Aisaiya6
Ubiọñutom Aisaiya
1Ke isua A-Adidem Usaiya akekpaaha, ami mmaakịt Abọọñ, ke anyọñ ye ubọọñ, naña atie ke ebekpo; ndin afọñ ubọọñ amọ amaayọhọ afịd a-tembịd.2Ke anyọñ amọ mme serafim ekedoro, ammọ keedekeed ekenie mba itiokeed: ammọ emaeben mba iba efʌk iso, eben mba iba efʌk ukod, enyʌñ eben mba iba efuurọ.3Ammọ ekesʌk ebọọñ ekoot emọ-emọ ete:“Adisana, adisana, adisana ado Abọọñ Andikponñkan;afịd ederimbod ayọhọ ye ubọọñ amọ.”4Ke adikop uyio ammọ, inuaatob ye mme inuausʌñ emaenyeñ ndin tembịd amaayọhọ ye nsʌñikañ.5Ami mmaatua mbo. “Adọdiọọk annọ miin!” “Ami mmetak! Sia ami ndo awo ndedeghe ñkpọkinua, ami ñnyʌñ ndʌñ ke atu mbon ndedeghe ñkpọkinua, ndin anyen mmi akịt Adidem, Abọọñ Andikponñkan.”6Akem keed ke atu mme serafim amaafuurọ ambịne miin akama ndubekikañ ke ubọk, a-anye akekamake ufadikañ asio ke akpokoro uwa.7Anye amaadat ndubekikañ ado antuuk miin inua ate, “Se, anyem utuuk fiin ñkpọkinua; eben ndudue mfo efep enyʌñ efeen unọ ke mme idiọọkñkpọ mfo.”8Ndin ami mmaakop uyio Abọọñ naña abo, “Anie ke ami ndiidọñ? Anie adiika inọ ñnyịn?”Ami mmaabo, “Se miin mi. Ndọñ miin!”9Anye amaabo, “Kaa ke dọkkọ ibon ami:“ ‘Ikaa iso ikop, ado inaaha inwaña;ikaa iso ikịt, ado idiọọñọke.’10Nam esịd mbon ami edoro ufiọn;nam utọñ ammọ adopponyʌñ fʌk ammọ ñkịm ke anyen.Imiidooho ntoro ammọ ekeme ikama anyen ammọ ekịt ñkpọ,ekop ñkpọ ke utọñ ammọ,esịd ammọ anyʌñ anam ñkpọ anwaña ammọ,ammọ ndin ewọññọ edem ekpọñ idiọọk enyʌñ ebọ ukọk.”11Ndin ami mmaabo, “Adiikpeene die, Abọọñ?”
Anye amaabọọrọ:“Tutu mme abio eba ke nsoboenyʌñ enana mme awo se idʌñ,tutu efeeñe ekpọñ mme ufọkmme inwañ ñko ebiaña enyʌñ etahade,12tutu Abọọñ abịn afịd awo ekaa anyan usʌñafịd awo enyʌñ efeeñe ekpọñ isọñ afịd-afịd.13Akpekọm mbakka duob akpesʌhọ ke idʌñ,esʌk ediimamaana esobo anye.Ado naña nte terebin ye afriyoekpọñ adʌñ ke emaekpịkke ammọ enịm ke isọñ,ukem ado ke adisana mfịd adiido adʌñ ke isọñ ado.”
Biblica, Inc.