Mme Ñke29
1Awo akeedodo a-asọññọ aboditọñ ke emaetʌnọ anye ke uwak iniadiisọsọp akịt nsobo, unyaaña ibaaha.2Ndinen awo emaeforo, mbon awo edaara;mbon ibak emaekaara, mme awo ekuun.3Awo a-amaaha aniọñ adat idaara asọk ete amọ,ado adʌk nsaña ye ibaan akpara atahade inie amọ.4Adidem akama unen anọ idịd amọ nsọọñọnda,ado mbon e-enieghe idiọọkitọñ ebaña ubọkedem ewuut anye.5Mbon e-etiighe mme mbọhọidʌñ ammọebịt iyịre enọ ukod ammọ.6Mme anamidiọọk edʌk afia idiọọkñkpọ ammọ,ado ndinen awo esio ñkpo idaara enyʌñ ekop inemesịd.7Ndinen awo ekere ñkpọ ebaña unen mbon uweene,ado mbon ibak inieghe utọ akikere ado.8Mme asak awo ñkpọ esịn mfịna ke abio,ado mbon aniọñ ewọññọ iyadesịd esio.9Adieke awo aniọñ akaaha esob ye ndisịme,ndisịme ayat esịd anyʌñ aduọi, ndin emem ibaaha.10Mbon afai esua awo eti idoenyʌñ eyem adiwot ndinen awo.11Mme ndisịme ewọt afịd iyadesịd ammọ,ado mbon aniọñ esịn emem ke utịd.12Adieke adaukara akpañña utọñ anọ nsu,afịd mbon utom amọ eyaekappa mbon ibak.13Uweene ye afiikawo ewuana ñkpọ keed:Abọọñ anọ naña ammọ iba anyen.14Adieke adidem akpeeghe ikpe uweene ke unen,ebekpo amọ ayaanie iwuuk ke nsi-nsi.15Ikpa ye ntʌnọ enọ aniọñ,ado ayịn ake awo imiitʌnọke asisuenne eka amọ.16Mbon ibak emaeforo, idiọọkñkpọ atọt,ado ndinen awo eyaekịt iduọ ammọ.17Tʌnọ nditọ mfo, ndin ammọ eyaunọ fiin emem;ammọ eyaedat nti ñkpọ se afo ayem usọk fiin.18Itie a-ñkukịd imiibaaha, mme awo esaña naña ema;ado afọfọn anọ awo a-akoppo item aniọñ.19Idooho ikọ kpọd ke edat enekke nditọufọk;sia akpesʌkado ammọ ediọọñọke, ammọ idiibọọrọke.20Afo amekịt awo a-atañña ikọ usọp-usọp?Idodanyen a-aba anọ ndisịme akan utọ ibon ado.21Ayịnufọk e-edekkedek ekama tọọñọ ke uyịnayaakappa ado awo usọñanyen.22Awo iyadesịd atọọñọ mfịna,awo ifiobesịd anyʌñ anam uwak idiọọkñkpọ.23Ntañidem asuuhọ awo itie,ado awo nsuukidem ayaanie ukpono.24Mme asaña nsaña ye inọ edo kpa asua ammọ;esịn ammọ ke idak unwọñọ ndin ammọ ikanna itie ntiense.25Ubaak awo anyen adiido afia,ado awo akeedodo a-anieghe mbuọdidem ke Abọọñ aba ke ifuuro.26Uwak awo eyem adikịt adaukara,ado awo abọ unen ato Abọọñ.27Adinen awo asua awo ñwo;awo ibak asua adinen awo.
Biblica, Inc.