EBELEO13
Nkadulu yikwe yangidikanga Nzambi
1Tatamaneeno mu zolasana yeno na yeno bonso zimpangi.2Luzimbakanandi kifu kye tambulanga zinzenza ko. Mu dyambu ti, bantu basadila kifu bekyokyo, batambula wulembolo zaba zimbazi zi Nzambi.3Bambukileeno moyo bantu baa mu boloko, bonso ti mu boloko ludi nawu ha kimosi. Bambukileeno moyo bantu ba bana kwamisa, mu dyambu ti yeno mpe nitu yii neno.4Bika bantu bamvimba bavumina makwela mpe mbuka yi makwela yifweti ba yilembolo safuka, mu dyambu ti Nzambi waafundisa bantu bakwe sadilanga kindumba na kinsuza.5Nzodi yi mbongo ka yiyaalandi nkadulu eno ko, sadileeno kwa zozozo zii neno, mu dyambu Nzambi yandi bende wuta ti: «Naakusisa ko, mpe naakuyambula ko. »6Ni hahoho tulendi ta na kibakala kimvimba ti:«Mfumu ni Munsadisi ani,Naayena bunkuta ko,muntu nki kalendi nsa e ?»7Bambukeeno moyo mu mintwadisi myeno mi lusamunina Mambu ma Nzambi, yinduleeno bwedi bubeela nkadulu awu na bwedi bubeela nsukunu awu, mpe landeeno kiminu kyawu.8Yesu-Klisto wudi wumosi mazono, bubedidi, mpe mimvu ka mimvu.9Lubikandi ba luhuna mu ndongosolo zinzenza zimumpila-mumpila ko. Mu dyambu ti, mutima wufweti baka ngolo mu mulemvo wu Nzambi, kansi ka mu bindya ko. Yobobo bakwe vuminanga misiku bemyomyo mi bindya, babakilanga myo ndandu ko.10Zinganga-Nzambi zikwe salanga mu kati di kihinga kilongo ki Bayudayo, baa na luve mu dya bima bi baheeni munkayulu ha yulu kuku dyeto dye yokila minkayulu ko.11Mfumu nganga-Nzambi yi Bayudayo kwe natanga menga ma bibulu mu kati di kihinga kihyokidi kilongo, mwanki kahaana mo bonso munkayulu mu dyambu di ndemvokolo yi masumu. Kansi, mbizi zi bibulu bebyobyo, ku mbazi yi mbanza bakwe ze yokilanga. 12Ni hahoho mpe Yesu kafwila ku mbazi yi mbanza, mwanki kavedisa bantu mu menga mandi.13Yeto mpe bwabu, twendeeno ku yandi ku mbazi yi mbanza, mpe tutambuleeno mvwezolo bonso yandi.14Mu dyambu ti, tuu na mbanza yi mimvu ka mimvu ha luse lu butoto ko, kansi tuna kwe sosi mbanza yo yina kwiza kuntwala.15Mu Yesu, tutatamaneeno mu haananga ku Nzambi munkayulu wu matondo, mpila mosi ti mpova zi munwa zina kembila nkumbu andi.16Lwakazimbakana mu hidikanga misamu mimbote na mu salasananga yeno na yeno mu kimpangi, mu dyambu ti myo midi minkayulu mikwe yangidikanga Nzambi.17Tumimineeno mintwadisi myeno na beeno bantu baluyinunu ku yawu. Mu dyambu ti yawu bana kaya meso ntangu zimvimba mu myela myeno, kadi yawu baayala mpolo ku Nzambi mu dyambu dyeno. Basadiseeno batoma sala kisalu kyawu mu kyese, kansi ka mu manyongo ko, nganunu lwaabakila kyo ndandu ko.18Tusambidileeno! Tuzebi ti mabanza mambote maa neto, mu dyambu ti tutiidi kadi ntangu, tudyatila mu nkadulu yimbote.19Nina lulomba lusambila, mwanki Nzambi kampaana hwahwa dye vutukila munswalu ku yeno.Lusambulu
20Bika Nzambi yi kiyenge, yifulukisa Mfumu eto Yesu mu bafwa, yandi wudi munkengi wuwunene wu mameme, wutunga mu menga mandi luwawanu lu mimvu ka mimvu,21kaluhaana lulendo lwe hidikila misamu mimvimba mimbote, mu sadila luzolo lwandi. Kalungisa ha kati dyeto myo mina muyangidika, mu nkumbu Yesu-Klisto, fwanakani mu tambula nkembo yi mimvu ka mimvu. Ameni!Mbote zimansukina
22Zimpangi, nina lulomba luvibidila mu yuwa mpova bezizi zi nsyamusunu, mu dyambu ti mukanda wuwukufi kwandi nalusonikini.23Zabeeno ti mpangi eto Timote wubeki kimpwanza. Kamana tula mu ntangu yimbote, naakwiza luyena ha kimosi nandi.24Haaneeno mbote ku mintwadisi myeno mimvimba na ku yobobo bamvimba bavwihulu ku Nzambi. Zimpangi zii ku nsi yi Itali, balutambikidi mpe mbote.25Bika lusakumunu lu Nzambi luba mu yeno bamvimba!Wycliffe Bible Translators, Inc.