Issayaasikaa Raaga42
Duuchchi Woddike Goottika Erganjo
1«Ani kiphe abideennek fi'leennekinnaiso'ni gammadaanneki anke erganji kunnise;Hafuura anka isi'a uwwennen;isi gosa gosake ardi duuchchi'a dhugaat muraan.2Cance haaso'abaan;yookaan ora me'ammakiir laqaashsha hafuura ifika gikki assabaan;3Filiinxe shonbooqiinxa midde xe'e asse enqabaan;jululli hiyyeeka xassanna xolsabaan;dhugaatixxi murte addatend hujendaashsha assaan.4Buttate'n dhugaa hujendaashsha assaa qico'n;Isi gophabaan; iso uurrisaakinna hedhebaan;giddichchuwwa seera isika addataan.»5Iimuwwa dadeexxi kasakenaa'n kasiin qico'n dhiseek,Buttatanna ise giddo hedhachcho duuchcha dadeek,hedhotanna hafuura uwweeki,Duuchchi Woddiki Gootti Mageni hiyya'nee qici:6«Ani Duuchchi Woddiki Gootti qullummati atee ye'eennen;anga atixxa abide atee heqqannon;Ardi duuchchi'a ati darre'ni kakateennengosa gosake arda'a ati darree'ni ifa iyyedagannon.7Tennexxee balla'uwwa ille bandatton;dukkana bale giddo usuremeemmakaara fulchitatton.8«Ani Duuchchi Woddike Goottan; summi ankinna konenden.Ulfinna anka welekee;galata ankanna fakkuwwatee uwwabe'non9Kunnise edise ani haaso'ennexxi yaanuwwa duuchcha muuxendeen;Ta'anna edi'aanna kaddaaxxe haarooxxe yaanuwwaxxee,ise kaddeebaa edi darre haaso'aannen.»Galatiinxa Faaro
10Abbaayyati hana me'itinaakinna galaanuwwi qarqaranna,oddooluwwi giddo hexxineeki duuchchiDuuchchi Woddike Gootti'a haarooxxa faaro faarse!Buttatik ardi duuchchinna galatiinxa faaro faarse!11Qiilla gammoojjenna gammoojjek qachchuwwi,iittanni Qeedariki arduwwi hedha'neeki olla'i hafuura gikki assowwaal;Sela'ike qachchi giddo hedha'neeki manni gammashshoti faarsowwaal;koobuwwatixxe xungo'n ililinsowwaal.12Insa'nenna Duuchchi Woddika Gootta ulfessinowwaal;galaanike manna'ninna galata isika lassinowwaal.13Duuchchi Woddiki Gootti janniinsha fulaan;qonqo qeerriseexxi duulokee lallabaan;naphuwwa isikanna injifataan.Duuchchi Woddiki Gootti Arda Ifika Gargaaratee Uwweexxa Addachchiisa
14«Qeerraaxxe yanna'a osseennen sammi hiyyenne,ca'li hiyyenne ifi abide turennen;Ta'a kinni cinfattexxe meyyaxxe manjoshsha aadannen;aare hafuura qucci hiyyennen15Koobuwwatanna tullichchuwwa balleessannon;itti hana lateechcho duuchcha bassannon;wode'uwwakanna bago buttinna hiissannon;baleessuwwakanna basse xo'o assannon.16Balla'uwwi me'e egennebaaka ora'n akeekannonedo ege'nebaak ora insa'nee iyyedagannon;insa'ne edo dukkanna ifake assannon;Bobboqichcha boga dirrete assannon.Tinni yaane duuchchi ani muuxannoxxen;insa'nee waalabo'non.17Adibaaruwwa addetemisluwwa, ‹Ha'noo magenuwwa no'okeni› hiyyaakiri salphataan.»Edike Dedhinaa'n Isira'eelixxa Jiila Gopha
18«Ha'no mansha duudde'eki caqasse!Ha'no balla'uwwikinna hubatte uudde!19Anke erganjishsha balla'i ayyete?Erga'enneke anka erganjishsha mansha duudeeki ayyete?Ani'a xuurameessake kadeeke manjishsha balla'i ayyete?Yookaan Duuchchi Woddike Goottike erganjishsha balla'i ayyete?20Koo sira'eel! Lumoxxa yaane uudeetten;yaane kinn galchexxebexxon;mansha laqqaanxe affeeten; yaane kinni ati laqqabexxon.»21Duuchchi Woddiki Gootti qullumma ifixxee hiyyeexxiseera ifika lumokanna ulfaateke assate'n gammade.22Ardi kunni saamememeekenna mulqemeeken;wolo'o giddo fonxoreme'eeken;usuriinke mine'ni leellabaashhsa cufeme'eekensaamemme'eeken;Ayyinna insa'nee anjiraak hedhebaan;Boji'emeedheen«Insa'ne ille iima hiisse» hiyyaaki hedhebaan.23Ha'no giddii'n tennee dho'o hiyye laqeexxidaggaaxxe yannexxee qalbeeffachchoti caqasaaki ayyete?24Isira'eelika arda saamateeIisira'eeli'i booji'ote sa'isse uwweek ayyete?Cubbo hunje balleessinennekDuuchchi Woddike Goottabaa?ora isika hordofateeseera isikenna ajajema gonphennaxxeeten.25Tennexxee giiratishsha bubba'neexxa ifixxa mufe,lolaase bagedo insa'ne'n dune.Giiratik bubenjinni insa'nee buqe.Insa'ne kinni tenne qalbeefantebaan,giiratinna insa'nee gubbeen; insa'ne kinni qaabbantebaan.The Word for the World International