1 Vatesalonike4
1Nondee vakololo vangu, mwiwulaniche kuhuma kwa nefwe pemng'ang'wa kwikala neke mumkelese Nguluvi. Ndakyene mvechile mukwikala ndeni. Nondee tukuvasuka kwa litawa lya Mtwa Yesu mugine kugita manofu.2Kwakuva mukugachele gala malagicho getukavagaviye kwa umwimike lya Mtwa Yesu.3Nguluvi ekung'ang'a nyenye muveche mwidikilwe pautalo lyake na muleke ugoni.4Kila munu achele kutavala muvili vake yumwene kwa ung'alile na uginyange,5na mbihile kwikala kwa ludoboko luhafu ngita vanu sevakumchela Nguluvi.6Kwa njowo iyi munu yeyonda abihile kumgitila nogwa lukololo vake vala kumchanga. Ngita petukavalakalile kuva, Mtwa dakuvahiga nogwa vevigita njowo icho.7Kwakuva Nguluvi seakatukemeliye twikale mu ugoni, ila tukale kwa kumkelesa Mwene.8Nondee, munu yeyonda yeakugabeda mawulanicho aga seakumbeda munu, ila akumbeda Nguluvi yumwene yeakuvagavila Muhe vake.9Nondee, setung'ang'wa kangi kuvasimbila nyenye njowo cha kuvakela lukololo venu vevadikiye. Nyenye muwulanichwe na Nguluvi yumwene pemng'ang'wa kukelana.10Muveche mukivagitila ndena vakololo vetu vonda vevadikiye kila pono ukoya Mekadoniya. Ndeni vakololo vangu, tukuvasuka mugite ndeni hilo.11Muveche vanu va kwikala kwa lutengamaso, kila munu agite njowo chake yumwene na agita kasi kwa miwoko gyake yumwene ngita petuvalongiye pamwandi.12Baho muvecha mwonise magito manofu kwa vala sevamdikiye Kilisito, kangi semuvecha vanu va kumuhuvila munu yeyonda.13Vakololo vetu, twikela mchele undakyene va vala vevafuwe, neke mbihile kusugwima ngita vanu vangi vevihela uhuvilo.14Nefwe, twichela kuva Yesu afuwe, kangi akachulubuke na ndeni nefwe twikwidikila kuva Nguluvi akuvaleta pamwi na Yesu vala vonda vevafuwe kuno vadikiye.15Aga gyetukuvalongiya ndi mawulanicho gya Mtwa, kuva nefwe vetugehe uwumi vetuvecha tusigaliye chipindi Mtwa peikwacha, ndakyene setukuvalongola vala vevakali vafuwe.16Kwakuva Mtwa yumwene akwika kuhuma kuluhano na umwimike mkomi na lichwi lya ndumindumi va Nguluvi mkomi yapulika, ata lichwi lya lipembe lya Nguluvi lipulikika. Ndeni vala vevafuwe kuno vakimdikila Kilisito vekwika tandi.17Baho nefwe vetugehe uwumi chipindi icho twikong'aswa pamwi navo mulifunde kutang'ana na Mtwa kuluhano. Ndena tuvecha tukwikala pamwi na Mtwa figono fyonda.18Nondee muveche mwinamachana kwa machowo icho.
The Word for the World International