1 Vatesalonike3
1Pambele tukalemwile kuchindila hilo. Suwe, tukalamuwe tusigale ukoya Atene weka hela,2na kumlagicha kwa nyenye lukololo vetu Timotewo, mnyigedwa muyetu kuva dalikila Njowo Nofu cha Kilisito, ache kuvagangamicha na kuvatanga muwidikilo venu,3tukagitile ndena, neke munu yeyonda abihile kulemwa kwakuva lya magudo aga. Nyenye mwichela kuva tung'ang'wa kupatila magudo.4Ndakyene petukali pamwi na nyenye, tukali tukuvalongela kuva tugudiswa, ngita pemchela, ndeni peituhumiye.5Ndena ndikalamuwe kumlagicha Timotewo kwa nyenye. Sendawesile kuhuvilila hilo, ndena ndikamlagiche neke ndipate njowo cha kwidikila kwa nyenye. Ndaogwipe na ndikahochile kuva kwa ng'asi tunga yula Setani avagechile na kuvagwisa na kasi yonda yetukagitele mugati lyenu iyagile hela!6Timotewo awuyile, atugaviye njowo cha kukedusa pakyanya lya kwidikila na usanzi venu. Atulongiye kuva kila kigono mkutukwiwuka kwa lukeduko, kangi mwidoboka kutulola nefwe, ngita ndeni nefwe petudoboka kuvalola nyenye.7Nodee, lukololo vangu, njowo cha kwidikila kwa nyenye, chitunamachile muutatala na mumagudo gyetu gyonda,8Kwakuva nondee tukwikala mu undakyene petukuvalola nyenye mugangamala kwakuva pamwi na Mtwa.9Twiwesa kumhongecha Nguluvi kwajili lyenu. Kwakuva tugehe na lukeduko hilo pautalo lya Nguluvi kwajili lya nyenye.10Tugina kumsuka Nguluvi pamiye na mamunyi kwa numbula chenu chonda neke atutage twache kangi kwa nyenye tuvahogechele kyekipwemusilwe muudikilo venu.11Tukumulumba Nguluvi yeagehe Daada vetu na Mtwa vetu Yesu, aveche pamwi na nefwe petukwacha kwa nyenye.12Mtwa avatange nyenye mukelane hilo na kuvakela vanu vonda, ngita nefwe petukuvakela nyenye.13Kangi tukumsuka Nguluvi avagangamaliche numbula chenu, neke muveche vanu vemdikilwe pautalo lya Nguluvi Daada vetu, chipindi Mtwa Yesu daikwacha pamwi na vanu vake vevadikilwe pautalo lya Nguluvi.
The Word for the World International