Esta1
Edooro Abọọñanwaan Fasti
1Se ikitịppe ke ini ukara adidem Seeses akedo ami, Seeses a-akekarake afịd mme abio ikie keed mme edịb mme itiaba (127) atọọñọ ke India tutu akewuọ Kuus:2Ke ini ado Adidem Seeses akeda ukara ebekpo ubọọñ amọ ke sitadeel Susa,3ndin ke ayọhọ isua ukara amọ ita anye amaanam ekamba usọrọ anọ afịd mme awuọiso awo amọ ye mme adaaha amọ. Mme ikpọawo ekọñ ake Pesia ye Madai, nditọ ideen ndidem, mbọọñ ye mme awuọiso awo ke mme abio emaeba.4Anye amaadat usen ikie mme anaañ (180) awọt akwa inie abio amọ adian ye uku ye mmọnyọ ye ubọọñ amọ.5Ke mme usen ami emaekeboiyo, adidem amaasịn ekamba usọrọ, akekpeeneke ke usen itiaba, ke akpọ-akpọ inwañ nduọkadudu adidem, anọ afịd mme awo tọọñọ ke etək-etək tutu awuọ ekamba e-ekebaaha ke sitadeel Susa.6Inwañesa ami amaanie mme afia ye bru afọñ linen, ekedatta udʌk afia afọñ linen ye iduod-iduod afọñ ebọp edian ke mme ñkpannuun silfa ke adaaha mabịd. Mme ñnyʌkkọ mbere ñkpọitie kold ye silfa emaeba ke mboodesa pọfiri, mabịd, peel ye mme nsọñudua itiad mfen.7Emaenọ mme awo ukọd ke mme iko kold, ammọ emaenie ukpʌhọde ye emọ-emọ, ndin ukọd ubọọñ akedo barasuene, naña asaña akekem ye mfọọn ubọk enọ adidem.8Ke uyio adidem afịd isenawo akena nte enwọñ ukọd naña emama, awo ikpanna ammọ, sia adidem amaanọ afịd nditọufọk se ideeme ukọd yak enọ awo keedekeed se anye ayeyem.9Abọọñanwaan Fasti amaanyʌñ asịn usọrọ anọ mme ibaan ke akwere Adidem Seeses.10Ke ayọhọ usen itiaba, ke ini Adidem Seeses amaakekpa mmịn, anye amaanọ mme itọ itiaba esinamma ñkpọ enọ anye: Mehuman, Bista, Habona, Bikta, Abakta, Setaa ye Kaakas,11uyio ate eben Abọọñanwaan Fasti edi ke iso imọ, ayara anyanya ubọọñ amọ, nọ anye awọt mme awo ye mme mbọọñ uyai amọ, sia anye amaayaiya se ese.12Ado ke ini mme isʌñutom emaekenọ etob adidem, Abọọñanwaan Fasti amaasịn adidi. Ndin adidem amaayat esịd eti-eti anyʌñ akpa ifiobesịd.13Sia akesidooho ido adidem adibịp mme ntaifiọk mbaña mme ñkpọ mbed ye unen, anye amaaneme ye mbon aniọñ e-ekediọọñọke mme ini,14ndin ammọ ekenyʌñ enekke ekpere adidem idem: Kasena, Setaa, Admata, Taasis, Meres, Masena ye Memukan, mme mbọọñ Pesia ye Madai itiaba e-ekenekkeke ekpere adidem ndin ammọ ekekpoon awo ekan ke abio.15Adidem amaabịp ate, “Ke naña mbed atemme, nsoo ke ekpenam Abọọñanwaan Fasti? Anye inamma uyio Adidem Seeses ake mme itọ ekebenne esọk anye.”16Akem Memukan amaabọọrọ ke iso adidem ye mme mbọọñ, “Abọọñanwaan Fasti adue, idooho ye adidem ikpọọñ ado ye afịd mme mbọọñ ye mme mbon abio Adidem Seeses.17Sia afịd ibaan eyaediọọñọ ebaña adinam abọọñanwaan, ndin ammọ eyaemiom mme ebe ammọ enyʌñ ebo, ‘Adidem Seeses amaanọ uyio ate ekoot Abọọñanwaan Fasti enọ imọ, ado anye asịn adidi.’18Kpa usen mfịn ami mme ibaan Pesia ye Media e-etooho ubon ubọọñ e-ekoppo ido abọọñanwaan eyaebọọrọ afịd mbọọñ adidem ke ukem usʌñ ami. Utịd usọñanyen ye utọk idiibaaha.19“Ke ntoro, adieke adidem anyịmmeke, yak anye anọ ewʌhọ anyʌñ awet ñwed ke mbed Pesia ye Media, ake awo imiikemeke adibiat, ate ke Fasti idiidʌkkọ iso Adidem Seeses aba ke nsi-nsi. Ñko yak adidem aben itie ubọọñ amọ anọ awo mfen a-afọnnọ akan anye.20Ndin ke ini emaekoot ewʌhọ adidem ke afịd abio ukara amọ, afịd ibaan eyaekpono mme ebe ammọ, tọọñọ ke etək-etək tutu asịm ekamba.”21Adidem ye mme mbọọñ amọ emaenem esịd ebaña item ami, ndin adidem amaanam naña Memukan aketemme.22Anye amaadọñ mme etob eka ke afịd mme abio, ke mme idịd keedekeed ke ubọk ñwed amọ ye afịd mme awo ke nsio-nsio usem ammọ, asian abo yak ideen edo mme andikara ke ufọk ammọ, ekama usem ammọ enam ado.Biblica, Inc.