EBELEO3
Yesu na Mose
1Zimpangi, yeno luvwihulu ku Nzambi, lutambula mbokolo yifuma ku mazulu. Tadiseeno bwabu ku Yesu wudi Ntumwa na Mfumu Nganga-Nzambi yi kiminu kyeto ki tuna kwe samuni.2Wuba wukwikama ha ntadisi yi Nzambi wumusoola, bonso Mose bu kaba wukwikama mu nzo yimvimba yi Nzambi.3Kansi, Yesu fweti kemboso kuhyoka Mose, mu dyambu ti kitungi kwe zitusungu kuhyoka nzo yi katungidi.4Kadi nzo, kuu na muntu wutunga yo. Kansi yondowo wuhidika bima bimvimba, ni Nzambi.5Mose wuba muntu wukwikama mu nzo yimvimba yi Nzambi, mpe wuba mbangi mu mpova Nzambi zi kakana mu ta.6Kansi Klisto wukwikama kadi, bonso Mwana Tata andi wu kaheeni nzo andi mu yaala. Mpe nzo andi ni yeto, tala ti tuu na kibakala, na tuna sa kivuvu mu mpova zina tuyangidika.Kuhuma kusila Nzambi nsilulu
7Ni hahoho, Mpeve Yilongo kateela ti:«Bubedidi, tala ti luyudi ndinga yi Nzambi,8lukangandi mitima myeno ko, bonso zinkaka zeno bu zimunangumukina mu ntangu yi ntontolo ku nsi yinkatu.9Kokoko ku ntonta na ku nsokotina zinkaka zeno, mpeleko ziyena bimangu bi nahidika10mu mvula makumaya.Ni hahoho, nafwemina mbandu beyoyo, mpe nina ta ti:“Bika mayindu mawu matatamana mu ba mazimbala,mu dyambu ti yawu babakula nzila zani ko.”11Ku nsye mankesi mani, ni nadya ndefi ti:Baakota kani fyoti ko mu nsi yi nabakubikila mwanki bahuma!» 12Zimpangi kebeeno kweno, nakani muntu ha kati dyeno, kabandi na mutima wumbi ko, kabisandi mu kwikila, mpe wuna sa ti kateka Nzambi yimoyo manima.13Kansi syamasaneeno yeno na yeno kadi kilumbu ki bakwe tumisinanga ti «bubedidi», mwanki nakani muntu ha kati dyeno kabandi na mutima ngolo, na kakotandi mu mpukumunu zi masumu.14Mu dyambu ti tuhikidi kintwadi na Klisto, tala ti tukangamani nakekete natee ku nsukunu, mu kivuvu kyeto kintete ki tubaka tuka ku mbadukulu.15Bonso bu wudi wusonama ti:«Bubedidi, tala ti luyudi ndinga yi Nzambi,lukangandi mitima myeno ko,bonso zinkaka zeno bu zimunangumukina. »16Yobobo banani badi bayuwa ndinga yi Nzambi na bamunangumukina e? Ni bantu bebobo bamvimba baduukisa Mose ku nsi yi Ngipiti.17Ba nani Nzambi kafwemina mu mvula makumaya e? Wufwemina yobobo basumuka na bafwa mu nsi yinkatu.18Ku ba nani Nzambi kadila ndefi ti: «Balendi kota mu nsi yi kabakubikila mu huma ko e?» Ni ku yobobo bamunangumukina. 19Mpe tubakudi ti balenda mu kota mu nsi yi babakubikila ko mu bahumisa, mu dyambu ti babisa mu kwikila.Wycliffe Bible Translators, Inc.