Luka18
1Baho, Yesu akavahumulile vachulila vake mufano kwa kuvawulanicha kuva ving'ang'wa kusuka mbepali na vabihile kudumula ng'efu.2Alongile, “Mumwani gumwi kukali na muhiga nongwa, mwene akali seakumwogofya Nguluvi vala seakampulike munu.3Mu mwani ugo, kukali na mdala yumwi mwigane amhelelie yula muhiga nongwa mala cholofu na akisuka ‘Nditange ndipate kyendikela kugavilwa kuhuma kwa mchindwama vangu!’4Kwa figono fyolofu muhiga nongwa yula akalemile kumutanga yula mgane. Ila pambele alongile, ‘Hata ngita nene sendikumwogofya Nguluvi vala sendikuvakela vanu,5ila kwakuva uyu mwigane akunisumbula ndikumgavila kyeikelilwa kugavila, neke abihile kwendelela kila figono kundichosa hilo!’”6Baho Mtwa endelile kulonga, “Mpulikiche alongago huyu muhiga muwofu.7Wuli, Nguluvi seakuvatetela vala vanu yeavahague, yevakumvembela pamie na pamunyi? Wuli, seigita kisatu kuvatanga?8Ndikuvalongela Nguluvi akuvatanga kisatu. Wuli, Mwana va Munu dapeikwacha mu inyi, dakuvawona vanu vevamdikie Nguluvi?”9Baho Yesu kavalongela mufano ugu vala vevikwilola kuva nde vasanzi na kuvabeda vangi.10“Vanu vavili vakang'ie kuhelela mu kaye lya Nguluvi kusuka. Yumwi Mfalisayo, yungi mnyamula usulu.11Mwene Mufalisayo emile, asukile munumbula, ‘Ndikuhongecha veve Nguluvi kwa kuva nene se ngita vanu vangi, vahichi na vagita uwofu na vagoni. Vala nene sendiwana na mwene mnyamula usulu na seidikila.12Nene ndidinda kuliya na kunyuwa figono fivili mu figono saba, ndihecha pono pa kumi lya finu fyonda fyendipatile.’13Ila yula mnyamula usulu, akiva emile kwa utali vala sealolile kuluhano, ila akagundime kwa kusugwima, alongile, ‘Eve Nguluvi, uniwonele lusungu nene munya sambi.’14Baho Yesu akavalongela,” “Uyu mnyamula usulu awuyile pakaye lyake kuno akiva agitilwe msanji pautalo lya Nguluvi kuchumba yula Mfalisayo yungi. Kwakuva munu yeyonda yeakujigita mkomi ivecha mdodo na yeakijigita mdodo ivecha mkomi.”15Kigono kimwi vanu vamsindikie Yesu vana vadodo neke avavikie mawoko na avafunye. Vachulila pevalolile ndena vakavalakilila.16Ila Yesu avakemelie vana vamuhelie akalongile, “Muvaleke vavo vana vache kwa nene, mbihile kuvakanila, kwakuva Ung'achale va Nguluvi ndi va vanu vevali ngita vana havo.17Ndakyene ndikuvalongela, munu yeyonda yeibihila kuwanuka Ung'achale va Nguluvi ngita mwana mdodo, seikwingila pa Ung'achale ng'odo.”18Mkomi yumwi Muyawudi, amuhuchile Yesu, “Muwulanichi mnofu, ndigite liki neke ndiwese kuupata wumi va mbepali?”19Yesu akamhuchile, “Wuli ukunikemela mnofu? Kwihela yeagehe msanji ila Nguluvi weka hela.20Ukugachela malagicho gya Musa, ‘Ubihile kutana ugoni na ubihile kudocha, ubihile kuhicha na ubihile kudeta udesi na vaginye daada vako na maye vako.’”21Munu uyo akamhigile, “Ago gonda ndikagakolele kuhuma muwana vangu.”22Yesu peapulike ago, akamlongie, “Upwemusilwe na kinu kimwi. Uhelele uguche umosi vako wonda, uvagavile vahangala icho sendi, nave wivecha na fupo lyako kuluhano, baho wache ndifwate.”23Ila yula munu peapulike ago, asugwime hilo kwakuva akali mmosi hilo.24Yesu peamwonile isugwima, akalongile, “Ndi ukangafu munu mmosi kwingila mu Ung'achale va Nguluvi!25Ndakyene ndi upefu hilo kwa mung'oko yeikemelwa ngamia kuchumba mukibwenge lya sasiya, kuliko mmosi kwingila mu Ung'achale va Nguluvi.”26Vala vanu pevapulike ago, vakahucha, “Nonde ngita ndi ukangafu, ndi ani yeiwesa kwokolewa?”27Yesu ahigile, “kinu kyesekiwesekine kwa vanu, kwa Nguluvi kiwesekana.”28Baho Peteli akalongile, “Lole nefwe! Tulekile finu fyonda tukufwata veve!”29Yesu akavalongie, “Ndakyene ndikuvalongela, munu yeyonda yealekile kaye lyake awu mdala vake awu vakolo vake awu vasasi vake awu vana vake kwajili lya Ung'achale va Nguluvi,30ikwanuka finu fyolofu mu figono ifi na ikwanuka wumi va mbepali pakigono kyekikwacha.”31Yesu akavategue vala vachulila chumi na vavili, akavalongie, “Mulole! Twihelela ku Yelusalemu na ukoya kila kinu kyekisimbilwe na vavichi va Nguluvi kya Mwana va Munu kihumila.32Kwakuva akusindikwa na kubatwa na vanu se Vayawudi, navo vakumbeda na vakumliga na kumfunyila miti.33Vakumtova ndomondo na kumdocha, ila kigono kya udatu echulubuka.”34Ila vachulila vake sevachelile njowo icho. Vafihilwe mana lya njowo icho, sevachelile kyekilongilwe.35Yesu peafikile pepi na mwani va Yeliko, kukali na munu yumwi yeapofwike meho ekalile pang'asi akisuka.36Munu yula yeabofwike meho, peapulike lipinga lya vanu lichumba akahuchile, “Kuna liki?”37Vala vanu vakamuhigile, “Yesu va Nasaleti echumba.”38Mwene apasile lichwi akilonga, “Yesu, Mwana va Dawudi, niwonele lusungu!”39Vale vanu yevalongue vakamlakila ayigale, ila mwene endelie kubwatika. “Mwana va Dawudi, niwonele lusungu!”40Yesu emile, akavalagiche vamsindike munu uyo kwamwene. Yula yeapofwike meho peafikile pepi, Yesu akamuhuchile,41“Ukela ndikugitile liki?” Mwene akahigile.
“Mtwa, ndikela kulola.”42Yesu akamlongie, kwakuva unidikile, “Nonde lole!”43Bahabaho yula yeapofwike meho akavesa kulola, akamfuatile Yesu akimnjuma Nguluvi. Vanu vonda pevalolile ago navo fifila vamnjuma Nguluvi.
“Mtwa, ndikela kulola.”42Yesu akamlongie, kwakuva unidikile, “Nonde lole!”43Bahabaho yula yeapofwike meho akavesa kulola, akamfuatile Yesu akimnjuma Nguluvi. Vanu vonda pevalolile ago navo fifila vamnjuma Nguluvi.
The Word for the World International