Mme Ñke31
1Mme ikọ Adidem Lemuel, ñwuọnda ikọ e-eka amọ akekpeebe anye.2Kpañ utọñ, ayịn mmi! Kpañ utọñ, ayịn ntʌñidịb mmi!Kpañ utọñ, ayịn enwọñọ mmi, ibọọrọ akam mmi!3Kuubiat inweek mfo ye ibaan,adudu mfo ke idem mbon e-esoboke ndidem.4Lemuel, inaaha inọ ndidem,inaaha inọ ndidem adinwọñ ukọd,inaaha nte mme adaukara enie akpọsọñ udọñ adinwọñ bie,5mbaak ammọ edinwọñ ndin efre mme ewʌhọ se ekenịm,enyʌñ ebọ afịd mbon se ekuut unen ammọ.6Yak bie ana anọ mbon e-eyemme aditak,wain ana anọ mbon e-ebaaha ke ifịkesịd!7Yak ammọ enwọñ enyʌñ efre uweene ammọke enyʌñ etoiyo ukuud ammọ aba.8Sio uyio nọ mbon i-imiikanna isio uyio inọ idem ammọ,sio uyio ke mme unen afịd mbon ñkpọnnam.9Sio uyio tañ nyʌñ biere ikpe ke unen;nwana bọ unen mbon uweene ye mbon unana.10Anie akan akịt anwaan a-anieghe eti edu?Ekọmudua amọ asọñ akan mme rubi.11Ebe amọ anie ayọhọ mbuọdidem ke idem amọinyʌññọ inana eti ñkpọ ndomokeed.12Ke afịd ayio uwem amọ,anye aben se ifọn asọk ebe, idooho mfịna.13Anye asat idededọñ ye ndidiubọk amọ anyʌñ ama adinam utom.14Anye aba nte nsʌñikañ ñkpọudua,a-abenne ndidia ato anyan usʌñ adi.15Anye abak ademme idab ke ayio imiinwañake diin;anye anam ndidia anọ mbon ufọk amọanyʌñ adomo udeeme ake nditọufọk amọ ibaan.16Anye asuuk anyen ase ikọd anyʌñ adep anye;ke atu akʌk se anye anwana anye atọ inwañ fain.17Anye anam utom amọ ke afịd esịd;ubọk amọ asọñ akem se anam utom amọ.18Anye akịt abo ke unyam udua amọ a-aba udod,utuenikañ amọ inyʌññọ inịme ke akonayio.19Anye akama eto utuak ndidi ke ubọk amọanye akama eto utuak afọñ ke nnuunubọk amọ.20Anye atat ubọk amọ anọ mbon uweeneanyʌñ anwam mbon unana.21Anye ikoppo ndịk ibaña ikọd ufọk amọ ke sino amaaduọ;sia afịd ammọ esịneke ndad-ndad afọñ.22Anye anam mme afọñ ufʌk akwañ amọ;esịn anye uyaiya nsọñudua afọñ linen ye iduod-iduod afọñ.23Ekpono ebe amọ ke inuaatob abio,a-anye atieghe ke atu mme ñkpisọñ ke idʌñ.24Anye anam mme afọñ linen anyʌñ anyam ammọ,anyʌñ anyam mme ñkịneisịn anọ mbon unyam udua.25Adudu ye ukpono edo afọñidem amọ;anye akeme adisak mbaña mme usen e-ediighe ke iso.26Anye atañ ikọ ye aniọñ,inua amọ anyʌñ ayọhọ ye item akpanikọ.27Anye asuuk anyen ase ndubeghe esịd ufọk amọinyʌññọ idia ndidia ifu.28Nditọ amọ edakka eda enyʌñ ekoot anye adidiọñ;ebe amọ ñko, anyʌñ atooro anye:29“Uwak ibaan e-enam nti ñkpọ,ado afo amefọn akan afịd ammọ.”30Ndokko ado abiaña, uyai ñko ado ke etək-etək ini;ado awonwaan a-abaaha Abọọñ a-ado se etooro.31Kpono anye ke afịd se ubọk amọ anam,yak mme utom amọ enyʌñ edat itooro esọk anye ke inuaatob abio.
Biblica, Inc.