Aisaiya8
Aisaiya ye Nditọ Ekappa Idiọọñọ
1Abọọñ amambo miin, “Ben ekamba ikpañwed nyʌñ kama ñkaña etoñwed wet: Maha-Salal-Has-Bas.” 2Ami mmaasịn uyio ñkoot Yuria aku abasi ye Sakaraiya ayịn Yeberekia nte mme ntiense akpanikọ nnọ idem mmi.3Ndin ami mmaanam ima ye prọfed awonwaan, ndin anye amaayommo anyʌñ aman ayịn awodeen. Ndin Abọọñ amaambo miin, “Sio anye anyịñ Maha-Salal-Has-Bas.4Sia mbemiso ayịn ado adiọọñọ adibo ‘Ete mmi’ me ‘Eka mmi,’ adidem Asiria ayaakoono imọ Damaskọs ye mme mbịme Sameria.”5Abọọñ amaamaana andọkkọ miin:6“Sia ibon ami e-esịnmmọọñ Siloa a-afegheke sʌñ-sʌñenyʌñ edaara ebaña Resịnye ayịn awodeen Remalia,7ke ntoro Abọọñ a-abeeñe idem adinọ ammọakpọsọñ mmọọñ a-atọọhọ ato inyañ Yufretis,adidem Asiria ye afịd uku amọ.Anye ayaayọhọ afịd mme usañammọọñ amọ,ayọhọ mme mben inyañ amọ,8anyʌñ akwọọk adʌk Yuda, afeghe akanna anye,aboiyo tutu asịm itọñ.Mme mba amọ eyaetaara efʌk afịd unaisọñ mfo,Imanduel!”9Idịppe uyio ñkpo ekọñ, ndufo mme idịd, inyʌñ isuana!Ikpañ utọñ, ndufo mme idịd ke nsan-nsan.Ibeeñe idem inọ ekọñ, inyʌñ isuana!Ibeeñe idem inọ ekọñ, inyʌñ isuana!10Inam ñkọọkiwuod ndufo, ado eyaesuan uduak ndufo;ikọọk iwuod ibaña uduak ndufo, ado idiisọọñọke ida,sia Abasi mmọdo aba ye ñnyịn. 11Ami ado se Abọọñ andọkkọ miin ke ini akpọsọñ ubọk amọ andoroke miin ke idem, andʌt miin utọñ ate ñkukeene usʌñ mbon ami:12“Kuukoot idiọọk aduafịd se ibon ami ekoot idiọọk adu;kuukop ndịk ubaña se ammọ ekop ndịk ebaña,kuunyʌñ ubaak anye.13Abọọñ Andikponñkan ikpọọñ ke afo adiidat nte adisana,anye ikpọọñ ke afo anie adibaak,anye ikpọọñ ke afo akeme adikop ndịk mbaña.14Anye adiido adisana itie;anọ Isrel ye Yudaanye adiido itiad a-anamma mme awo etuak ukodye ekamba itiad a-anamma mme awo eduọññọ.Ndin amaado mbon Yeruselem anye adiidoafia ye ñkpọiduọ.15Uwak ammọ eyaetuak ukod;ammọ eyaeduọññọ enyʌñ ebʌñọ,eyaekọọk afia enọ ammọ enyʌñ emʌm ammọ.”16Wuuk ikọ ntiense ndʌdutọñ aminyʌñ sọọñọ idiọọñọ item Abasi nọ mme mbed mmi.17Ami ñyaabet Abọọñ,a-adịppe mbon e-etooho ubon Yekọb iso amọ.Ami ñyaadot anyen mmi ke anye.18Se ami mi, ye nditọ A-Abọọñ akennọọhọ miin. Ñnyịn ido mme idiọọñọ ye mme ñkpọ uwọdñkpọ ke Isrel a-atooho Abọọñ Andikponñkan, a-adʌññọ ke Abod Saiyọn.Ekịm Akappa ado Unwana
19Ke ini awo udọkkọke fiin abo yak akaa useñkpọ ato mme abreidiọñ ye mme sịbidịd, e-etañña ikọ ke ekek ye etək-etək uyio, nte ikpinaaha ndufo ebịp eto Abasi ndufo? Nsoo inam ndufo eduuñọ ñkpọ e-ebañake mme aduuwem eto mme akpañkpa?20Iduuñọ ito item Abasi ye ikọ ntiense ndʌdutọñ. Adieke awo ndomokeed imiitañña ikọ ikeene ikọ ami, ammọ inieghe unwana usiere.21Ke nnananyen ye abiọọñ, ammọ eyaeyooñ ekanna ke unadod. Abiọọñ amaanekke adọñ ammọ, esịd ayaayat ammọ, ñko, ke ini ammọ ebenneke iso, eyaesuuñọ adidem ye Abasi ammọ.22Ndin ammọ eyaekanna anyen ese unadod ado ukweeñe se ediikịt ado nnananyen ye ekịm ye akpọsọñ ndịk, ndin eyaenək ammọ esịn ke ataa ekamba ekịm.Biblica, Inc.