EBELEO4
1Buna Nzambi wutusiila nsilulu ti twaakota mu kuhuma ku katukubikila. Ni hahoho, tukebeeno kweto mwanki nakani muntu ha kati dyeno kalembakanandi mu kota.2Mu dyambu ti tutambula mpova zi Nzambi, bonso bu yuwila zo yobobo baba ku nsi yi nkatu. Kansi, bu bayuwa zo, babakila zo ndandu ko, mu dyambu ti bantu batambula zo mu kiminu ko.3Yeto tuna kwikila, twaakota mu kuhuma bekoko Nzambi ku kateela ti:«Mu mankesi mani nadya ndefi eyi:balendi kota mu kuhuma kwani ku nabakubikila ko !»Wakateedi, mpeleko kisalu kyandi kimanisa tuka bu kahidika nza.4Mu dyambu ti wudi wusonama mu buuku di Nzambi mu myo mitadidi kilumbu kinsambwadi ti: «Mu kilumbu kinsambwadi, Nzambi wuhuma mu kisalu kyandi kimvimba kye hidika bima.»5Wusonama mpe mu kibuku kitekidi ti: «Bakota nakani mu kuhuma kwani ku nabakubikila ko. »6Bantu bebobo baba bantete mu yuwa mpova zi Nzambi, bakota ko mu kuhuma bekoko, mu dyambu ti babisa mu tumama. Ni hahoho, bantu bahiika bakidi dyaka na hwahwa mu kota momo.7Ni hahoho, Nzambi kazengila dyaka kilumbu kimosi ki kana tumisina ti «bubedidi». Wakazonzila tuka ntama mu munwa wu Davidi mu kibuku kitekidi ti:«Bubedidi, tala ti luyuwidi ndinga yi Nzambi,lukangandi mitima myeno ko. »8Kedika tala ti Yoswa wutwadisa mukangu wu Isaeli mu kuhuma bekoko , nganunu Nzambi kazonzila dyaka kilumbu kihiika ko.9Bwabobo mpe kuhuma kufwanakani na kuhuma ku kilumbu kinsambwadi Nzambi ku kahaana ku mukangu.10Mu dyambu ti yondowo kwe kotanga mu kuhuma ku Nzambi, kwe bikanga mu sala kisalu kyandi mwanki kahuma, bonso Nzambi bu kahumina mu kisalu kyandi.11Bwabu tuseeno ngolo mu kota mu kuhuma bekoko, mwanki nakani muntu kalembolo bwa, bonso bu bwila bantu bebobo babisa mu tumimina Nzambi.12Wukedika ti Mambu ma Nzambi moyo na ngolo madi. Mavudidi meeno kuhyoka mbele yiyila yilwenga, yii na meeno mu ndambu ka ndambu. Mambu ma Nzambi makwe kotanga natee bu mahambula mwela na mpeve, makolo ma bihisi na muhuba. Kwe yenikisanga nsatu na mabanza maa ku nsye mutima wu muntu.13Mu bimvimba bihidika Nzambi, kunaani kima kilendi swama ha meso mandi. Bimvimba bikwe yenikanga ha meso mandi, mpe ku yandi twaahaana mvutu mu mimvimba mi tukwe sanga.
Yesu Mfumu Nganga-Nzambi eto kadi
14Mu dyambu ti, tudi na Mfumu Nganga-Nzambi yimosi yikota ku mazulu natee ku Nzambi, ni Yesu, Mwana-Nzambi. Ni hahoho, tukangameeno nakekete mu kiminu ki tuna samuna.15Ninga, Mfumu Nganga-Nzambi yii neto, yikwe yenanga mpasi ha kimosi neto. Yandi bamutonta mu mimvimba bonso bu bana tutontila yeto mpe. Kansi, kasumuka ko.16Bwabu, tufinameeno na kivuvu kimvimba ku kyandu ki kintinu ki Nzambi, yandi kwe lonkanga ku bantu mambote mandi. Mbo katufwila nkenda na mbo katulonka mulemvo andi, mwanki katusadisa mu ntangu yi fwanakani.Wycliffe Bible Translators, Inc.