1 Vatesalonike5
1Vakololo vangu, setuvesa kuvasimbila nyenye, chipindi na muda va kuwuya kwa Mtwa.2Kwakuva nyenye mwichela kwa undakyene kigono kya kuwuya kwa Mtwa kikwacha ngita muhichi peikwacha pamiye.3Vanu pevivecha vilonga, “Tugehe na lutengamaso, kangi kugehe unofu,” Chipindi icho nde uhanangifu peukuvachiya bahobaho! Njowo icho chihumila bahobaho ngita uvafi weukumpata maye chipindi kya kubaba, vala vanu davayepa hamu.4Ila nyenye lukololo vangu, semgehe mukisi na kigono ikyo sekikuvachila bahobaho ngita peikwacha muhichi.5Nyenye vonda ndi vanu yemwikwikala mu welu, vanu va pamunyi. Nefwe se vanu va pamiye, vala se vanu va kisi.6Ndena, tubihile kugona tulo ngita vanu vangi, tung'ang'wa tuveche meho na twiyandalise.7Kwakuva vevigona vigona pamiye na vagala vigala pamiye.8Ila nefwe ndi vanu va pamunyi tung'ang'wa twiyandalise kwa kufwala udikilo na lukelo ngita mwenda va kyuma va kwidimila pakihafu na tuveche na luhuvilo lwa ulowa lwetu litudime ngita kofila lya fita.9Kwakuva Nguluvi seakatuhanguwe neke tudochwe kwa luvipo lwake, ila Nguluvi akatuhaguwe tuveche na ulowa mu Mtwa vetu Yesu Kilisito,10yeafuwe kwajili lyetu, neke twikale pamwi na mwene, petugehe uwumi awu petufuwa.11Ndena, mwinamache na kwitanga mwavene, ngita pemgita nondee.12Vakololo vetu, tukuvasuka muvaginye vala vevigita kasi mugati lyenu, vala vevakuvalongocha na kuvawulanicha namuna lya kwikala kwa kumdikila Kilisito.13Muvaginye hilo na kuvakela kwakuva lya kasi yevigita. Muveche na lutengamaso pagati penu.14Vakololo vetu tukuvalongela muvakane vanu vevagehe vagata, muvanamache vanu vevatwinwike, muvatange vanu vasosuvafu, muveche na luhuvilo kwa vanu vonda.15Mulole unofu munu yeyonda abihile kumpilusila muyage mawofu. Ila figono fyonda mwigitile usanzi nyenye kwa nyenye na kwa vanu vonda.16Mukeduke figono fyonda,17mlumbe chipindi chonda,18mhongeche Nguluvi kwa fyonda, kwakuva ago nde ekela muveche mukigagita kwa Yesu Kilisito.19Mbihile kumkanila Muhe va Nguluvi,20mbihile kubeda uvichi va Nguluvi,21ila mugeche finu fyonda, mukolele chechigehe unofu,22na muveche patali na unjanangifu vonda.23Nguluvi yumwene yeakutugavila lutengamaso, avadikiye vanu voda. Achilolele numbula chenu na kwikala kwa nyenye na mivili gyenu na finu fyonda vivikwe ngajila nongwa mpaka chipindi cha kwacha Mtwa vetu Yesu Kilisito.24Nguluvi yeavakemeliye nyenye dakuvagitila aga. Kwakuva mwene ndi va undakyene.25Vakololo vangu, mulumbile na nefwe.26Muvahungile vakololo vonda kwa luhungilo lwa lukelo.27Ndikuvasuka kwa litawa lya Mtwa muvakwimbile baluwa iyi vakololo vetu vonda.28Tukuvang'ang'ila usangi va Mtwa vetu Yesu Kilisito.
The Word for the World International