Luka19
1Yesu ingie mwani va Yeliko, akichumba mu ng'asi cha mwani ugo.2Mu mwani wula kukali na munu yumwi litawa lyake Sakayo, mkomi va vanyamula usulu na akali agehe na finu fyolofu.3Mwene akali ekela kumlola Yesu agehe wuli, ila seawesile kwakuva lipinga lya vanu likali likomi na mwene ali kanduli.4Ifyo akanyilile kutalo lya lila lipinga, akang'ie pakyanya lya libiki lya likuyu neke avese kumlola Yesu, kwakuva Yesu akali ichumba mu ng'asi yila.5Suwe Yesu peafikile pono pala alolile pakyanya, akamlongie, “Sakayo, ukwike kisatu, kwakuva nditakilwa ndihuwe pakaye lyako.”6Ifyo Sakayo ekile kisatu, akamwanuke Yesu mukaye lyake kwa lukeduko.7Vanu vonda pevalolile ago, vavangile kung'ong'oleka vakilonga, “Ahele kuva mgenji kwa munu munya sambi.”8Ila Sakayo emile, akamlongie Yesu, “Lole, Mtwa! Nene ndikuvagavila vahangala nusu lya finu fyangu, ngita ndimnyagile munu yeyonda kinu, ndikumuwuyisila mala chitai.”9Yesu akamlongie, “Neng'uli ukombosi ufikile mukaye iyi, kwa fila uyu nave, ndi ulelo va Ibulahimu10Kwakuva Mwana va Munu achile kuvasaka na kuvawokola vanu yevayagile.”11Vanu vevakali vakumpulikicha Yesu, vakati ugo vakali pepi na kufikila ku Yelusalemu na vanu vala vahochiole lya kuva Ung'achale va Nguluvi wikwacha saa yiyila. Akavalongie mfano ugu,12“Kukali na munu yumwi va ukolo va kiung'achale yeagitile lugendo kuhelela inyi lya kutali neke agitwe kuva ng'achale, baho awuye.13Ifyo peakali have kuhega, akavakemelie vachulila vake kumi, akavagavie sendi cholofu na kuvalongela, ‘Muve mwigula finu na kugucha finu mbaka pendiwuya.’14Ila vanu va inyi lyake vakali vakumvipila, vakavalagiche vananzi kuhele kwa vanu vala vakavalongie, ‘Setukumukela munu uyu aveche ng'achale vetu.’15“Ila munu yula akagavilwe ung'achale na kuwuya kukaye lyake. Bahobaho akavakemela vachulila vake yevakali avagavie sendi, neke achele kyevapatile.16Mnyigedwa va kwanja akaachile, akalongie, ‘Mtwa, filundo fya sendi fyeukanilekie fiwongeleke filundo fingi chumi.’17Yula mtwa akamuhigile, ‘Ugitile unofu mchulila msanji! Kwakuva uvechile mwadikila pa njowo ndodo, wivecha na umwimike mumwani chumi!’18Na va uvili akaachile akamlongie ‘Mtwa, kihundo kya sendi kyako kyeundilekie chiwongelekile filundo fihano.’19Na mwene akamlongie, ‘Na veve wivecha mkomi va mwani mihanu.’20“Baho mnyigendwa yungi akaachile, alongile, ‘Mtwa tegule kihundo kya sendi lyako, ndikahopile unofu mulupembo neke ibihile kuyaga,21Ndikakuwogofye kwakuva veve nde munu mkangafu, witegula finu fyeseuvivikile na wibene fyeseuvyalile.’22Na mtwa vake akamlongie, ‘Eve mchulila mwafu! Ndikuhiga nongwa kwa kila kyeulongile, uchelile kuva nene ndi munu mkangafu, nditegula finu se fyanene na ndibena fila fyesendivyalile.23Wuli, seukavikile kihondo kya sendi lyangu kwa vanu yeviyasimisa sendi na pendiwuya ndianuke kuno iwongelike?’24Baho akavalongie vevaimile bahala, ‘Mnyageni iyo kihondo kya sendi, mkampele yula yeapatile filundo kumi.’25Navo vakamlongie, ‘Mtwa, agehe na fwayida lya sendi kumi!’26Mwene akavahiga, ‘Ndikuvalongela kuva kila yeagehe na kinu iwongelechewa, ila mwene yeihela kinu, hata kila kyeinakyo nakyo inyagwa.27Nonde, vala vachindwama vangu yevikana nene kuvecha ng'achale vawo, muvalete baha, mukavadoche kuno nene pendikuvalola.’”28Yesu peamalile kulonga ago, akavalongola kuhelela ku Yelusalemu.29Peali pepi na kufika mufijiji fya Betifage na kijiji kya Betania, pepi na kidunda kyekimemile mibiki gya Miseituni, avalagiche vachulila vake vavili,30akavalongie, “Muhelele pa kijiji kyemkiwona. Pemwikwingila mu kijijini ikyo, mukumulola Mwana lipunda awopilwe seakang'aliwe na munu yeyonda, mumdindule na mumlete baha.Mwana va punda31Munu akuvahucha wuli mkumuwopola, mlongieni, ‘Mtwa akumusaka.’”32Suwe, vakahele vakawene kila kinu ngita fila Yesu peakali avalongie.33Pevali vakumuwopola yula mwana punda, mtwa munya punda akavahuchile, “Wuli, mkumuwopola mwana punda uyu?”34Vachulila vake vamuhigile, “Mtwa akumusaka.”35Suwe, vakamsindikie Yesu yula mwana punda, vakatandandasile myenda gyawo pamgongo lya punda, vachulila vake vakamtangile kukang'ala pakyanya lyake.36Yesu peali ikwendelela na lugendo, vanu vandandasile myenda gyawo mung'asi.37Peafikile pepi na Yelusalemu, pa ligema va kidunda kya Miseituni, lipinga likomi lya vanu na vachulila vake vavagile luhekelelo na kumnjuma Nguluvi kwa gala umanyitu gevawonile.38Vakali velonga, “Afunywe Ng'achale yelagichwe na Mtwa Nguluvi atavale. Ulutengamaso kuluhano, ukomi pakyanya ku kuluhano!”39Vamonga va Vafalisayo vakali pa lila lipinga lya vanu vakamlongie Yesu, “Mvawulanichi, valongele vachulila vako vayigale.”40Yesu akamuhigile, “Ndikuvalongela, ngita hava davachika, maganga aga gibwatuka.”41Yesu peali pepi na mwani va Yelusalemu na pevawonile akavavembilie,42akalongie, vanu va mwani ugu, “Ndikali ndisaka hata neng'uli muchele njowo chakugita neke muveche ulutengamaso, ila nonde gafihilwe semwiwesa kuilola ulutengamaso.43Kwakuva figono dafikwacha, vachindwama vako vakuchengela lukanji mnofu davakuchungutila mwani vako vonda, baho nde vakukusambulia kuhuma lubali chonda.44Vakukinyanga veve pamwi na vana vako mugati lya lukanji chako, sevakulileka hata liganga limwi pakyanya lya lingi, kwakuva seukachelile chipindi kwa Nguluvi peachile kukowokola.”45Baho Yesu akaingie mulidamo pa Kaye lya Nguluvi, akavagile kuvadaga kwivala vala vevakali vevigucha finu,46akavalongie, “Nguluvi akalongile mu masimbo, ‘Kaye lyangu ivecha Kaye lya kufunyila.’ Ila nyenye muigitile kuva manga lya vahichi.”47Kila figono Yesu akali iwulanicha pa Kaye lya Nguluvi. Vatekechi vakomi na vawulanichi va malagicho na vilongosi va vanu vasakile kumdocha,48ila vesapatile ng'asi lya kumdochela, kwakuva vanu vonda vakali vakumpulikicha.
The Word for the World International