Aisaiya7
Idiọọñọ Imanduel
1Ke ini Ahas ayịn Yọtam, ayịn Usaiya, a-akedooho adidem ke Yuda, Adidem Aram a-akedooho Resịn ye Peka ayịn awodeen Remalia adidem Isrel emaekaa adinwana ekọñ ye Yeruselem, ado ammọ ikikanna anye ubọk.2Ndin emaedọkkọ ufọk Defid ebo, “Aram akediana keed ye Ifrem”; ke ntoro esịd amaaduọ Ahas ye mbon amọ, kpa naña afịm anyeeñe mme eto ke akai.3Ndin Abọọñ amaabo Aisaiya, “Wuọ, afo ye ayịn mfo Sie-Yasub, kaa ke soobo ye Ahas ke utịd usaña mmọọñ ke Anyọñ Ñkpọdiọhọ mmọọñ, ke usʌñ Inwañ Ayedafọñ.4Bo anye, ‘Tịm kpeme idem, suuhọ idem, kuunyʌñ ukop ndịk. Kuunie iduọesịd ubaña ikpitok ifia iba esakka usʌk-usʌk, ke ntak akpọsọñ iyadesịd Resịn ye Aram ye ayịn Remalia.5Aram, Ifrem ye ayịn Remalia ekọọk iwuod ebaña iduọ mfo, ete,6“Yak ñnyịn ikinwana ibọ Yuda; yak ñnyịn ikpok anye ideeme inọ idem ñnyịn, inyʌñ inam ayịn Tabeel ado adidem do.”7Kpayeado se Abọọñ Andikara atañ ado ami:“ ‘Idiitịppeke,utọ ado ibaaha,8sia iwuod Aram ado Damaskọs,ñko iwuod Damaskọs ado Resịn ikpọọñ.Ke ufọọd isua ata mme itionIfrem ayaasuana akan se ado aduuk keed.9Iwuod Ifrem ado Sameria,ñko iwuod Sameria ado ayịn Remalia ikpọọñ.Adieke afo umuusọọñọke uda ke mbuọdidem mfo,afo uduudaahada aba.’ ”10Abọọñ amaamaana atañ ikọ anọ Ahas,11“Bịp Abọọñ Abasi mfo idiọọñọ, me ke ntəñoñkan idakisọñ mme ke ñkoññkan anyọñ.”12Ado Ahas amaabo, “Ami ndiibịppe; ami ndiinyʌññọ ndomo Abọọñ idomo.”13Akem Aisaiya amaabo, “Ikop idahami, ndufo ufọk Defid! Ado nte ikemme ndufo adidomo ime ubonawo? Ndufo eyaenyʌñ edomo ime Abasi mmi ñko?14Ke ntoro Abọọñ ke idem amọ ayainọ ndufo idiọọñọ: Ñkpʌk abọikpa ayaayommo anyʌñ aman ayịn awodeen, ndin ayaakoot anye Imanduel. 15Anye adiisidia nsọọñ mmọọñeba ye adanakwọọk ke anye amaatịm idiọọñọ adisịn idiọọk ñnyʌñ mmek eti,16ado mbemiso ayịn awodeen ami adiọọñọidem akem se asịn idiọọk anyʌñ amek eti, isọñ ndidem iba a-afo anekkeke abaak ediina ukpọk.17Abọọñ ayaunọ fiin ye mbon mfo ye ufọk ete mfo ayio i-imiikibaaha tọọñọ Ifrem akediañña akpọñ Yuda, anye ayaaben adidem Asiria adi.”Asiria Akappa Ñkpọutom Abọọñ
18Ke usen ado Abọọñ ayaafịt ifiom akoot mme nsʌñ e-etooho inuaakpa Nail ke Iyib ye mme akwọọk e-etooho Asiria.19Afịd ammọ eyaeteññe eketie ke itịkke abedeñ ye ke mme ndudu abaitiad, ke afịd mme ikọd ñkukịm ye afịd mme aba mmọọñ.20Ke usen ado Abọọñ ayaakama akadañ ebọọhọ ke ekọmudua eto edem Inyañ Yufretis, a-adooho adidem Asiria, nọ akama akwat ided iwuod ndufo ye ided ke ndedịbe idem ndufo, anyʌñ akwaat ñwaebek ndufo ñko.21Ke usen ado, awo ayaanịm ñyịn enañ keed ye ebod iba ke uwem.22Akeene akpọmiọk mmọọñeba a-ammọ enọọhọ, nsọọñ mmọọñeba ayaaba se edia. Afịd mbon se isʌhọ ke idʌñ eyaedia nsọọñ mmọọñeba ye adanakwọọk.23Ke usen ado, ke afịd itie se fain ekeba e-ekeyọhọke tọsịn keed (1,000) a-akpaaha udomoñkpọ tọsịn sekel silfa keed (1,000) , ñkukịm ye mbaraekpe ikpọọñ ediiba.24Ntautob eyaekaa do ye utịgha ye eduad, sia ikọd ado adiiyọhọ ye ñkukịm ye mbaraekpe.25Amaado afịd mme ntəkabod se ekekama udọk ekịm, afo uduukaaha do aba akeene ndịk ñkukịm ye mbaraekpe; ammọ eyaekappa edo mme itie se ekpọk enañ esuuk, mme edọñ ñko enyʌñ efeeñe do.Biblica, Inc.