Nehimaiya13
Nehimaiya Anam Akpatre Uneeñe Ñkpọ Mbono
1Ke usen ado emaekoot Ñwed Moses ke akpọsọñ uyio nọ mme awo ekop ndin do ke ekekịt nte ewet ebo ke inaaha eyak awo Amọn me awo Mọb ndomokeed adʌk esob Abasi tutu amama,2sia ammọ ikiinọọhọ nditọ Isrel ye ndidia ye mmọọñ ado ekekpe Balaam ebo akoot isuuñọ anọ ammọ. (Ado Abasi ñnyịn amaanam isuuñọ ado akappa ado adidiọñ.)3Ke ini atu awo ekekoppo mbed ami, ammọ emaediañña afịd awo se ikido asen esio ke Isrel.4Mbemiso idaha ado, emaenịm Eliasịb aku ase ñkpọ abaña mme ubeed ubonoñkpọ ke ufọk Abasi ñnyịn. Anye amaakpere Tobia idem,5ndin amaanọ anye ekamba ubeed keed ekesidọññọ ñkpasi uwa ye insensi ye mme ñkpoduoho tembịd, ye mme keed ke itie duob ke ñkpasi, ufa ukọd ye adan ọlif eketemmeke ebo enọ mme Lifai, mme akwọikwọ ye mme akpeme inuaatob, ñkọrọ ye etịbe mme aku.6Ado naña afịd ñkpọ ami akekaaha iso, ami ñkebaaha ke Yeruselem, sia ke ayọhọ isua edịb mme duob mme iba ke ukara adidem Ataseeses ake Babilọn ami mmaatịmme mbịne adidem. Akema ami mmaabeeñe7ñnyʌñ ntịmme ndi Yeruselem. Mi ke ami ñkedidiọọñọ mbaña idiọọkñkpọ se Eliasịb akenam ke adinọ Tobia ubeed ke akwere ufọk Abasi.8Ami mmaayat esịd eti-eti ndin mmaasịññe afịd ñkpoduoho ufọk Tobia ke ubeed ado ntoomo nduọñọ.9Ami mmaanọ uyio nte enam mme ubeed ado esana, ndin mmaamaana ntañ mme ñkpoduoho ufọk Abasi, ye mme uwa ñkpasi ye insensi ndọñ ke esịd ammọ.10Ami mmaanyʌñ ndidiọọñọ ke awo ikinọọhọ mme Lifai udeeme ndidia ammọ, ndin ke afịd mme Lifai ye mme akwọikwọ se isinam utom emaetịmme enyọñọ inwañ ammọ.11Ndin ami mmaasua nnọ mme adaaha ñnyʌñ mbịp ammọ nte, “Nsoo inam nọ etre adise ñkpọ mbaña ufọk Abasi?” Ndin mmaakoot ammọ mbok itie keed ñnyʌñ mbon ammọ ke itie utom ammọ.12Afịd Yuda emaeben keed ke itie duob ke ñkpasi, ufa ukọd ye adan ọlif edisịn ke mme ubeed ubono ñkpọ.13Ami mmaaben aku Selemia, Sadọk awedñwed, ye Lifai keed a-akekereke Pedaiya nnịm nọ ese ñkpọ ebaña mme ubeed ubono ñkpọ ñnyʌñ nnam Hanan ayịn Saku, ayịn Matania, anwam ammọ, sia ekekịt ammọ nte mbon akpanikọ. Utom ammọ akedo adideeme ñkpọ se iba nnọọ mme Lifai ammọ.14Abasi mmi, ntoiyo miin ke abaña ñkpọ ami, kuunyʌñ usọọk se ami ñkenam ke esịd akpanikọ ye ñwaidem nnọ ufọk Abasi mmi ye mme utom amọ usio.15Ke mme usen ado ami mmaakịt mme awo ke Yuda nte enuakka mmịn ke ukwak unam ukọd ke Sabad enyʌñ ekoono abakpa edoot ke edem mme dọñki, ebiom ukọd ñko, ye kreb, ye fik ye afịd utọ mbiomo. Ndin ammọ ekesʌk ekoono afịd mme ñkpọ ami edʌk Yeruselem ke Sabad. Anam ami mmaasua nnọ ammọ adinyam ndidia ke usen ado.16Mbon Tai se ikidʌñọ ke Yeruselem emaeben iyak ye utọ ke utọ ñkpọ udua edinyam ke Yeruselem ke usen Sabad enọ mbon Yuda.17Mmaatọhọ ye mme mbọọñ Yuda ñnyʌñ mbo ammọ nte, “Nsoo utọ ndoom ke ndufo enam ami edisappa usen Sabad?18Nte mme eteete ndufo ikinamma mme ukem ñkpọ ami, anam Abasi ñnyịn aben afịd ukuud ami ikeene ñnyịn ye abio ami? Idahami ndufo emenekke edat iyadesịd edot Isrel ke adisappa usen Sabad.”19Ke ini ndukpọñ ndubiayio amaaketọọñọ adifʌk inuaatob Yeruselem mbemiso Sabad, ami mmaanọ uyio nte ekọp usʌñ ke enyʌñ ebeere tutu Sabad akweeñe. Ami mmaadaaha usʌk mbon mmi ke mme inuaatob mbaak ediben mbiomo edʌk ke usen Sabad.20Akañ keed me akañ iba mme ikpọ anyam udua ye mbon se inyam utọ ke utọ ñkpọ udua emaenaa ke edem Yeruselem.21Ado ami mmaasua nnọ ammọ mbo nte, “Nsoo inam ndufo enaa ke mben ndibene? Ndufo ekpemaana enam ñkpọ ami, ñyaimʌm ndufo.” Tọọñọ ado ammọ ikidiighe aba ke usen Sabad.22Ndin ami mmaabo mme Lifai nte enam idem ammọ esana enyʌñ ekekpeme mme inuaatob mbaak enịm usen Sabad ke adisana.Ntoiyo miin ke abaña ami ñko, Abasi mmi, nyʌñ ntua miin mbọm ke akwa ima mfo.23Ke ado aboiyoke, ke ini ado ami mmaakịt mbon Yuda nte ekedọi ibaan Asdọd, Amọn ye Mọb.24Usʌk nditọ ammọ ekesem usem Asdọd me usem idịd mfen, ndin idiọọñọke adisem usem Yuda.25Ami mmaatọhọ ye ammọ ñnyʌñ ñkoot isuuñọ nnọ ammọ. Mmaamia usʌk ideen ñnyʌñ ñwịppe ammọ ided ke iwuod nsio. Mmaanam ammọ edat unwọñọ ke anyịñ Abasi ñnyʌñ mbo ammọ nte: “Inaaha eben nditọ ibaan ndufo enọ nditọ ideen ammọ ke ndọ, inyʌññọ ina edọ nditọ ibaan ammọ enọ nditọ ideen ndufo me edọ enọ idem ndufo.26Nte ikidooho ke ntak mme ndọ ntom ke Sọlọmọn adidem Isrel akenam idiọọkñkpọ? Ibaaha adidem ndomokeed akebitte anye ke atu uwak idịd ado. Abasi amọ amaama anye, ndin Abasi amaanam anye ado adidem ke afịd Isrel, ado mme ibaan asen idịd emaenam anye adue Abasi.27Nte ana ñnyịn ikop idahami ke ndufo ñko esʌk enam afịd utọ ibak ami e-enyʌñ enam idiọọk ido ke iso Abasi ñnyịn ke adidọ ibaan asenidịd?”28Keed ke atu nditọ Yoiyada ayịn Eliasịb ekamba aku akedo ebe ayịn Sanbalad awo Họrọn. Ndin ami mmaabịn anye nsio.29Toiyo ammọ, Abasi mmi, sia ammọ emaesappa itie aku ye edioomo itie aku ye ake mme Lifai.30Ntom ke ami ñkesịññe afịd asen ñkpọ mfep ke itie mme aku ye mme Lifai, ñnyʌñ nnam ammọ esana, ñnyʌñ nnọ ammọ keedekeed iso utom ammọ.31Ami mmaanyʌñ nnam ndutʌm ke abaña enọ ifia ke ini ekedotto, ye ke abaña mme akpa mfịd.
Ntoiyo miin ke mfọn, Abasi mmi.
Biblica, Inc.