Angaramɔ (Genèse)5

Hio bezang Adam gbo ha hio bezang Noe

1Ɛngɛ nɛ̂ takarata mɔ ling hio bezang pɛ Adam.
Ha swe ka Sɔ dea nɛ Adam, a dea wɛnɛ lɛm may tuka Sɔ nɛ tɛ wa.
2A dea mbwa wei nɛ bhoko, a wola dede wen ha zu mbwa, nɛ a sa mbwa nde «wi» ha ngimɔ ka wɛnɛ dea mbwa.
3Adam dungɔ nɛ bɛlɛ gɔmmay ndang nɛ bhukɔa tar (130), ka wɛnɛ bhɛa nɛ bem pɛa mɔ bewei. A haa ling bema nde Set. Bema dungɔ tuka wɛnɛ, nɛ a baa may nɛ bafa wa gdang.4Hapata bhɛ pɛ Set, Adam dea bɛlɛ gɔmmay mɔrkɔ zanga tar (800), nɛ a bhɛa hio ma bem bewei nɛ hio ma bebhoko.5A dea fɛt ha nzan pɛa nɛ̂ bɛlɛ gɔmmay mɔrkɔ zanga nar (900), hapata a Fea.
6Set dungɔ nɛ bɛlɛ gɔmmay ndang nɛ mɔrkɔ (105), ka wɛnɛ bhɛa Enos.7Hapata bhɛ pɛ Enos, Set dea bɛlɛ gɔmmay mɔrkɔ zanga tar nɛ nua mɔrkɔ zanga bwa (807), nɛ a bhɛa hio bem bewei, nɛ hio bebhoko.8A dea fɛt ha nzan pɛa nɛ bɛlɛ gɔmmay mɔrkɔ zanga nar nɛ nûa bhukɔ gbala bwa (912), hapata a Fea.
9Enos dungɔ nɛ bɛlɛ bhukɔa mɔrkɔ zubhukɔa nar (90), ka wɛnɛ bhɛa nɛ Kenan.10Hapata bhɛ pɛ Kenan, Enos dea bɛlɛ gɔmmay mɔrkɔ zanga tar nɛ bhukɔ zanga mɔrkɔ (815), nɛ a bhɛa hio ma bem bewei, nɛ hio ma bebhoko.11A dea fɛt ha nzan pɛa nɛ̂ bɛlɛ gɔmmay mɔrkɔ zanga nar nɛ nûa mɔrkɔ (905), hapata a Fea.
12Kenan dungɔ nɛ bɛlɛ bhukɔa mɔrkɔ zubhukɔa (70) ka wɛnɛ bhɛa nɛ Mahalaleel.13Hapata bhɛ pɛ Mahalaleel, Kenan dea bɛlɛ gɔmmay mɔrkɔ zanga tar nɛ bhukɔa nar (840) nɛ a bhɛa hio ma bem bewei nɛ hio ma bebhoko.14A dea fɛt ha nzan pɛa nɛ̂ bɛlɛ gɔmmay mɔrkɔ zanga nar nɛ nûa bhukɔ (910), hapata a Fea.
15Mahalaleel dungɔ nɛ bɛlɛ bhukɔa mɔrkɔ zubhukɔa dang zanga mɔrkɔ (65) ka wɛnɛ bhɛa nɛ Yered.16Hapata bhɛ pɛ Yered, Mahalaleel dungɔ nɛ bɛlɛ gɔmmay mɔrkɔ zanga tar nɛ bhukɔa tar (830) ka wɛnɛ bhɛa hio ma bem bewei hinɛ hio bebhoko.17A dea fɛt ha nzan pɛa nɛ̂ bɛlɛ gɔmmay mɔrkɔ zanga tar nɛ nûa bhukɔa mɔrkɔ zubhukɔa nar zanga mɔrkɔ (895), nɛ a Fea.
18Yered dungɔ nɛ bɛlɛ gɔmmay ndang nɛ bhukɔa mɔrkɔ zubhukɔa ndang gbala bwa (162) ka wɛnɛ bhɛa nɛ Enok.19Hapata bhɛ pɛ Enok, Yered dea bɛlɛ gɔmmay mɔrkɔ zanga tar (800), nɛ a bhɛa hio ma bem bewei, hinɛ ma bebhoko.20A dea fɛt ha nzan pɛa nɛ̂ bɛlɛ gɔmmay mɔrkɔ zanga nar nɛ bhukɔa mɔrkɔ zubhukɔa ndang gbala bwa (962), nɛ a Fea.
21Enok dungɔ nɛ bɛlɛ bhukɔa mɔrkɔ zubhukɔa ndang zanga mɔrkɔ (65) ka bhɛa nɛ Matusalem.22Hapata bhɛ pɛ Matusalem, Enok dea hinɛ Sɔ bɛlɛ gɔmmay tar (300), nɛ a bhɛa hio ma bem bewei, hinɛ hio ma bebhoko.23Enok dea fɛt nɛ̂ bɛlɛ gɔmmay tar nɛ bhukɔa mɔrkɔ zubhukɔ zanga mɔrkɔ (365) ha nzan pɛa.24Soko Enok hinɛ Sɔ dungɔ nɛ dedea, hapata yo bo fin na, hazu Sɔ guo wɛnɛ ha zu nu yu nɛ̂.
25Matusalem bhɛa Lemek ka wɛnɛ dungɔ nɛ bɛlɛ gɔmmay ndang nɛ bhukɔa mɔrkɔ zubhukɔa tar zanga mɔrkɔ gbala bwa (187).26Hapata bhɛ pɛ Lemek, Matusalem dea bɛlɛ gɔmmay mɔrkɔ zanga bwa nɛ nûa bhukɔa mɔrkɔ zubhukɔa tar gbala bwa (782), nɛ a bhɛa hio bem bewei, hinɛ hio ma bebhoko.27A dea fɛt ha nzan pɛa nɛ̂ bɛlɛ gɔmmay mɔrkɔ zanga nar nɛ nûa bhukɔa mɔrkɔ zubhukɔa ndang zanga mɔrkɔ gbala nar (969). Hapata a Fea.
28Lemek dungɔ nɛ bɛlɛ gɔmmay ndang nɛ bhukɔa mɔrkɔ zubhukɔa tar gbala bwa (182) ka wɛnɛ bhɛa nɛ ma bem bewei ndang .29A haa ling bema nde Noe, nɛ a tɔa: «Yo nɛ̂ wɛnɛ ha bede nde sila ɔ a gaa hapata hio nga tom fɔ ka ɔ dea ha nu ka Wankpoo foma.»30Hapata bhɛ pɛ Noe, Lemek dea bɛlɛ gɔmmay mɔrkɔ nɛ nûa bhukɔa mɔrkɔ zubhukɔa-nar zanga mɔrkɔ (595), nɛ a bhɛa hio ma bem bewei, hinɛ hio ma bebhoko.31A dea fɛt ha nzan pɛa nɛ̂ bɛlɛ gɔmmay mɔrkɔ zanga bwa nɛ nûa bhukɔa mɔrkɔ zubhuzebwa zanga mɔrkɔ gbala bwa (777), hapata a Fea.
32Noe dungɔ nɛ bɛlɛ gɔmmay mɔrkɔ (500) ka wɛnɛ bhɛa nɛ Sem, Ham, hinɛ Yafet ha ngimɔ ka .

The Seed Company

https://app.library.bible/content/fb5274db3c584977