Ruth4
1yali buwεez yetwali elbab n temuwreθ yeqqiym diyn. yeθεedde eryaz elli yenne-yes fell-es y raεuwθ, yenne-s: «est eqqiym iyδ-i. e yeSHib-iw!» yes-iδ yeqqiym.2usiyn inabe buwεez εecre δ iryazen seg imeqqaren n temuwreθ yenne-sen: «eqqiymeθ dahen.» eqqiymen.3yen y weryaz-diyn: «nuεmiy teδwel seg muwab w netteθ tezzenze ture elbay n eliymalek ensiyb-enne seg ejiymi,4neč etxememe exeεlme, et-tesγeδ ezzaθ n ihelli geεmzen dahen w ezzaθ n imeqqaren n temuwreθ-iw, eHebbe-c Hed eyged et-yeg kan δ cex. kan δ t-tesγeδ esγ-iy, w kan et-tesseγ-ec enn-iyδ bac e sne, εlexaTer beεδ-ex enneč γeri elHeq n wesγe.» yer fell-es: «δ θ-esγe.»5yen buwεez: «as elli eθesγeδ ejiymi seg nuεmiy δ θesγeδ zade raεuwθ temuwabiθ, liwac n elmeyyet, bac e θrejεeδ ellesm n elmeyyet y etterxθ-es.»6yen eryaz-diyn: «la, el-gedd-ec esγe ejiymi y imen-iw bac e t-fesδe-c etterxθ-iw. esγ-iy δ cex, neč el-gedd-ec esγe.»7qebl g israYiyl, max e sγen ziyγ ebedlen, eyekkes ebeyyeε eSSebbeĎ-es yuwc y eccari. θahen tkan elεaδeθ g israYiyl.8max i yenne eryaz-diyn y buwεez: «esγ-iy y imen-ex.» yekkes eSSebbeĎ-es yuwc y buwεez.9yen buwεez y iwessaren d elli g eεmzen diyn elkul: «xenyum δ eccuhhaδ elli asse esγiyγ s γer nuεmiy kul cey egli n eliymalek d idrari-s lessen kelyuwn d meHluwn,10w elli uγiyγ raεuwθ temuwabiθ liwac n meHluwn bac e rre ellesm-es y etterxθ-es, w el-yetmettiw-c ugg emmas n emmeθen-es d midden n temuwreθ-es. xenyum δ eccuhhaδ asse.»11ennen iwessaren d elli HDeren elkul g elbab n temuwreθ: «nečin δ eccuhhaδ, eyedj rebbi temeTTuwθ elli eθaδef elHuwc-ex m raHiyl d leyye elli bnaneθ elHuwc n israYiyl. emlex g efrate, tegeδ ellesm g biytleHm.12w edj idrari-x elli δ exen-yuc rebbi seg tefruwxθe m elHuwc n fareS elli tiru-θ tamar y yehuwδa.»13teδwel raεuwθ δ liwac n buwεez, yaδef fell-es yuwc-es rebbi t-aru efruwx.14enneneθ elwacun y nuεmiy: «tbark elleh elli yuca-yem asse efruwx eyemmeδxer ellesm-es g israYiyl.15yejber uwl-em, yqam-em g elkebr-em. tesliyθ-em elli texs-em w elli tiru-θ xiyr n sebεe δ idrari.»16tawi nuεmiy efruwx-diyn teθHemmel-θ trebba-θ.17semmaneθ elwacun n eljiyren enneneθ: «yemmerw-es y nuεmiy efruwx.» w ensemmeθ εuwbiyd. w nette δ daddes n yessa daddes n dawud.18w iyhen δ ezzerriyεeθ n fareS: fareS yiru HeSruwn,19w HeSruwn yiru ram, w ram yiru εemminadab,20w εemminadab yiru neHcuwn, w neHcuwn yiru selmuwn,21w selmuwn yiru buwεez, w buwεez yiru εuwbiyd,22w εuwbiyd yiru yessa, w yessa yiru dawud.
Chutney Media Agency Limited