Vafilipi4
1Ndeni vakolo vangu vendikuvakela, ndidoboka hilo kuvalola, nyenye yemugehe luheko lwangu kangi ndi fupo lyangu yendigavilwe kwa kasi gyendigitile. Ndena nyenye vakolo vangu muendelele kwima kwa ukangafu kwa kumhuvilila Mtwa.2Euodia na Sunitike, ndikuvasuka hilo mupulikichane ngita lukolo mu Mutwa.3Na veve lukolo vangu mdikila ndikung'ang'a uvatange va maye vawo vapulikichane, kwakuva vagitile kasi lya kudalika Njowo nofu kwa kukangala pamwi na Kelemeti na vagita kasi vayangu vonda matawa gyawo gasimbilwe mu kiganulo kya wumi.4Suwe, muhekelele figono fyonda mukwiunga na Mtwa. Ndilonga kangi, muhekelele.5Ufokomasi venu uchelwe kwa vanu vonda. Mtwa yupepi kwacha.6Mbihile kuva na wogofi kwa kinu kyokyonda, ila mugyonda muveche vanu va kumsuka na kumuhongecha Nguluvi. Mumsuke gala gyemwing'ang'a kangi mumuhongiche kwa gala gyeavagitile.7Na lutengamaso lwa Nguluvi yeichumba luhala lwonda lwa vanu yidima unofu numbula na natilo lyenu mu kuwungana na Kilisito Yesu.8Kwakumalila, lukolo vangu, mukolele makani masanzi na cheching'ang'wa kunjumwa na makani gya undakyene na makani ganofu na makani gyegakumkelesa Nguluvi makani gyesegihanganika uwofu na makani gya kukelesa na gya uginyinge.9Mwendelele kugagita gala gyemuyiwulaniche na kwanuka kuhuma kwa nene, njowo chemupulike pendilonga na kangi mukagalolile pendikali ndigita. Nguluvi yeakutunemela lutengamaso daivecha pamwi na nyenye.10Kwa kwiwuga na Mtwa ndipatile luheko lukomi kuva lumalilo mkapatile kangi fwasi lya kuvawonesa kuva mkundiviwuka. Kulonga undakyene muvechile mukundiviwuka figono fyonda ila semkapatile ng'asi lya kungitanga.11Sendilonga ndena kwakuva nding'ang'a lutangu kuhuma kwa yeyonda, kwakuva ndiyiwulaniche kugwita na finu fyendinafyo.12Ndichela pending'ang'a kwikala pendivecha na kinu awu pendihela. Ndiwulaniche kuvecha na finu kyokyonda chipindi kya njala awu chipindi kya kugwita na chipindi cha kuvecha na finu fyonda gyendikela awu chipindi cha kupwemukilwa finu ifyo.13Ndiwesa kugita makani ago gyonda mu Kilisito, kwakuva mwene nde yeakunigavila ludali.14Ila nyenye mkagitile unofu kwa kunitanga nene mumagudo gyangu.15Nyenye Vafilipi mwichela vavene kutiya pamwandi mwa kudalika Njowo Nofu, pendikali ndihega Makedonia, nyenye hela nde lipinga lya vanu vevamuidikie Kilisito nde yemunditangile, nyenye weka nde mukanitangile kuwanuka na kuvagavila vangi fyeving'ang'a.16Pendikali nding'ang'a lutango ukoya Tesalonike mkanditangile mala chongofu, vala semala imwi.17Se kuva nding'ang'a hilo kwanuka fupo, ila ndikela ndiwone mnemeliwe na Nguluvi kuchumbila kila kyemwihecha kwa lukelo lwenu.18Suwe, ndiwanuke finu fyonda fyemundigaviye, kangi ndi hilo kuchumba fyendisakile kutumila. Ndigehe na kila kinu nondee Epafolodito andiletiye suwe fupo chenu, fupo ichi ndi ngita litambiko lyakumkelesa Nguluvi yeigehe na manung'ililo manofu na iyi nde litambiko lyelikwidikilwa na kumkelesa Nguluvi.19Suwe, Nguluvi vangu kwa umosi vake mkomi kwa kuchumbila Kilisito Yesu, daavagavila finu fyonda fyemung'ang'a.20Nguluvi vetu na Daada vetu, anjumwe figono fyonda ngajila mwiso! Ndakyene.21Ndikuvahungila vanu vonda va Nguluvi vevakali va Kilisito Yesu. Vakolo vevagehe pamwi na nene vakuvahungila.22Vanu vonda va Nguluvi vakuvahungila, hilo vala vanu va Nguluvi vevagehe mukaye lya ng'achale Kaisali.23Ndikumsuka Nguluvi Daada na Mtwa vetu Yesu Kilisito avagavile usanzi vake.
The Word for the World International