EBELEO5
1Kadi mfumu nganga-Nzambi, ha kati di bantu bakwe mu soodilanga. Mpe kisalu kyandi ni mu sadila Nzambi mu dyambu dyawu. Yandi kwe haananga ku Nzambi makabu na minkayulu mu dyambu di masumu ma bantu.2Lendi fwila nkenda bantu bebobo bazimbakani nzila na yobobo baa ku nsye bunzimbu, mu dyambu ti yandi bende, muntu kwandi kadi wulenda lebakana.3Mu dyambu ti wulebakana kadi yandi bende, fweti haananga minkayulu, ka mu dyambu di masumu ma bantu kaka ko, kansi na ma yandi bende mpe.4Kunaani muntu wulendi kihaana nzitusu mu ba mfumu nganga-Nzambi. Kansi, fweti teka tambula mbokolo yi Nzambi, bonso bu kasa ku Aloni.5Klisto mpe ka kizangula yandi bende ko mu ba mfumu nganga-Nzambi. Kansi ni Nzambi wumuteela ti:Ngeye Mwana ani wudi,Bubedidi neka Tata aku.6Mpe wubwesa ta dyaka ti:«Weka Nganga-Nzambi mimvu ka mimvu,mu mulonga wu Melekisedeki.»7Mu luzingu lwandi lumvimba ha luse lu butoto, Yesu wedi sambilanga na wedi bombidilanga mu ndinga yingolo na manswela mu meso, ku Nzambi wulenda muvuukisa mu lufwa. Mpe Nzambi wumuyuwila mu dyambu di luyinunu lwandi.8Mpeleko wuba Mwana-Nzambi, kansi wulongoka lutumumu mu mpasi zandi.9Yesu bu kayiza ba wulunga, wukituka nto yi mpulusu yi mimvu ka mimvu ku bantu bebobo bamvimba bakwe mutumiminanga.10Kadi Nzambi wumutumisina Mfumu Nganga-Nzambi mu mulonga wu Melekisedeki.
Kutambula bindya bizita
11Mimingi mye ta mii neto mu musamu bewuwu, kansi mpasi mu luhaanina myo mbangudulu, mu dyambu ti luhikidi na lebakani mu bakula.12Ntangu zizingi luhyokisa mwanki luba milongisi, kansi lwakidi dyaka na nsatu balulonga misamu mintete mi mambu ma Nzambi. Lwakidi dyaka na nsatu ye nwa mamvumina, kansi ka bindya bizita ko.13Yondowo kwe nwanga kaka mamvumina, wakidi mwa mwana wunsombe, mpe kadi wulongoka mu misamu mitadidi lunungu ko.14Kansi bindya bizita, bantu bakula bakwe dyanga byo, yawu mu nsadulu awu, badi na mpisulu mu swasisa misamu mimbote na mimbi.Wycliffe Bible Translators, Inc.