmax i yege errebbensen.>>30eyendeγ yriygel elmlek elHal n cedrex d miycex d εebdeneγuw g elwilayeθ n babel.
Chutney Media Agency Limited