Mme Ñke30
1Mme ikọ Akọọ ayịn Yake aketañña ado ami, ikọ e-eyaarake.Ikọ ete ami aketañña anọ Itiel:Abasi, ami mmekpa mba,ado ami mmekeme adikan.2Ke akpanikọ, ami ndo ataa unam,ndooho awo;ami nnieghe mbufiọk awo.3Ami ñkpeebe aniọñ,ñnyʌññọ nnie ifiọk nsịm ake Adisana Awo.4Anie awo ikaa anyọñ imaana itịmme idi?Ubọk anie awo amʌm afịm?Anie awo abọp mmọọñ ke afọñ?Anie awo ado andiwuuk afịd utịd ederimbod?Anye akere die, ayịn amọ anyʌñ akere die?Ke akpanikọ afo amediọọñọ!5“Afịd ikọ Abasi inieghe ndo;Anye ado ukpeme anọ mbon e-edịbeke ke anye.6Kuudian ikọ ke ikọ amọ,imiidooho anye ayaasua unọ fiin anyʌñ awọt ke afo ado awo nsu.7“Abọọñ, ñkpọ iba ke ami ubeeñe fiin,kunsịn miin mbemiso ami ñkpa:8Yak abiaña ye nsu eda nsan-nsan eñkpọñ miin;kuunam ami ndo akpọikpọi uweene me ndo imọ awo,ado nnọ miin se ndia ke usen ke usen kpọd.9Imiidooho, ami ñyaamọinyọ mbọhọ ñnyʌñ usịn fiin,ñnyʌñ mbo ‘Anie ado Abọọñ?’Imiidooho, ami ñkappa akpọikpọi uweene ñnyʌñ ñyịp inọ,ñnyʌñ nsuenne anyịñ Abasi mmi.10“Kuubiat ayịnufọk unọọ eteufọk amọ,imiidooho anye ayausuuñọ fiin, ndin ayaukpa ñkpọ.11“Aba mbon esuuñọke mme ete ammọinyʌññọ idiọñ mme eka ammọ;12mbon e-esanake ke anyen ammọado iyette ndek ammọ isio;13mbon e-ekamake anyen ke anyọñ,ese ñkpọ ke ndek;14mbon e-eded ammọ edooho akañkañikwa enyʌñ edọñọ ke mbañ ammọnọ eta mme uweene esio ke ederimbodye mbon unana ke atu ubonawo.15“Itued anie nditọ ibaan iba.Ammọ ebọọñ ‘Nọ! Nọ!’“Ñkpọ ita eba a-adooho kpaanam ikoppo uyʌkkọ, inaañ a-adooho kpaanam ibooho, ‘Akem!’:16udi ye idịb ada; isọñ, a-adooho kpaanam ikoppo uyʌkkọ mmọọñ, ye ikañ, a-adooho kpaanam ibooho, ‘Akem!’17“Anyen a-anọọhọ ete ñnyọọ,asoono usọñ eka,mme ekọọñebʌkayob abedeñ eyaekọọñ esio,utere eyaeta ammọ.18“Aba ñkpọ ita se inekke iñkpa miin idem, ñkpọ inaañ edo se ami mmiinieghe ifiọk mbaña:19usʌñ ntrukpuum ke ikpaanyọñ, usʌñ udʌkikọd ke anyọñ itiad, usʌñ nsʌñikañ ke ufọọd akpainyañ, ye usʌñ awodeen ye abọikpa.20“Usʌñ awonwaan efịbe ado ami:Anye adia anyʌñ akwokko inuandin ate, ‘Ami nnamma idiọọk ndomokeed.’21“Ke idak ñkpọ ita ederimbod anyeeñe, ke idak ñkpọ inaañ anye ikanna iyọ:22ayịnufọk a-akappake ado adidem, ndisịme a-anieghe uwak ñkpọ se adia,23mbuka awonwaan a-adọọhọ ndọ, ye ayịnufọk awonwaan a-adatta itie ekaufọk amọ.24“Ñkpọ inaañ ke ederimbod edo ntək-ntək, ado enie aniọñ ataa eti-eti:25Mme akpaisọñ edo unam etək udịd ado ammọ ekoono ndidia ebono ke ndaayio;26mme akukọñitiad edo ekpu etək inweek, ado ammọ enam itie idʌñ ammọ ke abaitiad;27ñkukuñkpọyọriyọ inieghe adidem, ado ammọ esaña keed ke udịm ke ikpeghe ke ikpeghe;28e-ekeme adimʌm akpọk ke ubọk, ado ekịt anye ke mme akwere adidem.29“Aba ñkpọ ita e-esañake uko-uko inaañ e-esañake ye uku ubọọñ:30ekpe, akpọsọñ ke atu mme amọn, i-idiitịmmeke edem inọ ñkpọ ndomokeed31asian akikọunen, akpoebod, ye adidem a-adiọọñọke ke ñkpọ ndomokeed inyeeñeke ebekpo imọ.32“Adieke afo anamma nte ndisịme anyʌñ akokko idem mfo,me adieke afo aduakka idiọọkñkpọ,mia ubọk mfo fʌk ke inua mfo!33Sia kpa naña uyọyʌt mmọọñeba asio bọta,ye naña adifiakka iwuo anam iyiib awuọ,kpa ntoro ke adisiak iyadesịd adat utọk adi.”
Biblica, Inc.